ExlaqsızExlaqlı

67 0 0 0

9. nəsil yazar

Entry: 67

blok başlıqlarını gizlət
bütün zamanlarda yazdığı ən əjdaha entrylər:

Notice: Undefined variable: userQuery in /var/www/soz6/sonhefte.php on line 84

Notice: Trying to access array offset on value of type null in /var/www/soz6/sonhefte.php on line 84

Notice: Undefined variable: anonim in /var/www/soz6/sonhefte.php on line 85

Notice: Undefined variable: idvv in /var/www/soz6/sonhefte.php on line 92

Notice: Undefined variable: idvv in /var/www/soz6/sonhefte.php on line 101

Notice: Trying to access array offset on value of type null in /var/www/soz6/sonhefte.php on line 102

depressiya

+45 əjdaha

Bu yaxınlarda uzun zamandır cavabını gözlədiyim imtahandan keçmədiyimi öyrəndim və bununla bağlı maraqlı reaksiyalar aldım:
“Nə oldu bəs, oxumurdun? Bütün gün boş-bekar neynirdin?”
“Oxumurdun daaa.”
“işindən də çıxmışdın ki, bu imtahana hazırlaşasan. Heç vaxt belə bekar olmayacaqsan bir də. Gərək oxuyardın.”
Mənsə onlara dönə-dönə başa salmışdım. Başa salmışdım ki, mən oxumurdum, bəli. işdən də oxumaq adı ilə ayrılmışdım, bəli. Amma bunun səbəbləri var.
Qərb mediasında bəlkə də hər gün eşitdiyim söz:
“Mental health” və ya mental vəziyyət, mental sağlamlıq. Mən yaxşı deyildim. Sağlam idim? Fiziki olaraq bəli. Oxumağa şəraitim, stolumun üstündə hazır yeməklər var idi? Əlbəttə. Amma mən mental olaraq əziyyət çəkirdim. Hər gün mənim üçün bir əziyyət idi, hər şey mənasını itirmişdi, həyatımda ilk dəfə canımın canan olmadığı qənaətində idim və bu əzabın, iztirabın bitməsi üçün “dua” edirdim. Yenə deyirəm, heç bir səbəb olmadan. Bir nöqtəyə baxıb ağlayırdım. Həyatın mənasını, yaşama eşqimi, hər şeyi, amma hər şeyi itirmişdim.
Və nəhayət mən psixoloqa göründüm.
O müxtəlif səbəblər axtarıb tapmağa başladı, bu başqa mövzu.
Sadəcə ilin günün bu vaxtında insanlarımızın mental vəziyyətdən xəbərsiz olması məni üzür. Mənə deyirlər, “oxumadığına peşmansan?”
Xeyr, əzizim. Sağ qaldığıma, sağ qalmağı seçdiyimə, mental mübarizədən qalib ayrıldığıma görə sonsuz xoşbəxtəm! Varsın mən bir imtahandan kəsilmiş olum.
Canım sağ olsun. Sözün həqiqi mənasında.
Qərbdə olduğu qədər bizdə də mental sağlamlıqla bağlı məlumatlandırma getsə, çox daha rahat olardı işimiz. Bu mübarizədən müvəqqəti də olsa qalib ayrılmış hər birimizin alnından öpürəm. Bilirəm, yenə də qayıda bilər, şoğərib, amma bu dəfə də mən mübarizəyə hazır olacam!
O imtahanı da keçəcəm. O ki bizim mental mübarizəmizdən dəfələrlə asandır.

34 əjdaha! 23.08.2021 12:33, ExlaqsızExlaqlı

#334667 şikayət

Notice: Undefined variable: userQuery in /var/www/soz6/sonhefte.php on line 84

Notice: Trying to access array offset on value of type null in /var/www/soz6/sonhefte.php on line 84

Notice: Undefined variable: anonim in /var/www/soz6/sonhefte.php on line 85

Notice: Undefined variable: idvv in /var/www/soz6/sonhefte.php on line 92

Notice: Undefined variable: idvv in /var/www/soz6/sonhefte.php on line 101

Notice: Trying to access array offset on value of type null in /var/www/soz6/sonhefte.php on line 102

şort

+23 əjdaha

Yay gəldi yenə başladıq.
Bax ha deyirəm ağzımı açmayacam, yenə ağzımı açdırırlar.
Bu gün metroda cavan bir qız şortikdə idi. Ayaqqabılarından ayaqlarına doğru birinci dəfə gördüyüm iki qara zolaq çıxırdı, düzü o zolaqlar nə işə baxırdı çözə bilmədim.
Bu moment yaşı 90-ı keçmiş bir ayağı yerdə, bir ayağı göydə olan dayı düz mən dayanan yerin yanında oturdu.
Və... təxmin etdiniz yəqin. Dayı qızı gördü, onun şortikini, bir cüt gəzmək işinə baxan orqanını və o iki qara zolağı. Dayı şok keçirtdi, o, əlini qaldırdı, qızın onu görməyəcəyindən əmin, başladı deyinməyə ki, “bax bu nədir, bu nə biabırçılıqdır, bu nə əxlaqsızdır, təmiz özlərini buraxıblar” və bu silsilədən olan bir neçə cümlə.
Əziz dayı. Səni nə narahat etdi? Bir cüt ayaqda (baxma: ayaq-gəzmək üçün orqan) səni narahat edən nə ola bilər axı? Bəlkə də sənin yaşı 90-ı keçmiş şeyin qabardı, sən özünü saxlaya bilmədin, sənin şeyin elə böyüdü ki, bütün metronu tutdu!
Çünki mən başqa səbəb görə bilmirəm. Niyə şortikə görə bu qədər deyinəsən axı.
Niyə utanıb ölmürsüz ə? Yox e niyə sakitcə, hüzur içində, heç kimə dəyib-dolaşmadan ölüb getmirsiz axı? Gərək kiminsə ayağına baxıb hormonlaşasınız? Bu halda sizə cənnətin qızıl qapıları açılır?
O qız az sonra oturmağa yer tapdı və o dəqiqə kitab çıxarıb oxumağa başladı. Vallah o dayının yerinə mən utanıb yerə girdim. Ömründə heç kimə fayda verməmiş, ömrünün son günlərini gənclərin ayaqlarında itirən şəxslər, siz özünüzdə bu haqqı hardan görürsünüz? Siz kimsiniz? Dayı əlimin altında idi e. Məni ən çox yandıran budu ki, qızın şortikinə doğru barmağı ilə işarət edəndə əlimin tərsilə onun başının dalından vurmadım.
Yandırılası ölkədi. Yandırılıb təzdən qurulası.
Hə, bu başlıq altında şortik geyinən oğlanlara da salam gətirmək istəyirəm, çünki mən özüm də bu gün şortikdə idim. “Ayaq qıllarıvı qızlar, gəlinlər görməlidi?” Deyən hər iki cinsin nümayəndələrinə burdan belə bir cavab vermək istəyirəm:
Şortiklilərin poxu sizin xirtdəyinizə. Bu qədər.

