yoxsul insanlar

Yoxsulluğu, səfaləti bütün acımasızlığı ilə təsvir edən, məcburiyətin insanı nələrə vadar edə biləcəyini ən təmiz halıyla çatdıran ustad Dostoyevskinin hələ 24 yaşında ikən yazdığı ilk romanı belə adlanır. Alışılandan fərqli olaraq bu roman iki nəfərin-Makar Devuşkin və onun himayəsində olan gənc qız Varvaranın məktublaşmalarından ibarətdir. Dostostoyevski bitirər bitirməz bu romanı öncə Nikolay Nekrasova göndərir. Böyük bir bəyəni qazanan roman tez bir zamanda çap olunur və Dostoyevskini tanıdır.
əsas qəhrəmanlar həmişə olduğu kimi alt təbəqənin üzvüdürlər. onlar kasıbdırlar, onlar səfildirlər, onlar cəmiyyətin tapdalamaqdan, əzməkdən çəkinmədiyi fərdləridirlər. Ancaq əllərinə gələn ən kiçik gəliri belə bir-biri ilə paylaşmaqdan, bir birlərinin dərdinə əncam qılmaqdan çəkinmirlər. Maddi yoxsul olan bu insanların qəlblərinin nə qədər zəngin olduğunu buradan görə bilərik. Lakin həyat öz amansızlığını heç vaxt əsirgəmədiyi müddətcə yetişdirdiyi insanların verdikləri dəyərlər də dəyişir. Yoxusulluq insanların gözündə artıq ara,bağışlanmaz günaha, digər insani dəyərlər isə heçə çevrilmişdir. Həyatın amansızlığı demişkən, onu belə edən elə insanlar özləri deyilmi?!

zamanla dəyişmək

“Hər bir insan içində bütün insan xüsususiyyətlərinin təməlini saxlayar və zamanı gəldikdə hər birini göstərər.”~(Tolstoy-Dirilmə )
Həyat ziddiyətlərlə doludur. insan elə anlarla üzləşə bilər ki, o an heç olmadığı biri kimi davranar. Bəzi insanlar necə rahatlıq tapdığını görmüş olar və yenidən eyni və ya bənzər halla üzləşdikdə həmin ankı vəziyyətini xatırlayaraq o halını göstərməkdən çəkinməz. Artıq bu davranış şəkli onun üçün vərdiş halını alar. Bəziləri isə bunu görməz, eyni özündən çıxmışlığı davam etdirməz.
Yalana, xəyanətə, acımasızlığa alışmış biri kiməsə bilmədən və ya bilərəkdən göstərdiyi mərhəmətin ürəyinə necə su sərpdiyini görüb içini yanıdıran pislik alovunu sakitləşdirmək üçün hər dəfə eyni yola əl ataraq onu söndürə bilər, bir başqası isə kiçicik damcıların alova təsir etmədiyini görüb həmişəki yolu ilə davam etməyi seçər;mutiliyə, susmağa alışmış biri səbr kasasının doluduğu bir an, içində toplanmış olan qəzəbi bir səfər boşaltmaqla özünü necə düzgün ifadə etdiyini gördükdə qarşısına çıxacaq haqsızlıqlara qarşı güc tapar və yenidən eynisini etməkdən çəkinməz, başqa biri isə yenə eyni cəsarəti göstərə bilməyib əvvəlki kimi yaşamağa davam edə bilər.
Nümunə olaraq göstərdiyim 2 ci tipə aid olanların davranışlarının dəyişməməsi onların dəyişmədiyi mənasına gəlməz. Dəyişim yalnızca davranış şəkli deyildir, dəyişim dirilmədir. Dəyişim insanın özünü kəşf etməsidir. Və bunu sadəcə zamanla, yaşananlarla anlamaq mümkündür.

charles bonnet sindromu

Charles Bonnet isveç yazıçısı olmuşdur.18ci əsrdə yaşamış Bonnet qardaşımız yaşlı babasının katarakta xəstəliyi nədəniylə görmə qabiliyyətini itirdikdən sonra halüsinasiyalar gördüyünü müşahidə etmişdir.ilk başlarda normal olaraq kimin başına gələrsə,ilk ağlına gələcək şeyi-babasının yaşa dolduqca ağlını itirdiyini düşünmüşdür.Ancaq onunla söhbətlər aparmış,suallar vermiş və verdiyi cavablara əsasən babasında heç bir psixi problem olmadığını anlamış,babasının da israrla real olmayan şeylər gördüyünü iddia etməsi ilə təvəzökarlığndan heç də ödünc verməyərək bu halı Charles Bonnet sindromu adlandırmışdır.
Xülasəsini verməli olsaq,müəyyən xəstəliklər nədəniylə görmə qabiliyyətini itirmiş insanların beyinləri görmə funksiyasının yerinə yetirilmədiyini görür və öz fantaziyalarına əsasən gözlərin önünə yeni “görüntülər” sərir.Əlbəttə ki,kim olsa,hətta qıraqdan kimsə elə düşünməsə belə,insan öz özlüyündə ağlını itirdiyini düşünər.Çünki bu zaman görülən şeylər heç də real olmur.Bu sindromdan əziyyət çəkənlər arasında qəribə görünüşlü insanlar və ya onların hər hansı bədən üzvlərini müxtəlif ölçülərdə görənlərdən tutmuş,eynəkli şimpanzelərin ətrafda qaçışdığını görənlərə qədər olmuşdur.Dediyim kimi bu hansısa xəstəlik nəticəsində,sonradan görmə qabiliyyətini itirən insanlarda baş verir,yəni yalnızca yaşlılarda müşahidə olunmur.

