madonna-whore complex

(baxma: bakirə məryəm-fahişə kompleksi)
Əsasən kişilərdə görülən ilkin olaraq Siqmund Freyd tərəfindən təsvir olunmuş problem. Belə deyək ki, bu kompleksə sahib olan kişilər üçün qadınlar iki yerə bölünür: evləniləcək və sevişiləcək -*
Yəni, ortası yoxdur. Bu adamlar sevdikləri, hörmət etdikləri yəni gözlərində bakirə məryəm statusuna çıxardıqları qadınlarla əsasən evlənib, həyatlarını birgə keçirmək istəsələr də, həmin qadınlarla cinsi münasibətə girməkdən qaçınır, məcburi cinsi aktdan da əsasən zövq almırlar. Birlikdə cinsi əlaqədən zövq aldığı qadınlara isə, hörmət etmir, onlara sadəcə cinsi obyekt, və yaxud belə deyək ki, fahişə gözü ilə baxırlar. Beləcə heç vaxt şəxsi həyatlarında ortanı tapa bilməyərək, həm özləri tam olaraq münasibətlərindən zövq ala bilmir, həm də partnyorlarını xoşbəxt edə bilmirlər.
Freydin özü bunu belə təsvir edib:
"Bu tərz insanlar sevdiklərini arzulaya, arzuladıqlarını isə sevə bilmirlər"

Psixoanalitikada bu, əsasən uşaqlıqda həyatımızda əsas qadın fiquru olan ana tərəfindən olan soyuq münasibətə bağlansa da, mənim fikrimcə əsas problem uşaqlıqdan bəri cəmiyyət tərəfindən yeridilən tabulardadır. Cinsəllik, xüsusilə, bizim kimi cəmiyyətlərdə o qədər pis, günah kimi təsvir olunur ki, insanların beynində cinsəlliklə bağlı hərşey sevilməməli olan, çirkin bir şey kimi qəlibləşir. Nəticədə də, nə özünə, nə də başqalarına xeyri olmayan fərdlər yetişir. Elə məncə ona görədir ki, bizim kimi daha qapalı cəmiyyətlərdə bu tərz şeylərə daha tez-tez rast gəlinir.
Buna görə də gələcəkdə uşaqlarınızı tabularla deyil, sevgi ilə böyüdün. Love xx -*

big in japan

2014-cü il idi, 11-ci sinifdə oxuduğum üçün, demək olar hərkəs kimi, universitetə hazırlaşırdım. Düzü çox da hazırlaşmırdım, heç önəmsəmirdim də, sadəcə eləməli olduğum işlərdən biri kimi, məsuliyyət duyğusunun da verdiyi məcburiyyətlə axına uyub kütləyə ayaq uydururdum da demək olar. Təxminən bir-iki ay olmuşdu dərs başlayalı, @whodoctorwho (sorry not sorry) da sinifimizə təzə gəlmişdi. Normalda çox introvert və çəkingən biri olduğum üçün insanlarla dostluq, ümumiyyətlə münasibət qurmağım çooox uzun müddət alır. Bilmirəm necə oldusa bir neçə həftənin içində artıq məktəbdən elmlərə qədər olan bütün yolu birlikdə danışaraq düşürdük. Hətta hesab açıb bir neçə entry yazıb, hərşey kimi unutduğum sözlüyü də o yadıma salmışdı -* nəysə ki, ən çox danışdığımız mövzu mahnılar idi, bu mahnını da ondan öyrənmişdim. Ane brun verisyasına qulaq asırdıq o vaxt daha çox, daha sonra alphaville-yə keçid elədik. Bu başlığı açanda da mənə əsəbləşmişdi lol gəlib mahnının linkini paylaşdığım hissəni silmişdim mən də. indi nə vaxt bu mahnı çalsa yadıma düşür, gülmək tutur məni
Bugün də istisna deyil -*
Bu arada, hi -*

