Son yazılanlar
Hazırki streak: 0 gün ardıcıl post yazılıb.
Rekord: 17 gün ən uzun ardıcıllıq.
Streak hər gün ən azı 1 post yazanda artır. Bir gün boş keçsə sıfırlanır. Streak uzun olduqca od böyüyür!
Tip: gecə quşu
Pik saat: 01:00
Saat diaqramı yazarın gün ərzində nə vaxt aktiv olduğunu göstərir. Qırmızı = ən çox post yazılan saatlar. Yaşıl = orta aktivlik.
Səviyyə 1: Yeni
XP: 23 (karma əsasında)
Növbəti səviyyəyə: 77 XP qalıb
Səviyyə karma əsasında hesablanır. Karma = reytinq + entry sayı + wiki töhfələri. Hər səviyyə üçün daha çox XP lazımdır. 25 səviyyə var: Yeni-dən Tanrı-ya qədər.
Təxmini söz sayı: 52,329
Toplam simvol: 313,976
Orta entry uzunluğu: 245 simvol
Kitab ekvivalenti: ~0.7 kitab (70K söz/kitab)
Söz sayı entry-lərdəki simvollardan təxmin olunur (orta 6 simvol/söz). Kitab ekvivalenti standart roman uzunluğuna (70,000 söz) əsaslanır.
gecənin bu vaxtı bir çox entrisini oxuduğum, fikirlərinin çoxuna qatıldığım yazardır. hiss edib yaza bilmədiklərimi o qədər gözəl ifadə edib ki, sən həmişə yaz deməyim gəlir. *
hətta dedim glş
bu aralar çox aktiv deyil, digər əjdaha yazarlar kimi sözlüyü buraxmaması ümidilə...
iki versiyası var: biri daimi istifadə üçündür, biri məhdud istifadə üçün. ikincini düşünmələri yaxşı olub, zira mənim kimi ildə bir dəfə ölkəyə gələnlər üçün daha sərfəlidir. ən azından kiməsə 'məni də keçirdin, zəhmət olmasa' demək məcburiyyətində qalmırsan. kartın qiyməti 20 qəpikdir, maksimum 4 gediş yükləmək olur. bir manat atanda qalıq qaytarmır.
baxımsız vəziyyətdə küçəyə çıxanda baxımlı qızları görüb utanmaq.
baxımlı vəziyyətdə küçəyə çıxanda sadə qızları görüb utanmaq.
hər iki halda da utanıram.
c'est pas vrai ces histoires mais moi j'y crois.
)
dəcəl uşaqlar.
ərəb geyimi geyinərək insanların üstünə içində bomba olan çanta atmaqla sosial eksperiment edən və buna görə bir neçə dəfə polis tərəfindən saxlanılan 3 ərəb. qardaş ola bilərlər, əmin deyiləm.
səhv eləmirəmsə, avstraliyada yaşayırlar.
bu da facebook səhifələri 
the tudors serialında viii henry və chapuys arasında keçən dialoq.
--spoiler--
henrynin qızı mary-ə ər tapmaq barəsində söhbət gedərkən.
henry: mənim qızım ruhani biridir. don luis mənim qızımla necə rəftar edəcək?
chapuys: bir rahibə kimi.
henry: təəssüf, o zaman övlad sahibi olmaları bir az çətin olacaq. -*
--spoiler--
şərqdə geniş yayılmış bir əfsanə. ilk dəfə firdovsi tərəfindən şahnamə əsərində bu əfsanəyə yer verilmişdir. nizami bu əfsanəni yenidən qələmə alarkən firdovsiyə belə bir göndərmə etmişdir:
altmış yaşındaydı yazanda bunu,
saxlaya bilmirdi yayda oxunu.
firdovsini 60 yaşlı qoca kimi qələmə verən nizami burada onun "xosrov və şirin" sevgisini həyəcanla, şəhvətlə yazmamasına işarə vurur.
vikipediyada şirini erməni şəhzadəsi kimi qeyd ediblər. kitabda da ərmən eli, ərmənistan kimi yer adları keçsə də nizami şirinin türk olduğunu belə vurğulayır:
mahir hindu onun könlünü çaldı,
türk afət hindunun sorağın aldı.
