nihalny


139   0   0   0
3.nəsil yazar
entry: 139
reytinq: 546
karma: 212
izləyən: 14
oxunma: 58,997






biseksual işıqlandırma

Biseksual şəxsləri simvolizə etmək üçün çəhrayı, bənövşəyi və göy rəngli işıqların birlikdə istifadəsi. Rənglər həmçinin biseksuallığı simvolizə edən bayrağın da rəngləridir. Xüsusilə günümüzdə bir çox populyar mədəniyyətin nümunələrində rastlaşmaq olur:

(youtube: )

(Qeyd edim ki, burada istifadə olunan bütün nümunələrdə xarakterlər biseksual deyillər, işıqlandırma nümunəsi olaraq baxa bilərsiz. Bu fenomen isə, daha çox son illərdə istifadə olunmağa başlanılıb. Biseksuallığı simvolizə edən bayrağın sadəcə 1998-ci ildən bəri var olmasının da buna təsiri ola bilər)
edit: for @desiree
(youtube: )


Bununla bağlı olan bir videoda isə deyilirdi ki, sarı, narıncı və s. kimi natural/təbii rənglər təbiətdə çox görüldüyündən daha çox doğma, normal olan səhnələri simvolizə etmək üçün, bir növ "cozy" hissi yaratmaq üçün, parlaq çəhrayı, bənövşəyi, göy kimi neon rənglər isə daha çox bizə yad olan, normadan fərqlənən şeylərin simvolistikasında istifadə olunur. Elmi Fantastik, daha futuristik səhnələrin təsvirində də ona görə bu rəngləri çox görmək mümkündür.

Haqqında olan Wikipedia məqaləsində istifadə olunan şəklin hekayəsini oxumaq istəsəniz, bu barədə twitterdə yazı paylaşmışdılar: />
(bax: bisexual lighting)

11 əjdaha! nihalny

28.09.2022 - 22:53 #360105 mesaj facebook twitter

absinthe

Oscar Vaylddan Heminqueyə, Van Qoqdan Eduard Maneyə bir çox yazıçı, rəssam və incəsənət xadiminin "ilham pərisi" olaraq bilinən içki. Rənginin yaşıl olmasından dolayı the green fairy, the green muse olaraq da bilinir. Absinthenin hallüsinasiya, maniya və s. Kimi hallara səbəb olduğu, və bir növ yaradıcılığı artırdığı düşünülürdü. Buna görə də xüsusilə 19-cu əsrdə xüsusi məhşurluq qazanmış, sonra isə əks effektlərinin təsiri, və bəzi hallarda effektinin cinayət hallarına belə səbəb olduğu düşünülərək uzun illər qadağan olunmuşdur. Absinthenin uzun müddət istifadəsi epileptik tutmalar, hallüsinasiyalar, mədə-bağırsaq sistemi pozğunluqları, beyinin zədələnməsi ilə müşayiət olunan absinthism sindromuna səbəb olur. Uzun müddət absinthenin effektinin onun əsas tərkib maddəsi olan Artemisia absinthumda rast gəlinən thujone maddəsilə əlaqələndirilsə də, günümüzdə bu maddənin absinthe içkisində olan miqdarının bu simptomlara səbəb olmaq üçün çox az olduğu sübut olunub və əks təsirləri sadəcə tərkibində olan yüksək alkoqolla (~70%) əlaqəndirilir. Belə demək olarsa bütün bu insanların ilham pərisi olaraq gördükləri sadəcə alkoqolizmin biraz daha bəzəkli formasıdır.
Bundan əlavə bir çoxlarının absinthedən əlavə bir çox opioidlər və başqa maddələri qəbul etdiyini nəzərə alsaq (Məsələn məşhur şair Artür Rembonun absintheni xaşxaş ilə birgə içdiyi bilinir) "absinthenin təsirini" buna da bağlamaq olar.


("The Absinthe Drinker" Viktor Oliva)


("The Absinthe Drinker" Edouard Manet)


("La muse verte" Albert Maignan)

6 əjdaha! nihalny

24.09.2022 - 15:14 #359869 mesaj facebook twitter

queen of the damned

2002-ci ildə Anne Riceın the vampire chronicles kitab seriyasında yer alan eyni adlı kitab əsasında çəkilmiş film. Bir növ interview with the vampireın davamı da sayıla bilər. Burda artıq Lestat Louisdən ümidi kəsərək rock star olmağa qərar verib sadəcə -* Filmdə baş rolları Stuart Townsend və gənc yaşda vəfat edərək r&b əfsanələrindən birinə çevrilən Aaliyah canlandırıb. Filmdə həmçinin Korn metal qrupunun vokalisti Jonathan Davis də rol almış və Lestatın vokallarını səsləndirmişdir.
10 yaşında ərgənliyə yeni-yeni girərkən Twilightın da çıxmasıyla hamının vampir çılğınlığına girdiyi vaxtlarda baxmamla, marilyn mansonla da ilk tanışlığım bu film sayəsində olmuşdu. Olmasa da heç nə itirmirmişəm əslində -*

