qızlardan qızlara tövsiyələr

Bu tövsiyyəm daha çox sevgi münasibəti ilə bağlı olacaq. Tövsiyyərimi sıralayıb nümunələrlə izah edəcəm.

1. Münasibət tərəzidir, siz sağ hissə ,qarşı tərəf sol hissədir. Tarazlıqda qalmadıqca o münasibətdə tez bitəcək.

Son zamanlar həmcinslərimlə danışarkən özəlliklə yeni sevgi münasibətinə addım atanlarla eyni tip yanaşmalar görürəm. "Oğlan mütləq ideal olmalıdı, məndə qüsur olsa da olar, mən qadınam mən mükəmmələm oğlanlar tupoydu." Tip ən bəsit nümunədi.
inanıram ki hər qızın həyatında ya özü belədir ya da belə olan yaxın rəfiqəsi var.
2 yaxın rəfiqəm var ,aralarından birisi anadan gəlmə feministdir. ilk danışmağa başlayanda Aququ yerinə mən qadınam ,mükəmmələm dediyinə inanıram məsələn. Digər yaxın rəfiqəm isə çox həssasdı, kövrəkdi. Və bu kövrək olan yaxın rəfiqəm yeni biri ilə danışmağa başlayır,ciddi münasibət üçün. Özünün deyimiylə çiynində olan mələk və şeytan deyə bölünmüşük. Çünki münasibəti hal-hazırda olmayan ,olduğu zamanda problemlər yaşayıb uzun müddətli münasibət yaşamayan rəfiqəm "oğlanlar gerizekalıdı, biz qadın olaraq ağıllıyıq ,dahiyik; 2 xoş söz 1 şillə cavablar ver ; səmimi olma və s. Bu tip şeylər deyib beynini yeyir. Əslində özünündə münasibətlərindəki problem budur. Rəfiqəmi çox sevirəm, çünki daxilən bilirəm necədir, amma bəzən mən belə illalah edirəm bu xüsusiyyətlərindən və nə üçün münasibətində hər zaman problem yaşayır bilirəm. Çünki problem hər daim konkretdir.
Baxın, əziz xanımlar, bəli siz möcüzəvi varlıqsız, gözəlsiz, özəlsiz amma eyni şey oğlanlar üçündə keçərlidi. Siz qızıldan deyilsiz, qızıldan daha dəyərlisiz, amma oğlanlarda belədi. Unutmayın ki, münasibətlər ego yarışı deyil, qalib olsanız belə əslində məğlubsunuz bu yarışda. Bunu bir növ tərəzidə düşünün. Hansı tərəfin ağır olması əsas deyil, hər iki tərəf bərabər olmalıdır ki, tarazlıq olsun. Özünüzə verdiyiniz dəyəri qarşınızdakına da verin.

2. "Kim birinci" yarışı oynamayın.
Eyni rəfiqəm digər rəfiqəmə o yazmadıqca yazma, qoy o birinci yazsın tərzində təzyiqlər edir. Bunu şəxsən mən düzgün hesab etmirəm. Birinci yazmaq qadın üçün ayıb deyil, bu tabularınızı yıxın. Birinci yazmaq sizi cepte etməz, qarşınızdakına verdiyiniz dəyəri göstərər. Sevirsinizsə və qarşılıqlı olduğunu düşünürsənizsə onun ilk deməsini gözləməyin. Sevgidə cəsarətlilər qazanır, ilk siz deyin onsuzda qəlblər bir olduqdan sonra kimin birinci dediyinin önəmi olmur,əsas deyilməyidir. Təəssüf ki ,hələdə cəmiyyətimizdə ilk qızın yazmasına yada etiraf etməsinə pis baxırlar. Unutmayın ki, cəmiyyət sürüdən kənara çıxanları yox, sürü ilə gedənləri sevir. Vur-tut 15 dəqiqə maksimum biriləri bu haqqda sizi qınayaraq danışar, sizin həyatınızı "pis baxarlar" ideologiyalarının idarə etməsinə icazə verməyin. içinizdən gələn kimi edin, o oğlandı ilk o yazmalıdı,çağırmalıdı, təklif etməlidi,etiraf etməlidirləri atın qırağa.

