qızılca

təxminən iki il öncə dünya səhiyyə təşkilatı və bir sıra həkimlər qızılca epidemiyasının olacağını söyləmişdilər.vaksinlərin nə qədər önəmli olduğunu söyləməklə bizim insanlar anlamadığı üçün bəlkə bu hadisələrdən sonra anlamağa ən azından cəhd edərlər.ancaq bundan öncə qızılca və məxmərək ayırımını bilməyən həkimləri qınamaq lazımdır. Rayon yerində bir poliklinikaya gedib qızılcaya qarşı antikor(immunqlobulin) baxdırmaq istəyirəm desəniz qadınsızsa hamilə olduğunuzu düşünüb məxmərək baxacaqlar.məxmərək(rubella),qızılca(rubeola) oxşar adları və klinik gedişinə görə qarışdırıla bilir,amma təbii ki,tibb fakültəsindən məzun olan birinin buna haqqı çatmır.məxmərək daha yüngül gedişə malikdir və əsasən hamilələrdə təhlükəlidir,çünki döldə qalıcı anomaliyalara səbəb ola bilər.ona görə qadınlar hamiləlikdən öncə bədəndə antikor yoxdursa vaksinlənmək məsləhətdi.qızılca daha ciddi bir xəstəlikdir və xüsusilə yetişkinlərdə daha təhlükəli ola bilər.iki virusun ayrımını bilən xəstəxana tapsanız,antikor baxdırıb rahatlaya bilərsiz.uşaq vaxtı keçirib ya da peyvəndlənərək bədəninizdə antikor yaranıbsa lap yaxşı.yox əgər negatif çıxırsa demək ki,sizi qoruyacaq nəsə yoxdu bədəninizdə.yetişkin biri olaraq ya özünüzü ciddi qoruyacaqsız,ya da vaksini tapıb vaksinlənəcəksiz.eyni şey əslində su çiçəyi(varisella) üçün də keçərlidir.25 yaşıma qədər keçirmədiyim üçün xəstə biri ilə təmasdan sonra 1 gün içində vaksinləndim və təbii ki,qoruyucu oldu,keçirmədim.vaksinlənmək gözəldir,haqqında yayılan miflər isə əsassız.aşağıda ən yaxın vaxtlarda özünüzü ciddiyə alıb ,pul xərcləməkdən çəkinmədən etdirməyi məsləhət gördüyüm vaksinləri yazmaq istəyirəm,könül istərdi bizdə də ən önəmli vaksinlər dövlət tərəfindən qarşılansın amma nəysə..
-Hepatit A(səhiyyə işçiləri xüsusən)
-hepatit B(hər kəs)
-tetanus(hər kəs)
-qızılca, məxmərək,su çiçəyi(antikor baxdırmaq,negatifdirsə ən qısa zamanda)
-hpv=papilloma virus =gardasil vaksini(uşaqlıq boynu xərçəngindən qorunmaq üçün-toppuş bacının etdiyi səhvi etməmək üçün,xüsusilə qadınlar və cinsəl həyata başlamadan öncə)

yazarların etdiyi umbaylıqlar

3 gün əvvəl dodaqlarım həddindən artıq qurduğu üçün aptekə girib hametan krem aldım.çıxdım ordan və metroya doğru gedirdim,qapağını açdım ki,istifadə edim yoxsa dodağımın ağrısından işə güclə gedəcəm. gördüm diş məcunlarında olduğu kimi örtüklüdü amma deşilən örtüklərdən,soyulanlardan deyil.üstümdə də deşmək üçün heç nə yox idi.bu aralar sosial anksiyetem azalıb deyə özümü qab-qacaq mağazasına saldım.onlar da sevindi ki səhər saat 8də müştərimiz var.hamısı töküldü üstümə,az qala çay süfrəsi açılacaqdı.utana-utana dedim ki,kremin örtüyünü dəlməliyəm sizdə iti uclu nəsə var mı? satıcı kremi aldı əlinə və qapağını çevirib,arxasındakı çıxıntı ilə deşdi.və mən ilk dəfə 25 yaşımda bunu öyrəndim. uzun zaman olmuşdu belə umbaylıq yaşamamışdım ona görə unutmaq bir az zaman alacaq :d

