bells palsy

11 dekabr 2023-də ilk simptomlarını hiss etdiyim, 12 dekabr 2023-də həkim tərəfindən diaqnozunu qoyulduğum xəstəlik. üzün 1 tərəfinin (məndə sol) iflic olmasıdı. adətən ani olaraq başlayır, ilk 48-72 saat arasında üzün 1 tərəfini tamamilə iflic edir. ondan sonra vəziyyət pisləşməyə doğru getmir, stabil qalır. Demək olar ki, ilk 10 gün heç bir inkişaf olmur. Həkimə getdim, kortikosteroid yazdı. (1) MEDROL 32 mg. ilk 12 gün 48 gram (1.5 tablet), 13-cü gün 32 gram (1 tablet), 14-cü gün (yarım tablet). steroid görən kimi mən də hamının ilk reaksiyasın verdim, oooooo bu qış böyüyəcükkkkkk. amma bu kortikosteroiddi, anabolik deyil. Yəni bildiyimiz o bodybuilder teması deyil. Bu kortikosteroidlər revmatologiya sahəsində istifadə olunur, iltihab əlehinə. Bu medrol ilə bərabər mədə qorucuyu (2) Pantoprazol Sandoz 40 mg da yazdı. Üstünə 2 dənə də anti-virus dərmanı yazdı. (3) isoprinosine 500 mg tablet + (4) Telviran 800 mg tablet. Yəni 4 dərman. Bu iş dərmansız da keçir. Səbəbi və müalicəsi bilinməyən bir xəstəlik olduğu üçün, dərmanlar tam 100% effektli olacaq deyə bir qayda yoxdu, amma kortikoların bir nəbzə də kömək olduğu araşdırmada bilinir. Səbəbi soyuq ola bilər, külək ola bilər, virus (herpes adlı virus, dodaqdakı uçuq ilə eyni virusdu) ola bilər. Çox adamda üzün bir tərəfindəki sinirlərin, əzələlərin geri qayıtması 14-cü gündə, 15-ci gündə, 20-ci gündə, bu ərəfələrdə başlayır. Məndə 14-cü gün ərəfəsində bir tərpənmə oldu, bu gün 19-cu gündü, demək olar ki, 70% bərpa olunub. Amma güləndə üzümün 1 tərəfi digərinə müqayisədə daha az çəkilir. 1 ay sonra tam keçəcək deyə düşünürəm. Üz məşqlərini daimi etmək lazımdı. Amma üzdə ağrı hiss edəndə dayanmaq lazımdı, çünki üz əzələləri zatən zəifdi, üstünə bir də çox yormaq olmaz. Dodaqlar ilə məşq, sola sağa etməyə çalışmaq, fit çalmağa çalışmaq, gülümsəməyə çalışmaq (dişsiz), bir də gülməyə çalışmaq (dişli). Qaşları qaldırmaq (şaşırmaq), Qaşları endirmək (əsəbləşmə kimi). Yanaqlara, alına, çənəyə masaj etmək. isti suya qoymaq üzdəki əzələləri rahatladır.

ilk dəfə simptomu hiss etməyim də maraqlı hekayədi. ilin bəzi periodlarında, adətən qışda gündə 4-5 ədəd siqaret çəkirəm. ofisdə idim, həmin siqaret fasiləsinə düşəndə anladım ki, dodaqlarımı sıxa bilmirəm, siqareti dodaqlarımın arasına qoyduqdan sonra onu sıxıb, ciyətimə çəkə bilmirdim. nəsə 1 dəfə, 2 dəfə, 3 dəfə oldu, anlamadım tam. sabahsı gün sol gözümü qapamaq istəyəndə, anladım ki, sol tərəfin idarəsi məndən çıxıb. sol tərəf iflicdi. ofisdəki həkimə yaxınlaşdım. o çox panik oldu, mənim stroke yəni iflic keçirdiyimi düşündü. təcili tibbi yardım ilə xəstəxanaya göndərdi. orda ilk beynimə baxdılar, tümör və ya insult tapılmadı. üzün bir tərəfinin iflic olmasında heç bir səbəb tapılmırsa, onda çıxdaş üsulu ilə buna bells palsy deyilir. adətən insanların 85%-i bu xəstələyi keçici olaraq yaşayır. bəziləri 2 həftə, bəziləri 1-3 ay arası, bəzilərində də də 9 ay çəkir düzəlməyi.

God forbids, bu xəstəlik başınıza gəlsə, mənə yazın instadan ya fb-dan, sualınızı soruşun. amanov. psixolojik olaraq güclü durmaq lazımdı. bilmək lazımdır ki, çox çox çox (85%) böyük ehtimalla 1 ay ərzində keçib gedəcək. ona görə də, dərd eləməyin. mənim psixolojik olaraq çox ciddi problemim olmadı amma bilmirəm atdığım dərmanlardan mı yoxsa nə, iştahım tamamilə öldü. bütün gün yemək yemədən keçirə bilirəm. ilk 10 günə baxanda inkişaf var, amma ümid edirəm əvvəlki tam full iştahıma qayıdaram. nəsə ağlımdan çıxıbsa, yenə entry yazacam.

