həyatın nə qədər gözəl olduğunun anlaşıldığı anlar

sıxılıb depressiyanın dibində hiss edərkən tanımadığın, güman ki ilk və son dəfə görəcəyin yad insanlarla həyatının ən maraqlı gecələrindən birini yaşadığın andır.

Formulaya görə hardwell və don diablo bu gün çıxış edirdi sahildə. Vaxtilə çox sevidyim dj-lər olduğu üçün canlı dinləmək istəyərdim amma 150m biletə verəcək pulum olmadığı üçün uzaqdan dinləmək ümidi ilə sahilə çıxdım. Yollar bağlı idi deyə çox bir şey eşirmədən evə qayıtmağa məcbur idim. Yolüstü sıxıldığlmdan publardan birindən pivə götürəndə bir qrup insan gözümə sataşdı və "I'm sorry for disturbing but I'm exterenely bored, would you.mind if I join you?" ilə aralarına qatıldım və həyatımın ən yaxşı gecələrin birinə imkan yaratdım. Tanımadığım yad insanlar * farid, chris, leyla, zaur, eto, ceyla, michael ilə başlanğıc 2 pivə, formula və sahilə giriş üçün qolbaq, panik atak keçirən turist qadına kömək, dj show bitdiyi üçün sahilə girişə məhdudiyyət, 20 dəq taksi gözləmək, ayaqüstə edulən xoş söhbət, ardəcıl içiln pivələr, rooma gedib yenə pivə içib söhbətləşmək, taksi ilə evə qayıdanda maraqlı söhbətlər, sevgi dolu qucaqlaşmalar və s. bir-birini izlədi. Evə qayıtsam çox güman sıxıntı və kədər ilə yatacaqdımsa, indi özümü çox xoşbəxt hiss edirəm. Həyat gözəl görünür. Əyləncəli, drunk, maraqlı bir gecə keçirdim, ani qərar və bir cümləlik sual ilə. Bəzən lazım olar kiçik bir addımdır bir gecəlik də olsa xoşbəxt hiss etmək üçün.

depressiya

yaş, təcrübə, məsuliyyət, işlər artdıqca öyrəşilən, önəmini itirib həyatının bir parçasına çevrilən şey. ən azndan məndə belə oldu.
Ayaqqabının altına yapışan saqqız kimidir. Orada olur, amma tapdayıb hər yerə özünlə aparırsan. Qopmur ki qopmur. gündəlik öhdənə düşən məsuliyyətlər var və bunları etməlisən. depressiya belə ləngitmə səbəbi ola bilməz. günə 2 imtahan verib mental yorğunluq, tükənmişlik ilə duş qəbul edə bilərsən. amma hamamdan çıxdıqda yenə hazırlaşıb başqa işinin ardınca getməlisən. yemək yeməyib 3 dəfə ardıcıl double shot espresso ilə hərlənmək, olsun. yenə çatdırmalı olduğun tərcümə işləri var.
çox ironikdir həyat. Vaxtilə depressiyada olanda bu məni sıxırdı, çözüm axtarırdım, oturub niyə beləyəm deyə dərd çəkirdim. indi isə çox adiləşib, vecimə deyil. Zülüm çəksəm də vecimə deyil. Çünki insanövladının təbiətində var öyrəşmək.
Hərdən bpd simptomlarımla birləşib çöküş yaşadır mənə. Amma yenə də toparlanmaq məsuliyyəti üstün gəlir. Həyatdı da, sözlük. Harada qopar, qopar.

black opium

Yves Saint Laurent istehsalı, uzun zaman sonra yeni favori parfümüm.
parfüm notları ortaya çox qəşənq qoxu çıxarır, hər istifadədə özümə aşiq olub özümü yeməyim gəlir -* həm də özümə libidom qalxır lol. Parfüm düşkünü olanlar anlayar bu fetişimi.

Üst notlarında armud, çəhrayı istiot, portağal çiçəyi, ürək notlarda jasmin və qəhvə, alt notlarda isə ağ sidr, vanil, paçuli var. bir aylıq stipimi verməyə dəyəcək qalıcılığı var, #341791 entirimdəki kimi duşda ortaya alt notdan vanilli çiçək qoxusu gəlir.