qeyd: rəsul rzanın tərcüməsinə əsaslanaraq yazılmışdır.
insanların içindəki vəhşiliyin ortaya çıxdığı çevriliş. əsgərlərin qanlı şəkilləri, videoları paylaşılır internetdə. 19-20 yaşlı məcburi hərbi xidmətə yollanmış gəncləri necə vəhşiliklə öldürüblər, insan baxanda gözlərinə inana bilmir. bu hadisədən sonra başa düşdük ki, türkiyədə ərdoğanın tərəfini tutanlar ona büt tək sitayiş edir. ərdoğan sağ olsun, millət artıq bir-birinin məmləkətini yox, partiyasını soruşaraq dostluq və ya düşmənlik edir. ölkə vətəndaş müharibəsinə doğru gedir. hələlik 90 ölü, 1000-dən çox yaralı var. ümid edirəm, ərdoğanın ölümü qəddafininkindən daha betər olar.
sekulyarlığı rədd edən dövlətin indi camaatı demokratiyanı qorumağa çağırması hökümətin necə ikiüzlü olduğunu göstərir. məscidlərdə azan oxunur, mollalar xalqı küçəyə çağırır "vətəni" qorumaq üçün. bu avam millət də vətənlə dövlətin fərqini ayıra bilmir hələ, küçəyə çıxıb özünü ərdoğan üçün qurban verir. dünən əsgəri başı üstündə tutan türk, bu gün onu dövlətin oğraş polisinə təhvil verir.
allahın 3-cü kitabı.
(baxma: god's trilogy)
dövlət dəstəyini filan keçdim, məncə, birinci səbəb ailələrdir. niyə dövlət dəstəyini keçirəm, çünki öz istedadı hesabına xaricdə uğur qazanan yüzlərlə azərbaycanlı var. əsas ailə dəstəyidir.
sadəcə öz ailəmdən və qohumlarımdan örnək vermək istəyirəm ki, fikrimi daha yaxşı başa sala bilim.
ailədə iki uşağıq. mən incəsənətə meylliyəm, boş vaxtlarımda şəkillər çəkib cızma-qara edirdim. amma yazı sənətində daha yaxşı olduğum üçün, yazıçı olmaq istəyirəm. qardaşım isə aktyor olmaq istəyir. 12 yaşımdan şeirlər yazmağıma baxmayaraq, ailəm məni iqtisadiyyata yönləndirdi. hər dəfə ora gedəndə söyə-söyə gedirdim. bu illər ərzində söz azadlığımı əlimə almağı bacardım və iki ayağımı bir başmağa dirədim ki, ədəbiyyat üzrə oxuyacağam. burax ədəbiyyatı, xaricdə oxumağıma belə icazə verilmirdi. zorla da olsa, bir az da anamın dəstəyilə öz istəyimə nail oldum. indi fakultəmi biləndə qohum-əqrəba ağız-burun əysə də mən qısa hekayələrimi yazıram və kimin nə düşündüyü vecimə belə deyil. bu barədə xoşbəxtəm.
qardaşım yazığı da iqtisadiyyata yönləndirdilər. o mənə baxanda dilsiz-ağızsızdır, heç söz azadlığı da yoxdur. bir dəfə mən ürəkləndirdim, atama aktyor olmaq istədiyini dedi. evdə dava düşdü ki, bəs oğlum "artist" olacaq. ona görə də qardaşım susub öz arzularını unutmağa üstünlük verdi. hər dəfə onu bu barədə cəsarətləndirməyə çalışsam da olmur. ailənin dəstəyini ala bilmədiyi üçün özünü sınamağa da qorxur. var olan istedadını görməzdən gəlir. və bir ailə "başçısı" bir ailə üzvünün həyatını da beləcə puç edir. (baxma: ataya demək istədiklərimiz)
bir də mənim qədər şanslı olmayan qohum qızları var. onlar, ümumiyyətlə, orta məktəbi belə bitirə bilmirlər. hələ nəyin nə olduğunu bilmədən başı hicaba soxulan, 16 yaşı olan kimi evləndirilən qızlar. uzaqdan baxanda onları qınamaq asandır və özünü müasir sayan gənclərimiz onlardan geri qalan, onlar qədər şanslı olmayan azərbaycanlıları feysbukda yerin dibinə soxurlar. halbuki, onların xəyal dünyası heç də boş deyil, heç də evdə oturub ər gözləmirlər həsrətlə. oxumaq və layiq olduqları həyatı qazanmaq istəyirlər, ailələrin onlara layiq bildiyi isə özlərinin tapdıqları, uyğun gördükləri həyat yoldaşıdır.
