charivari

19-cu əsrin sonlarına qədər əsasən, avropa və şimali Amerika ölkələrində istifadə olunan qab-qacaqları bir-birinə vurmaqla kobud səslərin çıxarıldığı etiraz metodu. Bir növ cəzalandırma da demək olar.
Charivari bir çox yerlərdə fərqli adlarla bilinir: schnurren, katzenmusken, rough music, skimmington və s.
Sözün mənşəyi Yunanca καρηβαρία (karēbaría) sözündəndir və "başdakı ağırlıq" mənasını verir.


Məsələn, fransa və ingiltərədə cəmiyyətin əxlaq anlayışına uyğun hərəkətlər etməyən insanlara, həyat yoldaşına şiddət göstərən, azyaşlı qızlarla evlənən kişilərə bu yolla protest edilir, hətta uyğun görülməyən evliliklər baş verdikdə toy gecəsi qadın və kişinin həyətində serenada kimi bu kobud musiqi səsləndirilirmiş.
Rusiyada isə oğurluq edən insanlar camaatın qabağında qazan və tava əks-sədaları altında utandırılarmış. * Sonda oğrunun kəndlilərə Vodka hədiyyə etməsi ilə əl çəkirlərmiş xd

Etiraz məqsədi ilə bu metod 21-ci əsrdə də istifadə olunur və indi daha çox Cacerolazo adı ilə tanınır.

toshifumi hinata

bu sifarişi verən: Theeyeschico
1955-ci ildə doğulan Yaponiyalı bəstəkar, multiinstrumentalist. 1985-1987-ci illərdə bəstələdiyi musiqilər yapon musiqisinin və ümumiyyətlə, elektron musiqinin ən zəngin nümunələrindəndir. Əsərlərində Yaponiya ab-havası ilə klassik tərzin birləşməsi qulağa çox xoş gəlir.
Sonradan əsasən, sənədli filmlər üçün bəstəkarlıq etməyə başlayıb.
ilk albomu olan sarah's crimeda elektron musiqi üçün istifadə edilən linndrum adlı musiqi alətindən istifadə etmişdir:

(youtube: )

işəyarayan android və ios proqramları

(baxma: Loop Habit tracker) - Plan qurmaq əvəzinə gündəlik etmək istədiyiniz işlərin siyahısını qurursunuz və davamlı etdikdən sonra * ən çoxu 21 gün vərdiş halına gəlir;
(baxma: Dailyart) - hər gün təsadüfi seçilmiş bir rəsm əsəri haqqında məlumat verir;
(baxma: Google arts and culture) - incəsənətlə maraqlananlar yükləyə bilər, maraqlı filtrləri də var;
(baxma: Word of the day) - söz ehtiyatını artırmaq üçün yaxşı tətbiqdir.

ozymandias

ingilis şairi Percy bysshe Shelleynin 1818-ci ildə nəşr olunan soneti. Şeir adını qədim Misir hökmdarı ll ramzesin Yunanca adından (Ὀσυμανδύας) alıb, krallar kralı mənasındadır.

I met a traveller from an antique land
Who said: Two vast and trunkless legs of stone
Stand in the desert. Near them, on the sand,
Half sunk, a shattered visage lies, whose frown,
And wrinkled lip, and sneer of cold command,
Tell that its sculptor well those passions read,
Which yet survive, stamped on these lifeless things,
The hand that mocked them and the heart that fed:
And on the pedestal these words appear:
"My name is Ozymandias, king of kings,"
Look on my works, ye Mighty, and despair!
Nothing beside remains. Round the decay
Of that colossal wreck, boundless and bare,
The lone and level sands stretch far away.

Shelley-nin glirastes ləqəbi ilə yazdığı çap versiyası:


1817-ci ilə aid əlyazma:


Həmçinin breaking Bad serialının 5-ci sezon, 14-cü bölümünün adı:

(youtube: )

kremasiya

Sözün mənşəyi Latınca cremare ( yandırmaq ) sözüdür. Tarixən bəzi cəmiyyətlərdə ölülərin yanaraq tanrıya qovuşduğuna inanıldığından istifadə olunub. Tarixi 17 000 il bundan əvvələ dayanır. Hətta bəzən ölən şəxsə yandırılmadan əvvəl fetus pozisiyası verirmişlər (insanın doğum anını təmsil etdiyinə görə).
Dini inancdan əlavə krematoryum adlanan cihazlardan canlıların yandırılması üçün istifadə olunur. Bu üsulla qısa müddət (70-120 dəqiqə) ərzində 900-1200 °C temperaturda cəsədin yandırılması baş tutur. Bu zaman cəsədin öz-özünə yanması heç də asan olmurmuş, çünki insan bədənin 2/3 - si sudur. Tərkibində bu qədər su olan bir şeyin də yanıb kül olması mümkün deyil. Buna görə də cihazın içində əvvəlcə bədənin maye hissəsini qurutmaq üçün enerji verilməsi prosesi gedir. bu zaman beyin likvoru (mayesi) qaynayıb başın partlamasına səbəb ola bilər, bunu tənzimləmək üçün də nəzarət edən şəxs kəllədə dəliklər açır. Sonda qalan kütlə sadəcə kül olmur. Bərk toxumaların - sümüyün qalıqları sonradan üyüdülüb toz şəklinə salınır.

Bunun bir də su kremasiyası forması var:

(youtube: )

katatonik şizofreniya

Katatoniya və ya katatonik sindromla müşahidə olunan şizofreniya xəstəliyinin bir növü.
Katatoniya təkcə şizofreniyada görülməyən psixomotor bir simptomdur. Bu zaman xəstələr mənasız, impulsiv hərəkətlər edir, qarşısındakı insanın hərəkətlərini, sözlərini mənasız yerə təkrar edirlər. Katatonik stupor vəziyyəti var ki, bu zaman da xəstələr uzun müddət hərəkət etmədən bir yerdə və ya #248233 nömrəli entrydə də deyildiyi kimi onlara verilən xüsusi vəziyyətdə * bal mumu elastikliyi qalırlar:

(youtube: )

(youtube: )

ən yaxşı film soundtrackları

naked - andrew dickson

la collectionneuse

eric rohmerin 6 əxlaq hekayəsi (six contes moraux) seriyasından 3-cü və ilk uzunmetrajlı olan 1967-ci il istehsalı filmi. həmçinin rohmerin ilk rəngli filmidir.

--spoiler--

filmin adı kolleksiyaçı deməkdir və burda kolleksiyaçı kimi eyni anda müxtəlif kişilərlə münasibətdə olan haydee nəzərdə tutulur. film cəmiyyətin əxlaq anlayışına qarşı (xüsusilə, qadınlara) qadın-kişi münasibətlərindən bəhs edir.

if she she was doing a plan, she was doing a good job of it. if she was trying to add me to her collection, she was handling things perfectly. * fransızca bilmirəm ((

--spoiler--

haqqında heç nə bilmədən izlədikdə maraqsız gələ bilər. filmdə elə də uzun, güclü diaqloqlar da yoxdur. lakin yenə də keyfiyyətli görüntüsü, istifadə olunan rənglər, estetik atmosferi rejissorun digər filmləri kimi bu filmi də izlətdirir. əsl yayda izləməli filmdir.

haqqında ətraflı rəy: link

ishihara testi

ilk dəfə Yaponiyalı oftalmoloq-cərrah Shinobu ishiharanın 1917-ci ildə daltonizmin diaqnostikası üçün istifadə etdiyi test.
Çoxumuz görmüşük. Rəngli kiçik dairələrdən ibarət dairə şəklində plaket olur. Məsələn, Sağlam insanlar burda 5, yaşıl və qırmızı rəngi görə bilməyənlər 2, heç bir rəngi görməyənlər isə heç nə görə bilmir:

Hal-hazırda hrr kimi digər daha dəqiq testlərdən də istifadə olunur.
Testi onlayn etmək üçün: link

lanolin

yunlu heyvanların piy vəzilərindən alınan sarı rəngli kimyəvi maddə. yun yağı, yun mumu da adlanır. lanolinin su keçirməzliyi nəticəsində də qoyunların yunu su saxlamır. yun yağı (adeps lanae) adlandırılmasına baxmayaraq tərkibində qliseridlər yoxdur, xolesterol var. saflaşdırılmış lanolinin tərkibində isə pestisidlər var.

lanolinin hidrolizindən lanolin alkoholu və lanolin turşusu alınır. lanolinlə yanaşı bunlar da kosmetik məhsulların, kremlərin, məlhəmlərin hazırlanmasında istifadə olunur. tibbi məqsədlə istifadə olunan demək olar ki, bütün məlhəmlərin tərkibində vazelinlə yanaşı lanolini də görürük. hiqroskopikdir, yüksək nəmləndiricilik xüsusiyyəti var. dəri tərəfindən yaxşı absorbsiya olunur.