Son vaxtlar ürəyimcə ətir tapa bilmirdim deyə victoria's secret və yves rocher bədən spreyləri ilə hərlənirdim. indi isə çox xoşbəxtəm (söz6 günlük mode on). Başda şirintəhər armud qoxusu olur, notlar açıldıqca qəşəngləşir. Hot, sensual, party girl vibeı var. Gecə və soyuq havalarda daha yaxşıdır fikrimcə, amma tenimə çox yaraşdırdığım üçün gündüz də istifadə edirəm, onsuz gecə çox da çöldə olmuram lol.
Parfümə olan eşqimdən biraz tərifləmiş kimi oldum, xoşbəxtlikdəndir hamısı. -*

Cüzeppe verdi

1813-1901-ci illərdə yaşamış italyan bəstəkar.
19-cu əsrin ən nüfuzlu bəstəkarlarından sayılır və bütün zamanların ən böyük opera bəstəkarlarından biri hesab olunur. Ən məşhur əsərlərinə " Rigoletto", "Troubadour", " Traviata", "Aida" və " Otello" daxildir. musiqiləri fərqli melodiyaları, dramatik tağları və güclü xorları ilə tanınır və operaları günümüzdə də məşhurluğunu saxlayır. Son operası "Falstaff" ı səksən yaşında yazıb.

relativizm

Relativizm, mütləq həqiqətin olmadığını, həqiqətin fərd və ya mədəniyyətə nisbi olduğunu iddia edən fəlsəfi yanaşmadır. Yəni, doğru, yaxşı və ya dəyərli hesab olunan şey insanın mədəniyyəti, inancları və ya təcrübələri kimi xüsusi kontekstdən asılıdır.

Əxlaqi həqiqətlərin fərdlərə və ya mədəniyyətlərə nisbi olduğunu iddia edən əxlaqi relativizm, bilik və anlayışın fərd və ya mədəniyyətə nisbi olduğunu iddia edən epistemoloji relativizm də daxil olmaqla bir neçə fərqli relativizm növü var.

Relativizm və fərdlərin, mədəniyyətlərin hüdudlarından kənara çıxan obyektiv və mütləq bir həqiqətin olduğunu iddia edən mütləqiyyət (bax: absolutizm) ziddiyyət təşkil edir. Relativizm və mütləqiyyət arasındakı mübahisə fəlsəfə tarixində mübahisəli bir mövzu olub və bu gün də əhəmiyyətli bir araşdırma sahəsi olaraq qalır. Relativizmi dəstəkləyənlər bunun digər insanlar və mədəniyyətlər haqqında daha incə və hörmətli bir anlayış təmin etdiyini, tənqidçilər isə bunun obyektiv bilik və mənəvi tərəqqi ehtimalını pozduğunu iddia edirlər.

sifarişi verən: fövqəl insan

banditizm

Oğurluq, soyğunçuluq və ya ümumiyyətlə güc və ya məcburiyyət yolu ilə qanunsuz mülk sahibi olmağı əhatə edəm cinayət fəaliyyətidir. Yol soyğunçuluğu, quldurluq, qarət, müəssisələrin, bankların və şəxslərin silahlı soyğunçuluğu da daxil olmaqla müxtəlif formalarda ola bilər. Ümumiyyətlə banditlər, yəni quldurlar əsrlər boyu insan cəmiyyətinin bir hissəsi olublar və hərəkətləri tez-tez folklorda, əfsanələrdə və populyar mədəniyyətdə romantikləşdirilmişdir.

Tarixən quldurluq cinayətə şərait yaradan sosial, iqtisadi və siyasi şərtlərə reaksiya idi. Məsələn, iqtisadi çətinliklər dövründə insanların dolanışıqlarını təmin etməkdə çətinlik çəkdikləri zaman bəziləri sağ qalma vasitəsi olaraq banditizmə yönəlirdilər. Quldurlar qanunun aliliyinin zəif və ya ümumiyyətlə olmadığı və ya dövlət hakimiyyətinin məhdud olduğu bölgələrdə də görünür.