(youtube: )

(youtube: )

2 əjdaha! nihalny

23.08.2022 - 14:16 #357921 mesaj facebook twitter

konserti pulsuz belə olsa gedilməyəcək qruplar

bir çox köhnə qruplar. sevdiyim, dinlədiyim qruplar belə olsa bir çoxu az qala babam yaşında adamlar olduğundan, getməzdim konsertlərinə yəqin ki. təbii ki, bəzi istisnalar var, məsələn pink floyd kimi. bir çox konsertləri indi də nisbətən maraqlı olur. normalda musiqiçilərin köhnə mahnıları yaşlı ikən oxumaqlarını da sevmirəm, live version axtaranda heç clickləyib baxmaram. amma məsələn pink floydun bəzilərinə baxıram arada. (yəni qrup olaraq demək olar çoxdandır çıxış etməsələr də ayrı-ayrı olan konsertəri nəzərdə tuturam) nəysə ki, çoxu ağlımda cavan qalsa yaxşıdır. yoxsa təsadüfən rast gələndə də ağlımda sadəcə "What happened to the post war dream?" təkrarlanır, ürəyim sıxılır, üzülürəm. əslində uşaqlıqdan niyəsə çox yaşlı insanlara qarşı şüuraltı antipatiyam var, bəlkə mənə mənim də yaşlanacağımı xatırlatdıqları üçün. həm də ki, yəni 80 yaşında adam da çıxıb
Hey hey mama said the way you move
Gonna make you sweat, gonna make you groove
Ah, ah, child, way you shake that thing
Gonna make you burn, gonna make you sting.
oxusa olmur işte. necə deyərlər bəzi şeyləri zirvədə buraxmaq lazımdı
+ qrup olmasa da bob dylan konsertinə pulsuz yox, üstündə pul versələr də getmərəm. belə baxanda bob dylanı da yaşlı kateqoriyasına qoya bilərdim, amma problemi tək yaşlı olması da deyil. mahnılarını, hətta özünü də sevirəm, amma adam indi oxumağa çalışanda qulaqlarım qanayır. cavan olanda pis-yaxşı nəsə oxuyurdu yenə. yoxsa indi

(youtube: )
buna bir neçə saat qulaq asmağı təsəvvür edə bilmirəm.
(youtube: )
sorry bob

1 əjdaha! nihalny

20.08.2022 - 23:30 #357770 mesaj facebook twitter

6 əjdaha! nihalny

01.08.2022 - 22:23 #355803 mesaj facebook twitter

5 əjdaha! nihalny

08.07.2022 - 01:18 #353686 mesaj facebook twitter

kinoteatrda izlənən ilk film

(bax: Twilight: eclipse)
il 2010, 12 yaşım vardı amma hep ətrafımda rus dilli, bir neçə yaş böyük qızlarla takıldığımdan təbii ki, mən də "sumerki" ilə vampirləri kəşf etmiş ərgən havalarındaydım. Özü də jacob daha çox xoşuma gəlirdi, amma yenə də team Edward olmamaq olmazdı. Düzü o vaxtkı zövqüm də tartışılır, çünki Robert pattison da tanrı kimi adamdı belə baxanda. Nəysə ki, yay idi qızlar da həyətdə dedi ki, gedək sumerkiyə. bacımla mən də qonşudan qalma geri prinsipi ilə neçə gün atadan xahiş edəndən sonra icazə almışdıq. icazəni aldıq da sonra bilet ala bilmirdik. Bakıdakı tək ərgən biz olmadığımızdan və kinoteatrların da o zaman sayının məhdudluğundan olacaq ki, bir neçə uğursuz cəhd sonrasındakı yenə biletlər tükənirdi. Axırda qonşudakı qızlardan birinin atası səhər yürüşünə gedəndə gedib hamıya almışdı səhər tezdən. (Nə sumerkiymiş amma) Beləliklə dəqiq tarix yadımda olmasa da 2010-cu ilin yay aylarında Azərbaycan kinoteatrında ilk dəfə kinoya getmişdim. Şansımızdan olsa ki, eclipse də sanki twilightın ən maraqsız bölümü idi. Sonra da təbii ki, bir neçə gün həyətə düşülüb mütləq şəkildə müzakirə olunmuşdur, bella Edward jacob üçlüsünün belə desək umbaylıqları -*