sezar şifrəsi

Kriptoqrafiyada bilinən ən qədim və tapılması asand olan şifrələrdən biridir.Adından da bəlli olduğu üzrə sərkərdə Sezar öz yazışmalarının gizli qalması üçün bu şifrələmə üsulundan istifadə edirmiş.
Kodlaşdırmamız sırf “sürüşdürmə” yolu ilə həyata keçirilir,ümumi yazacağınız söz və ya cümlə üçün bir rəqəm seçirik və bütün hərfləri əlifba sırasındakı yerləri üzrə həmin rəqəm qədər sürüşdürürük.(Məsələn Azərbaycan əlifbası üzrə desək,rəqəmimiz 2 olduqda D hərfini C və ya Ə təmsil edəcək bu artıq seçimdən asılıdır)Əsas məsələ həmin o rəqəmi tapmaq və bütün hərfləri eyni qayda ilə sıralamaqdır.Əgər sağa doğru sürüşdürmə etdikdə,tutaqki bayaq dediyim kimi sürüşdürmə rəqəmi olaraq 2 təyin etsək və z hərfini ifadə etmək istəsək bu zaman əlifbada hərflər bitdiyi üçün ən başa gedilir.(Z=B olur)
Vdçohq ıçjç!!

yazarların ən bəyəndiyi kitab girişləri

Tolstoy-Anna Karenina “Bütün xoşbəxt ailələr bir-birinə bənzəyirlər,bədbəxt ailələr isə hər biri özünə görə ayrı cür bədbəxtdir”

Tolstoy-Dirilmə”Xırdaca bir yerə yüz minlərcə yığışan bu adamlar torpağı təpikləsələr də,nə qədər heç bir şeyin bitməməsi üçün torpağın üstünü daşla örtsələr də,cücərən hər otcığazı nə qədər yolsalar da,daş kömür və neft yandırıb nə qədər tüstülətsələr də,nə qədər ağacları doğrayıb,heyvanları və quşları didərgin salsalar da-bahar,hətta şəhərdə də elə bahardır.”

Orhan Pamuk-Məsumiyyət muzeyi ”Həyatımın ən xoşbəxt anıymış,bilmirdim.Bilsəydim,bu xoşbəxtliyi qoruyar,hər şey tamamilə fərqli ola bilərdimi?”

anatolian rock revival project

ARRP-Türk Anadolu rock,pop və jazz musiqisini tarixin tozları arasından alaraq günümüzdə dijital platformaya gətirib çıxaran layihədir.2014 cü ildə Gökhan Yücel tərəfindən yaradılmış bu layihə 1968-80 ci illər arasında çıxmış musiqi əfsanələrini illustrasiyalardan istifadə edərək Youtube üzərində bizlərə unudulmaz həzz yaşadır.Kanallarında musiqi,illusturasiya və paylaşılan hər musiqi haqqında verilən ingilis və türkcə məlumatlarla Türk musiqisini dünyaya tanıdır.
Düşünürəm ki,Azərbaycanın retro musiqiləri üçün də eynilə belə bir layihənin yaradılması və musiqi tariximizin möhtəşəmliyinin daha da tanınması,sevilməsi və yaşadılması zəruridir.
Aşağıda kanallarından bəyəndiyim bir neçə parçanı qeyd etmişəm.Eyni zamanda ilk paylaşdığım Erkin Korayın “Bir eylül akşamı” parçası The Rolling Stones qrupunun məşhur parçalarından olan “Paint it Black”in ilham qaynağıdır.

(youtube: )

(youtube: )

(youtube: )

(youtube: )

(youtube: )

oblomov sindromu

“Oblomov” rus yazıçısı ivan Qonçarovun romanıdır,romanın adı baş qəhrəman ilə eyni adı daşıyır.Oblomov dürüst,saf olması və insanların yaxşılığını istəməyi ilə yaxşı insan olaraq bilinir.Ancaq həyatını məhv edən və onu tamamilə insanlıqdan çıxaran xüsusiyyətləri onu gözdən salır.Oblomov tənbəl,heç bir şey istəməyən,istək duysa belə onu eləməkdən aciz biridir.Onun tək problemi fiziki tənbəllik deyil,eyni zamanda düşünmək,qərar vermək kimi zenhi fəaliyyət qarşısında da zəifdir.Qısaca həyatdan bezmiş şəkildə yaşamını sürdürür,tək dərdi günlük yemək,içmək və yatmaq ehtiyacını təmin etməkdir.Eyni zamanda olduğu vəziyyətin özü də fərqində olsa da, bunu dəyişmək üçün cəhd etməycək qədər iradəsizdir.
Qançarov bu əsəri yaradarkən rus insanının ümumi xarakterlərini bir şəxs üzərində əks etdirərək onların bədbəxtçiliyinin əsas səbəbinin “oblomovçuluq”olaraq göstərsə də,aydındır ki,”oblomovlar” dünyanın hər bir yerində mövcuddur.”Oblomov sindromu”,”oblomovçuluq edirsən” kimi deyimlər məhz həmin xüsusiyyətləri daşıyan insanlara deyilir.