3. Öz güzgünüz kirlidir deyə baxmaya bilərsiz amma bu başqalarının da güzgüzü kirlidir demək deyil. Güzgüyə baxın.

Yenə qatı feminist rəfiqəmin sözü ilə davam etmək istəyirəm. Ona görə qadınlar nə edirsə haqlıdır, kişilər anadan gəlmə tupoydurlar və ağılları işləmir məhs buna görə də onun həyatına girənlər ona görə qədrini bilmir. Əslində isə əsas məsələ sizin kimi həyatınıza daxil etməyinizdədir. Əlbəttə hər adam mükəmməl deyil ,amma heçkimdə tupoy ,axmaq,gerizekalı deyil. Həyatınıza doğru insan şanslısızsa ilk səfərdən gələ bilər ,daha çox şanslısızsa səhv insanlardan sonra gələr. Niyə daha çox şanslı dedim, çünki siz təcrübə edərək həyatınızda olacaq insanın hansı xüsusiyyətlərinin olmasını yada olmamasını konkretləşdirə biləcəksiz. Səhv seçimlərimizdə seçdiklərimiz axmaqlar deyil, seçimlərimizin doğru olmamağındadır. Feminist rəfiqəm ancaq dünyagörüşü az olan, işi-gücü ata pulu ilə sülənmək olan, özünü inkişaf etdirməyən amma ağzı yaxşı söz edənlərə qəlbini verir məsələn. Sonra da özünə görə haqlı səbəb görərək onları axmaq kimi görür, amma onlarda başqaları üçün dahidir. işte məhs burada seçimlərimiz bizim üçün həm münasibətin əvvəlini, həm ortasını həmdə sonunun olub olmayacağını, olarsa da necə sonlanacağını göstərir.
ikinci kursda oxuduğumda dərsin ortasında özümə bu sualı verdim. "Niyə mənim həyatıma girənlər məni üzür? " sonra bu sualı vərəqin başlığına yazdım və ardıyca həyatımda ilk məni üzən və son dəfə üzən insanları müsbət və mənfi keyfiyyətlərini yazmağa başladım. Nəticədə isə o gün yolu ağlaya -ağlaya özümə söyərək evə qayıtdım. Çünki seçimlərimdə tək dəyişən simalar idi, xarakter,xüsusiyyətlər ,ailə həyatlarına qədər hərşey eyni idi. Və o gündən sonra özüm üçün yeni bir sevgi modeli yaratdım. Bugün isə həyatımda artıq 2 ildir olan şəxs odur. Həm beynimin həm qəlbimin seçimidir. Seçimlərimizdən öncə öz beynimizdəki modelə ayna tutmalıyıq, əgər görmürüksə o zaman başqa aynadan baxın özünüzə. Seçimlərimiz bizim daxilimizdən gəlir. Hər ikisi dəyişəndir, dəyişən kəmiyyətləri sabit görməyin və etməyin.