20 əjdaha! 02.06.2021 19:34, ExlaqsızExlaqlı

#329024 şikayət

elimelikov06

+21 əjdaha

Əlinin daşı belə ağırdı kıı? Yaman narahat eliyir deyəsən bəzilərimizi axı.
Sən yazmağında ol.
Öpeyrəm.

16 əjdaha! 14.06.2021 17:13, ExlaqsızExlaqlı

#329759 şikayət

Açıq münasibət

+17 əjdaha

Açıq münasibət nədir? Ölkəmizdə mövcuddurmu? Bu gün bunlara aydınlıq gətirəcəyik.
Bəli, açıq münasibət ölkəmizdə ən iyrənc şəkildə mövcuddur. Evli kişilər həyat yoldaşları bilə-bilə başqa qadınlarla münasibətdə olurlar. (Qadınlar üçün ərləri bilə-bilə bunu etmək çox da mümkün olmasa da, olanda olur.) Bu, bizim open relationship anlayışımız.
Amma əsl open relationship iki tərəfin razılığı ilə başqaları ilə də cinsi əlaqədə olmaqdır. Çox zaman hər iki partnyor da müxtəlif şəxslərlə birlikdə olur.
Keçək öz şərhimə. Mən buna necə baxıram? Uzun araşdırmalardan sonra insanların tək eşli olmadığı qənaətinə gəldim. Bir serialda deyir, “əgər növbəti 1000 orgazmının kim tərəfindən gələcəyini bilirsənsə, həyatın nə mənası?” Heç kim də zəhmət çəkib danmasın. Biz buyuq. indi elə deyilik? Onda evlənəndən 10 il sonra olacağıq, gözlərimiz gəzəcək, aşağıdakı orqan başqası üçün duracaq. Heç olmasa hər iki tərəf oturub bunu müzakirə etsin və açıq münasibətə keçsinlər. Mən səni də istəyirəm, amma başqalarının mənə verəcəyi həzzi də. Bunu demək bir-birinin arxasından iş çevirib heç nə bilmirmiş kimi davranmaqdan çətin olmamalıdır.
Ps: yazdığım digər hər şey kimi bu entry də mənim şəxsi düşüncələrimdir. Heç bir şəkildə mən düzəm, mənim əksim səhv düşüncəsində deyiləm.

11 əjdaha! 17.04.2020 10:50, ExlaqsızExlaqlı

#293901 şikayət

görücü üsulu ilə evlənmək

+22 əjdaha

Məsələyə fərqli prizmadan yanaşacam. Bizim bu dırnaq içində halal süd əmmiş qızlarımız yemir, içmir, quruyur, taxta olur ki bakirəliyini qorusun. indiki zamanda 20 il, 22 il. Ondan da çox. Bura qədər etiraz yoxdu ki? Yaxşı.
Bu çürümüş (tibbi cəhətdən “quruma” getdiyi üçün belə deyirəm) qıza görücü üsuluyla bir qaşqaldaq ər obrazı tapırlar. Tez-bazar bunları evləndirib iki bir-birini tanımayan gənci salırlar bir otağa, qapını da bağlayırlar. Bax o halal süd əmmiş qıza mən bir sual vermək istəyirəm. 24 ildir bəkarətini qorudun ki, axırda tanımadığın gədənin altına yatasan az? Nə mənası oldu sənin o 24 illik əziyyətinin? Elə oldu azdın, elə oldu hormonlaşdın, elə oldu insansan da, könlündən yatmaq keçdi, amma özünü cilovladın. Cilovladın ki axırda uzanasan üzünü ilk dəfə elçi gələndə gördüyün malışın altına? Bax burası bir az ağır olacaq. Fahişədən fərq nə olur burada? Orasını tutmuram mən. ikiniz də tanımadığınız adamın altına yatırsınız. Heç olmasa o durub qeyrətdən, namusdan bas-bas bağırmır. Mən şəxsən bəkarətin buna görə qorunmasındansa qorunmaması tərəfdarıyam. Tanımadığınız şəxslərin altına yatmayın, gənclər. Yox yatırsız, heç olmasa pul alın.
Bu yazı kimlərəsə xoş gəlməyə bilər. Fəqət qoy içimdə qalmasın