5 əjdaha! nihalny

24.06.2022 - 00:43 #352238 mesaj facebook twitter

4 əjdaha! nihalny

20.06.2022 - 23:05 #351996 mesaj facebook twitter

1 əjdaha! nihalny

19.06.2022 - 23:28 #351951 mesaj facebook twitter

4 əjdaha! nihalny

19.06.2022 - 23:20 #351947 mesaj facebook twitter

adele hugo

victor hugonun qızı. daha gənc yaşda ingilis hərbiçi olan albert pinsona obsessiv şəkildə aşiq olması ilə tanınır. belə ki, bir müddətdə münasibətdə olduğu albert pinson sonda ona rədd cavabı versə də adele buna inanmaq istəmir və özünü bunun əksinə inandırır. Bunun səbəbi isə adelenin şizofreniyadan əziyyət çəkməsi idi. belə ki, şizofreniyanın adeledə ailəvi olduğu düşünülür, çünki victor hugonun qardaşı da eyni xəstəlikdən əziyyət çəkirdi. Gizlin şəkildə Pinsonun xidmət etdiyi halifaxa gedən adele bir müddət onu burda izləyir. atasına evləndiklərini yazsa da bunun doğru olmadığı sonradan üzə çıxır və victor hugo ondan evə qayıtmasını istəyir. lakin o, hələ uzun müddətdə pinsonu müxtəlif yerlərdə izləyir və özünü madam pinson olaraq təqdim edirdi. sonda barbadosda küçədə öz-özünə sayıqlayarkən tapan bir qadnın ona yazığı gəlir və kim olduğunu öyrənəndən sonra evə qayıtmasına kömək edir. adele ömrünün qalanını ruhi xəstaxanada keçirmişdir. bəziləri adelenin vəziyətində bacısının gənckən boğularaq ölməsinin və zamanın qadınlar üzərində basqısının da rol oynadığını söyləsə də yəqin ki, bunlar sadəcə fərziyyə olaraq qalacaqlar.
haqqında rejissoru francois truffaut olan the story of adele h. filmi çəkilib. adele hugonun gündəlikləri əsasında çəkilən filmdə onu isabelle adjani canlandırır. elə isabella adjaninin gözəlliyinə görə belə baxmağa dəyər məncə filmə -*
(bax: adele sindromu)

18 əjdaha! nihalny

19.06.2022 - 23:13 #351945 mesaj facebook twitter

adele sindromu

adını victor hugonun qızı olan adele hugodan alan sindrom. Daha çox obsessive love disorder adı ilə bilinən bu sindromdan əziyyət çəkən şəxslər digərlərinə patoloji şəkildə aşiq olur və belə deyək ki, obsessiv olurlar. Adele Hugonun da əziyyət çəkdiyi bu sindromun onda şizofreniyadan qaynaqlanan erotomaniyanın nəticəsi olduğu düşünülür. belə ki, gənc yaşda ingilis hərbiçi olan albert pinsonla olan münasibətinin sonunda pinson onu tərk etsə də, Adele evdən qaçaraq amerikaya onun xidmət etidiyi Halifaxa gedir. Burda durmadan onu izləyir, hətta atasına evləndiklərini də yazır. Bunun yalan olduğu üzə çıxandan sonra atasının dönməsini deməsinə baxmayaraq illərlə onu başqa yerlərdə də izləməkdən yorulmur, özünü Madam Pinson olaraq təqdim edir. Halbuki, onun artıq başqa qadınla da evləndiyi bilinir.
Bu sindromdan əziyyət çəkən insanlarda oxşar şəkildə biri haqqında obsessiv düşünmə, fantaziyalar qurmaq kimi simptomlar görünür. əsasən bu fantaziyalar öz xəyal dünyalarının nəticəsi olsa da özlərini həmin şəxsin də sevdiyinə inandırır və bəzən bu narahat edici hal alaraq onları izləmə, evlərinə daxil olmaq, durmadan zəng etmək kimi oxşar şeylər ilə görülür.