Üz baxımı və dəriyə qulluq

üz baxımı və dəriyə qulluq istər qadın, istər kişi olsun hərkəsin müəyyən dərəcədə etməsi lazım olan birşeydir. hərənin bununla əldə etmək isədiyi nəticədən aslı olaraq isə dərəcəsi arta və azala bilir. ən önəmli faktorlardan biri isə büdcədir. almağa başlamadan öncə büdcənizi nəzərə almalı ona uyğun məhsullar və alternativlər tapmalısınız.
ilk öncə onu deyim ki, evdə məişət məhsullarının əksəriyyətinin (bax: limon)

yggdrasill

Şimal mifologiyasında inanca görə kainatın mərkəzində yerləşən, kökünü Urd yəni Tale bulağından alıb, ən hündür budaqları Asgarda çatan ağac. Əfanəyə görə gövdəsində taleydən xəbər verən Nornlar adlanan üç qadın otutur, ağacın gövdəsini oyaraq taleyi şəkilləndirir və kainatdakı bütün sirlər ağac vasitəsilə onlara bəlli olurdu. Kainatdakı hərşeyi görə bilmək üçün artıq gözünü qurban vermiş Odin isə onlara baxaraq həsəd aparır və ağacın, beləcə də kainatın bütün sirlərinə agah olmaq istəyirdi. Bunun üçün o, ağaca verə biləcəyi ən dəyərli qurbanı, yəni özünü verir. Özünü nizə ilə vurduqdan sonra, ağacın bir budağından özünü asır və bütün tanrılara kömək etməyi qadağan edir. 9 gün, 9 gecə ağacın budağında yeməksiz, susuz şəkildə asılı qaldıqdan sonra qurbanı qəbul olur beləliklə o, yenidən doğulur. Lakin bütün sirlər ona agah olduğu üçün bu dəfə kainatdakı ən qüdrətli varlıqlardan biri olaraq.

Həmçinin çox sevdiyim şimal folk mahnılarından biri də onun haqqındadır:

(youtube: )

entryni kimin əjdahaladığı görünsün kampaniyası

Heç olmasa bunu deaktiv edəcək bir funksiya da qoyulsa daha yaxşı olardı. işin marağı onsuz da anonimlikdə, qeyri-müəyyənlikdəydi. O qədər bəyənmiş, adının görsənməsini istəyən favoriləyərdir. Nə ehtiyac var belə şeylərə?
(bax: sözlükdən soyuma səbəbləri)

vikings

--spoiler--

Ragnar öləndən sonra bir qəpiklik ssenarisi qalmayan serial. The great heathen army , king Aelle'nin blood eagle olması, ragnarın ölümünün qisası olan hissələr yenə yaxşı idi amma daha sonrasında tamamilə tarixlə əlaqəsini itirib tam bir fictiona çevrildi. Başa düşürəm serialdı, indi nisbətən o zamanlara aid fikir yaransındı məqsəd amma daha bu qədər də yox da. Onsuz da ilk sezon dan bir çox tarixi səhvlər var idi amma başa düşülən şeylər idi nisbətən. Vikinq tarixindən ümumi anlayış yaratmaq üçün , həm də serial biraz maraqlı olsun deyə edilmişdi anlamaq olurdu. Ragnarın qisası alınandan sonra olanların 80%i çox mənasız səhvlər idi , üstəlik də ssenari də maraqlı olmadı daha da mənasızlaşdı. O gəldi Kattegat mənimdi , bu gəldi Kattegat mənimdi. Biri çıxıb demir ki, bu kattegat nə, nəyin davasını edirsiz. iyirmi seriadı bunların Kattegatı bölə bilməməyinə baxıram, dəyəsən elə 6cı sezon da bundan ibarətdi.
Bir də garibim Aethelredə bir gün üzü göstərmədilər. Serialda başqa bu qədər bədbəxt karakter oldu mu, bilmem. Uşaq vaxtından sevilmədi, əl-ələ verib alfred də alfred deyə deyə uşağa bir sevgi göstərmədilər, üzünə gülmədilər. Sonra da haqqı olan taxtı yox Alfredin taleyidi, yox Ecbert alfreddə işıq görmüşdü deyə-deyə əlindən aldılar. Axırda da istəsə xilas etməyə biləcəyi amma yenə də etdiyi qardaşını öldürmək istəyir deyə anası gəlib zəhərlədi. Bu Judithi də oldum olası sevmədim onsuz da.
Bir də o boyda Kral Alfredi piç etdilər başqa heçnə demirəm -*