16 əjdaha! 17.04.2020 01:44, ExlaqsızExlaqlı

#293895 şikayət

sugar daddy

+15 əjdaha

Pullu, çox vaxt yaşlı boyfriend. Siz onun cinsi ehtiyaclarını qarşılayın, o da sizi pulla təmin eləsin. Onların sevgililəri bir ayda minlərlə dollar pul qazana bilir. Beləliklə professional sugar babylər ortaya çıxır. Sugar dədələr sizi tez-tez hədiyyələrlə sevindirir, kommunalınızı ödəyir, universitet təhsil haqqınıza da əl gəzdirir. iki növ şəkər dədəni diqqətinizə çatdırım.
The Splenda dədə- aylıq gəlirə, başqa sözlə maaşa baxan adamdır. Sizə verdiyi pul o gəlirdən artıq olmayacaq.
Honey dədə- gəliri sərhəd tanımır. Könlünü xoş tutun, nə desəz alıb verəcək. Bir də görürsən iki-üç sugar bəbəni dolandırır.
Atalar sözü ilə yekunlaşdıraq:
Sugar dədə cin kimidi. Bir az yaşlı ola bilər, amma lampasını tumarlayan kimi sənin arzularını həyata keçirəcək (gözvuran smaylik)

11 əjdaha! 30.03.2020 21:03, ExlaqsızExlaqlı

#293348 şikayət

kim kardashian

+14 əjdaha

Çox hörmət etdiyim bir qadın.
Prostitutka, fahişə kimi sözlər çoxdan söyüş sayılmır. Bunu biləsiniz. Mən qoymaram ki, seks işçilərinə təhqir oluna. Bu platformada yox. Bilirsiniz nəyə bənzəyir? Kiməsə gey deyib onu söydüyünü düşünməyə. Yox, burada klaviatura canavarlığı etməklə bir şey olduğumuzu düşünürüksə məncə bu fahişədən ağır vəziyyətdir axı, elə deyil? Hə, lap mən fahişlik edirəm. Bədənimi satıb bununla olmazın pullar qazanıram. Söyə bilərsiniz məni, buyurun, gözləyirəm.
Kim Kardashianın bir kilometr yaxınına da gələ bilməyəcək olan bizlər, onu görsək söymək nədir, şəkil çəkdirərik. Çünki o şəklin dəyəri burada yazdığımız söyüşlərdən yüz qat artıqdır. (Qorumaları bizi milçəkdən fərqsiz görüb uzaqlaşdırar, o heç.)
indi keçək niyə hörmət elədiyimə. Bu insan bir seks kaseti yaymaqla ekonomik cəhətdən dara düşən ermənistanı (atasının ata ocağını) dolandıracaq qədər nəslinə pul qazandırmışdır. Bacısı dünyada ən çox qazanan model, o biri bacısı makiyaj dünyasının ağası milyarder və əri də abş prezidentlik adayı.
Və biz hələ də “ala qəhbə hahagaga”.
Yox, qəhbə bizik. Bizdə elə bir adam yoxdur ki, dursun 160 milyon təqibçisinə yazsın ki, erməni bizi işğal edib. Niyə yoxdur? Çünki bizdə qeyrət var ulan! Başımıza dəysin qeyrət. Hələ bir poxa dərman olmuyub.
Kaş ki, bizdə də kimsə belə nüfuzlu olardı. Kim kardashian bu dəqiqə amerikan şou biznesində at oynadır.
Amma qəhbədir. Nə var nə var bircə dənə kaset çıxardıb.
(Ps: kaş bizdə də olaydı o qəhbədən)

10 əjdaha! 30.09.2020 10:56, ExlaqsızExlaqlı

#305311 şikayət

pablo diablo

+14 əjdaha

Acilən özünün inandığı Allahından ona yardım dilədiyim yazar. Yazdıqları fikirlər 20 yanvar metrosunun qarşısında çömələ oturan qaqaşların fikirləri ilə eynidir. Belə başa düşürəm homofobiya xəstəliyindən də əziyyət çəkir. Bəlkə də sözlükdə düzəməlli yazarların düzəməlli fikirlərini oxumaq ona yaxşı təsir göstərə bilər. içində bu qədər kini, nifrəti yığmağın mənası nədir, gözəl qardaşım? inan ki, bu nifrətdən qurtulsan yüngülləşərsən.
Bu arada psixiatrla bağlı məsləhət aldığını da xatırlar kimiyəm. Elə bu da yaxşı variantdır.

11 əjdaha! 06.11.2020 19:30, ExlaqsızExlaqlı

#309458 şikayət

rus dillilərin bakını elitləşdirməsi

+14 əjdaha

Rus dilini bilirəm, amma evdə ana dilimiz heç zaman bu dil olmayıb. Fəqət bu başlıqda bir həqiqət, türklər demiş, yox deyil. Gəlin bir misalla izah edim.
Həftənin bir neçə günü Tarqovının tən ortasına yolum düşür və o tanış melodiyanı eşitdikdə ayaq saxlayıram. Təbii, bu, dünyanın düz vaxtının söhbətidi. Axşamlar orada bir qrup, bir “band” mahnı oxuyur. Biri çalır, o biri oxuyur, amma necə içdən oxuyurlar. Onların rusca və ya ingiliscə sevib seçdikləri, əsasən, rock janrında olan mahnılar mənim ürəyimdə artıq yer edib özünə. Həmişə də izləyiciləri olur orada. Rusdilli təbəqə. Hər mahnıya eşlik edən, durmadan, atmosferi pozmadan oxuyan, başını, ayağını ritmə uyğun sallayan, üzündən gülücüklər saçılan rusdilli təbəqə. Gəlib pul atmağı da unutmurlar heç vaxt. Bu qrupun özünün də rusca dediyi kimi, sanki bu qrup peyda olandan küçələr gözəlləşib.
Elə bu an küçədən iki qaqa tipli, makasinli və butalı gədə keçir. Məlum olur ki, nə mahnıdan anlayırlar, nə xarici dildən, nə də sənətdən. Tez ora-bura baxıb şoka düşürlər. Bu oxuyan qaqa nə edir ala? Özünü niyə səhnədə yerə-göyə çırpır? Niyə elə bağırır?
“Bu neynir ala? Ala bunun vidinə bax! Gijdi ki bu! Ala AUE! AUUUE! Jizn vor.”
Bir müddət belə davam edir. Mən demirəm ki, biz rusdilli təbəqədən aşağıyıq. Mən deyirəm ki, küçədə ağzına gələni qışqırıb, məxluqobraznı səslər çıxardıqdan sonra, bu gədələrin başlarını aşağı salıb oranı tərk etmələrinə səbəb olan rusdilli təbəqə idi.

