damien rice

Biraz da damien ricedan danışım. irlandiyalı dünya şöhrətli deməzdim də böyük güclü kütləyə gözəl musiqiləri ilə sahib olan musiqiçi. Cheers darlin mahnısı bəlkə də çoxumuza məlumdur. Əksəriyyətini içərək keçmiş xatirələri xatırlamağa vadar edən o musiqi.
Musiqinin hekayəsini bildikdə sözləri ayrı təsir edir adama. Yağmurlu günlərin birində damien rice qaçaraq gedəndə yolda qaçan bir qızla toqquşur. Ehtiyatsızlığından irəli gəldiyini düşünür və qıza bir üzr borcu olaraq onu elə toqquşduqları yerin tam da yanındakı bir bara dəvət edir. Zaman keçir ikilinin söhbəti o qədər uzun və gözəl irəliləyir ki, damien qıza ilk görüşdən vurulduğunu düşünür. Söhbət əsna
sında onu da öyrənir ki, bir-birlərinə çox yaxın qalırlar. Saatı tez-tez izləyir düşünür ki, əgər son avtobusu da qaçırsaq onunla bir yerdə daha çox zaman keçirə bilərəm. Və cibindəki bütün pulu şəraba verir. Söhbət uzanır, damienin siqareti bitir qız onunla siqaretini paylaşır və son avtobus saatı keçəndən sonra da damien qıza zamanın keçdiyini artıq avtobusun gəlməyəcəyini bildirir. Qız isə qarşılığında eybi yox sevgilim məni götürməyə gələcək deyir. içkili halda olan damien çox pis olur amma bəlli etməməyə çalışır. Daha sonra tualetə getmək adı ilə masadan ayrılır. Gəldiyində isə masada qızı görmür. Onun üçün stolun üstünə 3 siqaret qoyduğunu görür. Elə o an damien oturur bir pivə butulkasının kağızına mahnının sözlərini yazır. qızın qoyduğu siqaretləri çəkərək...

(youtube: )

depressiyaya salan musiqilər

gloomy sunday macar intihar mahnısı kimi də tanınır. Macar bəstəkar Reje Şereş mahnını keçmiş sevgilisinə ithaf etmişdi. Ancaq birinci dünya müharibəsinin ağrılı illərini/günlərini geridə qoya bilməyən avropalılar mahnını tez bir zamanda mənimsəyirlər. Depressiv mahnı uzun müddətdir depresiyada olan insanları intihara sürükləyir.
Gloomy sunday mahnısını o dövrün bir çox musiqiçisi ifa edir. Ancaq 1941-ci ildə Billie Holiday tərəfindən ifa edildikdən sonra mahnı daha da məşhurlaşır. Məşhur depressiv mahnı şöhrət qazandıqca intiharların sayı daima artırdı. Bu səbəbdən də bir çox radiolarda səsləndirilməsi qadağan edilmişdi.

(youtube: )

evdən çıxmaq istəyi

Belə bir yazı oxumuşdum: evindən yox, evinə qaçmaq istəməli insan. Həqiqət budur ki, hal hazırda evinə qaçmaq istəyən fərd çox azdır.
Ailə, dost münasibətləri hər bir fərdə görə dəyişir. Azərbaycanda ailələrin (əhalinin) böyük əksəriyyətinin illərdir formalaşdırdığı mentalitet, qeyrət, namus, " xalxınuşağı", oğul-qız daha bir neçə ayrı-ayrı siniflərə böldüyü öz uşaqlarının da həyatını məcburi şəkildə ancaq həmin çərçivələrdə, siniflərdə yaşatmaq istəyən minlərlə nədir milyonlarla valideyn var. Daim özünü inkişaf etdirmək istəyən, daha fərqli və daha çox fərdi həyat yaşamaq istəyən fərdlərin qarşısında ən böyük barierlərdən biri də elə bu tip ailələrdir. Təbii yekdilli insanlar bir yolunu tapır öz dediyini, öz məntiqini insanlara çatdırır. Çatdıra bilməsə də mütəmadi olaraq düşünür. Düşünür ki, elə uzaq yerlərə gedim ki, məndən nə bir xəbər eşitsinlər nə də ki, harda olduğum haqqında məlumatları olsun. Ayağım hara başım da ora deyib çıxıb gedim bacardığım qədər uzaqlara.. sifarişi verən: qaçaraddımdanenənanənan

one

Metallicanın əvəzolunmaz möhtəşəmliklərindən sadəcə bir parça. 1ci dünya müharibəsinə ithaf olaraq yazılmış musiqi. 1989 da Ulrich Larsın bir müsahibəsində mahnı sözlərinin 1971 də səhnələşdirilən Johnny got his gun filminin məzmumuyla oxşar olduğunu deyib.
Mahnının özü 8 dəqiqəyə yaxındır. Əsas hissə isə elə 4:56da gəlir. Həmin an gələndə sanki metallica konsertində auditoriyanın ortasında qrup üzvləri ilə bir yerdə one ifa edirəm. O qədər emosional ki, başımı dəlicəsinə tərpətməkdən 3 gün boyun ağrısı çəkirəm.

sözaltı etiraf

Öz-özümə danışıram çox vaxt. Keçirəm güzgü qarşısına ya da elə özümü görə biləcəyim hər nəyinsə şüşəsinin qarşısına. Bəzən pis hiss edəndə bəzən də yaxşı hiss edəndə sevincimi paylaşmış kimi hiss edirəm. Qarşı-qarşıya oturub danışdığım birini təsvir edirəm. Ona dərdimi danışıram və ya sevincimi bölüşürəm. Eh elə olur ki, çox pis hiss edirəm elə hisslərlə danışıram ki, hələ gözümdən yaş da gəlir. Elə olur düşündüyüm adam həmin gün yuxuma da girir bir kruq orda da dərdləşirik. Belə də olur ki, düşündüyüm şeyi elə əsl həyatda beynimdə qurduğum kimi həmin insanla paylaşıram. Təzə adət deyil illərdir hətta deyərdim uşaqlıqdan davam edən bir şeydi. Böyüdükcə daha da təkmilləşdirirəm.

sözaltı günlük

Başlığı şablon ifadələrlə başlamaq istəməzdim amma olsun. Sevgili günlüyümə dənizin kənarından ( çimərlik yox bulvar)dan yazıram. Qəribədir 4 ay əvvəl öz günlüyümə eyni yerdə soyuq yaz havasında qeydlər aparırdım. indi də avqustun əvvəli soyuq yay havasında. 4 ay əvvəl əllərim titrəyə-titrəyə biraz yaxşı hiss edim deyə bacardığım qədər çox yazırdım. Bəlkə nəsə müstbət təsiri olar deyə indi isə yay yağışının altında dəyişən və daha da gözəlləşən şeyləri düşünürəm. Bir deyim var hər şey hər an yaxşı gedə bilməz ancaq hər şey hər an çox yaxşı gedə bilər. Baş verənləri idarə etmək bizim əlimizdə olan bir şeydir. Mən bu günə necə davam etmək istəyirəmsə elə olacam, elə hiss edəcəm. Hər kəs hər an xoşbəxt olmaq məcburiyyətində deyil. Bəzən pis bəzən yaxşı, bəzən kədərli bəzən də dəlicəsinə sevincli. Əsas odur yaşayın hər yaşınızı, hər dövrünüzü hər gününüzü hətta ən adi anınızı belə içdən yaşayın.
Sevgilərlə..