4. Dalğalanmış suda gördüklərimiz durğun suda görəcəklərimizdən gözəl deyil.

Münasibətlərdə buraxdığınız əsas səhvlərdən biridə artistlikdir. Özünüzü mükəmməl, hərşeyi bilən, hərşeydən başı çıxan kimi aparmağa ehtiyac yoxdur. Ən əsası sizin dünyagörüşünüz onun dünyagörüşü ilə eyni olmağa da məcbur deyil. Fərqli baxış bucaqlarını kəşf etmək sizə həyatı da fərqli dəyərləndirməyinizə kömək edəcək. Sizin fikriniz hər zaman doğru olacaq deyə birşey yoxdur, həyatda kəmiyyətlər konkretdir siz keyfiyyətlər üzərində durursunuz. Özünüzü onun yanında əksik və ya üstün görməyin ,bərabər görün. Özünüz olmağa çalışın, sizin artistlik etdiyiniz kitab mağazalarında cildinə görə kitab seçimi etməyə məcbur etməkdi. O kitab alınacaq bəlkədə hə, rəfə də qoyulacaq ,biraz vərəqlənəcək ,içindən bir iki söz gözünə dəyəcək sonra əşi bu nədir cildində heç bu şeylər bizə göstərilməyib deyib rəfə qaldıracaq. Kitabın içindəki dünyanı isə kəşf etməyəcək.
Siz artistlik etməyə davam etdiyinizdə bir müddət sonra şüursuzca özünüz olacaqsız o anda isə rəfə qaldırılmış cildli kitabla bənzər kadere məhkum olacaqsız. Özünüz olun, olduğunuz kimi görünün.

5. Dövlət işləri gizlin olur, sevgidə bir dövlətdir.
Çox qadının etdiyi tipik səhv rəfiqələrinə hərşeyi danışmalarıdır. Bəzən sevdiyinizlə və ya danışdığınızla mübahisə yaşaya bilərsiz. Unutmayın ki, mübahisə 2 nəfər arasında başlayıbsa 2 nəfər arasında da qalmalı və o 2 nəfər arasında da yekunlaşmalıdır. Bəzən çox mənasız sizə "qaz" vermək halları olacaq, ekstradan sizə ego yükləyə bilərlər. Unutmayın ki, bir mübahisə heç zaman səbəbsiz olmaz və mübahisələr minimum 2tərəfində səbəb olması ilə başlayır. 3'cü şəxsləri daxil etməyin. Səhv qərarlar verməyinizə, sonradan peşman olmağınıza səbəb ola bilər. içinizi tökmək üçün ehtiyac duya bilərsiz amma o an içinizi də mübahisə etdiyinizə tökün. Mübahisələrin həlli dava, söz güləşdirmək, söz atmaq,haqlı olmaq,üstə çıxmaq deyil. Birbirinizin keçirdiyi və birbirinizə yaşatdığınız hissləri paylaşaraq anlamaqdı. Rəfiqələriniz sizi nə qədər çox sevsə də sizin həyatınızda əsla doğru yönləndirmə etməzlər.

6. Kuma olmaq ya tək olmaq?
"Mənə belə yazdı ,nə yazım?" Kimi suallar ya biz qadınlar verir yada rəfiqələrimizdən gəlir. Etməyin,qarışmayın. Unutmayın ki, dialoq 2 nəfər arasında olur,sizin flancür yaz deməyiniz artıq triloq olur. Qarşınızdakı o an sizinlə danışdığını düşünsə belə əslində sizinlə bərabər sizin rəfiqənizlə də danışır. Bu səhvi etməyin. Hər suala ,hər sözə mükəmməl cavablar verməyə məcbur deyilsiz. içinizdən gələn kimi cavab verin, dosta zəng varinatlarını şəxsi münasibətlərinizdə istifadə etməyin.

Hərkəs mükəmməl münasibət yaşayacaq deyə birşey yoxdur, amma yaşadığımız şeyi mükəmməl etmək bizim əlimizdədir.

partaya yazılan yazılar

ibtidai sinifdə oxuyanda partaya xoşuma gələn uşağın baş hərfini yazmışdım. Sinifdə də tək e hərfində bu uşaq idi deyə kimsə otursa mütləq ki anlayacaqdı amma təbiiki uşaqlığımdan gerizekalı cəsarətinə sahibəm deyə heç silmək tənəzzülündə də olmamışdım. Nəysə səhəri gün sinif təmizliyən xala görüb sinif rəhbərimə demişdi o da sinifin ortasında niyə partava e hərfi yazıbsan deyə qışqırmışdı. O gün adını partalara yazıb danlanmağıma səbəb olan e hərfindəki uşaq isə bu hadisədən sonra mənə qurbağa deməyə başlamışdı.