10 əjdaha! 24.03.2020 14:37, ExlaqsızExlaqlı

#293196 şikayət

kitab oxumaqla özünü bir şey zənn etmək

+12 əjdaha

Sözlükdəki bəzi yazarların da əziyyət çəkdiyi hal, vəziyyət. insanı sözlükdən soyudan səbəb də desəm uyğun olar. Kitab oxumaq sənin dünyagörüşünü artırar, sənə həyat məktəbindən dərslər öyrədər. Fəqət bu yolda “mənim bildiyim gerçəklər gerçəklərdir” ab-havasına girib xoşuna gəlməyən hər fikrin sahibinə kitab qoxusundan uzaq cahil kimi baxmaq... nə bilim. Mənə görə sadəliyi itirdiyimiz an cahilliyə qovuşuruq. Oxuduğumuz kitabların sayını yarışdırıb kimdənsə üstün olduğumuza qərar verməzdən öncə dönüb bir az təvazökarlıq kitabından da səhifə çevirək.
Yox, sənin dediyin hər şey həqiqət deyil. Yox, mənim heç vecimə deyil sən neçə kitab oxumusan. Çünki sən başa düşmürsən ki, fərqli insanlar, fərqli fikirlər və dünyagörüşləri var. Sözündə azadsan, hörmətdə məcbur.
Kitab oxuyub özünüzü yığışdıra bilməyəcək səviyyəyə gələcəksinizsə, lütfən oxumayın. Ağzınızın ağ qatığını kitabların sarı səhifələri ilə səhv salmayın. Sadəcə başqalarına yuxarıdan aşağı baxmaq üçün və onlardan üstün olmaq üçün oxumayın. Çünki hələ ki bir kəs ola bilməmişik.

10 əjdaha! 13.05.2020 14:44, ExlaqsızExlaqlı

#295507 şikayət

qənirə paşayeva

+12 əjdaha

Siyasi fəaliyyəti ilə bağlı nə deyilirsə deyilsin, amma kiminsə şəxsi həyatıyla məzələnmək də nə bilim.. yəqin mənim heç vaxt çata bilməyəcəyim “uca zirvə”dir.
işini tutkuyla yerinə yetirdiyini düşündüyüm insan. Nə etsə də.

11 əjdaha! 15.10.2020 12:46, ExlaqsızExlaqlı

#306449 şikayət

feminizm

+9 əjdaha

Feminizm nədir? Feminizm, sadə dillə desək, qadın və kişilərin hüquqlarının bərabərliyidir. Hər şey bu qədər sadədirmi? Heç zaman yox.
Əvvəlcə equalistlər haqda danışmaq məqsədəuyğun olardı. Bərabərlik əslində adından da göründüyü kimi bu başlığa daha uyğun gəlir. Çox kişi cinsinin nümayəndəsi iddia edir ki, qadınlar kişi düşmənçiliyi edir feminizm adı altında. Kişi düşməni deyilsən? Onda equalist ol deyirlər. Bu məsələdə şəxsi düşüncəm: qaradərili qardaşlarımın haqsız ölümü ilə bağlı “qaraların həyatı önəmlidir” şüarı yayılmışdı bir ara. Bu vaxtda da ağ dərililər “Bütün həyatlar önəmlidir” şüarını ortaya atdılar. Görürsünüz necə dəxilsizdir? Öldürülən qaradır, ağ deyil.
Yuxarıdakı iki şuar üçün izah: Mən irqçi deyiləm, fəqət göz qabağındadır ki, qaradərilinin mənim dəstəyimə daha çox ehtiyacı var. Mən cinsiyyətçi deyiləm, fəqət qadınların daha çox qorunmağa ehtiyacı var. (Feminizm və equalistlər)
Amma və lakin! Feminizmin dırnaqarası üzvləri bu kəlməyə nifrətə səbəb olublar. Artıq heç kim rahat şəkildə “mən feministəm” deyə bilmir. Feminizmi kişi düşmənçiliyi ilə səhv salan təbəqə yaranıb. Xeyr! Əgər uşağın himayəsi ilə bağlı məhkəmə işi gedirsə, bir feministin dəstəyi əyyaş, işsiz, vecsiz anaya deyil, uşağı sevən, ona baxa biləcək atayadır. Bu məntiqlə yanaşanda kişilər də feminist ola bilər, deyə bilər ki, qadına qarşı şiddət istəmirəm. Eyni işi görüb məndən az pul alsın istəmirəm. Evdə oturub “çölə çıxma, kartof qızart” qadağası yeməsinə qarşıyam deyə bilər. Amma feminizmin dırnaqarası üzvləri “bütün kişilər zibildir” kimi şüarlar səsləndirdikdən sonra çətin ki, müttəfiq qazanılsın.
Ps: bunun bir də qadınlara qarşı düşmənçiliyi olub, eqosuna onlarla bərabər olmağı yedirə bilməyən it ilxısı köpək sürüsü tərəfi də var. Bunlardan olmayaq, yetər.