9 əjdaha! nihalny

19.06.2022 - 22:47 #351941 mesaj facebook twitter

ata

Old man, you surface seldom.
Then you come in with the tide’s coming
When seas wash cold, foam-

Capped: white hair, white beard, far-flung,
A dragnet, rising, falling, as waves
Crest and trough. Miles long

Extend the radial sheaves
Of your spread hair, in which wrinkling skeins
Knotted, caught, survives

The old myth of origins
Unimaginable. You float near
As keeled ice-mountains

Of the north, to be steered clear
Of, not fathomed. All obscurity
Starts with a danger:

Your dangers are many. I
Cannot look much but your form suffers
Some strange injury

And seems to die: so vapors
Ravel to clearness on the dawn sea.
The muddy rumors

Of your burial move me
To half-believe: your reappearance
Proves rumors shallow,

For the archaic trenched lines
Of your grained face shed time in runnels:
Ages beat like rains

On the unbeaten channels
Of the ocean. Such sage humor and
Durance are whirlpools

To make away with the ground-
Work of the earth and the sky’s ridgepole.
Waist down, you may wind

One labyrinthine tangle
To root deep among knuckles, shin-
bones,
Skulls. Inscrutable,

Below shoulders not once
Seen by any man who kept his head,
You defy questions;

You defy godhood.
I walk dry on your kingdom’s border
Exiled to no good.

Your shelled bed I remember.
Father, this thick air is murderous.
I would breathe water.

(Full fathom five - sylvia plath)

1 əjdaha! nihalny

02.06.2022 - 00:10 #350697 mesaj facebook twitter

china doll

Çinidən düzəldilən gəlinciklərə verilən ad.
Uşaqlıqdan biri də bizdə var, otağımda dururdu. Gecə-gecə özünü atıb intihar etməyə qərar verməsi ilə annabelle də kim dedirtmişdir. link link

0 əjdaha! nihalny

29.05.2022 - 02:10 #350473 mesaj facebook twitter

hayao miyazaki

Bu gün iki fərqli yerdə kontekstdən kənar şəkildə haqqında informasiyaya məruz qaldığım yapon əsilli rejissor. Normal halda yəqin ki, aylarla haqqında heç nə eşitmirəm. Buna görə də bir günə iki info biraz təəccüblü oldu, ziyan olmasın deyə burda da yazım.
Birincisi hayao miyazakinin harvey Weinsteina təhdid olaraq katana göndərməsi ilə bağlı olan məşhur şayiədir. Belə ki, Amerikada bundan əvvəl studio ghibli animasiyası təqdim olunarkən bəzi yerlər kəsilmiş və film editlənmişdi. Buna görə də populyar inanca əsasən Miyazaki Princess Mononokenun Amerikada o zaman yayımlanmasından məsuliyyət daşıyan şəxs olan Harvey Weinsteina düzəlişlər olunmaması üçün təhdid olaraq üzərində "no cuts" həkk olunmuş katana göndərib. Lakin, rejissor özü əslində bunu onun deyil prodüserinin etdiyini bildirib. Miyazakiyə əsasən sonradan New Yorkda baş verən görüşdə Weinsteinın təkidlərinə baxmayaraq o, qələbə çalaraq filmin düzəlişlər olmadan yayımlanmasına nail olub.

ikincisi də, əslində Miyazaki filminin Amerikada yayımlanması ilə bağlıdır. link link Bu, Twitterdə qabağıma çıxmışdı səhv etmirəmsə. Deməli my neighbour totoro filmi Amerikada yayımlanmaq üçün tərcümə olunarkən insanlara daha çox xitab etməsi üçün totoronun craig, kyle və s. kimi daha amerikan adlarla dəyişdirilməsi təklif olunub. Sonda isə Miyazaki sadəcə xarakterin adınının Craig olmasını istəmədiyini bildirərək razılaşmayıb. Belə baxanda da hardan baxsan haqlıdı. Həm də məncə craig aşırı çirkin addır.

Əslində bilməsəniz də olar tərzi informasiyadı hər ikisi də, amma bilsəniz də heçnə olmaz. Həm də demək olar ki, çoxdandır entry yazmırdım. Gotta stay relevant

2 əjdaha! nihalny

29.05.2022 - 01:41 #350469 mesaj facebook twitter

sözlük yazarlarının kompüterindəki oyunlar

Təxminən 2007-ci ildən bəri həyatımdakı tək stabil şey olan the Sims. The Sims 2: the Life Story ilə başlayıb, hələ də The Sims 3 ilə davam edir. Aramıza günlər, aylar, illər, başqa oyunlar girsə də səni sevirəm <3