Böyüdükcə artıq partaya yazdığım yazılarda dəyişmişdi, məsələn 5'ci sinifdə winx club'da fanatı olduğum techna'nın adını yazırdım. 7'də oxuyanda fanatik galatasaraylı dönəmlərim idi və gs yazırdım , yuxarı sinifdə fizika ,kimya düsturlarını yazırdım.

Universitetdə isə imtahan zamanları yarım saat tez gedib kopyalarımı karandaşla yazırdım. Köçürüm deyə deyil, yazdığım heçnə düşmürdü deyə bunları da yazım qoy bu da düşməsin deyirdim. Nəticədə 7 fənndən verdiyim imtahanda hamısı ilkin anlayışlar vəya bəsit mövzular idi.
Yalan yok, parta arxasında oturmaqdan ötrü də artıq darıxıram.

şəkərbura vs paxlava

Dad baxımdan mənə görə şəkərbura. Görünüş baxımdan mənə görə yenə şəkərbura. Bişirilməsi və içliyi baxımdan da mənə görə şəkərbura paxlavadan yaxşıdı.
Mamamla bərabər etdim bu il, paxlava bişirmək həqiqətən itin zülmüdü. Ola bilər ki, şəkəburanı hazırlamaq çürütçülük tələb edir , amma paxlavanın əziyyəti qat-qat çoxdu. Bizdə 12 xəmir açdı mama, 2 list etdi və o xəmirin açma cəhdlərini izləyəndə belə belimdən ağrı qalxdı. Sonra hər xəmirinə yağ içlik tökmək üstəgəl artıq yada az olmaz ,tam miqdarında tökmək vapşe əziyyətdi. Birdə 3 dəfə bişirilmə prosesi var. Birincidə eləcə bişir ikincidə şərbətlənir 3cüdə son dəfə şərbətlənir. Hələ onu simmetrik kəsilməsi, off yazanda belə içim çəkildi.
Şəkərbura amma adı kimi şəkərdi. Doldur 1 qaşıq, bük sonra qlrağını bəzə, sonra üstünə naqqaşla bəzəklər vur. Paxlava qədərdə şəkər komasına salmır adamı.

anaya demək istədiklərimiz

Əziz anam, sən yaşlandığın üçün mürvetimi tez görmək istəyini başa düşürəm. Amma 21 yaşındakı qızına evdə qalmış kimi davranıb yaşıdları evlənəndə "bax ana sözü dinləyib; bax gözünə su ver; bax sənin kimi tupoy deyil;" və s. Sözlər işlədib guya evliliyə təhrik edəcəyini düşünməyini anlamıram.
Ən əsası bu yaşımda sənin seçdiyin biri ilə evlənib özümü bədbəxt edəsi deyiləm dediyim üçündə lezbiyan damğası vurmağını heç anlamıram.
Nəysə yaxşı tərəfindən baxıram, zamanı gələndə öz sevdiyimlə evlənmək istəyəndə əlimdə ən əsas bəhanə "lezbiyan olmaqdan qurtardı bu oğlan məni, niçin izin vermezsin evlenmeyimize ?" Deyəcəm.

türk qəhvəsi

ilk dəfə içəcəksizsə zəhər kimi gələn amma sonradan hər zaman içmək istəyəcəyiniz qəhvədir. Kuru kahveci mehmetdən başqa qəhvə çeşitləri məncə mənasızdı. Hər növ qəhvə dəmləmişəm və ən gözəli və içiləsi olan kuru kahveci mehmetin qəhvəsidir.

Qəhvə dəmləyib içməyi sonra stəkan bağlamağı çox xoşlayıram. Fala inanmıram sadəcə o an qəhvənin içməyin zövqlərindən birinin də bu olduğunu düşünürəm özüm üçün.

Qəhvəni elektronik cihazlarla qaynatmamağı tövsiyyə edirəm. Çünki bir dəfə elə formada içmişdim dadı əsla cezvedəki ləzzəti vermirdi. Amma təbii ki, hərkəsin ağız dadı fərqlidir.