6 əjdaha! 19.04.2020 00:21, ExlaqsızExlaqlı

#294022 şikayət

sözlükdən soyuma səbəbləri

+11 əjdaha

Bəlkə ancaq mənə aid ola bilsə də, “dəyişək, inkişaf edək” devizinin həyatıma özümdən asılı olmadan giriş etməsi deyərdim mən. Düzü, 9-cu nəsil bir yazar olan mən aylar öncə yazdığım entrylərə baxıb şok keçirdirəm. ilahi, bunu mən yazmışam? Fəqət düşünəndə görürsən ki, bu təbiidir. Mən aylar öncəki mən deyiləm. illər öncəki “toy” mən heç deyiləm. Düşünürəm ki, bir zamanlar bura yazmaq üçün alışıb-yandığımız mövzular artıq bizə bayağı və maraqsız gələ bilir. Ona görə də soyuyuruq bu ana yuvamızdan. Adi bir misal, nikimin əxlaqsız əxlaqlı olması mənim aylar öncə içimdə gedən burulğanın və mənəvi böhranın yansıması idi. Əxlaqla məzələndiyim entrylərim göz qabağındadır. indi isə mən özümü yəqin ki karantindən dolayı qurumuş taxta kimi hiss edirəm. Yəni heç bir əxlaqa zidd hərəkətə meyllilik duymuram və bu da məni sözlükdən uzaqlaşmağa vadar edir. Fəqət qorxulu bir şey yoxdur. Əli güclə söz tutan bəzi yeni yazarlarımız da mənim kimi bişib çıxacaq və sözlük yenidən çiçəklənəcək. Mən də öz növbəmdə içimdə alışıb-yanan başqa bir burulğan tapacaq və o haqda münaqişə doğuracaq fikirlərimi sözlüklə bölüşəcəyəm. Hər saniyə dəyişib “evolve” etməyimiz məni valeh edir! Deyəsən çox poetik ruha büründüm axı mən... tezliklə “gəlin niyə qırmızı lent taxmalıdır” mövzusunda şit entrylər yazmağa həvəsimin yaranması diləyi ilə!

9 əjdaha! 08.08.2020 01:17, ExlaqsızExlaqlı

#302486 şikayət

kefi pozan xırda şeylər

+10 əjdaha

Yaşımız keçdikcə ailəmizin etdiyi hər xırda şeyə əsəbləşib mız qoymağı tərgidirik. Ən azından mən tərgidirəm. Onların bizim üçün bəzən həyatlarını fəda etdiyini görüb dərk edirik. Dəyməz əslində, amma bu başqa zamanın söhbətidir.
Amma bir məsələ var ki, doğma xalqımda özünü yaman göstərir. Neqativi yığıb, yığıb üstümüzə boşaltmaq.
Əziz ailəm. Hər şeyə görə sizə minnətdaram. Pis və yaxşı, mənəvi iztirablarımın qurtaracağı günə çatacağıma inanaraqdan sizlərlə yaşayıram. Amma beynimdə bu dediyim iztirabsız dünyaya qovuşmağın yollarını ararkən bəzən it-bat oluram, kədərlənirəm, bunu da bacardığım qədər özümdə saxlayıram. Sonra siz də gəlib heç bir qlobal əhəmiyyət daşımayan iztirablarınızı üstümə qusub gedirsiniz. Eşitmişdim ki, Yaponiyada kiminsə yanında dərindən ah çəkmək mədəniyyətsizlik sayılır. Ah nə gözəl! Sanki bu millətin ah-naləsi bitmir axı. Bəs bizim dərdimiz yoxdur? Sizcə sizdən azdır? Niyə gəlib neqativinizi bizlərə yüklüyüb hələ bir reaksiya da gözləyirsiniz?!
Ölkəmiz dramadan bəslənir elə bil. Bəlkə də özlərinin diliylə desək “beş para etməz” türk dramaları buna görə ölkəmizdə belə məşhurdur? Nədir bu yersiz neqativin, dramanın kökü?
Niyə hamı əxlaqdan danışıb Bihtər öləndə ağlıyır? Yoxsa... bu xalqın ürəyindən bihtərlik eləmək keçir də, abır edib neqativ yığırlar?
Nə isə, mövzudan uzaqlaşdıq. Bir ev daxilində sənin draman sənə yetir və artır, fəqət bəzən məcburiyyətdən və azərilikdən doğan şərtlər bizi məcbur edir ki, bir bədəndə 4 nəfərin neqativini daşıyaq. Bəlkə ona görə biz xoşbəxt deyilik?

6 əjdaha! 31.08.2020 21:15, ExlaqsızExlaqlı

#303698 şikayət

həzz verən şeylər

+8 əjdaha

Biri ilə tanış olub onu əldə edənə qədər dəridən-qabıqdan çıxmağın, whatsapp-dan saatlarca yazışmağın, o nəfərin laqeydliyinin birdən-birə marağa çevrilməsinin zaman içində şahidi olmağın. Və nəhayət onu ələ almağın. Bütün gün sənin profilində yatması, hər dəqiqə səni fikirləşməsi. Uzaq başı bir ay çəkən o həzz var a. McDonald’s əmi demişkən, Bax budur sevdiyim!

