kemal kılıçdaroğlu

deniz baykal kimi parazitin rte ilə əl-ələ verib yürütdüyü qütbləşdirici elit müxalifəti ola biləcək ən qısa müddətdə passivləşdirib partiyanı və kadrlarını big tent halına gətirə bilmiş və yalnız bundan sonra nüfuzunu qaldıraraq seçkilərin favoritinə çevrilmiş əməkdar siyasətçi. Bu məşəqqətli yolda eşitdiyi hər cürə təhqir, gördüyü neçə-neçə hücum və sui-qəsdlər yolundan dönməsinə səbəb olmadı, elə buna görə də arzusuna nail olmağa bu qədər yaxınlaşa bildi.

illərdir ortabab iqtisadiyyat və sosial rifahın təmin olunduğu şəraitdə savadsızların, mənfəətgüdən şarlatanların və islamistlərin misilsiz dəstəyi ilə ölkəni idarə edən rte və akp-yə qarşı hərhansı bir qələbənin mümkünsüzlüyünü unudan ya da bilərək yadına salmayan kütlələr tərəfindən luzer adlandırılan bu şəxs:
1. 2014-də devlet bahçelinin təkidi ilə qalib olma ehtimalı olmayan ekmeleddin ihsanoğluna şərtsiz dəstək verdi, nəticədə məğlub oldular;

2. 2015-ci il seçkilərində Ərdoğan təkbaşına hökuməti qura bilmədiyi üçün bahçeliyə baş nazirlik təklif edərək birgə hökumət qurmağı təklif etdi, lakin bahçeli qəbul etmədi, nəticədə yüzlərlə insanın qanı bahasına 5 ay sonra Ərdoğan 50%-ə yaxın səs aldı;

3. 2017-də 69 yaşı olmasına baxmayaraq, millət vəkillərinin həbsinə etiraz etmək üçün Ankaradan istanbula yürüyüş təşkil etmiş, minlərlə insanı haqq, hüquq, ədalət şüarı altında birləşdirmişdi;

4. 2018-ci il seçkiləri ərəfəsində meral akşenerin iyi partisinin seçkilərdə iştirakına şərait yaratmaq üçün chp-nin 15 mamdatını müvəqqəti vermiş, beləcə "millət ittifaqı"nın əsasını qoymuşdur;

5. 2019-cu ildəki bələdiyyə seçkilərində baykalın elit baxış bucağına uymayacaq şəxslərin namizəd olmasında dirəşərək illər sonra istanbulu, ankaranı və digər böyük şəhərləri müxalifətə qazandırmışdır.

Bu və ardınca atılan konstruktiv addımlarla illər sonra müxalifəti qələbəyə yaxınlaşdıran adam heç cürə luzer hesab olunmamalıdır, oluna bilməz. indiyə kimi məğlub olduğu seçkilərdə payı olanlar bu gün ona müxtəlif ittihamlar irəli sürsələr belə, dövlətçilik mədəniyyətinə sahib olan və seçkiqabağı təşviqat kampaniyasında gözlənilməz nəticələr göstərən kılıçdaroğlu türkiyənin ikinci yüzilliyinin memarı olacaq. Onunla birgə Azərbaycanın da taleyinin dəyişəcəyinə inanıram və səbirsizliklə bir həftə sonrakı nəticələri gözləyirəm.
Uğur olsun, bay kemal!-*

azərbaycanda formula 1 yarışlarının keçirilməsi

başqa bir yazarın yazdığı kimi, Bütün ölkələrdə olmasa da, Türkiyədə istanbul park və Rusiyada olimpiya kompleksinin ətrafında inşa edilmiş soçi avtodromu nümunəsitək şəhəriçi olmayan halqalar mövcuddur. Bunlarla yanaşı, Bakı qran-prisi monaco gp, singapore gp, və Melburndakı australian gp kimi city circuit hesab olunur. Şəhəriçi halqanın pilotlar üçün yaratdığı maneələri nəzərə aldıqda, təəssüf ki, sadalanan qran-prilərin f-1 həvəskarları tərəfindən daha maraqlı qarşılandığını başa düşürük.

Şübhəsiz ki, bu yarışa qarşı (içi özüm qarışıq) sakinlər nəzdində bu qədər nifrətin səbəbini aydındır. Aşağıda yerləşdirdiyim videoda monakodakı yarışa hazırlıq prosesindən söhbət açılır, videonun sonlarına doğru isə öyrənirik ki, monakoda yollar sadəcə yarış olan saatlarda sakinlər üçün qapalı qalır, Melburn və Sinqapurda isə bakıdakı rejim tətbiq edilir:

(youtube: )

ədalət muradov

Vizyonu mövcud rektorlar arasında fərqlənsə də, atdığı addımları izləməməsi və yeniliklərin davamsızlığı nəticəsində tez-tez qarışıqlıq yaratma potensialına sahib şəxs. Davamsızlığın əsas səbəbi fəaliyyətinə "biz hər şeyi edirik" imici vermək istəməsidir, çölündəkilər bilməsə belə içindəkilər olaraq imtahan sistemindən tut tədrisə qədər oturuşmuş heç nə olmadığını görürük.
Bir də tələbə kontingenti və kəmiyyəti unudulmamalıdır. 15-20 min tələbəsi olan heç bir universitet ciddi yenilik edə, təhsildə inqilab həyata keçirə bilməz. ada universiteti və Bakı ali neft məktəbinə verilən böyükölçülü maddi və texniki dəstəyin özünü doğrultmasında məhz tələbə keyfiyyəti və say azlığı ciddi rol oynayır.