Qəhvə dəmləmək üçün edilməli olanları aşağıda qeyd edirəm. Bəlkə kiməsə görə səhv ola bilər amma 2 ildir bucür dəmləyirəm həm özüm həm də qəhvəmdən içən hərkəs çox bəyənibdi. Seçim sizindir.

Öncəliklə, ilk dəfə içəcəksizsə böyük stəkan istifadə etməyin. Məsləhət görürəm ki, araq stəkanı qədər tutumu olan ondan biraz çox olan stəkanda içəsiz. Bu sizə nescafe kimi qəhvələri xatırlatmasın, içdiyiniz an təsiri olacaq.
2 çay qaşığı qəhvə tozunu cezveyə tökün sonra üzərinə orta şəkər üçün 2.5 çay qaşığı şəkər tökün. Əsla çox şirin olmur, ilk dəfə içirsizsə orta şəkərli için, adi halda zəhər kimi dadı ola bilir. Sonra stəkana ilıq su tökün. Su nə qaynar olacaq nə də soyuq. Cezvenin içində qəhvə tozu və şəkəri qarışdırdıqdan sonra suyu əlavə edib təkrar qarışdırın. Suda həll olunduğunu gördükdə ocağı yandırın, zəif dərəcədə kiçik gözdə qoyun. Dəmlənərkən qarışdırmayın özü üçün dəmlənəcək. Üstə köpüklər çıxdıqca qaşığın ucuyla köpükləri yığın stəkanın içinə tökün. Bir müddət sonra köpüklər qalxmağa başlayacaq. Bu an ocağı söndürməyin. Köpükləri toplayın sonra səbrli olun, pıkpık qaynadığını gördüyünüzdə 9'a qədər sayın. Bitdiyində isə yavaş-yavaş stəkana əlavə edin. Qaynar və ya soyuq içməyin, ilıq-isti təhər olduqda için. Yanınızda bir stəkan adi su olsun. Əgər qəhvə sizə narahatlıq yaradarsa su için üzərindən.

Məncə türk qəhvəsi dünyanın ən gözəl nemətidir. Qoxusu, görünüşü, dadı və içərkən yaşatdığı hisslər çox gözəldir. içəcək olanlara da nuş olsun.

yazarların sevmədiyi xüsusiyyətləri

Xoşbəxtəm? Çipsi almalıyam
Pis hiss edirəm? Çipsi almalıyam
Gərginəm? Çipsi almalıyam
Kefsizəm? Çipsi almalıyam
Dünya dağılır? Çipsi almalıyam.

Öncələr sevirdim bu xüsusiyyətimi amma bugün həm çox gərgin həyəcanlı olduğum anda çipsi aşerdiyimdə həmdə bir neçə dəqiqə sonrasında sevindiyimdə təkrar çipsi aşerməyim artıq özümü də narahat edir. Keçən il oxuduğum bir məqalədə bədəndə mg və k çatışmazlığından bu tip aşermelərin ola biləcəyi qeyd olunmuşdu. Məndə bunun qarşısını almaq üçün ən güclü vitamin dərmanı içməyə başladım. ilk zamanlar həqiqətən çox gözəl işə yarayırdı, amma son dönəmlər dərmanı içsəm işə yaramır. Artıq qanımda eritrositlərdən çox çipsirositlər gəzir kimi gəlir. Günün birində çipsi fabrikasına gedib özümü çipsi etdirməkdən qorxuram..