5 əjdaha! 23.03.2020 20:07, ExlaqsızExlaqlı

#293173 şikayət

otaq yoldaşının qəribəlikləri

+7 əjdaha

Diqqət! Mədəniz zəif, ürəyiniz tez bulanandırsa, yox olun bu entry-dən.
Keçək mətləbə. Deməli xaricdə bir müddət otaq yoldaşım oldu. Bu şəxs xarici idi. Əvvəl mənə çox mehriban gəlmişdi. Amma bir yerdə qaldığımız müddətcə baxsan beş kəlmə kəsmədik. Deməli bir dəfə oyandım gördüm ki, otaqda qurşaqdan aşağı lüt gəzir. Əvvəlcə gözlərimə inanmadım. Amma yox, o doğurdan da lüt idi axı. Ağappaq ayaqları, nə bilim baldırları filan hamısı çöldə idi. Təbii mən insan azadlığına tərafdar biri kimi, öyrəşməmiş olsam da normal qarşıladım. Sonra bir də gördüm kişinin balası çıxıb blokda da qurşaqdan aşağı elə gəzir. Əlim qalmadı ağzımdaa?..
Sonra təzə-təzə gələndə bir başqa şok da yaşadım. Yenə deyirəm, mədəsi zəiflər uzaqlaşsın. Deməli, kişinin balası nəyəsə görə əlimizi-üzümüzü yuduğumuz yerdə, siz də məni bağışlayın, sıçmağı uyğun bilib. Bəli, sıçıb. Və yığışdırmağa tənəzzül etməyib. Eh, o günlər. Görəndə dedim ki, yazıq Hindistanlıların adı çıxıb. Bu ki ağ dərili xristiandır!
Uzun sözün qısası, tanımadığın adamla otaq yoldaşı olmaq lotoreya oynamaq kimi bir şeydir. Qorunun, dostlar!

3 əjdaha! 04.04.2020 18:34, ExlaqsızExlaqlı

#293465 şikayət

qızılgül olmayaydı

+8 əjdaha

Rəsul Rzanın şah əsəri. Yazdı, yazdı, axırda yaratdı, ağlatdı deyəcəyim bir poema. Hər oxuduğumda içimi parçalayan, sənət kimi sənət poema. Keçək niyə bu qədər əhəmiyyətli olmasına.
Rəsul Rza və Mikayıl Müşfiq dostluğu çoxlarımıza məlumdur. Məlum deyilsə də, qoy deyim məlum olsun. Mikayıl Rəsulun da dilindən desək, çəlimsiz, arıq, könlü incə bir şair idi. Tanış olandan bəri dostluqları möhkəmlənmiş, Mikayıl Rəsulun evində saatlarını keçirməyə başlamışdı.
Biz onunla tanış olduq
bir yaz səhəri
"Gənc işçi"də.
Tez məhrəm oldu
biri-birinə
könlümüzün gözü də,
qəlbimizin içi də.
Rəsulun anası çay qoyardı hər səhər ki, Mikayıl gələcək. Oturub ikisi şeirlər tərcümə edər, sənətlə məşğul olardılar. Maraqlısı budur ki, şair olaraq yazım tərzləri də fərqli idi. Rəsulun proletar şairi kimi bəzən tanınması, Mikayılın isə bir növ rejimə qarşı çıxan “Oxu tar”ı... amma necəsə bu iki şəxs yola gedirdilər.
Poema başlayır qapının döyülüb naməlum bir qadının içəri girməsi ilə. Sonradan Rəsula məlum olur ki, bu Dilbər xanımdı, Mikayılın dilbəri. Başsağlığı verməyə gəlib Rəsulgilə.
Səni oxşayan,
Sənə sevgi dastanı deyən əllər.
Onun əlləri.
Bu sən idin! Onun, onun Dilbəri.
Rəsul etiraf edir ki, Mikayılın naməlum dırnaqiçi həbsindən sonra onun şeir kitablarını, xatirələrini gizlədir. Mən etiraf edirəm ki, poemanın bu hissəsini oxuyanda qəlbim qırılır.
Uzun zaman
Qara şübhələr
Məni incitdi yaman.
Lakin məntiqi nəticə birdi:
apardılar, yəqin müqəssirdi.
Fəqət onların sevgisi bir başqa sevgiydi. Rəflərin küncünə sıxışdırılmış şeir kitablarından daha üstün, daha kəskin.
-Mikayıl Müşfiq,-sonra əlavə etdi:
-qoçaqsan
Qafiyə tapsan!
indi durub Rəsul Rzanı pisləyən çıxa bilər ki, o sağ qalıbsa o dövrdə, deməli nəsə edib. Fəqət bir şeyi danmaq günah olar ki, Rəsul Mikayılı çox sevmişdi.
Gecə keçib, səhər oyanır, Dilbər!
Bu inləyən qəlbimdir, o yanır, Dilbər!
Mən də bu poemanı çox sevdim. Gəlsən də oxusan mənə o poemanı, Rəsul. Fasilələrdə kimsə siqarət çəkər, biz də səninlə çay içərik.
Bir axşamüstü
vədələşdik, ayrıldıq.
“Sabah” gəldi.
O, gəlmədi.
Elin qəmli gəlini,
Qızılgül olmayaydı,
Saralıb solmayaydı.

