*influenza* a və b viruslarının səbəb olduğu tənəffüs sistemi infeksiyasıdır. Əsasən burun, bronxlara yayılan iltihab nadir hallarda ağciyərlərə də təsir edir.
Şəxsi qənaət: qripdən qurtulmaq istəyirsinizsə
1. Mümkün qədər dincəlin, qoyun bədəniniz bütün gücünü virusla mübarizəyə fokslasın.
2. Otağın havasını mütləq mütəmadiyən dəyişin.
3. Bol-bol su için.
4. Dördüncü maddə ən əsas və qaçınılmaz olandır: dəsmal və salfetlərdən istifadə etməyin! Gizlədin onları. gözünüz görməsin. Burnunuz leş kimi olsa da, durmağa taqətiniz qalmasa da, burnunuzu hər dəfə axar su altında yuyun. Bu sizi və ətrafınızdakıları mühitə yayılmağa can atan virusdan qoruyacaq. Burnunuzdan axan "beyninizi" su ilə yuyun. Dəsmal və salfetləri yaddan çıxarın. Beləcə ağır *angina* ardından gələn zəhlətökən qripdən 1 gün yarıma qurtulmağı bacardım!
( dodağının bir tərəfi ilə gülümsəyən emoji )
5. Bol bol turuncu meyvələr və sarımsaq yemək da yaddan çıxmamalıdır.
Bu başlığa çox entry yazılıb, bilirəm. Mahnı paylaşmaq asan olmayıb mənim üçün əslində. Dərinlərinə inmədən onu hədər edən insanlara görə çox da paylaşmaq istəmirəm. Bütün hüceyrələrinlə dinləməlisən.
Sizə qulaqlarınızla yox ruhunuzla dinləməyinizi xahiş etdiyim, bu çətin günlərdə iztirabınıza iztirab qatacaq bir mahnı...
Portishead - Roads
Tarixə " Seneca'nın əmri " deyə keçmiş bir ifadə var. Miladdan əvvəl 65-ci ildə yaşayan filozof tuberklyoz *
vərəm
xəstəliyinə tutulur. Bu xəstəliyi çox da "vecinə" almayan Seneca görür ki, atası bu vəziyyət qarşısında ondan daha pis hal alır və o ölsə atası bu dərdə dözə bilməyəcək. Və Seneca özünə yaşamağı əmr edir. O, elə beləcə də deyir: "Özümə yaşamağı əmr edirəm. Yaşamaq üçün daha çox kişilik lazımdır, nəinki ölmək!"
Bu psixoloji təlqinin ardından təəccüblü də olsa, Seneca heç bir müalicə almadan xəstəliyə qalib gəlir.
bu sifarişi verən: hechliyin_menasi
Söz kökünün sonuna əlavə olunan şəkilçi.
Qrammatik və leksik şəkilçilərdən ibarət ola bilər.
məs: qayıqçı, əlcəksiz, dənizlər, kosmosdan və s.
Bir də bunun *prefiks* versiyası vardır ki, o da öz növbəsində önşəkilçiləri bildirir.
Prefikslər azərbaycan dili üçün xarakterik deyil və yalnız leksik şəkilçilərdən ibarətdir.
məs: anormal, bivəfa, laqeyd və s.
Gerçəkləşə biləcək arzum: istədiyim bütün kitablara sahib ola bilmək.
Gerçəkləşə bilməyəcək arzum: uçmaq uçmaq uçmaq uçmaq uçmaq uçmaq uçmaq.
Arzu da deyil, xəyal...
Soldakı da mənəm.
Belə bir ironiya..
Sözlük son zamanlar qəribə bir hal alıb. indi üstümə düşülmədən "güya özünü kitaboxuyan göstərir" falan, mən izah edim:
Kitab orda şərtidir, nə qədər də oxusa bəs etməz, heç özü də bilmir zad.
Sırf mırta etmişdim. Hansı mahnı idi bilmirəm, amma gözümü açanda çox gülünc bir mənzərə yaranırdı. Eşitdiklərinlə gördüklərin təzad təşkil edir və özü də belə bir situasiya qarşısında uğunub gedirsən. Bir dəfə unutmasanız yoxlayın, məncə.
O gündən də bu yana hardasa 4 il keçib ki toya getməmişəm. Getsəm yenə edərəm.
Sözlük sayəsində ciddən tək olduğumu düşündüyüm çox şeydə səhv çıxıram.
Və bu mənə qəribə bir sevinc hissi verir.
Çox vaxt ailəlikcə baxdığımız cizgi serial. Atam xüsusilə Doofenshmirtiz, Monogram və Perry üçlüsünü çox sevir.
Phineas və Ferb'ün yaratmış olduğu icadlar çox vaxt Doofenshmirtz'ın inatörləri tərəfindən yox edilir. Həmişə baxanda fikirləşirdim ki bu Candace niyə kameraya almır ki hər şeyi. Canı qurtular. Və bir bölümdə səsimi eşitdi sonunda.