hicablı bir qızın açıq-saçıq ayaqqabı eskizləri çəkməsi bilirsiniz nə deməkdir? bu, onlara imkan yaratsaq, ölkəmizdəki qadın haqlarının dirçəlişi deməkdir. bəlkə də bunlara göz yummaqla neçə belə stilisti, rəssamı, aktyoru, yazıçını ilk addımını atmadan bədbəxt edirik.
ailə - adam kimi yaşamaq haqqımızı əlimizdən alırsa düşmənimizdir, yaxınımız yox. bu ölkədə də uşaqlarının yaşam haqqını əlindən alan, onları öz qaydaları ilə yaşatmağa çalışan ailələr çoxdur. buna görə də bu ölkədə öz arzularına çatmaq istəyirsənsə, birinci ailənlə mübarizə aparmalısan, sonra cəmiyyətlə.
türk qrup yoldaşı ilə qardaşım arasında keçən dialoqdur:
a: nahçivan sizin ülkenin içinde mi?
b: aha. amma ora vasif baxır. naxçıvanlı bir tanışım deyib ki, naxçıvanda vasif demək olmaz, onun yerinə hamı "qurban olduğum" deyir.
a: baküye hangi gurban olduğum bakıyor?
asdfgfds -* -*
ilk entrini yazanın verdiyi "bomba" örnəklərin də youtube repi olduğunu bilmədən ortaya atdığı iddia. bilirsə də yəqin gözardı etməyi üstün tutub. hər nəysə. youtube sayəsində məşhurlaşmış yeni nəsil bir-iki reperlə azrepi ölçmək olmaz. koryolçu bir ara bomba kimi partdadı, hiphoplifeda albom zad yayımlamaq, türk reperlərlə acapella, feat filan. küçələr bizimdir trekində nə dediyini, ya da nə demək istədiyini başa düşmürəm. sırf flov axsın deyə mənasız-mənasız şeylər deyir, pasterin gül kimi vörsünün də içinə eliyir. tez alışıb tez də söndü.
slangue isə səhv eləmirəmsə bir ara bulistanda idi. jamal alinin repdən roka keçməsi kimi slangue da bulistandan repə keçdi. hip hop mədəniyyətini yaşamayan, yaşatmayan, sırf gündəmdə qalmaq üçün, ya da iş tapmadığı üçün rep deməyə çalışanlara qarşıyam. çoxundan soruşsan, sadəcə bir-iki west side reperini tanıyırlar vəssalam. bu işin içində deyillər.
protest rep deyəndə insanlar hər halda sadəcə dövlətə, prezidentə, sistemə söymək kimi başa düşürlər. protest rep sadəcə o deyil, cəmiyyətin axsayan yönlərini görüb tənqid etmək də protest rep sayılır. yenə də sistemi tənqid edən new school reper istəyirsənsə, al (bax: paster a.k.a nifrət)
cavabı səhv yozulacaq suallar verərək qızı tələyə düşürəcəyinizi sanıb özünüzü ağıllı hesab eləməyin. neyləməyə çalışdığınızı onsuz da başa düşürük. xoşunuz gəlir, adam kimi deyin. yoxsa belə hərəkətlərlə özünüzü gözdən salırsınız.