Əlavə olaraq, pulxoz başı hacıyevin vaxtında xiq* xüsusi istedadlar qrupu -ə verilən toxunulmazlıq indiki ise və sabah-a da verməlidir. Nümunəvi modelləri qoruyub bütün universiteti o səviyyəyə çıxarmaq onları universitetin səviyyəsinə salıb yerində saymaqdan daha uğurlu strategiya sayılır.

9 aprel 2025 azərbaycanda prezident seçkiləri

2023 sonu - 2024 əvvəli konstitusiyaya dəyişikliklər referendumdan sonra parlament seçkiləri ilə birgə növbədənkənar şəkildə gələn ildə keçiriləcəyini düşündüyüm seçki.

Yəqin ki, Başlığı açan yazardan fərqli olaraq, Azərbaycanın və hazırkı prezidentin sadaladığı proseslərin gedişatına heç bir təsirinin olmadığı mövzusunda böyük çoxluq eyni düşünür. Əksinə, Rusiyanın ukraynada yubanması, üzü yaya getdikcə gözlənilən nato əks-hücumunun baş verməsi ilə müharibənin bizə təsiri ola bilər.

Bu təsir prezidenti, avtoritar yanaşmanı dəyişə bilərmi? Zənnimcə, yox. Gürcüstan, Ermənistandan fərqli olaraq, Azərbaycanın avropaya verə biləcəyi çox şey var, rusiyanı Azərbaycanın üstünə tullandırmaq heç bir tərəfə sərf etmir. Buna görə də, qərb cəbhəsi Azərbaycanda siyasi dəyişiklik etmək fikrində deyil, uzaqbaşı reformist tədbirlərə əl atar, ümumdünya ticarət təşkilatı məsələsini canlandırıb iqtisadi liberallaşma addımlarına cəhd edər. Bunları da xalq rifahını artırıb sabitliyi bərqərar etmək niyyəti ilə həyata keçirər.

#311865 2,5 il əvvəl yazdığım kimi; aktivlik nümayiş etdirmək istəyənlər üçün məqsəd (icazəli) parlament və (az səlahiyyətli) bələdiyyə olmalıdır. prezidentlik iddiası istənilən müxalifət partiyası və müxalif sədri üçün tezdir, hətta əbəsdir. Seçicilərin tanımadığı adamların prezident seçkilərinə girməsi, seçki azadlığının zərrələrini hiss etdiyimiz 2013-cü il seçkilərində cəmil həsənlinin maksimum 205 min səs yığa bilməsi, nə qədər geridə qalmış hesab etsəm də, milli şuranın seçki boykotu prezident seçkilərini mənasız edir.

inam kərimov

Administrasiyanın tapşırığı ilə bir günün ərzində kənd təsərrüfatı nazirliyindən ali məhkəmə sədri vəzifəsinə təyin olunması qərarlaşdırılan nazir. Sabah Parlamentdə səsvermə çıxarılacaq, və təbii ki, seçiləcək.

işin məzəli tərəfi qərarı müdafiə edənlərin kərimovun Bakı Dövlət universitetində hüquq üzrə bakalavr, sorbonna universitetində isə magistr və doktorantura təhsil almasını vurğulayıb 5 ildir kənd təsərrüfatı naziri olmasının səbəbini izah edə bilməmələridir. Özü də adamın hüquq üzrə bir gün belə stajı yoxdur-*

hemline index

nə qədər mübahisəli olsa da, ilk dəfə ötən əsrin 20-ci illərində amerikan iqtisadçısı george taylor tərəfindən dilə gətirildiyi düşünülən, qadınların geyindiyi ətəklərin uzunluğu ilə iqtisadi vəziyyət arasında qarşılıqlı əlaqənin olduğunu iddia edən fenomen. indeksə əsasən, iqtisadi bumun müşahidə olunduğu rifah dövrlərində qadınların qısa ətəklərə üstünlük verdiyi, həmin dövrə xas olan dəb trendində daha cəsur dizaynların edildiyi, lakin iqtisadi durğunluq və geriləmə şəraitində isə qapalı geyimlərdən və uzun ətəklərdən istifadə edildiyi iddia edilir. Aşağıdakı info-qrafikdə təxminən 100 illik zaman kəsiyində ətək uzunluğu və səhm bazarları arasındakı korrelyasiya əks olunub:

Məsələn, qrafikdən göründüyü kimi, verilmiş zaman kəsiyində ən uzun ətək boyu 1929-30-cu illərdə müşahidə olunub, yəni the great depressionun başlanğıcında. Və ya ikinci dünya müharibəsindən sonra başlayan sakitlik dövründə sivil dünya quruculuğu istiqamətində böyük addımların atıldığı, british invasion və hippi hərəkatı kimi axımların geniş yayıldığı 60-cı illərdə yenidənqurma ilə gələn rifahın təsiri ilə dəbdə olan ətəklərin uzunluqları da qısalıb:

fergus auld obe

böyük Britaniyanın ötən ilin Aprelində james sharpın yerinə göndərdiyi səfir.