Mahnıları da çox şirindi. Aglet, Biri bana not versin, Korku evi və s.-ləri yaddaşlara yazılıb. Çox ağıllı bir süjet xəttinə sahibdi.
Eyni sözlər olsa da, eyni cür tələffüz edilmir.
Ütü uto, həkim ekimi, meymun maimuni, tava tapa, portağal portoxali, qalstuk halstuxi, albalı alubali və s.
ifrat dərəcədə subliminal mesajların olduğu amerikan cizgi serialı (2012-2016).
Dipper Pines və ekiz bacısı Mabel Pines yaz tətilini keçirmək üçün Gravity Falls adlı qəsəbəyə əmilərinin yanına gəlirlər. Əmiləri Stan Pines qaldığı qəsəbəni və evi əsrarəngiz hadisələrin döndüyü sehrli, ruhlu bir yerə çevirərək turistləri aldadıb pul qopartmaq fikrindədi.
Amma bu iddiaları çox da əsassız deyil...
Dipper bir gün meşədə gəzərkən içində qəsəbə ilə bağlı mistik bilgilərin də yer aldığı əlyazma kitab tapır. Əmiləri kitabın cəfəng olduğunu desə də, Dipper və Mabel buna inanmırlar.
Növbəti bölümlərdə kitabın digər üzünü kəşf edir və beləcə qəsəbənin sirrlərini açığa çıxarmağın ardına düşürlər.
Bitkilərin də müəyyən dərəcədə paranormal həssaslığı olduğu iddiasını ortaya atan və eyni zamanda Yalan dedektoru icadının banisi Cleve Backster'a ithafən verilən ad.
Backster əmi zamanında (1996) ev bitkisinin yarpaqlarına bağladığı elektrodlar sayəsində bitkilərin də ehtiyata (yaddaş) sahib olduğunu göstərmişdir. Belə ki, dedektorun diaqrammasının insanların həyəcan və təşviş hallarında cızdığı diaqramma ilə böyük ölçüdə bənzərlik göstərdiyi aşkarlanmışdır.
Yaşamı təhdid edən bir təhlükə qarşısında insan və bitkilər eyni diaqrammanı cızmaqdaydı.
Məsələnin başqa bir maraqlı tərəfi, bitki əvvəlcədən onun yarpağını kəsmiş, ona zərər verən insan ona yaxınlaşdıqda da eyni tip diaqramma cızmaqda idi.
Amma yenə də bunlar alimlər tərəfindən dəstəklənən təcürbələr deyil. Çünkü bir çoxu bu təcürəbələrdə tutarsızlıqlar olduğunu, yalan dedektorunun statik elektrik yükünə və rütubətə qarşı həssas olduğu səbəbini irəli sürür.
Para ötə, psixo şüur/ruh (buna insanın şüurlu və şüurdankənar düşüncə, duyğu və davranışları daxildir) loqos isə fikir, düşüncə mənasına gəlir.
Parapsixologiyanın duyğulardan ötə qavrayışları öyrənən (ingilis dilində *ESP* - Extra Sensory Perception) elm olduğu iddia edilir. (bax: psevdoelm )
Parapsixologiyanın məşğul olduğu 2 sahə mövcuddur: mental və fiziki.
Fiziki sahəsinə daxildir:
• telekineziya - tele uzaq, knezis hərəkət deməkdir. Yəni insanların fiziki təmas olmadan cismləri hərəkət etdirə bilmə bacarığıdır.
• Levitasiya - cazibə qüvvəsinin əksinə yönəldilmiş qüvvə. Adətən hind yoqlarının bacardığına inanılır.
Mental sahəsinə daxildir:
• Empatiya -Mənəvi baxımdan yaxın olan iki varlığın duyğusal və ruhsal hallarının bir-birinə ötürülməsi.
• Telepatiya - 2 şəxs arasında məsafədən aslı olmayaraq düşüncəyə bağlı informasiya alış-verişi.
• Reinkarnasiya - Ruhun təkrar-təkrar bu həyata gəlməsi.
• Ekimneziya -Keçmiş yaşamlara hipnoz ilə geri qayıtma. Yəni keçmiş həyatlarımızda yaşayıb təcrübə etdiyimiz hər şey psixikamıza, yəni ruhumuza, şüuraltımıza yazılır. Hipnoz ilə şüurumuzun dərinliklərinə qazınmış hər bir şey gün üzünə çıxır. (baxma: reqressiv hipnoz)
• Prekoqnisiya - Gələcəkdə baş verəcək hadisələrin əvvəlcədən dəqiq şəkildə bilinməsi.
• Premonsiya - Gələcəkdə baş verəcək hadisələrin əvvəlcədən qeyri-müəyyən bir hissiyatı.
• Postkoqnisiya - şəxsin keçmişdə özünün orada olmadığı bir hadisəni bilməsi.
• Backster effekti - Bitkisəl qavrayışı/həssaslıq və ya bitkilərdəki psixik yaddaş ehtiyatı
• Astral səyahət - Şəxsin şüurlu şəkildə fiziki bədənindən xaric olaraq psixi bədəni ilə səyahət etməsi.
)