sertralin

3 aya yaxındır istifadə etdiyim antidepressant. 2020-ci ildən bəri artan anksiyetem və düşük ruh halı səbəbi ilə ehtiyacım olduğunu düşündüm və psixiatr tanışımın məsləhəti qəbul etməyə başladım.ilk 6-8 həftə ərzində bir nəticə görəcəyinizi sanmayın, nəticədən çox yan təsirlərini görəcəksiz: tremor,başağrısı, iştahsızlıq ,ürəkbulanma və s.8 həftədən sonra isə elə bir vecsizlik hissi gəlir ki, üzünə söysələr belə bu həyat yaşamağa dəyər moodunda olursan.küçənin ortasında mahnı səslənsə özünü rəqs etməkdən güclə saxlayıb,səhərlər işə gedəndə az qala tanımadığın insanlara belə hamınızı çox sevirəm,əzizlərim deyəsin gəlir.bir sözlə mənim xilaskarım.uzun müddət istifadə etməyi ya da belə deyim həyatım az da olsa yoluna düşənə qədər istifadə etməyi düşünürəm.amma mütləqdir ki,ən azı 6 ay istifadə edəsiz,başlayanda və bitirəndə anidən deyil,1 həftə içində doz azaldaraq etmək lazımdır.uzun müddət istifadədə ciddi bir yan təsiri yoxdur,hətta ürək əzələsi və fəaliyyəti üçün faydalı olduğunu deyir həkimlər.digər tərəfdən qızlara şad xəbərim var.prolaktin artışına səbəb olub büstqalter ölçünüzü azca dəyişə bilər :D . uzun müddətdir ki, pis və qayğılı hiss edirsizsə bunu normallaşdırmayın,dərd varsa çarəsi də var.ruh sağlığınız gözlə görüləcək bir probleme səbəb olmasa da hələlik sonradan fiziki sağlamlığınızı da itirməmək üçün laqeyd yanaşmayın.təbii ki,həkim məsləhətindən sonra...

sözaltı günlük

bu dəfə xoş xəbərlərlə gəlmişəm ,sözlük. 2 həftə öncə bu qədər yetər deyib həyatımda ciddi dəyişikliklər etməyə qərar verdim.ən əsası həmişə üstündən ötüb keçdiyim,bir şey olmaz dediyim mənə kiçik görünən problemlərimi həll etməyə başladım.artıq onları normallaşdırmıram.önəmsiz görünsələr də mənə əslində həyatıma təsirləri böyük imiş.daha yaxşı hiss etməyə başladım,daha yaxşı düşünməyə və yaxşı şeylərin olacağına ümid etməyə başladım.dünən çox sevindirici bir xəbər aldım.gerçəkləşməsi üçün ümidlərim böyükdü,ancaq bu dəfə kimsəylə bölüşmürəm.ailəmlə belə.bitch universe deyəsən bir az mənə güzəştə getmək istəyir.nəysə ki, günlük başlığına həmişə melanxolik və dibə vurma entryləri yazan veronikanın da sonu gələ bilər.amma bir şey var,əjdahaları mən necə alacam fkemfmek. antidepressantım da işə yarayır,o qədər yarayır ki,gecə 12də özümü parkda mahnı oxuyaraq gəzən yerdə tapıram . serotoninə möhtac qalmağım uzun zaman olmuşdu....necə deyərlər hər kəsin bir gün həyat yolu bir ssri ilə kəsişir.çox şeyin təbiiliyini itirdiyi bir dünyada xoşbəxtliyin spontan olaraq yaranmasını gözləmək bir az absurd ola bilərdi hərhalda.ən azından indi səhərlər yataqdan çıxmağa yetərli gücüm olur.

kənarda qalmış izlənməsi lazım olan filmlər

robert de niro və meryl streepin əsrarəngiz gəncliklərini ərsəyə alan falling in love filmi. sırf gənclik halları üçün də izlənir. çox illər öncə bizim tv kanallarının birində izləmişdim,bu yaxınlarda tapdım yenidən izlədim. kənarda qalıb həqiqətən, taxi driverin kölgəsi üzərinə elə düşüb ki, çox adamın filmdən xəbəri belə yoxdu.

sözaltı günlük

əziz günlük, yalnızlıq çəkirəm. hər kəsdən uzaq yeni şəhərə getmək yaxşı fikir deyilmiş. bir gəlməyi planladığımız insanların sözünün üstündə durmasına da üzülürəm burda 0dan yeni insanlarla tanış olub ünsiyyət qura bilməməyimə də. Bugün ağlayacaq həddə çatdım. 1 aya imtahanım var, oxuya bilmədim nəsə, durdum çıxdım. Parka gedəcəkdim onu da google map düzəmməli göstərmədi. Mindim metroya qayıtdım evə. yolüstü 7 faizlik pivə alıb, çəkdim başıma. bir az kefim yerinə gəldi, olmayan səsimlə sevimli mahnılarımı oxudum, boş-boş güldüm. ehtiyacım vardı. yalnızlığı unutmaq üçün hər gün içə bilmərəm. ona görə heç vaxt bağlımlı olan insanları qınamamışam. əksinə həmişə üzülmüşəm onlara, bir səbəb var ki, sırf yaxşı hiss etmək üçün o qədər pullarını qurban edirlər. mən də yaxşı hiss etmək istəyirəm sözlük, taxi driverin female versiyası olmaq istəmirəm. bu aralar həyatım üzü aşağı gedir, çox stresli, tək və düşüncəliyəm.qürurumdan bunu kiməsə deyə bilmərəm amma yaxşı ki, burda yazıb az da olsa rahatlaya bilirəm. darıxdığım insanlara darıxdım yaza bilmirəm, gəlsən yaxşı olardı bura yaza bilmirəm. amma çox istəyirəm sözlük. hər yerdə həmişə yalnız hiss etməkdən bezmişəm