--spoiler--
Edit: unutmadan bunu da əlavə edim, çox şərəfsiz gördüm amma rollo qədər şərəfsizini görmədim

solaxay olmaq

bir solaxay olaraq heç vaxt sağ əllə yazmağa məcbur edilmədim, heçkim güldən ağır söz demədi, uşaqlıqdan daha da bu yaxşı şeymiş kimi davrandılar mənə həmişə amma nə hikmətsə o vaxtı da, indi də heçnə yazmağa çox həvəsim olmayıb, istəməmişəm, istəmirəm. hətta uzun-uzadı yazmaqdan zəhləm gedir çiynimdən dırnaqlarıma qədər ağrıyır ,amma bunun solaxay olmaqla əlaqəsi varmı? düşünmürəm. yəni solaxay olmaq nə dahilik əlamətidi ,nə şeytanlıq, nə bir xeyrini gördüm, nə də ziyanını. Əslində daha çox ziyanını gördüm hamıdan fərqli olaraq köynəyimin qolları gömgöy olurdu -*
bu arada atam da solaxaydı , uşaq vaxtı sağa keçiriblər adam məndən daha həvəsli məncə yazmağa, məndən də daha yaxşı qavrayır, heçnə olmayıb və daha da hər iki əllə yaza bilir indi.
demək istədiyim

(youtube: )

nostalgiya hissi verən 2000-li mahnılar

çox mahnı var bəlkə sonra da artıraram amma bu hələlik qalsın burda. tək bu mahnı elə bütün uşaqlığımı qaytarmağa bəs edir. kaş ki bu qədər keçmişə bağlı qalıb yaşamasaydım, amma keçmişlə bağlı bir çox şey bu qədər xoşbəxt edərkən mümkünsüzdü yəqin. məsələn elə bu mahnı o qədər kiçik bir hissəsini təşkil edir ki, o qədər xatirəm də yoxdu sırf bu mahnı ilə, hətta o vaxt belə bu qrupun digər mahnılarına daha çox qulaq asmışamdır, amma elə başlandığı ilk saniyədən o qədər doğma, o qədər olduğum insanın bir parçası kimi hiss elətdirir ki, heç hal-hazırda ən çox sevdiyim mahnılarda da tapa bilmirəm bu doğmalığı.

(youtube: )

we only write in english to this topic

yet the feeling comes again, which probably never actually left. i can't even put my finger on the feeling, because i don't even know its name, as noone told me before about existence. somewhere in between of boredom, repulsion,disgust, exhaust but none in particular. maybe it happened because we dreamed too much, or put our expectations too high. but how does that matter? after all we always have too many reasons, but no solutions. yes, no fucking solutions. maybe the solution is not to think, it can't hurt you when you don't think, i don't know. or being busy, making yourself busy could be the solution, but when you get absolutely no joy of anything you do it all ends up even worse. i am slowly becoming one of these people i disliked as a kid, it is what frightens me the most. while i just wanted to be happy all my life, now i can't even tell if i've ever been happy. slowly everything is falling apart, everything we built. and in their place the boredom that never goes away is building its palace. yes, maybe life is not for everyone. maybe not everyone is able to live, because apparently i can't. but it is not a suicide note or anything like that. i can't die as well, i don't even want to die. i just would love to sleep for years, while dying is even harder than living. maybe it was reality that we didn't know about existence, maybe it is just life and everyone just pretends to be happy. i don't know i just wish it was easier, maybe it was different conditions that lead to this, or maybe it is something that was there since ever. but yeah the feeling of nothing going to be fine comes again, takes its place and keeps on smiling with its vicious eyes. i wish i had more courage to end it all

