həyatın nə qədər gözəl olduğunun anlaşıldığı anlar

son zəng günüm hər şey tərs gedirdi,dərzi paltarımı istədiyim kimi tikməmişdi,saçımı yana ayırmışdım (normalda ortadan ayırıram ama həmin gün uklatkanı pis eləmişdilər deyə ortadan çox anormal görünürdü) deyə özümü narahat hiss edirdim,başımdaki çələngi də yaxşı bərkitməmişdilər dəqiqəbaşı düzəltmək məcburiyyətində qalırdım.yəni səhər məktəbdə tədbirin başlamasını gözlədiyim 1 saat boyunca təkcə bugünün bitməyini diləyirdim.koridorun başında güzgü var idi,gedib güzgüdə özümü incələyib necə bərbad göründüyümü düşünür,sonra da qıraqdaki stullardan birində otururdum.yenə ayağa qalxdım ki gedim bir dəfə də güzgüyə baxıb biraz da kefimi pozum,həmin vaxt 8-9 yaşlı bir qız yaxınlaşdı mənə(dəqiq bilmirdim kimdi ama yəqin ki hansısa uşağın qohumu idi) gözləri parıldaya parıldaya bir neçə saniyə baxandan sonra içdən gülümsəməylə “qəşəng görünürsən” dedi.
bilmirəm həqiqətən belə düşünürdü yoxsa narahatlığımı görüb məni sevindirmək üçün demişdi,lakin hər iki halda əhvalımı düzəltmişdi.dediyim kimi,bu bir “an” idi,son zəngimin bərbad keçməyinin qarşını almadı ancaq hər xatırlayanda üzümdə gülümsəmə yaradan gözəl bir xatirə oldu mənim üçün.

alexander wang

yarı amerikan yarı tayvanlı modelyer.2018-in mayında serenay sarıkayanın cannes-da bella hadid və alexander wangla olan şəkillərindən çox türk sırf uzun saçlarına görə alexanderi qadın bilmişdi,lakin xeyr ,kişidir.
2004də öz adını markaya çevirmiş və ilk unisex kolleksiyasını çıxarmışdır.
Kariyerasının dönüm nöqtəsi 2007-ci ildə aldığı fund award hesab olunur.
2012-ci ildən balenciaga ilə işləməyə başladı və həmin dövrdə çıxardığı kolleksiyalar bəyənilmiş,balenciaganın satışlarını artırmışdır.buna rəğmən parisin onun sosyal həyatını məhv etdiyi üçün(təkcə balenciaga üçün bir ildə 4 kolleksiya hazırlamışdı və bunla paralel öz markasını da idarə edirdi) 2015də balenciaga ilə yollarını ayırdı və bu hadisə həmin ilin ən çox danışılan moda xəbərləri sırasına daxil oldu.
Kolleksiyalarını şəxsən çox bəyənirəm.əsas da ətəkləri və bomber jaketlərini sevməmək mümkün deyil məncə.

hermes birkin

ingilis müğənni jane birkinin (bax: jane birkin ) adına olan hermes çanta modeli.
ilki 1984də qara dəri olaraq satışa çıxarılan çantanın hazırda müxtəlif modelləri var.dana,kərtənkələ,timsah və dəvəquşu dərisindən,üzərində qızıl,brilyant işləmələr olmasından asılı olaraq qiyməti 8min dollardan yüz minlərlə dollara qədər çıxır.indiyə qədərki ən bahalı hermes birkin qırmızı timsah dərisindən ibarət,ağ qızılla bəzənmişdi və 203min 150 dollara satılıb.
Öz modelinizi sifariş verəkən üzərini bütöv brilyantlarla bəzənmiş də istəyə bilərsiz(təbii olaraq bu halda qiyməti də ona uyğun yüksəklikdə olacaq) lakin sifariş verdiyiniz çantanı yalnız 2-3 ildən sonra əldə edə biləcəksiz.çünki bu çantalar hər il məhdud sayda hazırlanır,hər biri əl işidir və hazırlanması 50 saata qədər çəkir.həmçinin məhz bu çantanı hazırlamaq üçün işçilər 2 illik təhsildən sonra çantanı hazırlamaq icazəsinə və bacarığına sahib olur.
Çantanın sevənləri dünya üzərində xeyli çoxdur və hətta 2-3 ildə əldə etməmək,daha qısa müddətdə ona sahib olmaq üçün əlavə minlərlə dollar xərcləyirlər.bəzi məşhurların sırf bu çantadan kolleksiyası var(victoria beckhamın cəmi dəyəri 1.5 milyon funt olan 100 ədəd hermes birkini olduğu iddia edilir)
Həmçinin çətin əldə olunması və həddən artıq baha olan qiymətlərinə görə yatırım olaraq da alına bilər.qeyd etdiyim kimi,indi sifariş verib 2-3 ildən sonra bir hermes birkinə sahib olsaz,həmin ildə o çantaya dərhal sahib olmaq istəyən birinə qat qat baha qiymətinə sata bilərsiz.hətta buna görə o insanın xeyir-duasını da alarsız -*

