12 iyul 2020 tovuz döyüşləri

Bu gün yayımlananlar Aprel döyüşləri - 2 filminin treyleri idi deyəsən. Tovuzdan, yəni dövlət sərhəddindən başlaması da maraqlıdır. Yəqin ki, filmin tam versiyasını devalvasiyadan sonra ekranlarda görəcəyik. 2016-nı xatırlamayanlara və unudanlara tövsiyə edək ki, "tırkaya" getməyə tələsməyin, elə olanda sonda yaşanan travma daha ağır olur. Hansısa məqsədlərə görə insanların vətənpərvərlik hisslərini istismar etmək və gənc əsgərlərin ölümünə səbəb olmaq dəhşətdir. Amma heyifki bilərək və bilməyərək bu havaya oynayanlar da çox saydadır. Artıq 21-ci əsrdə doğulan insanlar şəhid olur Azərbaycanda. Təsəvvür edirsiz? Əlbəttə işğal olunmuş ərazilər azad olunmalıdır, amma bunun üçün bu şəraitdə müharibə elan etməzdən əvvəl görüləcək çox iş var.

aya sofiyanın ibadətə açılması

çox absurd və ərdoğanın nə qədər geridəqalmış siyasətçi olduğunu göstərən qərardır. istanbulda aya sofiya yerləşən ərazidə sultan ahmed başda olmaqla çoxlu sayda məscid var idi onsuz da. başa düşürəm ki, bu siyasi qərardı və ərdoğan populizminin növbəti göstəricisidir, amma o kilsə axı həm də istanbula gələn turistlərin əsas motivasiyalarından biri idi. illik gəliri 400 milyon lira imiş. əgər bu qərara görə xeyli tusir də istanbul səyahəti boykot etsə onsuz da yaxşı gündə olmayan türkiyə iqtisadiyyatı daha da betər olacaq. digər tərəfdən isə, bu qərardan sonra türkiyə dövlətinin hansısa başqa ölkədəki məscidin kilsəyə və ya sineqoqa çevrilməsiylə bağlı nəyisə tənqid etməyə mənəvi haqqı yoxdur.

6 iyul 2020 bakıda xoşagəlməz iyin yayılması

Ekologiya Nazirliyi qoxu məsələsiylə bağlı ilk açıqlmasında demişdi ki, qoxunun son günlər müşahidə edilən yüksək temperaturun və durğun hava şəraitinin üstünlük təşkil etməsi səbəbindən kanalizasiya sularının axıdıldığı Böyük Şor gölündən yayıldığı ehtimal edilir. nazirliyin bugünkü açıqlamasında isə məlum olur ki, məsələ daha dəhşətlidir. Belə ki, Nazirlik Böyük Şor gölündən götürülən nümunələrin analizinin cavalarını açıqlayıb. Məlum olub ki, gölün suyunda ionlar normadan 11.6 dəfə çox qeydə alınıb. Açıqlamada ionların sayındakı bu artımın Sobsan boya fabrikində baş vermiş yanğın zamanı yaranmış tullantıların Böyük Şor gölünə axıdılması ilə bağlı olması ehtimal edilir. Media eksperti Emin Hüseynzadə məsələylə bağlı sosial şəbəkə hesabında yazıb ki, "Bu tərkibin normaya keçməsi üçün aylar keçməlidir. Böyük Şorda bütün canlılar məhv oldu, halbuki bir neçə il əvvəl orda balıq və quşların göründüyünü sevinə-sevinə yazırdılar. Bu ekoloji fəlakətdir. Koronavirus pandemiyası qədər fəlakətdir. Minlərlə adam ürək-damar, tənəffüs yolları, onkoloji xəstəliyə düçar olacağı deməkdir."

7 iyul 2020 universitet ixtisaslarının ödənişlərinin artırılması

Çox insan tərəfindən yanlış anlaşılan xəbərdir. Azərbaycanda universitetlərin maliyyələşməsi dövlət sifarişli yerlərə ayrılan vəsaitlər və tələbələrin ödədiyi təhsil haqqı hesabına təmin olunur. Yəni, el dilində desək pulsuzda oxuyan tələbə üçün universitetə pulu dövlət büdcəsindən köçürürlər, həmin köçürüləcək vəsaiti isə nazirlər kabineti müəyyən edir. bugün açıqlanan qərarda da dövlət sifarişi ilə təhsil alan tələbələrə görə dövlət büdcəsindən universitetlərə ödənəcək məbləğ artırılıb. ola bilsin ki, universitetlər ödənişli təhsil alanlar üçün təhsil haqqını artırsın, amma bugünkü qərar onunla bağlı deyil.