bir qıza "girişirsinizsə", bunu ucuz yollarla etməyin. "kaş sənin kimi sevgilim olaydı" kimi ucuz nümunələrlə gəlməyin bizə. onsuz da başa düşürük girişdiyinizi, bizi axmaq yerinə qoymaqla özünüzü də axırıncı yola qoyursunuz.
sevgilisi olan bir qız sizi dost kimi görüb sizinlə danışırsa, o saat başqa yerlərə yozmayın və mümkünsə özünüzü önəmli hesab etməyin. narahat olmayın, sizin o cazibənizin *
güya da
qüvvəsi onların arasını vurmur, sevgisini azaltmır. sizə sadəcə dost gözüylə baxırlar o qızlar, bunu artıq başa düşüb qəbul etsəniz, yaxşı olar.
qız tutmaq üçün kitab oxumayın, maariflənmək üçün oxuyun. əgər o kitabı qız tutmaq üçün oxumusunuzsa, onsuz da o qız bunu başa düşəcək və gözündə dəyəriniz də yerlə bir olacaq. sevinirsən ki, intellektual adam tapmısan söhbət etməyə, bir-iki söhbətdən sonra başlayır mövzunu başqa yerə çəkməyə.
bunu böyük hərflərlə yazmaq istəyərdim: cirtqoz olmayın.
sizə üz verməyən qızlar haqqında gedib orda burda ağzınızın qatığını dağıtmayın. adam bir az kişi olar. atalar da boşuna deməyib ki, kişinin yanında baş kəsərlər. bir az ağır olun, hər gözəl qızın ağzının içinə düşməyin. qızlar yüngül oğlanları sevmirlər.
axırıncı tövsiyə də odur ki, sevgilisi olan qıza girişməyin. bu sizi bomba oğlan eləmir, bir gün gəlib başınızı qarpız kimi partladacaqlar, xəbəriniz yoxdu.
tibb bacısı olan anamın dediyinə görə, həkimin yox, tibb bacısının günahıdır. həkim əməliyyat otağına girməmişdən əvvəl tibb bacısı əməliyyat ediləcək bölgəni açıq saxlayır, digər hər tərəfi yaşıl örtü ilə bağlayır. burada həkimi müdafiə etmək fikrim yoxdur, sadəcə proseduru başa salmağa çalışdım ki, hamı yerindən atıb tutmasın. ancaq yenə də bütün məsuliyyəti həmin həkim daşıyır.
pes oynamağa çağırır. altında başqa məna axtarmamaq lazımdır.
propaqanda və əks-propaqanda kitabları. oxuyanda adamı gülmək tutur. iki-üç il əvvəl bir amerikan yazıçının "kommunizm nədir?" adlı kitabını oxumuşdum. bu kitab ssri-nin hələ güclü olduğu dövrlərdə yazılıb, çox güman ki amerikanlar üçün nəzərdə tutulmuşdu. kitabda uçan milçəyin vızıltısından belə kommunizmi günahkar çıxarırdı yazıçı. son səhifələrdə sual-cavab hissəsi var idi, uzun-uzadı yazılmış bir suala adamın yazdığı cavab: səbəb kommunizmdir - idi.
sonra emma qoldmanın bir kitabını oxudum. anarxizmi təriflədiyi yerləri keçsək, kapitalizmi yerdən-yerə vurduğu hissələrdə belə bəzən uşaqca səbəblər göstərib. hətta anarxizmi doğru-düzgün açıqlamayıb belə! son olaraq stalinin bir məqaləsini *
anarxizm yoxsa sosializm?
oxudum, propaqanda yönüylə çox yaxşı idi, əməlli-başlı sosializmi açıqlamışdı, ancaq anarxistləri niprav* çıxartma cəhdlərini bəyənməmişdim.
ideologiyanızla bağlı kitab yazacaqsınızsa, ya da sevmədiyiniz ideologiyanı pisləyəcəksinizsə, bunu gülməli arqumentlərlə etməyin. qarşı tərəfi təhqir edərək öz ideologiyanızı ucaltmırsınız, əksinə gülünc vəziyyətə düşürsünüz.
- bu yeyib doyub, təzə gələn daha çox yeyəcək.
Son bəyənilənlər