4 əjdaha! nihalny

25.05.2022 - 00:55 #350262 mesaj facebook twitter

madonna-whore complex

(bax: bakirə məryəm-fahişə kompleksi)
Əsasən kişilərdə görülən ilkin olaraq Siqmund Freyd tərəfindən təsvir olunmuş problem. Belə deyək ki, bu kompleksə sahib olan kişilər üçün qadınlar iki yerə bölünür: evləniləcək və sevişiləcək -*
Yəni, ortası yoxdur. Bu adamlar sevdikləri, hörmət etdikləri yəni gözlərində bakirə məryəm statusuna çıxardıqları qadınlarla əsasən evlənib, həyatlarını birgə keçirmək istəsələr də, həmin qadınlarla cinsi münasibətə girməkdən qaçınır, məcburi cinsi aktdan da əsasən zövq almırlar. Birlikdə cinsi əlaqədən zövq aldığı qadınlara isə, hörmət etmir, onlara sadəcə cinsi obyekt, və yaxud belə deyək ki, fahişə gözü ilə baxırlar. Beləcə heç vaxt şəxsi həyatlarında ortanı tapa bilməyərək, həm özləri tam olaraq münasibətlərindən zövq ala bilmir, həm də partnyorlarını xoşbəxt edə bilmirlər.
Freydin özü bunu belə təsvir edib:
"Bu tərz insanlar sevdiklərini arzulaya, arzuladıqlarını isə sevə bilmirlər"

Psixoanalitikada bu, əsasən uşaqlıqda həyatımızda əsas qadın fiquru olan ana tərəfindən olan soyuq münasibətə bağlansa da, mənim fikrimcə əsas problem uşaqlıqdan bəri cəmiyyət tərəfindən yeridilən tabulardadır. Cinsəllik, xüsusilə, bizim kimi cəmiyyətlərdə o qədər pis, günah kimi təsvir olunur ki, insanların beynində cinsəlliklə bağlı hərşey sevilməməli olan, çirkin bir şey kimi qəlibləşir. Nəticədə də, nə özünə, nə də başqalarına xeyri olmayan fərdlər yetişir. Elə məncə ona görədir ki, bizim kimi daha qapalı cəmiyyətlərdə bu tərz şeylərə daha tez-tez rast gəlinir.
Buna görə də gələcəkdə uşaqlarınızı tabularla deyil, sevgi ilə böyüdün. Love xx -*

34 əjdaha! nihalny

28.08.2021 - 21:41 #335040 mesaj facebook twitter

big in japan

2014-cü il idi, 11-ci sinifdə oxuduğum üçün, demək olar hərkəs kimi, universitetə hazırlaşırdım. Düzü çox da hazırlaşmırdım, heç önəmsəmirdim də, sadəcə eləməli olduğum işlərdən biri kimi, məsuliyyət duyğusunun da verdiyi məcburiyyətlə axına uyub kütləyə ayaq uydururdum da demək olar. Təxminən bir-iki ay olmuşdu dərs başlayalı, @whodoctorwho (sorry not sorry) da sinifimizə təzə gəlmişdi. Normalda çox introvert və çəkingən biri olduğum üçün insanlarla dostluq, ümumiyyətlə münasibət qurmağım çooox uzun müddət alır. Bilmirəm necə oldusa bir neçə həftənin içində artıq məktəbdən elmlərə qədər olan bütün yolu birlikdə danışaraq düşürdük. Hətta hesab açıb bir neçə entry yazıb, hərşey kimi unutduğum sözlüyü də o yadıma salmışdı -* nəysə ki, ən çox danışdığımız mövzu mahnılar idi, bu mahnını da ondan öyrənmişdim. Ane brun verisyasına qulaq asırdıq o vaxt daha çox, daha sonra alphaville-yə keçid elədik. Bu başlığı açanda da mənə əsəbləşmişdi lol gəlib mahnının linkini paylaşdığım hissəni silmişdim mən də. indi nə vaxt bu mahnı çalsa yadıma düşür, gülmək tutur məni
Bugün də istisna deyil -*
Bu arada, hi -*

