universitet thik-lərinin idarə heyətində yeyintilər

universitetlərin bir qayda olaraq tələbə həmkarlar ittifaqı komitələri olur. bu komitələrin əsas iş prinsipi tələbələrin ehtiyaclarını qarşılamaq, onların problemlərini işıqlandırmaq, universitetdə olan neqativ halların aradan qaldırılmasına kömək etməkdir. amma gəlin görün əksəriyyəti nə edirlər. deməli, ittifaqa ayrılan maliyyə vəsaitinin asanlıqla mənimsənilməsi üçün ən keyfiyyətsiz layihələrə imza atmağa hazır dayanıblar. ənənəvi bir metod var burada və demək olar ki, azərbaycanın dövlət strukturuna yayılmış birşeydir; yəni layihə büdcəsinin şişirdilməsi məsələsi. inanmayanlar gənclər fondunun rəsmi saytında qrant müsabiqələrinin hesabatına baxa bilərlər. thik-lərin isə ən vicdansız bir hərəkəti var ki, nəyi bağışlasan da onu onlara bağışlaya bilmirsən. məlumdur ki, azərbaycanın müxtəlif bölgələrindən aztəminatlı ailələrin uşaqları bakıda oxumağa gəlirlər. və bu cür uşaqlar üçün thik-lər vasitəsilə əlaqə saxlanılıb müəyyən yardım göstərilməlidir. məsələ isə odur ki, yardım göstərilməsi üçün üç manat məbləğində talonlar hazırlanıb. bu talonlar vasitəsilə o cür tələbələrin gündəlik qida təminatını qarşılamaq nəzərdə tutulub. ancaq iş o yerdədir ki, bunu elə həmkarlar ittifaqlarının üzvləri istifadə edirlər. bəzən də çox ucuz qiymətə universitetdəki yaxın adamlarına satırlar. nəysə ki, hamısına vicdan arzulayıram. hazırda bdu-da bu problem var.

əcdadların çağdaşlara görə praktik olaraq umbaylaşması prosesi

istəsəniz də, istəməsəniz də gedəcək olan prosesdir. tarixdə də belə dinamika var. nə qədər qəbuledilməz görünsə də, standartları dağıtmaq, yeni üfüqlər açmaq həmişə gələcəkdəki gələcəyin işi olub, gələcəkdə yaşayan keçmişlərin yox. formatsız olun, özünüzü necə azad hiss edirsinizsə elə də ifadə edin. onsuz da, tarixdə müasirləri olan elə şeylər qəbul edilməyib ki, indi o dəyərlər üstündə konsepsiyalar hazırlanır, böyük diskussiyalar gedir. çərçivədən çıxın.
(bax: sözlükdə cihad etmək )

bilgi paylaşmaqda paxıllıq edən insan

informasiyanı bəzən haqlı olaraq gizlədən insandır. ümumilikdə, götürsək bu məsələ, məncə obyektiv yanaşma tələb edir. sən hər bir bilgini uyğun olduğu mühitə görə paylaşsan, daha çox yarar verərsən, nəinki əks təqdirdə. informasiya çox güclü silahdır, buna görə ötürülməsində nə qədər həssaslıq tələb edirsə, o qədər də səhihlik istəyir. fikirləşirəm ki, bildiklərini başqalarından gizlətmək ehtiyacı duyanlar əslində paxıllıq yox, ehtiyat edir bir növ. amma bir tərəfdən unutduğumuz şeylərin çoxu insanlara açıq olmamışdır deyə xatırlanmır. ortada qəribə situasiya var, deməkdən çəkinməklə unutmaqdan qorxmaq arasında da qalır insan. amma həqiqətən də, bilgi həyatda olan tək müqəddəs şeydir. qorunması lazımdır. çünki: "dahilərin pıçıltıyla söylədiklərini, axmaqlar bağıra-bağıra gəzirlər."