lanolinin alınması:

(youtube: )

cobb bucağı

Skoliozun proqressiyasını müəyyən etmək üçün istifadə olunan ölçü. ilk dəfə 1948-ci ildə amerikalı ortoped - cərrah john Robert cobb bu ölçüdən istifadə etmişdir.
Ölçmə qaydası: onurğanın rentgen şəkli üzərində əyriliyin başlandığı fəqərənin üst kənarına və bitdiyi fəqərənin alt kənarına paralel xətlər çəkilir. Bu xətlərə perpendikulyar xətlər endirilir və həmin 2 xətt arasında qalan bucaq cobb bucağı adlanır.

Normalda onurğa öndən və arxadan baxdıqda düz xətt boyunca olmalıdır. Yəni Cobb bucağı 0 dərəcəyə bərabərdir. 10 dərəcəyə qədər Skolioz hesab olunmur. 10-20 dərəcə arası yüngül Skolioz sayılır. 20-40 - dərəcəyə bərabər olduqda korset, fizioterapiya ilə müalicə olunmalıdır. 40 + dərəcədə ağır sayılır, Cərrahi əməliyyata göstəriş ola bilər. * Xüsusilə, korset həkim məsləhətilə taxılmalıdır.
Skoliozdan başqa onurğanın posttravmatik deformasiyalarında da bu ölçüdən istifadə olunur.

dark academia

əslində əvvəllər də mövcud olan, amma son vaxtlar sosial şəbəkələrdə gənclərin konsept halına gətirdiyi bir submədəniyyət. Özündə qotik tərz və klassik yunan mədəniyyəti nümunələrini birləşdirir. fəlsəfə, incəsənət, ədəbiyyat dark academianın əsas bünövrəsidir. Burdakı Academia sözü də yüksək təhsil, universitet mənasında işlənir.
Təbii ki, bu submədəniyyətin nümayəndələri geyimlərinə, musiqi, kitab, film və s. zövqünə görə fərqlənirlər.

dark academia-ya aid bəzi görüntülər:




Dark academia janrında filmlər:
(bax: Dead poets society)

(youtube: )

(youtube: )

(youtube: )

(youtube: )

(youtube: )

(youtube: )

frontotemporal dementia

Beyin yarımkürələrinin alın (frontal) və gicgah (temporal) paylarının zədələnməsi ilə müşahidə olunan bütün xəstəliklər, çatışmazlıqlar üçün işlədilən ümumi termin. Bu paylar şəxsiyyət, davranış və dil funksiyaları ilə əlaqəlidir. Diaqnoz qoyularkən əsasən, alzheimer xəstəliyi ilə səhv salınır. Lakin alzheimerdən fərqli olaraq dəyişikliklər frontal lobdan başlayır, buna görə də ilk əlamətlər davranış pozğunluqları olur. daha erkən yaşlarda (40-65 yaş intervalında) rast gəlinir.


3-cü şəkildə kortikal atrofiya aydın görünür.

Xəstənin davranışında, hərəkətlərində bir sıra dəyişikliklər müşahidə oluna bilər ki, bunlar əsas simptomlar sayılır. ən maraqlısı həddindən artıq yemək yemək, əşyaları ağıza salmaq, səbəbsiz olaraq ağlamaq, gülmək və s. kimi əlamətlərdir. Bu xəstələrdə demensiyanın digər növlərinə görə cinayət törətmə ehtimalı da xeyli yüksəkdir.

Müalicəsi yoxdur. Bəzi dərman maddələri sadəcə xəstəliyin əlamətlərini yüngülləşdirə bilər.