8 əjdaha! nihalny

22.08.2021 - 22:10 #334633 mesaj facebook twitter

Üz baxımı və dəriyə qulluq

üz baxımı və dəriyə qulluq istər qadın, istər kişi olsun hərkəsin müəyyən dərəcədə etməsi lazım olan birşeydir. hərənin bununla əldə etmək isədiyi nəticədən aslı olaraq isə dərəcəsi arta və azala bilir. ən önəmli faktorlardan biri isə büdcədir. almağa başlamadan öncə büdcənizi nəzərə almalı ona uyğun məhsullar və alternativlər tapmalısınız.
ilk öncə onu deyim ki, evdə məişət məhsullarının əksəriyyətinin (bax: limon) (bax: yumurta) üzə tətbiqinə qarşıyam və entrymdə bunlara demək olar ki, yer verilməyəcək. qarşı olmağımın da tutarlı səbəbləri var və xüsusi ilə problemli dəriniz varsa uzaq durulmalı olan şeylərdir. ilk öncə müsbət reaksiya verirmiş kimi görünsə də bilməm alma sirkəsi, soda, limon kimi şeyləri qarışdırıb tonik kimi istifadə etmək uzun vədədə daha da dərinizin qoruyucu bariyerini pozaraq, problemlərinizi əksər hallarda artıracaqdır. aloe məsələn birçox baxım məhsullarının tərkibində görmək olar. amma niyə evdə məsləhət görmürəm? çünki məhsulların tərkibində istifadə olunan aloe xüsusilə üz üçün qıcıqlandırıcı ola biləcək şeylərdən təmizlənir və beləliklə dərinizdə əks reaksiya vermə ehtimalı 0-a enir. (təbii ki, məhsulun keyfiyyəti və orijinallığından çox şey aslıdır) kimsə gəlib deyə bilər ki, mən üzümə bunları etdim evdə üzüm çox yaxşı oldu. ne mutlu sizə -* amma hər dəri individual olduğu kimi əksər problemli xüsusilə də səpgiyə meyilli və həssas dərilər üçün problemi birə beş artıran şeylərdi bunlar.
gəlin keçək qulluğa. ilk öncə hamının etməsi gərəkən iki bəsit addım var: üz yuma və nəmləndirmə. üz yuma yenə də problemdən və dəri tipindən asılı olaraq individual olmalıdır. tərkibi çox kəskin olduğu üçün dəridə bütün nəmi aşındıraraq dərinizi saharadan daha quru edəcəyi üçün sabunla üz yumaq qətiyyən məsləhət görülmür. aha yağlı dərim var, sabunla yusam balanslaşacaq deyə də düşünməyin çünki dərinizdəki bütün nəmi apardıqdan sonra sabun, bir müddət quruyan dəriniz bunu kompensasiya etmək üçün daha çox yağ ifraz etməyə başlayacaq. ona görə də məqsəd dərini qurutmaq deyil balanslaşdırmaq olmalıdı. hər dəri növünə uyğun, istənilən qiymətdə üz yuma gelləri, köpükləri var. kiçik bir axtarışla özünüzə uyğununu tapa bilərsiz. Səpgiyə meyilli dərilər tərkibində salisil turşu, benzoyl peroxide kimi aktiv inqredientlər olan məhsullara, quru dərilər isə daha yumuşaq və nəmləndirici üz yuma gellərinə üstünlük verə bilərlər.
ikinci hamı üçün önəmli olan etap isə nəmləndirmədi. yenə də üz yuma kimi burda da hər növ, çeşitbəçeşit məhsullar var. normal dərili insanlar üçün xüsusilə asan olan bir hissədir. lakin problemli dəriniz varsa arko kremlərindən uzaq olun tərkibinə baxsaz içi dərinizi daha da problemli edəcək inqredientlərlə zəngindir. ümumiyyətlə inqredientlər ilə müəyyən tanışlıq problemli dərili insanlar üçün önəmlidir. elə bunu nəzərə alaraq da işinizi rahatlatmaq üçün məhsulların tərkibini analiz edən xüsusi saytlar da yaradıblar -*
http://cosdna.com/eng/
https://incidecoder.com/
inqredientlərdən danışmışkən əksər məhsullarda qaçmalı olduğunuz alkohol denat və digər "pis alkoqollar" var məsələn. yuxarıdakı entrylərdən birində də bunun haqqında danışılıb deyə çox uzatmadan belə bir tips verə bilərəm ki cet"yl" alcohol, stear"yl" alcohol kimi sony "yl" ilə bitən spirtlərin əksəriyyəti(!) yaxşı alkoqol sayılır və əksərən problem yaratmır. Amma alcohol, alcohol denat, ethanol və s. kimi inqredientlər gördünüzsə işıq sürəti ilə uzaqlaşın. Digər problemli və həm də problemsiz sayıla biləcək inqredient ətir(fragnance, parfum) ola bilər. Əslində məhsullarda heçbir işə yaramayan bu tərkib hissəsinin tək məqsədi məhsula daha xoşagəlimli iy verməkdir. Yəni ki, olub olmamasının məhsulun effektliyinə qətiyyən təsiri yoxdu. Lakin birçox həssas dərili insanlar üçün əsl problem mənbəyidir və həssas dərili insanlar gördükləri yerdəcə qaçmalıdırlar. Normal dərili insanlarda da problem yaratma şansı var, lakin əksər insanlarda aşağı dozalarda istifadə olunduqda problem olmur. (aşağı deyirəm çünki özüm məsələn vichy ağ gil maskasındakı kəskin ətirdən çox narahat olsam da, elizaveccanın hyaluron turşusu tərkibli serumundakı cuzi miqdarda ətir problem yaratmadı). Xüsusilə üz yuma vasitələrində gördüyümüz və çalışdıqca üst sırada olduqda ikinci dəfə düşünməli olduğumuz bir tərkib hissəsi sodium laureth sulfate kimi sulfatlar ola bilər, çünki uzun müddətli istifadədə əksər hallarda dərinin lipid mantiyasını zədələyir. Xoşbəxt olmayan dəri isə özü ilə birlikdə problemləri də gətirir. Səpgiyə meyilli problemli dərilərin qaçmalı olduğu inqredientlər isə efir yağlarıdır. (bknz: essential oils) Bunlara məsələn ginger, jasmine, lemongrass əsasən nəmləndiricilərin tərkibində rast gəlinən yağlar aiddir. Lakin bütün yağlarmı pisdir səpgiyə meyilli insanlar üçün? xeyr, məsələn rosehip, squalane, grapeseed kimi yağlar əsasən "acne safe" sayılır və əksər hallarda problem yaratmır. hardasa kokos yağının isə səpgili dərilər üçün möcüzəvi inqredient olduğunu oxusaz, həmin yerdən və reklam olunan məhsuldan uzaqlaşın, çünki tam əksidir deyə bilərik. Daha çox su bazlı və hyaluron turşusu tərkibli nəmləndiricilər sizin dostunuz sayıla bilər. Bəs quru dərilər? onlar üçün təbii ki, daha ağır nəmləndiricilər lazım olacaq. Xüsusilə qışa nəmləndiricilərini qurşanaraq hazırlaşmalıdılar çünki bu onların ən ehtiyacı olacağı silahdır. Ümumilikdə, quru dərilər üçün nəmləndiricilərdə əksər ingredientlər problem yaratmasa da ən sevilənlər yenə də hyaluron turşusu və gliserindir deyə bilərəm.