8 əjdaha! 31.03.2020 14:01, ExlaqsızExlaqlı

#293373 şikayət

abort

+8 əjdaha

Amerikanın Texas ştatında “altı həftədən sonra aborta qadağa” məzmunlu qanun qüvvəyə minib. Əlavə olaraq, aborta gedən qadına yardım əlini uzadan hər kəsi məhkəməyə verib qəşəngcə pula qonmaq olar.
Bu qanunu dəstəkləyənlər çox vaxt “dindoş”lardan başqası olmur. Hər insanın yaşamaq hüququ var, onlar da canlıdır, uşaq canilərisiniz kimi fikirlər də səsləndirilir. Ən dəhşətlisi isə təcavüz qurbanlarının abort etmə hüququnu belə qəbul etmirlər.
Mənim anam dəhşətli dərəcədə uşaq istədiyi üçün evlənib. Atam da “kişi dörük biyəm?” Düşüncəsilə. Mənə sahib olanda onların yeməyə heç nələri yox idi. Bu gün mən başa düşürəm ki, bu valideynlərimin etdiyi böyük bir səhv idi. Niyə biz cəmiyyət olaraq hər kəsi doğub-törəməyə, 7-ci uşaqdan sonra isə zaurun verilişinə çıxıb çörək dilənməyə vadar edirik? Niyə stolunun üstündə bir tikə çörəyi olmayanların, cahil taliban davamçılarının uşaq sahibi olmalarına əngəl olmuruq? Heç kim uşaqları fikirləşmir. Hər kəsin yaşamaq hüququ var cümləsi bərabərdir hər kəsin əzabla yaşamaq hüququna. Əzab da qismətdir? Doğulduğumuz andan bəri alnımıza yapışmış damğa?
16 yaşında təcavüz qurbanı bir qızcığaz uşağı dünyaya gətirməlidir. Bəs o uşağın günahı nədir? Körpələr evində anasız-atasız, düzəməlli təhsilsiz həyatdan başqa onu nə gözləyir? Budur mu yaşamaq hüququ?
Niyə bizə yaşamamaq hüququ verilmir? Həmyaşıdları indi dünyanın ən gözəl ölkələrində ən gözəl təhsili alarkən (baba parası) nəyə görə eyni şeydən bir digər uşaq məhrum olmalıdır. Ya da belə deyim. Onsuz da “mənə itaət elə, ya öl” deyən müxtəlif dinlərin mübarizəsi, pedofillər, təcavüz, taliban, əsrdir ki bitməyən müharibə, “patı”nın hökm sürdüyü bir dünyanın ortasına arxasız-dayaqsız qarından təzəcə çıxmış körpəni başsız atlı kimi ataq.
Bəsdirin siz allah. Gedin öpün o ananın alnından ki olmayan gələcəyə uşaq doğmur. Britaniya baş naziri demişdi: “dovşan kimi törəyirlər.” Hindlilər üçün mü nə. Olmuşdu rasist. Rasist deyil, realistdir. Ağıllı valideynlərin ağıllı seçimlərinin qarşısını almayın.

6 əjdaha! 05.09.2021 14:39, ExlaqsızExlaqlı

#335564 şikayət

rus bölməsi

+8 əjdaha

Bəzi başlıqlara elə entrylər yazılar ki, nöqtəsi qoyulmuş kimi olar. Daha əlavə heç nə yazmaq istəməzsən. Fəqət bu başlığa yazmağı lazım gördüm. Başlayaq ondan ki, bu “azsektor” qardaş və bacılarımızın həmişə “russektor”a qarşı çəkingənliyi olub. Səbəbi mən çox zaman dil bariyerində görmüşəm. Məktəb dövrlərimdə indi olduğumdan qat-qat daha mehriban və sosial idim, bu səbəbdən də rus sektordan dostlar qazanmışdım.
Şok, şok! Onların başında iki buynuzu, arxalarında sallanan quyruğu yoxdur! Nə də yadplanetli deyillər. Bilirəm, inanmaq çətindir. Axı onlar özünü göylə aparan elit təbəqədirlər. Və ya daha da yaxşısı, Sovet sistemi ilə gedən səfeh yığnaqları. Əxlaqsız allahsızlar?
Yox, əzizlərim. Onların sizdən, məndən heç bir fərqi və ya əksikliyi yoxdur. Rus sektor dostumun da dediyi kimi “əlinə təsbeh alıb rusca danışan qaqaşlar” burada da mövcuddur. Başqa dünyada da yaşamırlar, düzdür, bəzən nə qədər azad olduqlarına baxıb mən də elə düşünürəm. Onlarda da başıbağlı qızlar olur, onlar da əxlaq problemli nəsil yetişir. Bu “başıboş səfeh kütlə” oturub rusca ədəbiyyat da oxuyur, azərbaycanca da oxuyur. Sən də oxuyursan? Lap yaxşı. Onda çox da yorma məni.
Xülasə. Bu iki sinif arasında tək problem ünsiyyətin yaratdığı çətinlikdən doğan qorxudur. Rus dilini öyrənməyə çalışa və ya doğma dilinizdə onlara müraciət edə bilərsiniz. Səndən, məndən yaxşı danışırlar ana dilimdə. Sevgiylə qalın, hörmətlə qalın.

6 əjdaha! 13.05.2020 14:26, ExlaqsızExlaqlı

#295506 şikayət

bal

+7 əjdaha

Hamımızın möcüzəvi qida bildiyimiz bal elə də möcüzəvi deyilmiş. Oh bu necə olur?
Bir gün internetdə titulu adından böyük bir şəxsin yazısını gördüm: “bal elə şəkərdir dəə...” Axı yox, bu necə ola bilərdi? Bəs bizə öyrədilənlər? Onun içindəki min bir dərdə dərman minerallar? Həə... uzun araşdırmadan sonra aydın oldu ki, bal da, maple syrup dediyimiz ağcaqayın siropu da, ağ və qəhvəyi şəkər də “eyni bezin qırağı” imiş. Bal da şəkərdir, onu təsnif edərkən “added sugar” yəni əlavə edilmiş şəkər kimi götürürlər. Məcbur olub onu da qidamdan kəsdim. Hər gün ha onu yemiş, ha şəkəri, çox da fərqi yoxdur. Bəzi insanlar onun faydalarını misal çəkə bilər, fəqət çox deyildir. Hətta təkcə şəkər olaraq kateqorizə ediləcək qədərdirsə özünüz düşünün. Bunu da deyim ki, arılar özləri arıçılar tərəfindən şəkərlə bəsləndirilir. Bu da belə. Bal da getdi.
Axırda da sizə quote gətirirəm.
“At the end of the day, honey is simply a "less bad" sweetener than sugar and high-fructose corn syrup.” Healthline.

