kimsən e sən

4 əjdaha! 23.07.2016 21:43, kimsən e sən

ən gözəl şeirlərimi
yarımçıq qoyduğum filmlərimi
toz salmış mahnılarımı
sənə hədiyyə etməyə hazır idim

çox sevməyə
özü də çox adi sevməyə
iki pişik,
həftədə bir görüş xəyalları qurmağa
hazır idim

əgər getməsəydin..

hazır idim,
getməyin bir yana,
əgər bircə dəfə olsun, gəlsəydin.

#222419 şikayət

müəllim şagird valideyn münasibətləri

4 əjdaha! 27.06.2016 01:02, kimsən e sən

mənim qabağıma çıxanlarda nə yaxşı valideyn-uşaq münasibəti, nə yaxşı müəllim-uşaq, nə də yaxşı valideyn-müəllim münasibəti görmüşəm. əksəriyyəti ya pis olub, ya da neytral.
gördüyüm valideyn-uşaq problemlərinin başı səmimiyyətsizlik, bir evin içində yaradılan uzaqlıq olub. bu uzaqlığın, qeyri səmimiliyin gətirdiyi fəsatlar. ( uşağın öz valideyninə yalan danışma "məcburiyyətində" qalması )
müəllim uşaq problemlərinin də başı eyni bu qeyri səmimilik, 9 ay ərzində bir sinif otağının içində yaranan uzaqlıqdır.
və bu iki problemin də yaranmasının əsas səbəbi, artıq insanların beynində formalaşmış 'adam uşaqla nə yaxın olar ki? uşaqdır da. papadan adama dost olar? fikirləridir.
gülməlisi, valideyn-müəllim münasibəti də çox vaxt bu dialoqlarda olur:
-ifritədir də o, mənimkinin qiymətini kəsir, amma filankəsə belə elə.
( bu da valideynlərin beynində formalaşmış müəllim həmişə qiymət kəsir və pul yeyir düşüncəsindən irəli gəlir )

#219300 şikayət

ciddi insan tipi

4 əjdaha! 30.07.2016 22:58, kimsən e sən

baxır ciddi nə mənada. belədir ki, elələri var, vaxtı ikən xoş söhbətiniz olub, azdan-çoxdan bir səmimiyyətiniz var. sonra elə bir gündə, elə bir zarafat edəndə, səni elə sındırar ki, məəttəl qalarsan. hələ 'mənim səninlə nəsə zarafatım olub birdən-ikiyə?' 'səni maraqlandırmır'la da cavab verərlər, adam lap məəttəl qalar.
ola bilər, qarşındakinin yaralı yerinə toxunmusan, deməmən gərəkən söhbəti açmısan amma görürsə ki, səndə pis niyyət yoxdur, sındırmağa, alçaltmağa çalışmaq nə hərəkətdir? hər şeyin demə forması var. qaş-qabaqlı, ciddi oturmaq heç kəsə xarizmatiklik qatmır :(

hər şeyi yerinə görə deyən, hamıya hörmətlə yanaşan, lazım gələndə susmağı lazım gələndə isə təbii ki, səsini çıxarmağı bacaran insanlar doğrudan xarizmatikdirlər oysa ki..