Ps. Bu xüsusiyyətimin mənfi olduğunu da bugün 7manatı sırf çipsiyə xərclədikdən sonra evdə çipsiləri yeyəndə anladım. Simic tərəfim tərəfindən çırpılmağa laiq olduğumu hiss edirəm

məsləhətli kitablar

Uzun müddət idi ki belə bir başlıqda entry yazmaq istəyirdim, qismət bugünə imiş.
ilk olaraq rəng zövqləri fərqli olduğu kimi kitab zövqlərinin də fərqli olduğu deməliyəm. Oxuduğum və həqiqətən zövq aldığım kitablar haqqında spoiler verməməyə çalışaraq daha çox sizə nə qatacağını aşağıda qeyd etmişəm.

ilk öncə şeker portakalını məsləhət görürəm. Məncə bu kitab 16 yaşdan yuxarı oxunulsa daha yaxşı anlaşılacaq. Kitab sizə ümidlərin bir anda yetişdiyi və sonra bir anda solmağa başlamasını hiss etdirəcək. Zeze mənə çox şey qatdı, öz uşaqlıqdan az da olsa birşeylər görə bildim. Kitabın sonlarına çatdığımda hönkür-hönkür ağlayırdım, kitabda hələ də mənim gözyaşı ləkələrim qalıbdı. Oxumağa dəyər kitabdı, oxumaq üçün gecikdirməyin.

ikinci önərəcəyim kitab küçük prens kitabıdı. Başqa bir dünya xəyal etmək, səninlə maraqlı söhbətlər edən bir dostunun olması, həyata daha mənalı və dərin baxan biriləri ilə yolyoldaşı olmaq xoş olardı. Bu kitabı oxuduğunuzda xoş olardı sözü sizin üçün xoş olur'a çevriləcək. Bitirdiyiniz zaman isə göyüzünə baxıb kaş həqiqətən var olsaydı deyəcəksiniz. Yumuş kimi hiss edəcəksiz, oxumağa dəyər kitabdı.

Üçüncü önərəcəyim məhşur Hayvan çiftliyi kitabıdı. Yazar deyilənlərə görə keçmiş sovet liderlərinə qarşı tənqidi şəkildə yazıbmış amma mən bu kitabın tək onlara aid olduğunu düşünmürəm. Kitabın son cümləsini xatırladıqca hələdə ürəyimə yağ kimi yayılır, oxuduğunuz zaman tək nəfəsdə bitəcək kitabdı. Sizə qatacağı duyğular çox cəhətli olacaq. Mövcud olan bütün siyasi sistemlərə qarşı kibir,iyrənmə, nifrət hissiniz təzədən amma daha yumşaq formada qabaracaq. Ən çox üzüldüyüm kitabda at idi. Və bəlkə də çox insana çox gözəl dərs verən də məhs onun sonluğu idi. Kitabdan çıxardığım ən gözəl dərs isə heçkimə boyun əyməyib öz doğrularımızın arxasınca getməli olduğumuz və bizi aldatmağa çalışan insanları axmaq yerinə qoyanları zamanında səsimizi çıxarıb dərslərini verməliyik.

Dördüncü önərəcəyim kitab olasılıksız kitabıdı. ilk paraqrafı oxuduğumda yazarın qələmi o qədər güclü və betimləməsi o qədər möhtəşəm idi ki, baş qəhrəmanın ürəyi bulanma anlarında özümdə də hiss edirdim. ilk 100 səhifə çox qarışıq gələcək, fərqli insanlar fərqli təcrübələr oxuyacaqsız. Amma onların hamısının kəsişmə nöqtəsi möh-tə-şəm idi. Fal, bürc, inanclar bunların hər birisini sarsacaq fizika qaydaları ilə ehtimallar izah edilirdi. Kitabın 100'cü səhifəsinə qədər sürünə-sürü oxuyurdum 100'dən sonra isə kitabı tək səfərdə bitirmişdim. Mənə qatdığı ən önəmli şey bilik oldu, artıq gələcəkdə işləyəcəyim sahəmdə də necə tətbiq edəcəyimi bilirəm. Oxusanız sizə çox şey qatacaq, bu kitaba mütləq şans verilməlidir.