Bu ikisini baza olaraq götürsək digər məhsulları problemə və məqsədinizə görə seçərək bu ikisinin arasında istifadə edə bilərsiz. istifadə etmə sırasına görə hər biri haqqında qısa yazacam.
üzümüzü yuduqdan sonra istifadə edə biləcəyimiz ilk məhsul tonik və ya essensiyadır. üz yuma vasitələrinin phi dərimizdən fərqləndiyinə görə əsasən üzün ph balansını tənzimləmək və üz yuyarkən dərinin itirilən nəmini qaytarmaq funksiyası daşıyır. o qədər də önəmli bir mərhələ deyil, olsa da olar olmasa da. çox quru dərilər nəmləndirici toniklərdən daha çox fayda görə bilərlər.
tonikdən sonra istifadə edə biləcəyimiz məhsul toner və ya lasyondur. yağlı və səpgiyə meyilli dərilər üçün önəmli olan tonerin məqsədi dərini dərindən təmizləməkdir deyək. əsasən tərkibində turşular olan tonerlər istifadə olunur və bu turşular özləri isə aha və bha olaraq iki yerə bölünür. Aha (bax: alpha hydroxy acids) dərinin daha üst qatlarında işləyir və əsasən quru dərili insanlara məsləhət görülür. Dərinin üst qatındakı ölü dərini təmizləyərək, dərinin yenilənməsini sürətləndirir. Aha turşuların ən çox istifadə olunanlarına glycolic acid, mandelic acid, lactic acid misal göstərə bilərik. Bha (bax: beta hydroxy acids) turşuların ən çox istifadə olunanı isə tez-tez gördüyümüz salisil tuşusudur. burda bir daha turşu sözünü vurğulamaq istəyirəm, spirt deyil salisil turşusu. salisil spirtinin tərkibində salisil turşusu olsa da əsas tərkibi etil spirtidir hansı ki əvvəldə də etil spirtindən uzaq durmalı olduğumuz demişdik. maksimum istifadə edəcəyiniz yer tutalım ki, nəyisə sıxdız üzünüzdə üzərindən dezinfeksiya etmək üçün vura bilərsiz. bunu da dərini daha az qurudan dəri üçün antiseptik məhlul olan xlorheksidinlə əvəz edə bilərsiz. qiyməti təxminən spirtlə eyni civarda olmalıdır. nəysə ki qayıdaq bha turşulara, bunlar dərinin aha turşularından daha dərin qatlarında da işləyərək məsamələri dərindən təmizləyir. ona görə də problemli dərilər üçün xüsusilə faydalıdır deyə bilərik. alarkən diqqət etməli olduğunuz nüans tərkibində salisil turşusunun miqdarının 2%dən çox olmamasıdır, çünki ondan çoxu evdə istifadə etmək üçün münasib deyil və dərinizi daha da zədələyə bilərsiz.
bundan sonra artıq serumları, boosterləri nə istifadə edirsinizsə əlavə edirsiz nəmləndiricidən öncə. bunlar isə yenə də problemə uyğun seçilir. məsələn yaşlanma əleyhinə retinol, collagen, CoQ10, piqmentasiya əleyhinə yenə də retinol, vitamin c, niacinamide tərkibli, səpgilər əleyhinə retinol, salisil turşu, azelaic acid, niacinamide kimi, quruluq üçün isə hyaluron turşusu tərkibli serumlar işlətmək olar. Əgər həkimin yazdığı və ya istifadə etdiyiniz topikal krem və ya maz varsa o da ya bu mərhələdən sonra, ya da nəmləndiricini dəriyə tətbiq etdikdən bir müddət sonra istifadə edə bilərsiz.
Səhərlər nəmləndiricidən sonra istifadə etməli olduğunuz və çox önəmli olan gündən qoruyucu kremi isə unutmayın. Xüsusilə də dəriniz həssasdırsa, və ya turşular, retinol, vitamin c, tretinoin, adapalene kimi məhsullar varsa rutininizdə günəşdən qorunmaq çox önəmlidir, çünki hər biri günəşə qarşı həssas edir dərini və piqmentasiya riskini artırır. Ümumiyətlə isə günün ultrabənəvşəyi şüaları dəri xərçənginin ən başlıca risk faktorlarındandır, ona görə də spf deyib keçməyin.
Digər də həftədə bir-iki dəfə gil, nəmləndirici maskalar və başqa məhsullar da əlavə edə bilərsiz. Gündəlik makyaj istifadə edirsizsə axşam misellar su, hirofil yağ və ya balm ilə iki mərhələli təmizləmək önəmlidir dərinin tam makyajdan təmizlənməsi üçün.
Evdə illa da nəsə etmək istəyirsinizsə ağlıma gələn, xüsusilə də quru dərilər üçün işə yaraya biləcək məhsul yəqin ki, baldır. təbii humektant sayıldığı üçün maska kimi istifadə etmək olar. Amma bunun üçün tərkibində şəkər qatılmamış təbii bal tapmaq önəmlidir. yəni ki, hər əlinizə gələn balı da üzünüzə sürtməyin. Problemli, səpgili dərilər isə işlədərkən daim ehtiyatlı olmağı unutmamalıdırlar.
Quru dərilər üçün isə nəmlədiricinin üzərindən vazelin(saf petrleum jelly amma) sürtmək qışda çox kömək edə bilər, lakin vazelinin özü okklusivdir, yəni nəmləndirici xüsusiyyəti yoxdur sadəcə dəridəki nəmi dəridə saxlamağa kömək edir. Yəni ki, nəmləndirici istifadə etmədiyiniz halda dərinizə çox da köməyi olmayacaq.