Ekşi-də Frontal lobun əhəmiyyətini əks etdirən belə sadə yazı tapdım: https://eksisozluk.com/entry/9437220

mənbə

telephonophobia

Telefonun özündən deyil, telefonda danışmaq qorxusu. Sosiofobiya ilə əlaqəlidir. Yəni insanları biri ilə danışmaq narahat edir. Əsasən, Glossophobiası olanların yaşadığı vəziyyətdir. Bu qorxudan əziyyət çəkən insanlar telefon zəngi eşidərkən, tanımadığı nömrədən zəng gələrkən həyəcan hissi keçirirlər. irəli dərəcəli hallarda danışarkən səsin titrəməsi, nəbzin artması, halsızlıq, dil-dodağın quruması, tərləmə və s. Kimi hallar müşahidə olunur. Bəzən zəngə cavab verməyi rədd də edirlər.
Bu gün whatsapp kimi bir sıra mesajlaşma tətbiqlərinin də istifadəsi belə halların sayını artırıb. Özümdə də olduğu üçün buna oxşar vəziyyət yaşayanlara əsas tövsiyəm telefon zənginin melodiyasını daha sakit, yavaş bir musiqi ilə dəyişdirmələridir.

tülkü

Çox maraqlı və istedadlı heyvan. insanların əksəriyyəti onları yırtıcı olduqlarına görə sadəcə hiyləgər və ziyanverici heyvanlar olaraq tanıyır, amma bundan daha artığıdırlar.
itkimilər fasiləsindən olan tülkülərin itlərdən, canavarlardan daha çox pişiklərlə oxşarlığı var. Ağızlarının kənarındakı bığcıqlar, dilin üzərindəki xüsusi məməciklərlə pişiklər kimi inkişaf etmiş dadbilmə hissiyyatına malikdirlər. Eşitmə qabiliyyəti də çox yaxşı inkişaf edib, bəzi tülkü növləri yarasa qulağına bənzər qulaqlara sahibdir və uzaqdan gələn həşərat səslərini belə rahatlıqla eşidə bilirlər. Həmçinin itkimilər fasiləsinin ağaclara dırmaşa bilən yeganə üzvüdürlər. Məsələn, Boz tülkü cəld hərəkətlə pişiklər kimi şaquli istiqamətdə ağaclara dırmaşıb, hətta orda da gecələyir.
Quşlar, tısbağalar, köpəkbalıqları kimi tülkülərin də maqnit sahəsini hiss etmək kimi istedadları var. Bu bacarığı ovlarını tutmaq üçün istifadə edirlər:

(youtube: )

(youtube: )

aleksandra waliszewska

Pinteresdə təsadüfi tapdığım bir şəkli axtarışa verməklə digər əsərlərini tanıyıb, heyran qaldığım polşalı illüstrator, rəssam. Amma bəzi əsərləri qorxunc dərəcədə qəribədir. Sağlam və ayıq bir insanın təfəkkür məhsulu olmalarına bir az şübhə yaradır. Mən yenə də azca surrealist, psixodelik tərzdə olanlarını bəyənməyə davam edim.
rəsmlərinə görə bəzən pedofil, satanist adlandırılsa da, pişik və balaca qızlar bir çox yerdə qorxunu simvolik olaraq təmsil edir deyə rəssamın da yanaşması bu tərzdə ola bilər. * Belə düşünmək istəyirəm

Bəyəndiklərimdən:



Bəzi digər əsərləri:
https://i.imgur.com/GZrCAAT.jpg

boat on the river

Bilmirəm, təkcə məndə olur bu ya yox. Bəzən elə mahnılarla qarşılaşırsan ki, qulaq asmaqdan çəkinirsən, çox dinləyib tez bezmək istəmirsən. Styx-in bu mahnısı da mənim üçün onlardan biridir. Dinləmək üçün sakitliyi, ən gözəl anı, ən gözəl məkanda olmağı gözləyirəm.

(youtube: )

klipi ilə dinlənilməli olan musiqilər

Chelou - halfway to nowhere

(youtube: )

schediophilia

(bax: Anime personajına aşiq olmaq)
Digər adı ilə toonophilia. Anime və ya animasiya personajlarına aşiq olmaq və ya cinsi istək hissi. Bir də fictophilia var ki, bu, ümumiyyətlə, animasiya və real olan bütün obrazları sevmə halıdır. Schediaphilia bir xəstəlik, anormallıq ya da fetiş deyil. Daha çox cinsi orientasiya kimi ifadə olunur. Xüsusilə, gənc yaşlarda normal bir haldır. * Hər halda, gedişatından asılı olaraq^^
1980-ci illərin əvvəlində yaponiyada bu vəziyyəti yaşayan insanlar üçün Nijikon (二次コン) termini ortaya çıxıb. insanların manqa, anime, kitab və s. Obrazlarına qarşı xüsusi marağı gerçək həyatdakı insanlara qarşı marağın itirilməsi ilə izah olunur.