jackson c. frank

uzun müddət unudulmuş 1943cü ildə anadan olmuş folk musiqiçisi.
yəqin ki, həyatı talehsiz hadisələrin ardıcıl baş verməsindən ibarət idi də deyə bilərik. 11 yaşındaykən oxuduğu məktəbdə başlayan yanğınla başlayıb hər halda ilk dəfə. özü bədənin 50%nin yanması ilə xilas olsa da, 15 ölən tələbədən biri Frankın ilk sevgisi Marlene idi, hansı ki, illər sonra belə onu unutmayacaq, və ona elə marlene adlı mahnını yazacaqdı.

(youtube: )

(youtube: )

(youtube: )

(youtube: )

twin peaks

David lynch və mark frost imzalı 90ların və günümüzün ən yaxşılarından sayılan serial. 48 seriası, bir filmi, və bir kitabı ilə tam-tamına 4günümü almışdır.

Laura Palmer adlı 17 yaşında bir qızın gölün kənarında cəsədinin tapılması ilə başlayan serialın 1990-91-ci illərdə ilk iki sezonu çəkilir. ilk sezon reytinqləri yüksək olsa da, ikinci sezonda laura palmerin qatili bəlli olandan sonra reytinqlər düşməyə başlamış və serial ikinci sezonla final etməli olmuşdur. bir il yəni 1992-ci ildə lauranın qətldən öncəki bir neçə gününü anlatan twin peaks: fire walk with me filminin ardından 2017-ci ildə yenidən ekranlara dönür. Maraqlısı odur ki, final bölümündə laura palmer onun ölümünü araşdıran fbi agenti dale cooperə 25 il sonra görüşəcəklərini deyir və 92 ci ildəki filmin üzərindən tam 25 il keçəndən sonra da həqiqətən twin peaks geri dönür. Bundan başqa mark frost-un The Secret History of Twin Peaks və David lynch-in qızı Jennifer lynch-in yazdığı the secret diary of Laura Palmer kitabları da bütün məsələni tam olaraq anlamanıza köməkçi olacaqdır amma başa düşəcəyiniz anlamına gəlmir.
ilk sezonları 90-cı illəri və filmlərdəretro havanı sevənlər üçün xüsusilə həzz verə bilərdir. Düzü ikinci sezonun bir yerindən sonra məsələ çox uzanmışdı yəni ikinci sezonu 15seriya eləmək olardı çox rahat şəkildə. Amma vaxtınız varsa niyə də yox?
Maraqlı fakt olaraq onu deyim ki, serialın önəmli hissəsini daşıyan ikiləm və bunun bariz nümunəsi olan yaxşı və pisi təmsil edən White və black lodge adlı yerlərdən, black lodge birçox səhnələrdə qarşımıza çıxır. Və buradakı aktyorların replikaları aktyorların sözlərin tərsinə versiasını oxuyandan sonra, onların geri şəkildə lentə yazılması ilə ərsəyə gəlmişdir.

3-cü sezonun final bölümü ilə hamını mindfuck edən serialın 4-cü sezonu haqqında heçbir məlumat yoxdu hələ ki. 3-cü sezonu onsuz da 4 il yarıma yazdığını söyləyən David lynch 4 ildən tezə ümid etməməyimizi söyləyib. Adamın 72 yaşı olmasa ümidlənər də adam, ümidlənə də bilmir -* davamı gəlməsə nə beynimizdəki sualların cavabını tapa biləcəyik, nə də o suallara özümüzün verdiyi cavabların nə dərəcədə doğru olduğunu bilə biləcəyik. Ona görə də David lynch-ə uzun ömür, can sağlığı arzulamaqdan başqa çarə qalmır dəyəsən.
Hə bir də mahnılarına göz atmadan keçməyin. Xüsusilə 90 cı illərdən Angelo Badalamenti-nin işləri əvəz olunmazdı.

(youtube: )

(youtube: )

(youtube: )

(youtube: )

(youtube: )

(youtube: )

(youtube: )

(youtube: )

(youtube: )