Beşinci önərəcəyim kitablar stefan zweig şahmat, tolstoy insan ne ile yaşar və victor hugo bir idam mahkumunun son günü kitablarıdı. Bu klassik kitablar sizə sözün əsl mənasında yeni həyata baxış bucağı formalaşdıracaq. Aralarında ən çox sevdiyim tolstoyun kitabı idi. Mənə çox şey qatmışdı və oxuyarkən tolstoyun bütün kitablarını oxumaq həvəsi bürümüşdü.
Victor hugonun sefillər kitabını isə oxuya bilməmişəm.bu il oxumaq üçün aldım amma trendyildan alarkən kitabın çocuklara uygun uyarlanmış olduğunu görməmişdim. Bu baxımdan üzülmürəm, kitablar gələcək nəsillərə ötürülən ən gözəl mirasdır məncə və bu uşaqlar üçün olan kitabda çocuklarımın olacaq.

Altıncı önərəcəyim kitab intihara meylli olan həmçinin həyatında bir çox kaşkilər toplayan insanlar üçün olduğuni düşünürəm. Gece yarısı kütüphanesi kitabını ilk eşitdiyimdə çox həyəcanlanmışdım, kitabın adı daxil mövzusu məni özünə çəkmişdi amma inandığım bir şry var ki, hər kitabı da zamanı gələndə oxumaq lazımdı. Aldığımdan 1 ay yarım sonra ən çox kaşkilərlə dolu günlərimdə oxumağı seçmişdim. Həqiqətən də çox gözəl kitab idi. Dəfələrlə 12 yaşıma dönüb özümdə bir səhvi düzəltməyi arzulayırdım, özüm üçün əgər o gün bu səhvi etməsəydim sonra necə olardı deyə yüzlərlə ehtimallar qurmuşdum. Eynilə kitabın baş qəhrəmanında da bucür idi. Və kitabı bitirdikdən sonra artıq həyatıma daha yaxşı, pozitiv baxıram. Hətta deyim ki, bu kitabdan sonra insanlarla olan münasibətim də kifayət qədər düzəlib. O an o qərarı verməli idim verdim deyirəm, və olasılıksızdan sonra daha çox bu kitabın təsiri üzərimdə artdı. Həyat bizim seçimlərimizdən ibarət olsa da bizim seçimlərimiz də həyatın o an bizə verdiyi fürsətlər sayəsində formalaşır. Bu tarazlığı anlamağım çətin oldu amma bacardım. Bu kitab məncə hərkəsə yaxşı gələcək. Oxumağa dəyər kitabdı.

Yeddinci olaraq isə gizem/gerilim/polisiye sevənlər üçün önərəcəyim kitab tanrının psikopat çocukları kitabıdı. Çox maraqlı ilərləyir, gözlənilməz hadisələr insanın həyəcanını pik həddə qaldırır. Amma mən bu kitabı oxuyub bitirdikdən sonra daha çox yazarı düşündüm. Kitab yenə deyirəm çox gözəldi, oxumağa dəyər kitabdı. Sizə qatacağı şeylər arasında ədalət duyğuları ilə bağlıdı. Amma mən kitabı mütləq oxuyun deyəcəyim kitablar hissəsində görə bilmirəm. Kitab bitdikdən sonra yazarı araşdırdım, qadın olması haqqında informasiya var idi amma buna inanmıram. Bir qadının yaşadığı regl ağrısının necə olduğunu həmcinsi çox yaxşı anlayar dimi? Eyni şeyi kişi cinsiyyət orqanı olan xayanında kəsilməsi o baxımdan adama zülm verilməsi təbii ki kişilər daha yaxşı anlayar o duyğunu. Amma bu yazar qadın o hadisəni elə qələmə alır ki sanki bu kişidi, yazarı araşdırana qədər də elə düşünürdüm. Həmçinin orada bir səhnə var , ayağın köhnə testere ilə kəsilməsi ilə bağlı idi. Canlandırması sözün əsl mənasında möhtəşəm ötəsi idi, kəsilmə zamanı qanaxma, dəri qatı, sümüyə çatana qədər qanın axma istiqaməti ,təzyiqi hərşeyi canlandırır. O an oxuyarkən kitabın seyrine kapıldığımdan anlamamışdım amma bunu da düşündüm. Bir ayağın testerə ilə kəsilişinin bucür nöqtəbənöqtə oxuyuculara çatdırılması qəribə idi. Üstəlik qadın idi amma soyuqqanlıcasına yazması ,heçbir duyğu qatmadan birbaşa ötürməsi çox qəribə gəldi. indidən deyim mən cins fərqi yaratmağa çalışmıram, qadının psixologiyası və onun məhsuluna baxdığımda bu qadına aid deyil ,kişiyə aiddir fikrimi deyirəm. Burada qadınların zəif betimleme etmələrinə də nə isə demirəm, qadın yazıçılar da çox gözəl yazır, onların qələmləri ilə müqayisə etdiyimdə uyumsuzluq yaranır. Bir də kişi yazarlarla müqayisə etdiyimdə çox uyğun gəlir.
Hər yazar öz kitabında özündən parçalar buraxır, bu kitabın yazarı seri cani katil deyilsə özündən buraxdığı detallar yenə normadan kənar şeylər kimi gəlir. ilk dəfə deyil bucür roman oxuyuram, amma oxuduqlarım arasında ən çox yazar haqqında düşündürən tək roman budu. Uzun sözün qısası, kitabı oxuyub kitaba görə də dəyərləndirə bilərsiz mənim kimi yazara görə də. Oxumağa dəyər kitabdı.

