uşaq sahibi olmaq üçün vəsiqə

insan bədəninin, doğum özəlliyinin dövlətin biyosiyasətinin əlinə keçməsi, planlarının və fəaliyyətin bir parçası olması üçün ələ atıla bilinəcək siyasət.

uşaq sahibi olmaq nə qədər dövlətin iqtidarı * əl ata biləcəyi addımların sahəsi çərçivəsində olsa da, vəsiqənin qüvvəyə minməsi ilə bu iqtidarın sahəsi artacaq. populyasiyanın, mülkiyyətin və ekonominin tənzinlənməsi üçün insanların doğum özəlliyinə məhdudiyyət gətiriləcək.

pişiklərin nəcislərini gizləməsi

Pişiklərin təkamüli keçmişi ilə əlaqədar olaraq etdikləri instiktiv hərəkət.

Vəhşi pişiklər təbiətdə özlərinə aid olan sahəni öz nəcisləri ilə təyin edirdilər. Beləliklə, digər cins və növdən heyvanlar bu sahəyə daxil ola bilmirdi. Bu səbəblə, güclü pişikkimilərdən olan yaquar və aslan kimi heyvanlar öz nəcislərini gizləməz və açıq buraxarlar. Hansısa səbəb nəticəsində güclü pişikkimilərin sahəsində olan zəif pişikkimilər özlərini gizləmək üçün nəcislərini basdırarlar. Modern günümüzün ev pişikləri də, soy xətti baxımından zəif pişikkimilərdən olduğu üçün instinktiv olaraq öz nəcislərini gizləməyə meyllidirlər. Çünki bunu edərək daha asan şəkildə gizlənir və bölgədəki güclü pişiklərin ovu olmazlar.

Digər səbəb isə, ovçuların qoxu vasitəsilə öz qurbanlarının mövqesini təyin edə bilməsi zəif pişiklər üçün öz nəcislərini ortada qoymaq dezavantajdır. Buna görə də, bir çox pişik öz nəcislərini gizləyərək ovçulardan gizlənirlər. Ev pişikləri də, ətrafda ovçu olmamasına baxmayaraq instinktiv olaraq nəcislərini basdırmağa meyillidirlər. Həmçinin, davranışları əksini göstərsə də, hər evcil pişik öz sahibini güclü və təzyiqedici olaraq görür və buna görə də özünü zəif və təhdid altında hiss edir.

istifadə olunmuş mənbə:
link

şimali kipr türk respublikası

bir çox mənbədə əhalisinin 98.71%-99%-nin müsəlman olduğu deyilən ölkə. bəzi kiçik qruplaşmalar olaraq alevi məzhəbinə sahib insanlar olsa da, əhali əsasən sünni inancının hənəfi məzhəbinə aiddir.

həmçinin, kipr türkləri müsəlman dünyası daxilində ən sekulyar müsəlman cəmiyyət olaraq seçiliblər. link

onlara de

islamı və teizmi düzgün şəkildə təbliğ etdiyini düşünmədiyim umbay səhifə, bloq. admini ziya balıyevdir.

əvvəllər ateistik arqumentləri paylaşır, daha sonra onun əleyhinə “arqumentlər” paylaşırdı. Lakin, indi işi feminizmi, lgbtiq+ icmasını, azad seksi və s. “gözdən salmaq”dan ibarətdir. Hansısa ateistin arqumentinə cavab verəndə yazının 80%-i ateisti “söyüş olmadan söymək”, 20%-i ateistin dediyinə cavab verməkdir. Cavab verdiyi ateistlər də, çox araşdırmamış, 1-2 “elmi” video izləyib “doğurdan da tanrı yoxuymuşe ala” ani fikrinə gələn insanlardır.

Həmçinin, həqiqəti əxlaqla açıqlamaq səfsətəsindən çox istifadə edir. Bir şeyin düzgün olmadığını aşılamaq üçün onun islam əxlaqıyla tutuşmayan faktorlarını sadalayır və həmin predmeti kəskin inanclıların gözündən salır.

Həmçinin, “x kateqoriyasına aid olmayan y-i x kateqoriyasının sözü kimi qələmə vermək” səfsətəsindən də çox istifadə edir. Məsələn, mainstream ateist akademiyada ateistlərin qarşı çıxdığı fikri marjinal ateist dediyi zaman həmin ifadəni ümumi ateizmə aid edib onu inkar etməyə başlayır.

Hələ keçən dəfə “modern feminist oğlanların psixoloji vəziyyəti” adlı başlıq yazıb, oğlanların qızları rahat ələ keçirmək üçün azad seks, rahat geyimi dəstəklədiyini bildirir. Gülməmək əldə deyil. * ki bəziləri elədir həqiqətən də

israilin ermənistanla yaxın əlaqələrini, iranın azərbaycan və qarabağı nə qədər sevdiyini, fələstinin saf, günahsız, məsum olduğunu göstərmək üçün dəridən qabıqdan çıxır.

bəzmi-ələst

bu sifarişi verən: haillucifer
qurana əsasən allah ilə bağlanmış ilk əhd.

Əraf surəsi 172-ci ayədə deyilir: "Xatırla ki, bir zaman Rəbbin Adəm oğullarının (bellərindən) gələcək nəsillərini çıxarıb, onların özlərinə şahid tutaraq: “Mən sizin Rəbbiniz deyiləmmi?” – soruşmuş, onlar da: “Bəli, (Rəbbimizsən)” – deyə, cavab vermişdilər. (Belə bir şahidliyin səbəbi) qiyamət günü “Biz qafil idik” və ya “Atalarımız daha əvvəl(Allaha) şərik qoşmuşdular, biz də onlardan sonra gələn bir nəsil idik (onların izi ilə getdik). Məgər bizi batilə uyanların törətdikləri əməllərə görə məhv edəcəksən?” – deməməniz üçündür. Biz ayələrimizi belə ətraflı izah edirik ki, onlar, bəlkə, (batildən haqqa, küfrdən imana) dönələr!”

Deyilənə birbaşa yanaşsaq, allahın bizim azad iradəmizi aldığımızı, təcrübələr vasitəsi ilə bilik əldə etməmişdən öncə şahidlik istədiyini başa düşmək olar. Bəzilərinə görə isə, burada allahın təbiətdə hər yerdə tövhid üçün nişan qoyması təsvir edilir. Yəni, məhəmməd ibn abdullah, "dünyaya gəldiyin andan ətrafındakı hər bir cism allahın varlığına nişanədir" kimi simvolik ifadə verib.

əmir əl-möminin

ərəb dilində möminlərin əmiri, hökmdarı, lideri mənasına gələn müsəlman torpaqlarında hərbi və fiqhi lideri seçmək üçün istifadə olunan ifadə.

Nisa surəsi 59-cu ayədə belə deyilir: "Ey iman gətirənlər! Allaha və Elçisinə itaət edin, həm də özünüzdən olan rəhbərlərə şəriətə uyğun şəkildə itaət edin. Əgər bir şey haqqında mübahisə etsəniz, Allaha və Axirət gününə inanırsınızsa, Allaha və Onun Elçisinə müraciət edin. Bu, sizin üçün daha xeyirli və nəticə etibarilə daha yaxşıdır."
Bu ayədən yola çıxaraq ömər ibn xəttab özünü əmir əl-möminin adlandırır. Bəzi tarixçilərə görə, əmir əl-möminin məfhumunun ortaya çıxması yeni yaranan islam dövlətinin mərkəzləşdirilməsində böyük rol oynamışdır, çünki əmir əl-möminin mərkəzi səlahiyyətə xitab edir. Onun vəzifələri, əsasən, idarəediciləri təyin etmək, major siyasi qərarlar almaq və hərbi qəniməti alacaq olan müsəlmanların siyahısını * divan tutmaq idi.

Əhli sünnə inancına görə, bu titul müsəlman cəmiyyətlərə başçılıq etmiş bütün liderlərə şamil olunur: əməvilər, abbasilər, fatimilər.

Əhli şiə inancına əsasən, bu titul yalnız və yalnız birinci imam sayılan əli ibn əbu talibə şamil edilə bilər. Müsəlmanların həqiqi əmiri məhz odur.

ismaililərə görə, bu titul dövrün imamına şamil edilir. Məsələn, əli ibn əbu talibin imamət periodunda əli, həsən ibn əlinin imamət dövründə həsən və s. kimi.

Hal-hazırda isə, Mərakeş konstitusiyasına əsasən Mərakeş kralı əmir əl-möminin titulunu daşıyır. Talibanın lideri də, həmçinin, eyni titulu daşımaqdadır.

meyxana

Azərbaycan folklorunun bir qolu olaraq cəmiyyət daxilində kifayət qədər populyarlığa sahib olan, həmçinin daxilində mizoginiya* qadının kişidən aşağı statusda saxlanılması və seksizm* gender əsaslı diskriminasiya ifadələri yer alan sənət növü.

bekarçılıqdan belə bir video edit də hazırladım:

(youtube: )

islami feminizm

həmçinin, 1 kişiyə 4 arvadın icazəli olması hökmündən xəbəri olan cərəyandır. bu barədə islami feminizmin daxilində bir çox yanaşma var: bəziləri qarşı çıxır, bəziləri isə müəyyən kontekstdə qəbul edir. Əksəriyyətinə görə, islamdakı çoxevlilik islam öncəsi evlilik sayını azaltmaq məqsədilə icazəli edilib. islamdan öncə işğalçılar hərəmxanalar vasitəsilə bir çox qadınla eyni anda evli olur və onlara hörmət etmədən davranırdılar. Lakin, islam kişinin həyat yoldaşlarına qarşı bərabər davranacağı təqdirdə 4 evliliyə icazə verdi. * ironically, muhammədin 13 həyat yoldaşı olub Müsəlman feministlərə görə, əgər bir kişi romantik, seksual və maddi cəhətdən hər bir həyat yoldaşına qarşı bərabər şəkildə davrana biləcəksə bu icazəlidir. Onlara əsasən, islamda çoxevlilik həm də atasız uşaqların qayğısına qalmaq üçün icazəli idi. Yəni, çoxevlilik xeyirxah işlər üçün də icazəlidir.

islami feminizm

islami paradiqma daxilində tətbiq olunan feminist praktikalar və diskurslar.

islami feministlər arqumentlərini Qurana əsaslandıraraq qadın və kişilərin mütləq bərabərliyini təbliğ edirlər. Onlar hermenevtik cəhətdən Quran yazılarını feminist perspektivindən təfsir və analiz edirlər. Lakin, onlar islam dini və islam dininin doktrinalarında reform etmək məqsədi güdmürlər; sekulyar cəmiyyət daxilində gender bərabərliyini dəstəkləyirlər. Onların islam və islam doktrinasında reform etməmələrin səbəbi onların Quranın gender bərabərliyinə qarşı olmadığına olan inanclarıdır.

19-cu əsrdən etibarən müsəlmanlar Şəriət hökmlərinin qadınlar üzərində bağlanma, təhsil, məhdudlaşdırma, çoxevlilik kimi qatı qanunların legitimliyini sorğulamağa başladılar. Bu sosial məsələlərə qarşılıq olaraq müsəlman qadınlar leqal dəyişikliklərə dəstək verməyə, qızlar üçün məktəb təsis etməyə, hicablanma və çoxevliliyə qarşı çıxmağa başladılar. Fatimə Mernissiyə əsasən, "sakit və itaətkar" kimi təsvir olunan ideal müsəlman qadın obrazının islamın çatdırmaq istədiyi mesaj ilə heç bir aidiyyatı yoxdur. Fatiməyə görə, mühafizəkar müsəlmanlar patriarxal sistemlərini qorumaq üçün dini mətnləri manipulyasiya edir və qadlnları seksual azadlıqlarından məhrum edərək hicaba məcbur edir və qatı məhdudiyyətlər qoyurlar.

Quranın bu barədə bəyanları barədə:

Nisa surəsi, 1-ci ayə: "Ey insanlar! Sizi tək bir candan xəlq edən, onun özündən zövcəsini yaradan və onlardan da bir çox kişi və qadın törədib yer üzünə yayan Rəbbinizdən qorxun! Adı ilə bir-birinizdən cürbəcür şeylər istədiyiniz Allahdan və qohumluq əlaqələrini kəsməkdən çəkinin! Həqiqətən, Allah sizə nəzarət edir."

Allah qadın və kişiləri bərabər yaratdı. Onlar bir candan və eyni spiritual özdən, heç biri digərindən üstün olmayaraq yaratdı.

Ali-imran surəsi, 195-ci ayə: "Rəbbi də onların dualarını qəbul edərək cavab verdi: “istər kişi, istərsə də qadın olsun, Mən heç birinizin əməlini puça çıxarmaram. Siz (hamınız) bir-birinizdənsiniz (dində kişi, qadın eynidir). Hicrət edənlərin (Məkkədən Mədinəyə öz dinini qorumaq məqsədilə köçənlərin, öz yurdlarından çıxarılanların, Mənim yolumda əziyyətə düçar olanların, vuruşanların və öldürülənlərin günahlarının üstünü Allahdan bir mükafat olaraq, əlbəttə, örtəcək və onları (ağacları) altından çaylar axan cənnətlərə daxil edəcəyəm. Ən yaxşı mükafat Allah yanındadır!”

Müsəlman feministlər arasında hicab məsələsinə yanaşma birmənalı deyil. Sufi qruplarından olan Əl-Ahbaşilər hicabı məcburi olaraq qəbul etmirlər. Lakin mainstream müsəlman feministlərin çoxu hicabı müsəlman qadının "azadlığı" kimi gördüyünə görə məcburi hesab edir.

Müsəlman Feminist Amaraya görə "Hicab ənənə deyil, arxaikdir."

yazarların ən sevdiyi yazarlar

ən sevdiyi yazarlar deməyək, yazılarını maraqla oxuduğum, çox şey öyrəndiyim, düşündürməyə və çalışmağa sövq edən yazıları olan , Möfhumi fikirləri məharətlə istehsal edib yazıya tökən yazarlar:
(bax: dasein)

həyatın nə qədər cındır olduğunun anlaşıldığı anlar

sən öz əzab-əziyyətinlə, imtahandan 24 saat öncə ərzində 10 dəqiqə yuxu yataraq gedib 1400 yığarsan, ancaq ana-ata pulu ilə imtahanın suallarını alıb, cavabları əzbərləyən gedər 1550 yığar. bir insan nə qədər şərəfsiz, namussuz * nə qədər də var olan şərəf, namus anlayışım olmasa da və olmasına inanmasam da həmin insanlara ən pis sözləri lütf edirəm olar ki, başa düşməsin ki bunun adı imtahandır və imtahan öz təbiəti etibarilə insanların biliyini ölçür, cavabları əzbərləmə gücünü yox. əsas nöqsan sualları əzbərləyən tələbələrdə deyil, əsas nöqsan sualları satan məktəb nümayəndəlikləri və kurs müəllimləridir.
ingilis dili dil və ədəbiyyatı fakültəsində oxuyan ingiltərəli bir qız * demək istəyirəm ki nativedir imtahandan 1340 bal yığıb:

(youtube: )

(youtube: )

azərbaycanda narkomaniya

narkotik satış və alışının əlçatanlığının çox asan olması ilə birlikdə leqal olmamasının ciddi fəsadlara gətirdiyi və gətirə biləcəyi fenomen, hadisə.

adətən, 1 ildən artıq mütəmadi narkotik qəbul edən şəxs fiziki, psixoloji vəziyyəti ilə əlaqədar olaraq işini itirir. Lakin, hər gün yenidən narkotik vasitə əldə etməsi üçün pul lazım olduğundan, edə biləcəyi tək işi, narkotik satışını etməyə başlayır. ilk zamanlar kuryer kimi, daha sonra xarici ölkələr ilə əlaqələri təmin edən koordinator kimi fəaliyyət göstərməyə başlayır. son zamanlar əsas alış-verişi gedən narkotik vasitə patıdır. çox keyfiyyətsiz quruluşa malik olan patı əvvəllər yalnız iran vasitəsilə azərbaycana gəlirdi. gömrük, nəqliyyat ödənişləri ilə birlikdə nisbətən baha, 100-120 manat arası satılırdı. lakin, son zamanlar gömrük ödənişi ləğv edildiyi, və artıq azərbaycanda da istehsalı başladığı üçün 30-35 manata tapmaq olur. ucuz olduğuna və əlçatan olduğuna görə patı azərbaycan ərazisində çox yayılıb. patının əsas təsirləri isə bədənin quruması, dişlərin, barmaqların, dırnaqların, saçların çürüməsi, həddindən artıq arıqlama, gecə yatanda gələn əsmə, bioloji cinsi təmsil edən orqanın fəaliyyətini itirməsi və s.-dir.

cinayət məcəlləsinə əsasən, külli miqdarda narkotik maddələrin satışı 5 ildən 12 ilə qədər azadlıqdan məhrum edilmə ilə nəticələnir. məhkumun ailəsi, dostları, yaxınları 12 saat ərzində 20.000 manat verərək onu birbaşa evə gətirə bilər. Lakin, 12 saat sonra rəisin xəbəri olduqdan sonra bu keçərli deyil. Rəisin tutulmadan xəbəri olduqdan sonra məhkəmə üzvlərinə, hakimə, vəkilə ümumilikdə 40-50 min manat təqdim etməklə həll oluna bilər. narkotik maddələrin satıcılarının saxlanılması dövlət işçilərinə bu qədər pul təmin etdiyi üçün, narkotik maddələrin satışı ilə ən yaxından azərbaycan polisi maraqlanır. adətən çox yüksək vəzifəsi olmayan polis işçisi müəyyən miqdar pul qarşılığında narkotik vasitələrin satışı ilə məşğul olanların arasına daxil olur. özünün güvənilirliyini qrupa sübut etdirdikdən sonra o da, onlarla rayona gedərək narkotik vasitələri götürür, istifadə edir və s. lakin, polisin özü ilə birlikdə əsas bariqa da, kuryerlərin və koordinatorların polisə təqdim edilməsində iştirak edir. polis həmin kuryer və koordinatorun ailə üzvləri haqqında da məlumat əldə edir, ailəsinin kuryer saxlanılsa o pulu verə biləcəyindən əmin olur. bir müddət sonra, qrupa daxil olan polis işçisi qrupda olan kuryer və koordinatorları iş başında saxlamaq üçün polisə məlumatları təqdim edir. saxlanılanın ailəsindən əldə edə edilən pul isə polis işçiləri, qrupa daxil olan polis, və bariqa arasında bölüşdürülür.

yəni, azərbaycan polisinin əsas işi azərbaycanda narkomaniyanın təsirlərini azaltmaq, son vermək yox artırmaq və daha çox insanın buna mübtəla olmasını təmin etməkdir.

buradan həmin işlər ilə məşğul olan, kuryer və koordinatorların saxlanılmasında iştirak edən kamran adlı polisə demək istəyirəm ki, sən çox şərəfsiz adamsan.

anarxo-islam

hakimiyyətin, idarəedicinin olmamasını dəstəkləyən müsəlmanları ehtiva edən anarxizmin qolu.

Xarici firqələrindən sayılan Nəcdadilər, cəmiyyətdə əlverişli imam olmadığı müddətcə imamsız, başçısız yaşamağın lazım olduğunu demişdir. Mötəzilə məzhəbi də, həmçinin, imamların tirana çevrildiyi zaman imamətin ləğvini irəli sürmüşdür.

“There are more ideas on earth than intellectuals imagine. And these ideas are more active, stronger, more resistant, more passionate than 'politicians' think. We have to be there at the birth of ideas, the bursting outward of their force: not in books expressing them, but in events manifesting this force, in struggles carried on around ideas, for or against them. Ideas do not rule the world. But it is because the world has
ideas... that it is not passively ruled by those who are its leaders or those who would like to teach it, once and for all, what it must think.”
(Michel Foucault, 1978)

sorit paradoksu

dilimizdə gündəlik istifadə etdiyimiz önərmələrin əslində nə qədər də qeyri müəyyən olduğunu göstərən paradoks.

sorit sözü qədim yunan dilindən tərcümədə "topa" və ya "qalaq" kimi tərcümə olunur. bu paradoksu istifadə etmək üçün bu tipik bənzətmədən istifadə edilir:
"1,000,000 qum dənəsi qum topasını yaratmağa kifayət edir. 1 qum dənəciyinin aradan götürülməsi qum topasının qeyri qum topasına çevirməyə şərait yaratmadığına görə, 999,999 qum dənəciyi də qum topası sayılır. əgər 999,999 qum dənəciyi dənəcəyi qum topasının yaranması üçün kifayət edirsə, onda 999,998 qum dənəciyi də qum topasının yaranması üçün kifayət edir, çünki 1 qum dənəciyi qum topasının qeyri-qum topasına çevrilməsi üçün şərait yaratmır. Əgər 999,998 qum dənəciyi dənəcəyi qum topasının yaranması üçün kifayət edirsə, onda 999,997 qum dənəciyi də qum topasının yaranması üçün kifayət edir, çünki 1 qum dənəciyi qum topasının qeyri-qum topasına çevrilməsi üçün şərait yaratmır və s. Əgər hər dəfə 1 qum dənəciyi qum topasının qeyri-qum topasına çevrilməsi üçün şərait yaratmırsa, onda qum topası qeyri-qum topasına necə çevrilir? Əgər 1 qum dənəciyi qum topasının qeyri-qum topasına çevrilməsi üçün şərait yaradırsa, onda 1 qum dənəciyi niyə qum topası hesab edilmir?"

qeyri müəyyənliyin digər nümunəsini insanın yaşının qoca və cavan olaraq təyin olunmasında müşahidə edə bilərik. * bunun tam olaraq sorit paradoksuna daxil olduğuna əmin deyiləm
"Məsələn, əgər X adlı bir insanın ömrünü şərti olaraq 100 il qəbul etsək, onda bu insan 100 × 365 = 36500 gün yaşamış olacaq. Əgər hər 4 ildən bir ilin 366 təqvim günü olaraq hesablandığını nəzərə alsaq, onda 36500 günün üzərində 100 ÷ 4 = 25 gündə əlavə etmək lazımdır: 36525 gün. Beləliklə, 100 il yaşayan X adlı insan 36525 gün ömür sürmüş olur. X öz ömrünün 1-ci günü aydın şəkildə körpədir və 36525-ci günü aydın şəkildə qocadır. Beləliklə, “X öz ömrünün 1-ci günündə körpədir” mülahizəsi iki qiymətli Bul məntiqinə görə doğrudur və “X öz ömrünün 36525-ci günündə körpədir” mülahizəsi iki qiymətli Bul məntiqinə görə yalandır. Əgər belədirsə, onda məhz hansı nöqtədə (hansı gündə) “X körpədir” mülahizəsi doğrudan yalana keçid alır? Məsələn, məhz hansı nöqtədə (hansı gündə) “X körpədir” mülahizəsi artıq yalandır və “X uşaqdır” mülahizəsi doğrudur? Məhz hansı nöqtədə (hansı gündə) “X uşaqdır” mülahizəsi artıq yalandır və “X yeniyetmədir” mülahizəsi doğrudur? insan həyatını şərti olaraq aşağıdakı yaş mərhələrinə bölmək mümkündür: məsələn, 2 yaşa qədər körpə, 2-11 yaş mərhələsi uşaqlıq, 11-18 yaş mərhələsi yeniyetməlik, 18-30 yaş mərhələsi gənclik və s. Amma şübhəsiz ki, məsələn, Xin bioloji və psixoloji sistemində hansı fundamental dəyişiklik baş verməlidir ki, 11 yaşının son günündə “X uşaqdır” mülahizəsi doğru və 12 yaşının ilk günündə “X uşaqdır” mülahizəsi yalan olsun? Xin bioloji və psixoloji sistemində baş verməli və onu uşaq deyil yeniyetmə kimi qiymətləndirməyə imkan verməli olan bu fundamental dəyişiklik 1 gün, 24 saat, 1440 dəqiqə, 86400 saniyə aralığında necə müəyyən edilməlidir?"


istifadə olunan mənbə:
1. Elmar Hussein- Mülahizələr məntiqi. Fəlsəfə və qeyri-səlis məntiq

insanları subyektə çevirən obyektləşdirmə növləri

Michel Foucaultun əsasən 3 hissəyə böldüyü növlərdir. Michel Focault akademik yaradıcılığı boyu insanların subyektə çevrilmə növlərinin tarixini araşdırıb və yaradıb.

1. özlərinə elm statusu qazandırmağa çalışan araşdırma növləri vasitəsilə obyektləşdirilmə.
Bu növə bir neçə misal çəkmək olar. Məsələn, filologiya, linqvistika danışan subyektin obyektləşdirilməsində iştirak edir. Və ya, rifah və iqtisadiyyat analizində məhsuldar, əmək sərf edən subyektin obyektləşdirilməsi göstərilə bilər. Həmçinin, təbiət tarixi və ya biologiya "sırf * salt yaşamış olma fenomeninin" obyektləşdirilməsində rol oynayır.

2. subyektin "bölücü praktiklər"də obyektləşdirilməsi
Subyekt ya öz daxilində və ya başqalarından bölünmüşdür və bu proses onu obyektləşdirir. Buna misal olaraq dəli ilə ağılı, xəstə ilə sağlam, cinayətkar ilə "yaxşı uşaqlar"ı demək olar. timidus #330149 entrysində bu "bölünmənin" nümunəsini çəkir:
"alpaçino demiş. birimizin pis insan olmağına ehtiyac var. ki o birilər baxıb aa bax o pisdir biz yaxşı deyə bilsin. mən pis olmağı seçdim. siz yaxşını seçin."

3. insanın özünü subyektə çevirmə forması.
Bu çevrilmə formaları subyektiv təcrübələr vasitəsilə baş verir. Məsələn, dəlilik, cinsəllik, xəstəlik və s. timidus bir entrysində insanın özünü "cinsəllik" subyekti olaraq tanımağın nümunəsini vermişdi, lakin o entryni latın dilinə edit edib deyə paylaşa bilmirəm -*

absurdfikir

yazılarını maraq və həvəslə oxuduğum yazar, sosiologiya tələbəsi.
ixtisas seçimi ilə bağlı köməyi dəyib. tövsiyyəsi ilə max weberin “ protestant ahlakı ve kapitalizm ruhu” kitabına başladım, gözəl detallı və mövzunu incəliklərinə qədər araşdıran kitabdır.

özünə uğurlar diləyirəm.

libido sciendi

biliyə, bilik əldə etməyə dair duyulan dərin zövq, həzz.

azərbaycan tədris sistemi biliyi boz, monoton, xoşagəlməz şəkildə təqdim edərək insanları bilikdən, bilik əldə etməkdən uzaqlaşdırır. həmçinin, bu biliyin əzbərlənməsi, əzbərlənib-əzbərlənmədiyinə nəzarətin məcbur edilməsinin nəticəsi olaraq sosial mükafatlar * rəqabət və yüksək maaş təqdim edərək biliyi qısa-period çərçivəsində xeyir gətirən sevimsiz bir predmetə çevirir.

halbuki, bilik, bilik əldə etmək dərin bir zövqlə əlaqəlidir- sevişən zaman duyduğumuz zövqə bənzər bir hissdir.