Dövrümüzdə banditizm adətən peşəkar cinayətkar qruplar və ya sindikatlar tərəfindən təşkil edilir və həyata keçirilir. Burada artıq qruplar cinayətlərini törətmək üçün qabaqcıl texnologiya və taktikalardan istifadə edirlər. Hədəfləri əsasən varlı insanlar, müəssisələri və maliyyə qurumları olur və məqsədlərinə çatmaq üçün şiddət və ya təhdidindən istifadə edirlər.

Banditizm cəmiyyətlərə və iqtisadiyyata əhəmiyyətli dərəcədə təsir göstərir, fərdlər, müəssisələr və hökumətlər üçün qorxu, məhv və maliyyə itkisinə səbəb olur. Quldurluqla mübarizə aparmaq üçün hüquq-mühafizə orqanları nəzarət, kəşfiyyat toplama və təqib daxil olmaqla müxtəlif strategiyalardan istifadə edirlər. Bəzi ölkələr, cinayətkar davranış ehtimalını azaltmaq üçün yoxsulluq, bərabərsizlik və zəif idarəetmə kimi banditizmin əsas səbəblərini aradan qaldırmaq üzərində çalışırlar.

sifarişi verən: hyperborean

yazarların hazırda düşündükləri

nədir doğru olan?

Ötən günlərdə dostumla söhbətləşəndə "mənə görə insanın kiminsə ağlına görə dostluq etməsi pula görə dostluq etməsi kimidir, çünki istifadə edir, öyrənir. Hətta daha pisdir, çünki istəsən pulunu bölüşməyə bilərsən, amma düşüncələrini istər-istəməz bölüşürsən" dedi. Əslində razılaşmadım, çünki pula görə yanaşanda sırf istifadə etmək olur məqsəd. Amma kiminsə zəkasına, ağlına görə münasibət quranda sırf istifadə etmək istəmirsən. Yenə də, indi beynim susmur, bəlkə elə haqlıdır? Zəkası məni qane edən insanları daha önəmsəyirəm, onlarla daha çox vaxt keçirmək istəyirəm, öyrənib öyrətmək istəyirəm. Kiminsə üçün pul önəmlidirsə bizə də zəka, eyni şeyə gəlib çıxmır? Bəlkə o dostum haqlıdır? Beynimin içində düşüncə savaşı var rəsmən.

jameson irish whiskey

1780-ci ildən istehsal olunan irlandiya viski markasıdır. Dadı hamar və balanslıdır, dünyada ən məşhur və tanınmış irlandiya viskilərindən biridir. Jameson, mis qablarda üçqat distillə edilmiş cücərmiş* malted və cücərməmiş arpa qarışığından hazırlanır. Viski ən azı üç il palıd çəlləklərdə saxlanılır ki, bu da biraz odun dadı verir. irish coffee və kokteyllərin içində, ya da ayrıca içilir. Markanın baş ofisi irlandiyanın Dublin şəhərində yerləşir və dünyanın ən böyük premium spirtli içki istehsalçılarından biri olan Pernod Ricarda məxsusdur.

chivas regaldan sonra sevdiyim ikinci viski markasıdır. Chivas qədər sərt deyil, dadı yumuşaqdır. Hələ irish coffee yoxlamamışam, amma sek içəndə də olduqca qəşəngdir.

xədicə abbasova

Çox məlahətli səsi olan müğənni, Emin Sabitoğlunun həyat yoldaşı.
Son zamanlar mobil internetim olmayanda yolda radio dinləməyə başlamışam. 93.3 fm-də həmişə retro mahnılar səslənir, arada xoşum gəlir deyə ona da keçirəm. O gün "tuk, tuk, hara tələsir qatar" kimi sözləri olan mahnı eşitdim, səsə aşiq oldum. Unutmayım deyə sözləri qeyd etdim tez, internet tapan kimi axtardım. Xədicə Abbasovanın ifasında "Hara Tələsir Qatar" mahnısı imiş(Bəstəkar Emin Sabitoğlu). Digər mahnılarını da dinlədim, çox xoşum gəldi. Biraz gözdən kənar qalıb, deyəsən. indiyəcən adını eşitməmişdim heç.

Hara tələsir qatar

(youtube: )

(youtube: )

(youtube: )

family bunsiness

2019-cu ildən netflixdə yayımlanmış fransız komediya serialı.

Fransada marixuananın legallaşacağı şaiyələrindən sonra Hazan ailəsi qəssab dükanlarını ölkənin ilk weed-coffee shoupuna çevirməyə qərara alır. Beləcə hələ illegal olduğu dönəmdən weed becərməyə başlayırlar və hadisələr belə davam edir.

Komediya sevməsəm də bu serialı olduqca bəyəndim. Qara mizah, bruh momentləri, absürd hadisələr, yeri gələndə dram, müzikal, romantikası ilə izləməyi maraqlı serialdır. Hərəsi 6 bölüm və təxmini yarım saatlıq epizoddan ibarət 3 sezondur.
Treyleri:

(youtube: )

qış ab-havalı filmlər

qışın soyuğunda evdə oturub film izləmək istəyənlər üçün öz izlədiyim, izləyərkən üşüdüyüm filmlərdən ibarət bir entry olacaq. filmlər ilinə görə təzədən köhnəyə olaraq sıralanmışdır.

(baxma: The Northman)
(bax: The Lighthouse)
(bax: I Lost My Body)
(bax: Mother and Son)
(baxma: Oturacaqlar)
(bax: The Invisible Guest)
(bax: The Fool)
(baxma: Black Mountain Side)
(bax: Frozen)
(bax: mandariinid)
(bax: The Turin Horse)
(baxma: Harry Potter and the Prisoner of Azkaban)
(bax: Corpse Bride)
(bax: Eternal Sunshine of the Spotless Mind)
(bax: Tokyo Godfathers)
(bax: Most)
(bax: Lilya 4-ever)
(bax: Szel)
(bax: Hər şey yaxşılığa doğru)
(bax: Home Alone)
(baxma: Metropolitian)
(bax: Au revoir les enfants)
(bax: The shining)
(bax: Stalker)
(baxma: The passion of Anna)
(baxma: Winter Light)
(baxma: Marketa Lazarova)
(bax: Ivan's Childhood)
(baxma: The virgin spiring)

Filmlərin əksəriyyəti haqqında sözlükdə entri var, yazdıqlarımdan olmayanlara da vaxt olduqca əlavə etməyə çalışacağam.
(bax: Yay ab-havalı filmlər)

üzdə təbəssüm yaradan sözlər

"being with you makes me feel like i'm at home, i mean it" * səninlə birgə olanda evdəymiş kimi hiss edirəm

Daimi getdiyim kafedə rus müştəri var, müharibə səbəbiylə gəlib bura. Ortaq ingiliscə bilirik, Bir neçə dəfə birgə əyləşib söhbət etmişik, arada mehriban bir dostluq bağı yaranıb. Ayıq vaxtı çox şən, həyat dolu insandır. Son vaxtlar təklik, kədər, ümumi problemlərdən içkiyə qaçır. Son dəfə eyni yerdə rastlaşanda dəhşət çox içmişdi, ayaq üstə çətin dayanırdı. Xeyli söhbət elədik, sağollaşanda qucaqlayıb yuxarıda yazdığım cümləni dedi. Evindən, ailəsindən, yaxınlarından uzaq düşmüş birindən bunu eşitmək qəribə hiss etdirdi. Üzümdə təbəssüm yaratdı, və biraz da üzüldüm.

the young and the damned

luis bunuelin rejissoru olduğu 1950-ci il istehsalı film.
Film bir qrup cinayətəmeyilli, kasıblığın verdiyi qəzəb və özbaşnalıqla yaşayan yeniyetmələrin həyatını göstərir. Filmin əvvəlində rejissor bunların real hadisələrə dayandığını vurğulayır. Ən kədərlisi də budur elə. Film yayımlandığı dövrdə reklam edilə bilməyib, xalq və dövlət tərəfindən adları pisə çıxır deyə qadağan edilib.
Kədər, səfalət, əxlaqsızlıq, oğurluq, vicdansızlıq, cinayət, insanın mənəviyyatını itirməsi və digər bir çox iyrənc timsallar göstərilir. yoxsulluğun necə iyrənc, dəhşətli, əzablı ola biləcəyini göstərən filmdir. izləmək mənim üçün olduqca narahatedici və ağır olmuşdu.
Film pis olmasa da mənim zövqümə uyğun gəlmədiyi və çox narahat etdiyi üçün elə də bəyənmədim. Lakin tarixi cəhətdən olduqca önəmli olduğunu düşünürəm.
(baxma: Los Olvidados)