1 rep max

1 rep max - yəni 1 təkrar maksimumu. Verilmiş hərəkətdə qaldıra bildiyin ən yuxarı ağırlıq. PR (personal record) adətən 1 rep max ilə ölçülür. "Neçə bench edirsən sən?" dediyində biri, qarşıdakı adam adətən "120 kg bench edirəm" deyir, orda 1 təkrara ən ağır nə qədər qaldıra bildiyin deyir adətən. Bodybuildingdə hərəkətlər normalda 8-12 təkrar arasında edilir. Hypertrophy - yəni əzələ inkişafında ən optimal təkrar sayı budu. çox vaxt deadlift də 1 rep max edilir. powerlifting idmanında 1 rep max daha yayğındı bodybuildingə baxanda

bench press

2022 noyabrda idmana başladım. ən böyük hədəflərimdən biri 100 kg bench press etmək idi, səbrsizlənirdim. tam 1 il məşq etdim, arada 2-3 həftə getmədiyim olurdu amma 1 il məşq deyə bilərik. həftədə 3 dəfə gedirdim. 2023 dekabra qədər. 1 il ərzində bench pressimi 20 kgdan (sadəcə boş bar) 95 kg-yə qədər çıxarda bildim. Son məşqlərimdə 2 dəfə 95 kg qaldırdım (1 rep max olaraq), 100 kg da yoxladım, tərpənmədi. Psixolojik olaraq 100 kg çətin gəlir, amma bu qədər yaxınlaşdığımı bilmək də sevindirir. Dekabr 2023 heç idmana gedə bilmədim, xəstələndim. Səbəbi - bells palsy. Nəysə, iyul 2024-də əsgərə getməyi planlayıram, başqa çıxış yolum yoxdu onsuz. Ona kimi idman etmək əvəzinə deyəsən sadəcə gəzib tozub içəcəm. hələ qərar verməmişəm sonrakı 6 ayda idman etmək istəyirəm mi ya yox. sadəcə bu qədər yaxınlaşıb, 95 kg bench edib, idmana başlayandakı demək olar tək hədəfim olan 100 kg-ni etmədən idmanı (keçici olaraq, ömür boyu edəcəm bu idmanı) buraxmaq bir az çətin gəlir... bilmirəm, qərarsızam...

gemini

google şirkətinə məxsus ai modeli (artificial intelligence - süni zəka). Ultra, Pro və Nano modları olacaq. hələ ki, chatgpt kimi açıq bir chatbot deyil. sadəcə google müştəriləri istifadə edə bilir. chatgpt-dən çox daha güclü olduğu iddia edilir. şəxsən chatgpt-ni bəyənirəm amma kifayət qədər yaxşı olduğunu düşünmürəm. zəif tərəfləri çoxdur. məncə hələ ai chatbotlarının güclənməsinə bir 5 il var. adi şahmat oynaya bilmir chatgpt, səhvlər edir.

vlamidir kramnik

şahmat üzrə 14-cü dünya çempionu. 2000-ci ildə kasparov üzərində 8.5-6.5 qələbə qazanaraq bu ünvanı qazandı. hal-hazırda 48 yaşı var və aktiv şahmat oynamır, ona rəğmən şahmat dünyasının içindədi və bu dünyanı bir-birinə qatıb. hikaru nakamuradan tut yüzlərlə adamı online şahmatda, chess.comda keçirilən normal oyunlarda və titled tuesday turnirində etdikləri cheating (yəni şahmat proqramı qoşmaq) ilə günahlandırır. Hikaruya da cheater deməssən də ay Kramnik. Qəribə statistikalar ilə videolar çəkir. Hikarunun 46 oyun arxa-arxaya udmasını statistik olaraq anormal sayır və buna görə bunun mütləq cheating olduğunu müdafiə edir. Özünü çox hörmətdən saldı son 1-2 aydı.

xbox series s

Microsoft şirkətinə məxsus oyun konsoludu. qiyməti Sony-nin playstationı ilə müqayisədə çox aşağıdı. 3 ay əvvəl aldım. Alanda bilirdim ki, aldıqdan çox qısa müddət sonra həvəsim öləcək və çox oyun oynamayacam. bunun fərqində idim. yenə də aldım çünki uşaqlıqdan bəri video oyunlar oynamaq istəmişdim amma bunu edəcək maddi gücüm(üz) yox idi (dramaaaa). dediyim kimi də oldu, ilk 1 həftədən sonra həvəsin ölür. demək olar ki indi həftədə 2-3 dəfə açıram, 1 saat oynayıb bağlayıram. O da Fifa 22-də kariyer modum var deyədi. Kariyerama Norveç liqasındakı Rosenberg-də başladım, indi Şotlandiya divi Celtics-də oynayıram. Təxmini, 1-2 ilə Man City-ə keçərəm.