barış özcan

hər il “zinciri kırma” adlı videosuyla on minlərlə insanın həyatına müsbət mənada təsir edən youtuber.
Zinciri kırma adlandırdığı şeysə budur ki,hər il başlayanda özünə bir cədvəl qurur və qabağına bir məqsəd qoyur,hər gün məqsədi yerinə yetirdikcə cədvəldə işarələyirsən.zənciri qırmadan ilin sonuna qədər bunu davam etdirirsən.
Dediyinə görə,özü bu üsulla hər bazar günü bir video yükləmiş və 2 milyon abonəyə çatıb,7 yaşındaki oğlu isə hər gün kitab oxuyur(türkçə və ingiliscə)və 2019cu ilin ilk günü 2019cu kitabını oxuyub.həmçinin izləyicilərindən də davamlı olaraq bu üsul üçün təşəkkür mesajı alırmış.

siqaret çəkən qız

Keçən dəfə dərsdə müəllimimizin nikotin haqda bizi məlumatlandırmaqdan (yəni vəzifəsindən) birbaşa tullandığı mövzu.başladı danışmağa;siqaret elə zərərdi,belə zərərdi.indi ən dəhşətlisi odur ki ,oğlanlar bir yana qızlar da istifadə edir.oğlanı bildik hə,çəkir.qıza nolub bəs?keçən dəfə universitetin qabağında bir qız uşağı görmüşəm siqaret çəkir,heç mənə fikir də vermir.müəllimi görəndə adam bir siqareti atar,indiki qızlarda heç mərifət qalmayıb.
Bunları deyəndə təbii ki heç birimiz ağzımızı açıb bir söz demədik,azərbaycandı bura nəticədə indi ona əks fikir desəm sabahsı gün qiymət yazmayacaq.
Bu belə hərarətli danışanda zəng gəldi çıxdı çölə və qrup olaraq qınamağa başladıq.aramızda ən dindar və gerikafalı olduğunu düşündüyüm uşaq belə qınadı.ən azından gələcək nəsil düzəlib deyə sevindim
(baxma: dosent olmuşsun ama insan olamamışsın)
Qeyd: mövzuyla əlaqəli bir replika link

sex and the city

il olub 2019 ancaq 1998-2004 illərinə aid bu serial hələ də izlənilir və populyarlığını qoruyur.
Hər bölümü new yorkla bağlı bir cümləylə başlayan (baxma: new yorkda saysız hesabsız klublar var lakin.. ) həmin şəhərdə 30+ yaşlı öz kariyerasına sahib 4 fərqli qadının həyatından bəhs edən serialdır.
Bu qadınlar bir birindən tamamilə fərqlənir,biri romantik və ancaq evlilik hayında,biri gündə bir oğlanla yatağını paylaşmaqdan xoşbəxt kimi zidd qadınlar.
Aktrisaların həmin dövrdə geyindiyi paltarlar hələ də dəbdədir (bəziləri sırf həmin serialda geyinilib deyə),başroldaki yazıçı qızımız Carrie Bradshaw rolunun yaşadığı evdə hazırda yaşayanlar olmağına baxmayaraq hələ də gündə onlarla insan həmin evə baxmağa gedir (təbii ki əksəriyyət turistlər) şəkillər çəkdirir.
Əyləncəli və keyfiyyətli mizahı olan serial axtaranlara ,necə deyərlər,birebir.
Bir də ,sözsüz ki, bolca seks səhnəsi var.