qəribə təsadüflər

bayaq spotifyda cigarettes after sex "sunsetz" axtarmaq istəyirdim, "su" yazanda lananın "summertime sadness" çıxdı ilk, dedim bunu dinləyim, sonra "sunsetz" dinləyərəm. "summertimes sadness" bitən kimi avtomatik "sunsetz" oxumağa başladı. Təsadüfün belə qəribəsi, ya da telefonum zehnimi oxuyur... * bu barədə səsli düşünməmişdim, tamamən ağlımdan keçmişdi

ecoutez-moi

(baxma: listen to me)

Açıqlama vermədən Mərakeşdə evindən qaçan qadının başına gələnləri və evdən qaçma səbəbini izah etdiyi 16 dəqiqəlik qısa sənədli film. Filmdə qadın üzünü göstərmir, ancaq səsini eşidirik, uşaq yaşdan təcavüzə məruz qalıb necə çətin vəziyyətə düşdüyünü izah edir.
Film sabah Sevil Beynəlxalq Qadın Sənədli Film Festivalında nümayiş olunacaq .

Kədərli və izləməyi çətin bir filmdir. Çünki, hadisələr 25 il öncə baş versə də, təəssüf ki, təcavüz halları günümüzün aktual problemlərindən biridir. Valideynlərin cahilliyi, "ailənin adı qorumaq" uğruna övladın həyatını məhv etməyi gözə alması, xüsusən qız uşaqlarına qarşı dəstək olmaq əvəzinə hər şeydə onları günahlandırması filmdə əksini tapıb. Ən kədərli və iyrənc fakt isə həmin təcavüzkarların heç nə olmamış kimi həyatına davam etməsi, evlənib uşaq sahibi olmalarıdır. Filmdə də deyildiyi kimi, kim bilir daha neçə nəfəri təcavüz ediblər?

Filmlə bağlı iradım narratorun sanki hekayəni daha dramatik etməyə çalışırmış kimi səsini ağlamaqlı çıxarmağa çalışması idi. Zatən hekayə reallığa əsaslandığı üçün olduqca dramatik və kədərlidir, belə şeyə ehtiyac yox idi. Və valideynlərə xitab edib daha aydınladıcı, onların gözünü aça biləcək nələrsə deyə bilərdi. bəzi dəqiqələrdə telefonda göstərilən müddətlə filmin dəqiqəsi üst-üstə düşmürdü, kiçik diqaətsizlik xətaları deyək. Filmin çəkilişi tam peşəkar deyil, çoox çox daha yaxşı ola bilərdi. Yenə də, gedib izləməklə bir şey itirməzsiniz. Zatən giriş pulsuzdur.
Bu da filmdən bir səhnə:

skywatchers

(bax: az bilinən mükəmməl musiqiçilər)

i monster qrupunun üzvləri Dean və Jarrodun musiqiçi Kevin Pearce ilə təsadüfən rastlaşması ilə qrulmuş qrup. Uşaq vaxtı bizim kimi astronavt olmaq istəyib onlar da, kosmosa olan sevgilərini mahnılarına, qrup adına, hətta albom coverlərinə yansıdıblar.

Həqiətən kosmik vibe var mahnılarına. "The Skywatchers Handbook" debut albomlarına sitayiş etməyim qalıb bircə, çox gözəldir. Albomun əsas üz qabığında səmanı izləyən 3 insan bədənli heyvan təsvir edilib.
/> Spiritual, kosmik, şirin, ürəyə toxunan albomdur, ən sevdiklərim arasında yerini alır.
"Dead flowers for her" mahnıları ilə tanıdığım üçün bu mahnı daha özəldir mənə, bu daxil bütün albomu dinləməyinizi tövsiyə edirəm.

(youtube: )