Kitabların adlarını türk dilində yazmaq səbəbim isə hamısını türk dilində oxumağımdı. Bu siyahı fevralın 1'indən 15'ə qədər oxuduğum kitabların siyahısıdı.

sözlük yazarlarının qorxuları

Anlaşılmamaq. Dərdimi, davamı, hisslərimin nə olduğunu izah edə bilməmək. Qışqırmaq istəyirəm, amma nə qədər yüksə səslə qışqırsam da səsim boşluqdan geri qayıtsa da yenə anlaşılmayacam kimidi. Bir zamanlar aynada özümə danışıram kimi idi indi isə başqa... Sevilməyə bu qədər möhtac olmaq mənim günahımdı? Ya bir gün sevmərsə deyə düşünmək bəs? Ehtimallar çox qəddardı mənə. Dibindən qopmasına daha bir külək əsintisi lazımmış qalan ləçək kimi hiss edirəm. Mən yox, sən də yox. Xəyallar, hansı ki cənnət baxçası olacaq deyə əkdiyimiz toxumların cücərdiyi zamanlar da başlayan leysanla məhv olmağa doğru getməsi kimi. içimdən qopur, parçalanmış birinin daha nə qədər parçalanar axı dedikcə o parçalarında itiləşib qopduğu yerə iti hissəsiylə yapışıb təzədən düşdüyünü hiss edirəm. Bilirsən, bıçaq girdiyində deyil əsas çıxarkən insana bərk ağrı verirmiş. O parçaların təkrar düşməsi yerinə iti ucuyla deşik deşik olan yerdə qalmalarını istəyirəm. Susmaqda budu əslində. Hiss edirsən, anlayırsan, amma susursan. Susduqca qopmaqdan qorxursan amma bir an gəlir o qədər bərk ağrı verir ki o qırıq parça özün öz əlinlə dartıb atmaq istəyirsən yerə. Mən onda belə yerə ata bilmədim, dedim axı bıçaq çıxanda daha çox ağrı verərmiş. Qorxağam, o parça düşər deyə qorxdum, itər deyə də. Yenə eyni yerdədi, bəzən heç ağrıtmır, bəzən isə dözmək olmur, amma yenə bumeranq davam edir. Bilerek yanarım aslında..

"Her şeyi gören sen , göremedin mi beni?
"Herşeyi duyan sen ,duyamadın mı beni?
"Herşeyi bilen sen ,bilemedin mi beni? "