#223208 şikayət

sözaltı sözlüyün facebookdan yaxşı olması

2 əjdaha! 29.06.2016 02:19, kimsən e sən

fikirlərini paylaşmağı sevən adam üçün hər nə qədər ikisi də yaxşı platformalar olsa da, facebookda öz-özünə statuslar yazmaq, dayandıq yerə fikir bildirmək zamanla adamı özündən iyrəndirir, narsist, qəribə bir varlığa çevirir. bir müddət sonra özünü 'bugün nə çox status yazmışam belə' deyə tənqid edəcək vəziyyətə gəlirsən.
təbii ki, facebookdan fikirlərini paylaşmaq üçün yox, yalnız yaxınları ilə əlaqə və ya tanışlıq-ünsiyyət üçün istifadə edirsənsə, yuxardakilər sənə aid olmur.
sözaltıda qeydiyyatdan keçməyin məqsədi elə fikirlərini deməkdir, işin içinə anonymous olmaq da girincə, daha sərbəst deyirsən və heç də özünü bugün çox entry yazdım deyə dəli hesab etmirsən. çünki dediyim kimi məqsəd o entrylərdir.
facebooka ego şişirtmək üçün girirlər demək düzgün ifadə deyil amma. o məntiqlə burda da nicklərimizin- virtual şəxsiyyətimizin egosunu şişirmək üçün yazırıq. (baxma: :)) ) çox adam fikrini bölüşmək istəyir, bölüşməyin arxasıyca da fikri bəyənilsin, onunla həmfikir olanlar da olsun istəyir. olan şeydir

#219581 şikayət

sözlükçülərin ən sevdiyi xarici adlar

3 əjdaha! 09.07.2016 02:37, kimsən e sən

albina adını çox bəyənirəm. kişilərdə də adrian. adam belə səsləri uzadaraq adriaaaan, albiiiina deyə.

#220744 şikayət

tim burton

3 əjdaha! 29.08.2016 15:18, kimsən e sən

öz dəsti xətti olan rejissor. bunu bacarmaq böyük işdir. əgər hansısa filmə baxıb, titıllarda rejissorun adını görmədən tim burton çəkib yüz faiz deyə bilirsə kimsə, thats a real shit man.

p.s animasiyaları stop motion çəkilib deyə onlara baxan kimi burtonindi demək normaldı, amma digər filmlərində də öz izini qoyur

#227047 şikayət

unudulmaz film replikaları

3 əjdaha! 09.07.2016 16:11, kimsən e sən

nə vaxt ki, ağrı gedir, bax, o vaxt əsl müharibə başlayır. depressiya.. boşluq.. özünü o qədər zəyif hiss edirsən ki..
(bax: trainspotting)

#220810 şikayət

sözaltı etiraf

3 əjdaha! 24.07.2016 01:37, kimsən e sən

uşaqlıqda qardaşımın telefonunda nirvana mahnıları görmüşdüm, özümü metalhead hesab edirdim.
(baxma: şiiişşş, bu bizim kiçik sirrimiz qalacaq)

#222443 şikayət

insanın böyüdüyünü anladığı anlar

3 əjdaha! 09.07.2016 02:05, kimsən e sən

həyatı böyük gözləntilər olmadan yaşamaq lazım gəldiyini anladığın vaxt.

#220737 şikayət

yazarların güvənmədikləri insanlara qarşı mövqeyi

3 əjdaha! 28.06.2016 00:17, kimsən e sən

əlimdə olmadan antipatiyam yaranır. amma həmin sənə güvənməyən insanın formaları olur. eləsi var, səni çox istədiyindən dəstək olur, yanında dayanır, ancaq bəzən realist tərəfinə məğlub olur və o can alan cümləni işlədir: (baxma: sən heç özün inanırsan ki, bunu bacararsan?)
onlara dözürsən. hər nə qədər həmin an sənə qarşı inamsızlıqları incitsə də, onları belə fikirləşdiklərinə görə qınaya bilməyəcəyini anlayırsan.
elələri də var ki, səni çox zad istəmirlər, məsələ artıq realist olmaları deyil, həmin insanın "söz soxan", səni məğlub etməyə çalışan, qarşısındakini vuraraq, əlində olan qalanını- xəyallarını və ümidlərini almaqdan zövq alan təbiətə malik olmalarıdır. ola bilər belə insanları yaxınımıza buraxıb buraxmamaq bizim ixtiyarımızda olsun, amma təəssüf ki, ağızlarını bağlamaq ixtiyarı da bizdə deyil.

hər iki halda, kaş hamımızın ətrafında, zoraki deyil, qəlbən, özünü zorlamadan bizə inanan, bizim bacaracağımızı düşünən ən az bir nəfər olsa.