4 əjdaha! 06.08.2020 11:59, ExlaqsızExlaqlı

#302387 şikayət

savi

+6 əjdaha

Sözlükdə mənəvi kamilliyə doğru addım atdığını görüb sevindiyim bir yazar. Yaşının nisbətən az olmasına baxmayaraq, öz dilimlə desək, sözlükdə bişib çıxdı. Belə də olmalıydı. Həyatında ona uğurlar arzu edirəm. Nə isə, bura bir-birini saatlarla tərifləyənlərin toplaşdığı Zaurun verilişinə dönmədən uzaqlaşım.
Hörmətlə,
Səni, mənəvi kamilliyini və onları yansıdan entrylərini maraqla gözləyən və oxuyan mən.

5 əjdaha! 31.08.2020 11:08, ExlaqsızExlaqlı

#303671 şikayət

yuxuda çoxdandı görmədiyin əzizini görmək

+7 əjdaha

Ancaq mənmi yaşıyıram deyə düşündürən şey. Artıq bir neçə ildir ki, davamlı olaraq məni narahat edir. illər öncə uşaqlığımı bir yerdə keçirdiyim şəxs xaricə köçdü. Onu o gündən bəri də görmürəm. Mənim üçün o şəxsin dəyəri çox böyükdür, çünki bir: əzizimdir, iki: mənə yaşatdığı hislər əvəzolunmazdır. Amma indi onu görməməyimin üstündən illər keçib və gün ərzində heç yadıma düşmür.

Bəs niyə hər gecə yuxuma girir? Niyə məni rahat yatmağa qoymur? Onu bir daha görüb-görməyəcəyimdən belə əmin deyilkən niyə yuxularımda mənə bu hisləri yaşadır? Apardığım araşdırmaya görə mən ondan sarı narahatam. Axı deyiləm. indi necə birinə dönüb, onu da bilmirəm heç. Görəsən sən də məni düşünürsən? Məndən sarı narahatsan? ikimiz də yuxularımızda uşaqlığımıza, dəli macəralarımıza geri dönürük?
Səni yuxularımdan necə silim? Səni bir daha görə bilməyəcəyim, görsəm də dönüşdüyün şəxsiyyəti tanıya bilməyəcəyim fikri bu yuxularımı mənə zəhər edir. Tərk et məni. Çıx fikrimdən.

5 əjdaha! 30.03.2020 14:00, ExlaqsızExlaqlı

#293336 şikayət

kindle unlimited

+5 əjdaha

Mənim kimi vəhşicəsinə kitab oxuyub orqazm olanlar üçün cənnət.
Ayda sadəcə 10 dollara dediyim platformanın bazasında olan bütün kitabları oxuya bilərsiniz. Birinci ay pulsuzdur. Platforma amazona məxsusdur.
Düzü ingiliscə kitabların pirat versiyasını oxumaq məni içdən-içə yeyirdi. Nə məndən pul çıxırdı, nə yazıçıya pul gedirdi. Fəqət indi bu problem həllini tapır. Ayda 10 dollara onlarla dildən kitab! Bu ki əladır!
Kitabları kindle tətbiqi və ya kindle cihazı vasitəsilə oxumaq mümkündür.
Onu da qeyd etməliyəm ki, kindle unlimited hal-hazırda ölkəmizdə fəaliyyət göstərmir. Əgər istifadə etmək istəyiriksə vpn vasitəsilə abş-a qoşuluruq, amerikalı profili yaradırıq, daha sonra normal kredit kartımızı daxil edə bilirik.
Kitabların netflixi! Yaşa! Çox yaşa

3 əjdaha! 10.01.2021 10:59, ExlaqsızExlaqlı

#316605 şikayət

sözlük yazarlarının qorxuları

+4 əjdaha

Hördüyüm divarları yıxan birinin gəlib çıxması və sonra o divarları yıxdığıma məni peşman etməsi. Məndən soyuması. Məndən soyuması. Məndən soyuması. Mənim evləndikdən illər sonra sevdiyim kəsdən soyumağım. Elə bax bu məsələlərə görə uzunmüddətli ilişgi adamı olduğumu düşünmürəm. Bəzən də deyirəm ki, onsuz da qırılmış ürəyim bir dəfə də qırılsa buna rahat dözə biləcək qədər acı yaşamışam.

3 əjdaha! 25.03.2020 14:50, ExlaqsızExlaqlı

#293223 şikayət

bbc azərbaycanca

+5 əjdaha

Bu gün instagrama bbc yazanda təsadüfən gördüm ki, yerli səhifənin adı “bbc azəri” gedir.
istədim qayıdam ki, “azəri yox, qodux, azərbaycanlı türkü!” (Lol)

5 əjdaha! 23.09.2021 20:51, ExlaqsızExlaqlı

#337062 şikayət

Notice: Undefined variable: user_id in /var/www/soz6/sds-themes/vengeful-light/profile.php on line 1336

blok - başlıqlarını gizlət
Notice: Undefined variable: user_id in /var/www/soz6/sds-themes/vengeful-light/profile.php on line 1343

ExlaqsızExlaqlı

son bəyənilənlər:

oxuyucuların bəyəndikləri: