görücü üsulu ilə evlənmək

Məsələyə fərqli prizmadan yanaşacam. Bizim bu dırnaq içində halal süd əmmiş qızlarımız yemir, içmir, quruyur, taxta olur ki bakirəliyini qorusun. indiki zamanda 20 il, 22 il. Ondan da çox. Bura qədər etiraz yoxdu ki? Yaxşı.
Bu çürümüş (tibbi cəhətdən “quruma” getdiyi üçün belə deyirəm) qıza görücü üsuluyla bir qaşqaldaq ər obrazı tapırlar. Tez-bazar bunları evləndirib iki bir-birini tanımayan gənci salırlar bir otağa, qapını da bağlayırlar. Bax o halal süd əmmiş qıza mən bir sual vermək istəyirəm. 24 ildir bəkarətini qorudun ki, axırda tanımadığın gədənin altına yatasan az? Nə mənası oldu sənin o 24 illik əziyyətinin? Elə oldu azdın, elə oldu hormonlaşdın, elə oldu insansan da, könlündən yatmaq keçdi, amma özünü cilovladın. Cilovladın ki axırda uzanasan üzünü ilk dəfə elçi gələndə gördüyün malışın altına? Bax burası bir az ağır olacaq. Fahişədən fərq nə olur burada? Orasını tutmuram mən. ikiniz də tanımadığınız adamın altına yatırsınız. Heç olmasa o durub qeyrətdən, namusdan bas-bas bağırmır. Mən şəxsən bəkarətin buna görə qorunmasındansa qorunmaması tərəfdarıyam. Tanımadığınız şəxslərin altına yatmayın, gənclər. Yox yatırsız, heç olmasa pul alın.
Bu yazı kimlərəsə xoş gəlməyə bilər. Fəqət qoy içimdə qalmasın

olmaz

Uşaqlıqdan bəri eşitdiyimiz söz. Analiz edək. Həqiqətənmi olmaz? Ya olmaz deyib oldurmaya bilmirlər?
Əsasən, uca valideynlərimiz deyir bizə bu kəlməni. Son zamanlar fərqinə vardım ki, heç də doğru bir yanaşma deyil. Sənin olmaz dediyin hər şeyi mən onsuz da edəcəm, gözəl anam. O gün evdə məndən qeyri övladın pivə istəməsinə anamın olmaz deməsi məni ayıltdı elə bil. Ay qadın, nəyi kimdən gizlədirsən? indi uşaqdır gizlədirsən, bəs əli pula çatanda necə? Anam olmaz demişdi deyib uzaq duracaq? Valideynlər buna inanacaq qədər safdırlar? Safdırlarsa niyə hər şeyi bilirmiş kimi davranırlar? Babam böyle pasta yapmayı nereden öğrendi? Ah, deyəsən mövzudan yayındım axı...
Olmaz anlayışını öyrətmək mütləqdir. Başqalarını narahat edən və incidən hər şeyin “olmaz” olduğunu uşağa başa sala bilərsən, bunu uşaq da dərk edəcək. Fəqət valideynlər yerlərini bilməli və uşaqları üzərindəki qüdrətin sonsuz olmadığının fərqində olmalıdırlar. Öpüşmək olmaz. Əlbəttə olmaz, əziz valideynlər! Ups, qızınız dünən kolluğun dibində min oyundan çıxmış ola bilər. Siqaret ziyandır, olmaz. Əlbəttə olmaz, amma oğlunuz çəkir, hələ bir üstündən ətir də vurur ki, qoxusu çəkilər bəlkə.
Xülasə, valideynlər olaraq yerimizi bilməliyik. Olmaz deyəcəyimiz hər şeyin cazibəsinin on dəfə artacağını dərk etməliyik. Araq ziyandır, oğlum, qızım, amma iç bax yenə də, desək dünya dağılmaz və o cazibə qüvvəsi birdən-birə sıfıra enər. Onsuz da böyük ehtimal yoxluyub maraqlarını öldürdükdən sonra növbəti macəranın axtarışına çıxacaqlar.

tipsiz oğlanı yaraşıqlı göstərən amillər

Deməli məktəbimizdə bir oğlan varıydı. Buqələmuna oxşayırdı. Təbii, bunu demək düzgün deyil, gül kimi də oğlanıydı. Nə isə, keçək mətləbə. Bu oğlan gözünə xoş gələn qızları tez bir zamanda cəzb edirdi. Hətta bir ara ən yaxın dostlar bu gədəyə görə bir-birinə girmişdi ki, sən bilirsən mən onu xoşlayıram, nə girmisən ortalığa. indi ortaya sual çıxır. Bu buqələmunda cəzb gücü hardan?
Cavabı tapmadız? Qoyun mən deyim: Dvij!
Dvij mənim izahımda nədir: buqələmuna oxşayan oğlanlarda özgüvən, möhtəşəm danışma bacarıqları, möhtəşəm yazışma bacarıqları! Qızlar çox zaman şirin sözlərə qarşı aciz olurlar. Plyus da danışdığı hər qızı özəl hiss etdirə bilmə. O oğlan bunları necə və hardan öyrənmişdi, bu mənə müəmmadır. Fəqət qardaşımı təbrik edirəm. Ekşın onun həyatından əksik olmaz heç vaxt. Hə, bunu da deyim ki, şəhərdə buqələmuna oxşayan kişi cinsinin nümayəndələrini gözəl xanımlarla görsəniz, səbəb çox güman ki, elə mən deyəndir. Pul? Yox... onlarda çox vaxt pul da olmur.
Qardaşlarım, oturun dvij bacarıqlarınız üzərində işləyin, çörəyiniz olsun. “Kakraz” karantindir. Sonra demədi deməyin.

otaq yoldaşının qəribəlikləri

Diqqət! Mədəniz zəif, ürəyiniz tez bulanandırsa, yox olun bu entry-dən.
Keçək mətləbə. Deməli xaricdə bir müddət otaq yoldaşım oldu. Bu şəxs xarici idi. Əvvəl mənə çox mehriban gəlmişdi. Amma bir yerdə qaldığımız müddətcə baxsan beş kəlmə kəsmədik. Deməli bir dəfə oyandım gördüm ki, otaqda qurşaqdan aşağı lüt gəzir. Əvvəlcə gözlərimə inanmadım. Amma yox, o doğurdan da lüt idi axı. Ağappaq ayaqları, nə bilim baldırları filan hamısı çöldə idi. Təbii mən insan azadlığına tərafdar biri kimi, öyrəşməmiş olsam da normal qarşıladım. Sonra bir də gördüm kişinin balası çıxıb blokda da qurşaqdan aşağı elə gəzir. Əlim qalmadı ağzımdaa?..
Sonra təzə-təzə gələndə bir başqa şok da yaşadım. Yenə deyirəm, mədəsi zəiflər uzaqlaşsın. Deməli, kişinin balası nəyəsə görə əlimizi-üzümüzü yuduğumuz yerdə, siz də məni bağışlayın, sıçmağı uyğun bilib. Bəli, sıçıb. Və yığışdırmağa tənəzzül etməyib. Eh, o günlər. Görəndə dedim ki, yazıq Hindistanlıların adı çıxıb. Bu ki ağ dərili xristiandır!
Uzun sözün qısası, tanımadığın adamla otaq yoldaşı olmaq lotoreya oynamaq kimi bir şeydir. Qorunun, dostlar!

tarixdə gay hökmdarlar

imperator Adrian (Hadrian, Roma). Antinous adlı yunanlı həmcinsi ilə eşq yaşayıb. Onun ölümündən sonra Adrian oğlanı ilahiləşdirib, ona ibadət üçün bir növ yeni din yaradıb.
“Adrian oğlanı səfərlərində özüylə aparar, mənəvi, etik və fiziki inkişafı zamanı yanında gəzdirərdi. Oğlanın ölümündən sonra Adrian onun şəkilləri ilə əhatə edirdi özünü, bu da oğlanı mistik-dini ehtiyaclarla necə istədiyinə bariz nümunə idi”—Royston Lambert, 1984.
Yuli Sezar— Onun əsgərləri mahnılarında oxuyurdular ki, Sezar Qalları işğal etmiş olsa da, Nikomedes Sezarın özünü işğal etmişdi. Nikomedes özü də kral idi və Sezarı onun kraliçası adlandırırdılar. Octavian Augustusun Sezar tərəfdən övladlığa götürülüb sonradan imperatorluğa yüksəlməsi də ikisi arasında cinsi əlaqənin nəticəsi idi. Avqust cinsi yolla borcunu ödəmişdi, belə deyək.
Edward II (ingiltərə kralı)-Piers Gaveston adlı həmcinsi ilə əlaqədə idi, 1300-cü ildə onların sevgisi başlamış, axırı fəlakətə gətirmişdi. Edwardın sevimlisi olduğu üçün Gavestonun artan gücü boynuyoğunları narahat etmiş, onun sürgün olunmasını tələb etmişdilər.
Və mənim sevimlilərim!
Mahmud Qəznəvi və onun Məlik Ayaza olan sevgisi Leyli Məcnunla müqayisə edilərmiş. Müsəlman bir hökmdardan gözlənilməyən, müsəlman tarixçilərin bu haqda məlumat verməkdən qaçındığı sevgi mənə ümid verir. Şairlər bu münasibəti sevginin gücünü təsvir etmək üçün istifadə edir, Mahmud Qəznəvi üçün “quluna qul olan” deyirdilər. Məlik Ayaz isə sufizmin saf eşqinə bariz nümunə idi.
Şah Abbas-Bəli, düz oxudunuz! Hələ şəkli də var, gədənin birini qucaqlayıb oturub. Deyir Abbas həm şərabı xoşduyurdu, həm də şərab gətirən oğlanları (öz aramızdır, ağzının dadını bilirmiş).
Fatih Sultan Mehmet-səni də unutmadıq! Radu Osmanlı sarayında sultanın bəyəndiyi xidmətçilərdən idi. O, servisə başlayandan sonra sultanın sevimlisi kimi ad qazanmışdı. Radunun qardaşını (Romaniyada hökmdar) məğlub edən Fatih, Radunu vassal kimi onun yerinə otuzdurur. Deyir ki, türklər özlərini bilməməzliyə vurur bu mövzuda.

dədə qorqud igidləri

Çox sevdiyim, lap da çox sevmədiyim bir dastan. Keçək ən maraqlı igidlərimizə və onların tərifinə.
Bamsı Beyrək- qeyrət ağacı. Beyrək öləndə atam Qazan evindən bir həftə çıxmadı ki, qeyrət əldən getdi. Qız-gəlinlərin ümidi olduğu deyilir. Həmişə bu cümləni oxuyanda fikirləşirdim ki, Beyrək qız-gəlinlərə yaman yaxşı “baxır.”
“Beyrәk üç öpdü, bir dişlәdi, “düyün qanlı olsun, xan qızı!”—dedi. barmağından qızıl üzüyü çıxardı, qızın barmağına keçirdi.”
Bükdüz Əmən- Məhəmməd Peyğəmbərin üzünü görüb gəlmiş bığı qanlı igid. Buna sözüm yox.
Alp Ərən-57 qapının açarını almağı bəs deyil, hələ kafirin qızlarını üç öpüb bir dişləyir.
ikinci qeyrət ağacı qazan xan-qoca anamı ver, arvadım sənin olsun, sənin olsun. Göründüyü kimi Güclü qeyrətə malik idi.
Ərgən Uruz-gəlib ana haqqı tanrı haqqı deyib sonra səy-səy danışan gədə. Durub anasına deyir ki, nə qoyardım ağzının üstündən, qanın qarışardı tüpürcəyinə.
At ağızlı aruz kişi-Qeyrətli qazanın qeyrətsiz qardaşı. iç oğuz dış oğuz söhbətini qaldırır, beyrəyin ölümünə səbəb olub qız-gəlinləri ağlar qoyur. Sonra da qazan onu gəbərdir.
Yalançı oğlu Yalıncıq-adı üstündə yalançıdır. Amma hamı özünü gic yerinə qoyub, hələ buna beyrəyin nişanlısını da verirlər. Bala tanış olanda soruşmazlarmı adın nədir deyə?
Selcan Xatun- öysəl olmuş dana kimi ağzının suyu ağır kişisinə baxanda. Qurban olaram Selcana. At çapır, kişisini özü seçir. islamdan əvvəlki qadının gücünə nümunədir. Plus da ki, qadınların da kişiyə baxanda ağzının suyunun axdığını göstərib könlümdə taxt qurublar. Sadəcə evlənəndən bir müddət sonra əri qanturalı ilə səy-səy çiləmək istəməkləri var bir-birlərini. Gəncdilər, ehtiraslarına verirəm.
Dədəm qorqud-pis kişi deyil. Bizim dillə desək palajennikdir. Elçiliyə onsuz gedənə şər atıb tutdururlar. Müqəddəs kişidi.
igidlərin tərifini də sevirəm, dastanı da. Oxuyun, oxudun!

qızılgül olmayaydı

Rəsul Rzanın şah əsəri. Yazdı, yazdı, axırda yaratdı, ağlatdı deyəcəyim bir poema. Hər oxuduğumda içimi parçalayan, sənət kimi sənət poema. Keçək niyə bu qədər əhəmiyyətli olmasına.
Rəsul Rza və Mikayıl Müşfiq dostluğu çoxlarımıza məlumdur. Məlum deyilsə də, qoy deyim məlum olsun. Mikayıl Rəsulun da dilindən desək, çəlimsiz, arıq, könlü incə bir şair idi. Tanış olandan bəri dostluqları möhkəmlənmiş, Mikayıl Rəsulun evində saatlarını keçirməyə başlamışdı.
Biz onunla tanış olduq
bir yaz səhəri
"Gənc işçi"də.
Tez məhrəm oldu
biri-birinə
könlümüzün gözü də,
qəlbimizin içi də.
Rəsulun anası çay qoyardı hər səhər ki, Mikayıl gələcək. Oturub ikisi şeirlər tərcümə edər, sənətlə məşğul olardılar. Maraqlısı budur ki, şair olaraq yazım tərzləri də fərqli idi. Rəsulun proletar şairi kimi bəzən tanınması, Mikayılın isə bir növ rejimə qarşı çıxan “Oxu tar”ı... amma necəsə bu iki şəxs yola gedirdilər.
Poema başlayır qapının döyülüb naməlum bir qadının içəri girməsi ilə. Sonradan Rəsula məlum olur ki, bu Dilbər xanımdı, Mikayılın dilbəri. Başsağlığı verməyə gəlib Rəsulgilə.
Səni oxşayan,
Sənə sevgi dastanı deyən əllər.
Onun əlləri.
Bu sən idin! Onun, onun Dilbəri.
Rəsul etiraf edir ki, Mikayılın naməlum dırnaqiçi həbsindən sonra onun şeir kitablarını, xatirələrini gizlədir. Mən etiraf edirəm ki, poemanın bu hissəsini oxuyanda qəlbim qırılır.
Uzun zaman
Qara şübhələr
Məni incitdi yaman.
Lakin məntiqi nəticə birdi:
apardılar, yəqin müqəssirdi.
Fəqət onların sevgisi bir başqa sevgiydi. Rəflərin küncünə sıxışdırılmış şeir kitablarından daha üstün, daha kəskin.
-Mikayıl Müşfiq,-sonra əlavə etdi:
-qoçaqsan
Qafiyə tapsan!
indi durub Rəsul Rzanı pisləyən çıxa bilər ki, o sağ qalıbsa o dövrdə, deməli nəsə edib. Fəqət bir şeyi danmaq günah olar ki, Rəsul Mikayılı çox sevmişdi.
Gecə keçib, səhər oyanır, Dilbər!
Bu inləyən qəlbimdir, o yanır, Dilbər!
Mən də bu poemanı çox sevdim. Gəlsən də oxusan mənə o poemanı, Rəsul. Fasilələrdə kimsə siqarət çəkər, biz də səninlə çay içərik.
Bir axşamüstü
vədələşdik, ayrıldıq.
“Sabah” gəldi.
O, gəlmədi.
Elin qəmli gəlini,
Qızılgül olmayaydı,
Saralıb solmayaydı.

sugar daddy

Pullu, çox vaxt yaşlı boyfriend. Siz onun cinsi ehtiyaclarını qarşılayın, o da sizi pulla təmin eləsin. Onların sevgililəri bir ayda minlərlə dollar pul qazana bilir. Beləliklə professional sugar babylər ortaya çıxır. Sugar dədələr sizi tez-tez hədiyyələrlə sevindirir, kommunalınızı ödəyir, universitet təhsil haqqınıza da əl gəzdirir. iki növ şəkər dədəni diqqətinizə çatdırım.
The Splenda dədə- aylıq gəlirə, başqa sözlə maaşa baxan adamdır. Sizə verdiyi pul o gəlirdən artıq olmayacaq.
Honey dədə- gəliri sərhəd tanımır. Könlünü xoş tutun, nə desəz alıb verəcək. Bir də görürsən iki-üç sugar bəbəni dolandırır.
Atalar sözü ilə yekunlaşdıraq:
Sugar dədə cin kimidi. Bir az yaşlı ola bilər, amma lampasını tumarlayan kimi sənin arzularını həyata keçirəcək (gözvuran smaylik)

yuxuda çoxdandı görmədiyin əzizini görmək

Ancaq mənmi yaşıyıram deyə düşündürən şey. Artıq bir neçə ildir ki, davamlı olaraq məni narahat edir. illər öncə uşaqlığımı bir yerdə keçirdiyim şəxs xaricə köçdü. Onu o gündən bəri də görmürəm. Mənim üçün o şəxsin dəyəri çox böyükdür, çünki bir: əzizimdir, iki: mənə yaşatdığı hislər əvəzolunmazdır. Amma indi onu görməməyimin üstündən illər keçib və gün ərzində heç yadıma düşmür.


Bəs niyə hər gecə yuxuma girir? Niyə məni rahat yatmağa qoymur? Onu bir daha görüb-görməyəcəyimdən belə əmin deyilkən niyə yuxularımda mənə bu hisləri yaşadır? Apardığım araşdırmaya görə mən ondan sarı narahatam. Axı deyiləm. indi necə birinə dönüb, onu da bilmirəm heç. Görəsən sən də məni düşünürsən? Məndən sarı narahatsan? ikimiz də yuxularımızda uşaqlığımıza, dəli macəralarımıza geri dönürük?
Səni yuxularımdan necə silim? Səni bir daha görə bilməyəcəyim, görsəm də dönüşdüyün şəxsiyyəti tanıya bilməyəcəyim fikri bu yuxularımı mənə zəhər edir. Tərk et məni. Çıx fikrimdən.

arvadı yanında olub camaatın qızına baxan erkək

Bəlkə də umbaylanacağını düşündüyüm, yazıb-yazmamaq arasında gedib-gəldiyim bir məsələ. Amma bir ExlaqsızExlaqlı olaraq görürəm ki, mənim olmayan əxlaq anlayışım bu məsələdə qabarır, üzə çıxır. Ətrafımdakı dişilərdən eşitdiyim, nəhayət dəfələrlə gözümlə gördüyüm həqiqət. istədim bu məsələyə işıq salaq, üzüqaralar ifşalansın.
Deməli, dəfələrlə müşahidə etmişəm ki, yoldan cavan bir qız keçəndə, yanında arvadı, balaca qızı və oğlu olan erkək nəslinin nümayəndəsi ağzının suyunu axıdıb, narahat edərcəsinə bu qıza baxıb, gülüb. hələ ən dəhşətli halda onun düz yaxınından keçib qulağına tərəf yüksək səslə mahnı da oxuyub. Məqsəd nədir? Arvadının səni yetəri qədər doyuzdurmağını bildirmək? Əlindən tutduğun iki uşağın sənin vecinə olmadığını göstərmək? Ya o cavan qızdan reaksiya alıb arvadının yanında ondan nömrə almaq ki axşam sikişəsiniz?
Burada mən o erkəyin arvadını da günahlandırmaya bilmirəm. Niyə səsini çıxartmırsan? Niyə imkan verirsən ki ərin səni biabır etsin. Kişiciyin isə əlimdə olsa üzünə tüpürərdim. Deyəcəksiniz bəs niyə etmirsən? Bax o da yaxşı sualdı.
Olan yazıq cavan qıza olur. Dişilərin dediyinə görə belə şeylər onlarda travma kimi qalır. Etməyək, etdirməyək, əziz sözlük üzvləri.