#219423 şikayət

vicdan əzabı

4 əjdaha! 21.07.2016 02:09, kimsən e sən

" nələrisə dəyişdirmək imkanına sahib olmağına baxmayaraq heç nə etməmək.. bunun yükü çox ağırdı."
bugün baxdığım filmdə buna bənzər bir söz vardı.
elə qəribədi ki.. ifadəsiz qalırsan. qorxaqlığın, əlini daşın altına salmamağın cəzana çevrilir. qarşındakinə kömək əli uzatmamağın cəzası.
bilərək kiməsə, nəyəsə zərər vermək, bir də məcbur qalmaq. görəsən,cavabı çəkilən əzabı azaldır? hər iki halda da sənin nəyisə dəyişdirəcəyin halda qarşındakinin yaşadığı itkini dəyişdirir?

sonrasında gələn peşmançılıq. peşmançılığın da sonrasında gələn günahlandırma. günahlandırmanın da sonrasında özünə nifrət gəlir.

elə qəribə şeydi ki, heç nə başa düşmürsən. xəbərlə tanış olursan və sadəcə nəsə sancır elə bil səni.

boğaz düyünlənməsidi, ya nədi bilmirəm, öz göz yaşını elə bil udursan. tamamilə ifadəsiz, boş, heç nəyi dərk edə bilmədən sadəcə mənəvi ağrını hiss edirsən. gic olub qalırsan. .

hər gün vicdanımı ignore edirəm. eşitdiyim bütün ölüm,itki, ağrı əzab xəbərlərini adi hal kimi izləyirəm. televizor, qəzet, web-sitelardan öyrəşmişəm çünki. normal bir hadisəymiş kimi. hansı ki vicdan əzabından qaçıram. o ölümlərdən, itkilərin taleyindən sadəcə biri ilə tanış olsam, həmin o əzabdan çəkəcəm çünki. dünyada nəyinsə, hansısa hekayənin çatışmadığını dərk edəcəm.

çox cındır hissdi. nəsə etmən gərəkdiyi halda edə bilməmək. o lap cındır hissdi.

#222112 şikayət

unudulmaz film replikaları

3 əjdaha! 26.06.2016 00:15, kimsən e sən

-niyə bu axmaq dovşan kostyumunu geyinirsən?
+sən niyə bu axmaq insan kostyumunu geyinirsən?

#219180 şikayət

sapioseksual

1 əjdaha! 18.07.2016 00:07, kimsən e sən

biri məni işıqlandırsın, insan sapyoseksual olanda, qarşı tərəfin zəkasına vurulduğunu özu qəbullanır, yəni, deyir ki, filankəs çirkindir amma ağlına aşiq oldum, yoxsa elə zəkasına görə xarici görünüşü də avtomatik gözəl görünür?

silinmiş entry.

#221733 şikayət

əsəb pozan şeylər

1 əjdaha! 20.07.2016 23:58, kimsən e sən

bayaq tvdə yerli müğənnilərindən birinin öz yeni mahnısı haqqında "ağlamalik mahnıdır" deməsi.. biraz...