28 əjdaha! nihalny

02.02.2021 - 03:45 #319102 mesaj facebook twitter

yggdrasill

Şimal mifologiyasında inanca görə kainatın mərkəzində yerləşən, kökünü Urd yəni Tale bulağından alıb, ən hündür budaqları Asgarda çatan ağac. Əfanəyə görə gövdəsində taleydən xəbər verən Nornlar adlanan üç qadın otutur, ağacın gövdəsini oyaraq taleyi şəkilləndirir və kainatdakı bütün sirlər ağac vasitəsilə onlara bəlli olurdu. Kainatdakı hərşeyi görə bilmək üçün artıq gözünü qurban vermiş Odin isə onlara baxaraq həsəd aparır və ağacın, beləcə də kainatın bütün sirlərinə agah olmaq istəyirdi. Bunun üçün o, ağaca verə biləcəyi ən dəyərli qurbanı, yəni özünü verir. Özünü nizə ilə vurduqdan sonra, ağacın bir budağından özünü asır və bütün tanrılara kömək etməyi qadağan edir. 9 gün, 9 gecə ağacın budağında yeməksiz, susuz şəkildə asılı qaldıqdan sonra qurbanı qəbul olur beləliklə o, yenidən doğulur. Lakin bütün sirlər ona agah olduğu üçün bu dəfə kainatdakı ən qüdrətli varlıqlardan biri olaraq.

Həmçinin çox sevdiyim şimal folk mahnılarından biri də onun haqqındadır:

(youtube: )


(bax: dying-and-rising deity)

6 əjdaha! nihalny

01.02.2021 - 01:13 #318988 mesaj facebook twitter

/ 20 »

blok -   başlıqlarını gizlət