google pixel

google pixel 7 işlədirəm. Telefondan ümumiyyətlə məmnunam. Möhtəşəm kamerası var, həm şəkil, həm də videolar yaxşı çıxır. Android OS Google şirkətinə məxsus olduğu üçün, ilk yeniliklər pixelə gəlir. Ən "smooth" işlədiyi telefon Pixeldi. Lakin bəyənmədiyim tərəfləri də var. batareya ömrü aşağıdı, 1 günü rahat keçirtmir. Bəzən günün ortasında 2-ci dəfə şarj edirəm. Ekran parlaqlığı çox aşağıdı, çöldə günəşli bir mühitdə telefonun ekranın görmək olmur. Başqa 1-2 cüzi şeylər daha var amma ən çox narahat edənlər bunlardı. Əskikləri var dediyimə baxmayın. Bu qiymətə bu telefon möhtəşəmdi. Həqiqətən, qiymətinə görə çox yaxşıdı. (macarıstandan almışam, manata çevirsək 1000 manata idi alanda)

z-library

ən çox istifadə etdiyim saytlardan biridi, oxuduğum üniversitetdən qat-qat daha üstümdə əməyi olan, vəfa borcum olan saytdı. Bilik pulsuz və hamıya açıq olmalıdır. Düzün desəm başlığı görəndə avtomatik - aa yəqin mən açmışam hər halda - dedim, amma mən deyilmişəm təəssüf. Bu arada, sayt təzədən bərpa edildi. FBI tərəfindən bağladılsa da, klon olub başqa domainlər ilə çıxa bilirlər. indiki versiyada, hər kəsin öz şəxsi URL-u olur. Səhv anlamamışamsa, sırf mənə təyin olunan bir URL adresi ilə daxil oluram, və bu URL-i paylaşmamağı tövsiyə edirlər. Əvvəlki qədər kitab yoxdur deyəsən, çünki əskikliyi hiss edirəm, amma dolduracaqlar hər halda. Burda modetor kimi işləyən insanlara, biliyi hər kəsə açıq hala gətirənlərə bütün dünya borcludu. Mənim gözümdə çox ali şərəfli bir iş görürlər. Xahiş edirəm, bəs müəllif hüquqları və s. deməyin. O mövzudakı bir çox argümentlərdə sizin kimi düşünmürəm.

political compass

Siyasi görüşünüzü test edən bir saytdı. 14 fərqli dildə testi tamamlamaq olur, Türkcə də var. Təxminən 60-70 sual var. Suallar olduqca maraqlıdı. iqtisadiyyatla bağlı suallar var, adət-ənənə, təhsil, insan haqqları, dövlət anlayışı, və s. Kompüterimdə sırf bu test ilə bağlı fayl var, çalışıram ki hər il testi təkrarlayım və nəticələri müqayisə edim. 5 ildir ki, edirəm. ilk nəticəmdən bu yana 5 il ərzindəki hər testin nəticəsində siyasi kompasdakı mövqeyim az-az olsa da sola doğru gedib. Keçən il "Mandelaism" siyasi görüşünə yaxın çıxmışdı nəticələrim. Bu il də "Apoism" haha. Başqa bir deyişlə, Kürt Kommunalizmi və ya Demokratik Konfederalizm. Görək gələn il hansı terrorist olacam.

london system

Şahmatda ağ fiqurlar ilə açılış sistemi.
Keçən həftə həyatımda ilk dəfə rəsmi olaraq şahmat turniri oynadım. 5 rounddan ibarət turnir idi, yəni 5 oyun. Bəxtim zəif gətirdi, 3 qaralar və 2 ağlar başladım. (3 ağ, 2 qara da olmaq olardı). Ağlar ilə oynadığım 2 oyunda da qalib gəldim. Hər iki oyunda da London System oynadım. Çox bəsit, çox rahat, çox effektli açılışdı. e5 xanasına nəzarət önəmlidi ağlar üçün, qaraların ora fiqur gəlməsinin qarşısını almaq lazımdı, ya da gecikdirmək. Ora adətən atınızı qoya bilərsiz. Fili də olar. Ağlar şah cinahından hücum edir adətən, qaralar da vəzir cinahından. Çox sıxıcı oyunlar da çıxa bilər, çox manyak hücumlar da.

Ağların gedişləri adətən əzbərdi, bu gedişləri oynayırsız çox vaxt rəqibin nə oynadığının fərqi olmadan - d4, Fil f4, e3, At f3, c3, At b-dəki d2, Fil d3, Qala Qurma.