#222090 şikayət

#sözaltı şeir

3 əjdaha! 24.08.2016 22:42, kimsən e sən

ikimizin də uşaqlığı yaxşı keçməyib
ailəvi stol əhatəsindəki söhbətlərə həsrət qalmışıq
filankəslərin maşını
filankəslərin arvadı
filankəslərin ipoteka borcuna heç qulaq asmamışıq
ikimiz də çox sakit yaşamışıq
ikimiz də vaxtında çox susmuşuq
danışmamışıq tez bezməklərimizi
geri qaytara bilməmişik itirdiklərimizi
sonunu düşünməkdən,
heç vaxt başlaya bilmədiklərimizi
hiss edirəm
sən də ən az mənim qədər öz özünə danışmısan
illərlə ünsiyyətdən qaçmısan
nələrəsə başlamağa çox qorxmusan
sənə də ən az mənim qədər əzab verib illərlə
bu keçmişdəki peşmançılıqlar
sən də ən az mənim qədər bir ömür axtarıb
istədiyini heç vaxt tapmağı bacarmamısan
hiss edirəm
sən də ölümü çox müzakirə etmisən
itirdiyin baban haqda çox fikirləşmisən
bəlkə də elə səni də
ölülər qədər incidib yaşayanlar
soyuqluqlarıyla,uzaqlıqlarıyla
daha yanında olmamaqlarıyla
səndə eyni məndəki qəribliyi
istiqamətsizliyi görürəm
daha keçən gün şahid oldum
gözlərindəki dağ boyda ifadəsizliyə
heç nə başa düşə bilməsəm də,
hiss eləmişdim
mən də o cür çox baxmışam vaxtında
kimlərəsə
hiss edirəm
sən də illərlə ruh əkizlərinə inanmısan
sonra da ilk səni fərq edən adamın
o adam olduğunu sanmısan
və elə ondaca
ilk tərk edilişini yaşamısan
hiss edirəm
sənin də indi bütün bu arzu olunmaz suallara
bircə cavabın qalıb daha
o da “bilmirəm”..
sənə baxdıqca xatirələr lap pis incidir
o gün yenə bir yerdəydik amma məndən ayrı oturmuşdun
o gün yenə kimləsə nəyinisə bölüşürdün
o gün yenə filankəslərin söhbəti gedirdi dost tanış stolunda
məndən uzaqlarda
sənə baxdıqca heç yaşamadığımız xatirələri görürəm,
incidən elə onlardır,
heç yaşanmayanlar
ey heç zaman gəlməyən sən
indi getdiyin yerlərdən çoxlu xəyanət və külək gətir mənə
dostuma tanışıma danışacam
qoy elə bilsinlər bizi ayıran məsafələrdir
ya da ki keçmiş sevgilər
getdiyin yerlərdə
məndən uzaqlarda
yenidən inanmağa başla ruh əkizlərinə
xoşbəxt ailələrə
qoy bəs etsin sənə
çörəyi alan kimi isti isti yemək
güldürsün üzünü
qışda yorğanı burnunacan çəkmək
şad günlərin bol olsun
daha ad günlərini mənasız sayma
toy şəkillərində çoxlu çoxlu güləsən valideynlərinlə
oysa ikimiz də istənməyən övlad olmuşuq
ikimiz də günahkar olmuşuq
yaraşmamışıq öz ailələrimizə
ya da ki biraz çevirsən üzünü
göz gözə gələrdik
sən də şahid olardın
mənim gözlərimdəki o dağ boyda ifadəsizliyə
yadına salarsan
biz xoşbəxt ola bilərdik səninlə
heç danışmadan
bir-birmizə pafoslu sözlər demədən
səni sevirəmləri
aşiq olmuşamları işlətmədən
qoy elə çox istəyərdik biz bir-birmizi.
mahnılar girməzdi araya
ən axmaq kinolar yada salmazdı səni
bəlkə yenə inanmayacaqdın ruh əkizlərinə
amma biz xoşbəxt ola bilərdik səninlə
yaşayanlar da ölülər qədər incidə bilir çünki
uzaqlıqlarıyla,soyuqluqlarıyla
burdasan
yaşayırsan
yan masadan baxırsan göz ucu mənə
amma həmin ölülərdən daha da uzaqlardasan.
olan olub artıq
heç tanımamışıq bir birimizi
heç yan yana oturmamışıq
heç yan yana susmamışıq səninlə
olan olub artıq
biz xoşbəxt ola bilərdik səninlələri saxladın bircə
sən qalxıb gedincə yan masadan
biz xoşbəxt ola bilmədik sənlə,
heç nə də qalmadı daha geriyə
olan olub artıq
bu şeiri heç yazmamış qədər
yad qaldıq daha bir-birimizə.

#226258 şikayət

sözlük yazarlarının tqdk qəbul imtahanında topladığı ballar

1 əjdaha! 20.07.2016 01:18, kimsən e sən

505. 505 bal olar axı?

#221997 şikayət

coveri originalından daha yaxşı olan mahnılar