Mənə maraqlı gələn tərəfi adamın twitter hesabı və postlarıdır. Əhl-i Azərbaycanın deyib-gülən, yeyib-içən olduğunu nəzərə alıb özünü yad aparmamağa çalışır. Azərbaycan xalqının dost ingilis xalqının dəstəyini hiss etməsi gözəl hissdir yəqin-*

.

erkin qədirli

oktyabrdan qalma müsahibə olsa da, paylaşım getsin:

(youtube: )

chartered financial analyst

cfa institute-un təqdim etdiyi, üç mərhələdən ibarət olan və bitirənə qədər insana çox əziyyət çəkdirən sertifikasiya proqramıdır. Əsasən investisiya yönümlü olduğu üçün Gözəl ölkəmizdə bu sertifikatı əldə etmək vau effekti yaratmasa da, xaricdə maliyyə dünyasına daxil olan tələbə və ya illərlə təcrübəsi olan bir mütəxəssis üçün böyük əhəmiyyət kəsb edir.

Proqramı tamamlamaq, cfa charterholder olmaq üçün namizəd 3 mərhələdən ibarət olan imtahanları uğurla tamamlamalıdır. imtahanlar level 1, level 2 və level 3 olmaqla bölünür və fərqli topicləri əhatə edir:

1. Level 1 hər biri 135 dəqiqə çəkən iki hissədən və 180 qapalı tipli sualdan ibarətdir. imtahan investisiya layihələrinin qiymətləndirilməsi və investisiya portfelinin idarəedilməsi istiqamətində baza biliklərinin yoxlanılması üçün formalaşdırılmışdır. Keçid balı hər sessiyaya görə formalaşdığından dəyişkənlik göstərir, son 10 ilin ortalaması isə 41%-dir.

2. Level 2-də yuxarıda sadaladığım istiqamətlərin keyslər üzərində praktiki yoxlanılması həyata keçirilir. imtahan hər biri 264 dəqiqə çəkən iki hissədən və hər birində 4 sual olmaqla 22 set-dən* cəmi 88 sual ibarətdir. 10-illik ortalama keçidi 45%-dir.

3. Sonuncu level-da suallar portfel idarəedilməsi və wealth planning əsasında hazırlanır. imtahanda iştirak etmək üçün namizəd minimum 2 illik iş təcrübəsinə malik olmalı və əvvəlki iki imtahandan uğurla keçməlidir. imtahan yenə hər biri 264 dəqiqə çəkən iki hissədən ibarət olub qapalı suallarla yanaşı yazılı suallara da yer verir. 10 illik keçidi 52%-dir.

Sertifikasiyada son vaxtlarda edilən iki yenilik var. Birincisi, artıq sonuncu kurs universitet tələbələri ilə yanaşı, üçüncü kursda təhsil alan tələbələr də level 1-də iştirak edə bilərlər . ikinci yenilik isə format dəyişikliyi haqqındadır. Namizədlərin hər bir səviyyə üçün 300+ saat oxumalı olduğu və öyrənilən biliklərinin biznes mühitində getdikcə az istifadə olunması səbəbi ilə praktiki bacarıqlar modulu əlavə edilmişdir. 2024 sessiyalarından etibarən seçim kimi python, maliyyə modelləşdirilməsi və analitik bacarıqlar təklif olunacaq .

Əlavə: bu və digər yenilikləri ətraflı oxumaq üçün link

federal ehtiyat sistemi

silicon valley bank, signature bank və silvergate corporation-un müflisləşməsindən ötrü depozitorların pullarını kütləvi şəkildə böyük banklara köçürməsi ilə kiçik banklarda yarana biləcək likvidlik probleminin qarşısını almaq üçün 2 milyard dollar həcmində kredit proqramını elan etməsi gözlənilir . Sonuncu linkdəki məlumata görə bu məbləğ abş-dakı top-5 bank istisna olmaqla yerdə qalan bankların əlində olan istiqrazların məcmu nominal dəyərinə bərabərdir.

gpt-4

dünən gecə saatlarında openai tərəfindən təqdim edilən və gpt-3.5 əsasında hazırlanan chatgpt-dan bir çox yenilikləri ilə fərqlənən dil modeli sisteminin daha təkmil versiyasıdıır. mövcud versiyadan əsas fərqi modelin unimodal yox multimodal olmasıdır, yəni əvvəl chatgpt istifadəçilərdən yalnız mətn əsaslı sorğuları qəbul edib cavablandırırdısa, bu versiyada botun api-ı şəkillə edilən sorğuları da emal edib cavab verəcək. Təxminən belə bir şey:

from