rus dillilərin bakını elitləşdirməsi

Rus dilini bilirəm, amma evdə ana dilimiz heç zaman bu dil olmayıb. Fəqət bu başlıqda bir həqiqət, türklər demiş, yox deyil. Gəlin bir misalla izah edim.
Həftənin bir neçə günü Tarqovının tən ortasına yolum düşür və o tanış melodiyanı eşitdikdə ayaq saxlayıram. Təbii, bu, dünyanın düz vaxtının söhbətidi. Axşamlar orada bir qrup, bir “band” mahnı oxuyur. Biri çalır, o biri oxuyur, amma necə içdən oxuyurlar. Onların rusca və ya ingiliscə sevib seçdikləri, əsasən, rock janrında olan mahnılar mənim ürəyimdə artıq yer edib özünə. Həmişə də izləyiciləri olur orada. Rusdilli təbəqə. Hər mahnıya eşlik edən, durmadan, atmosferi pozmadan oxuyan, başını, ayağını ritmə uyğun sallayan, üzündən gülücüklər saçılan rusdilli təbəqə. Gəlib pul atmağı da unutmurlar heç vaxt. Bu qrupun özünün də rusca dediyi kimi, sanki bu qrup peyda olandan küçələr gözəlləşib.
Elə bu an küçədən iki qaqa tipli, makasinli və butalı gədə keçir. Məlum olur ki, nə mahnıdan anlayırlar, nə xarici dildən, nə də sənətdən. Tez ora-bura baxıb şoka düşürlər. Bu oxuyan qaqa nə edir ala? Özünü niyə səhnədə yerə-göyə çırpır? Niyə elə bağırır?
“Bu neynir ala? Ala bunun vidinə bax! Gijdi ki bu! Ala AUE! AUUUE! Jizn vor.”
Bir müddət belə davam edir. Mən demirəm ki, biz rusdilli təbəqədən aşağıyıq. Mən deyirəm ki, küçədə ağzına gələni qışqırıb, məxluqobraznı səslər çıxardıqdan sonra, bu gədələrin başlarını aşağı salıb oranı tərk etmələrinə səbəb olan rusdilli təbəqə idi.

hickey

Sevgi dişləmi. Çox vaxt boyunla əlaqələndirilir. Mənim kimi boyun fetişiniz varsa, əvəzedilməzdir. ingilis dilində bir xeyli istifadə olunan sözcükdür. Boynunda göyərmiş hissə hər kəsə soruşulan ilk sualdır: O boynundakı hickey-dir?
Biri də qayıdıb demir ki, yox ey, ağcaqanad dişləyib.
Demeli hickey yaratmaq üçün dişlərinizi partnyorunuzun boynuna keçirib bir neçə saniyə saxlayın. Qan çıxartmaq barəsində ehtiyatlı olun. Əvvəlcə mütləq razılıq alın. Camaatın qızını (və ya oğlunu) ruslar demiş vodolaska geyinməyə məcbur edəcəksiniz, diqqətli olun. Boynunuzda və ya görünən başqa bir nahiyənizdə sevgi dişi varsa, suallardan “qaşımışam. Ağcaqanad. Xal var idi, yandırdıq,” kimi cavablarla qurtulun. Oğlanlara olduqca həzz verən, idarəni itirməklərinə səbəb olan vasitədir. Qızlar üçün isə buradan cənnətə qısa bir uçuşdur, amma yenə də rızasını alın, sonra.

yazarların koronavirus günlükləri

Günlərdən 23 Mart. Evdə qal hashtag-i aktivliyini qoruyur. Birdən həftələrdir evdə qalmaqdan sıxılan cavan qız əlinə nə keçdi keçirdir əyninə, çıxır çölə ki, nəfəs alsın. Məsafəni qoruduğun müddətcə təmiz hava almaq olar qaydası. Deməli, qız çıxır çölə, bir neçə addım atır. Təmiz havanı ciyərlərinə çəkir. Birdən başını qaldırır və qarşısında cavan oğlan görür. “Oh! Naməlum məxluq!” Təbii, o yadırğayıb. Koronanın anası ölsün elə.
Cavan oğlan qızı görcək ayaq saxlayır. Qıza baxa-baxa ehmalca bəyaz qulaqcıqlarını çıxardır. Qız artıq əmindir. Naməlum məxluq ona yaxınlaşacaq. “Karonanın bu günündə?”, deyə içindən keçirdir.
Oğlan nəhayət ağzını açır və gözlənilən o sualı verir:
“Xanım, siz...bilmirsiniz, milliön aparatı burada harada var?”
“Milliön? Yox, təəssüf.”
Oğlan çox sağ ol deyib gedir.