ExlaqsızExlaqlı

67 0 0 0

9. nəsil yazar

Entry: 67

blok başlıqlarını gizlət
bütün zamanlarda yazdığı ən əjdaha entrylər:

Notice: Undefined variable: userQuery in /var/www/soz6/sonhefte.php on line 84

Notice: Trying to access array offset on value of type null in /var/www/soz6/sonhefte.php on line 84

Notice: Undefined variable: anonim in /var/www/soz6/sonhefte.php on line 85

Notice: Undefined variable: idvv in /var/www/soz6/sonhefte.php on line 92

Notice: Undefined variable: idvv in /var/www/soz6/sonhefte.php on line 101

Notice: Trying to access array offset on value of type null in /var/www/soz6/sonhefte.php on line 102

depressiya

+45 əjdaha

Bu yaxınlarda uzun zamandır cavabını gözlədiyim imtahandan keçmədiyimi öyrəndim və bununla bağlı maraqlı reaksiyalar aldım:
“Nə oldu bəs, oxumurdun? Bütün gün boş-bekar neynirdin?”
“Oxumurdun daaa.”
“işindən də çıxmışdın ki, bu imtahana hazırlaşasan. Heç vaxt belə bekar olmayacaqsan bir də. Gərək oxuyardın.”
Mənsə onlara dönə-dönə başa salmışdım. Başa salmışdım ki, mən oxumurdum, bəli. işdən də oxumaq adı ilə ayrılmışdım, bəli. Amma bunun səbəbləri var.
Qərb mediasında bəlkə də hər gün eşitdiyim söz:
“Mental health” və ya mental vəziyyət, mental sağlamlıq. Mən yaxşı deyildim. Sağlam idim? Fiziki olaraq bəli. Oxumağa şəraitim, stolumun üstündə hazır yeməklər var idi? Əlbəttə. Amma mən mental olaraq əziyyət çəkirdim. Hər gün mənim üçün bir əziyyət idi, hər şey mənasını itirmişdi, həyatımda ilk dəfə canımın canan olmadığı qənaətində idim və bu əzabın, iztirabın bitməsi üçün “dua” edirdim. Yenə deyirəm, heç bir səbəb olmadan. Bir nöqtəyə baxıb ağlayırdım. Həyatın mənasını, yaşama eşqimi, hər şeyi, amma hər şeyi itirmişdim.
Və nəhayət mən psixoloqa göründüm.
O müxtəlif səbəblər axtarıb tapmağa başladı, bu başqa mövzu.
Sadəcə ilin günün bu vaxtında insanlarımızın mental vəziyyətdən xəbərsiz olması məni üzür. Mənə deyirlər, “oxumadığına peşmansan?”
Xeyr, əzizim. Sağ qaldığıma, sağ qalmağı seçdiyimə, mental mübarizədən qalib ayrıldığıma görə sonsuz xoşbəxtəm! Varsın mən bir imtahandan kəsilmiş olum.
Canım sağ olsun. Sözün həqiqi mənasında.
Qərbdə olduğu qədər bizdə də mental sağlamlıqla bağlı məlumatlandırma getsə, çox daha rahat olardı işimiz. Bu mübarizədən müvəqqəti də olsa qalib ayrılmış hər birimizin alnından öpürəm. Bilirəm, yenə də qayıda bilər, şoğərib, amma bu dəfə də mən mübarizəyə hazır olacam!
O imtahanı da keçəcəm. O ki bizim mental mübarizəmizdən dəfələrlə asandır.

34 əjdaha! 23.08.2021 12:33, ExlaqsızExlaqlı

#334667 şikayət

Notice: Undefined variable: userQuery in /var/www/soz6/sonhefte.php on line 84

Notice: Trying to access array offset on value of type null in /var/www/soz6/sonhefte.php on line 84

Notice: Undefined variable: anonim in /var/www/soz6/sonhefte.php on line 85

Notice: Undefined variable: idvv in /var/www/soz6/sonhefte.php on line 92

Notice: Undefined variable: idvv in /var/www/soz6/sonhefte.php on line 101

Notice: Trying to access array offset on value of type null in /var/www/soz6/sonhefte.php on line 102

şort

+23 əjdaha

Yay gəldi yenə başladıq.
Bax ha deyirəm ağzımı açmayacam, yenə ağzımı açdırırlar.
Bu gün metroda cavan bir qız şortikdə idi. Ayaqqabılarından ayaqlarına doğru birinci dəfə gördüyüm iki qara zolaq çıxırdı, düzü o zolaqlar nə işə baxırdı çözə bilmədim.
Bu moment yaşı 90-ı keçmiş bir ayağı yerdə, bir ayağı göydə olan dayı düz mən dayanan yerin yanında oturdu.
Və... təxmin etdiniz yəqin. Dayı qızı gördü, onun şortikini, bir cüt gəzmək işinə baxan orqanını və o iki qara zolağı. Dayı şok keçirtdi, o, əlini qaldırdı, qızın onu görməyəcəyindən əmin, başladı deyinməyə ki, “bax bu nədir, bu nə biabırçılıqdır, bu nə əxlaqsızdır, təmiz özlərini buraxıblar” və bu silsilədən olan bir neçə cümlə.
Əziz dayı. Səni nə narahat etdi? Bir cüt ayaqda (baxma: ayaq-gəzmək üçün orqan) səni narahat edən nə ola bilər axı? Bəlkə də sənin yaşı 90-ı keçmiş şeyin qabardı, sən özünü saxlaya bilmədin, sənin şeyin elə böyüdü ki, bütün metronu tutdu!
Çünki mən başqa səbəb görə bilmirəm. Niyə şortikə görə bu qədər deyinəsən axı.
Niyə utanıb ölmürsüz ə? Yox e niyə sakitcə, hüzur içində, heç kimə dəyib-dolaşmadan ölüb getmirsiz axı? Gərək kiminsə ayağına baxıb hormonlaşasınız? Bu halda sizə cənnətin qızıl qapıları açılır?
O qız az sonra oturmağa yer tapdı və o dəqiqə kitab çıxarıb oxumağa başladı. Vallah o dayının yerinə mən utanıb yerə girdim. Ömründə heç kimə fayda verməmiş, ömrünün son günlərini gənclərin ayaqlarında itirən şəxslər, siz özünüzdə bu haqqı hardan görürsünüz? Siz kimsiniz? Dayı əlimin altında idi e. Məni ən çox yandıran budu ki, qızın şortikinə doğru barmağı ilə işarət edəndə əlimin tərsilə onun başının dalından vurmadım.
Yandırılası ölkədi. Yandırılıb təzdən qurulası.
Hə, bu başlıq altında şortik geyinən oğlanlara da salam gətirmək istəyirəm, çünki mən özüm də bu gün şortikdə idim. “Ayaq qıllarıvı qızlar, gəlinlər görməlidi?” Deyən hər iki cinsin nümayəndələrinə burdan belə bir cavab vermək istəyirəm:
Şortiklilərin poxu sizin xirtdəyinizə. Bu qədər.

20 əjdaha! 02.06.2021 19:34, ExlaqsızExlaqlı

#329024 şikayət

elimelikov06

+21 əjdaha

Əlinin daşı belə ağırdı kıı? Yaman narahat eliyir deyəsən bəzilərimizi axı.
Sən yazmağında ol.
Öpeyrəm.

16 əjdaha! 14.06.2021 17:13, ExlaqsızExlaqlı

#329759 şikayət

exlaqsızexlaqlı

+19 əjdaha

bir məsələyə aydınlıq gətirmək istəyirəm. ard-arda yazdığım üç entry bir az səs-küyə səbəb olub. bir şey deyim ki, bu son günlərdə bilgi verən tək-tük yazılar var. niyə? çünki belə görürəm, oxuyucularımızı o qədər də maraqlandırmır. on dəqiqəyə yazdığım, olduqca mənasız, heç bir şəkildə bilgi verməyən başlıqlar ana səhifəyə düşdü, müzakirəyə qoyuldu, adıma başlıq açıldı, amma “qızılgül olmayaydı”, “dədə qorqud” “vaqif dramı” kimi araşdırıb, sevgi verib yazdığım entrylər heç kimin qozuna olmur. mən o ana səhifəyə düşən, “gözünüzdən qan gətirən” üç entrydən ibarət deyiləm, amma görünür oxuyucuların marağına səbəb olan da bu tip yazılardır. 7-8 umbay almış o entrylərə umbay atanların da marağına səbəb olub ki, oturub oxuyublar da bəs. şəxsən öz adıma, arada belə öz fikirlərimizi bildirdiyimiz başlıqlar ola bilər, amma əsasən bilgiyə qiymət vermək tərəfdarıyam. amma yenə də deyirəm, oxuyucular buna o qədər də maraq göstərmir. oxunulmayan bilgini paylaşmağa davam edəcəm. edənləri də ana səhifədə görməkdən xoşbəxtlik duyacam. sadəcə axıracan oxuyub, əjdahalayıb, umbayladığımız entryləri ana səhifəyə salanda günahı yazarda yox, özümüzdə də görək bir az. onun tək yazdığı bu deyil, amma bizim tək oxuduğumuz budur.

12 əjdaha! 18.04.2020 16:17, ExlaqsızExlaqlı

#293980 şikayət

görücü üsulu ilə evlənmək

+22 əjdaha

Məsələyə fərqli prizmadan yanaşacam. Bizim bu dırnaq içində halal süd əmmiş qızlarımız yemir, içmir, quruyur, taxta olur ki bakirəliyini qorusun. indiki zamanda 20 il, 22 il. Ondan da çox. Bura qədər etiraz yoxdu ki? Yaxşı.
Bu çürümüş (tibbi cəhətdən “quruma” getdiyi üçün belə deyirəm) qıza görücü üsuluyla bir qaşqaldaq ər obrazı tapırlar. Tez-bazar bunları evləndirib iki bir-birini tanımayan gənci salırlar bir otağa, qapını da bağlayırlar. Bax o halal süd əmmiş qıza mən bir sual vermək istəyirəm. 24 ildir bəkarətini qorudun ki, axırda tanımadığın gədənin altına yatasan az? Nə mənası oldu sənin o 24 illik əziyyətinin? Elə oldu azdın, elə oldu hormonlaşdın, elə oldu insansan da, könlündən yatmaq keçdi, amma özünü cilovladın. Cilovladın ki axırda uzanasan üzünü ilk dəfə elçi gələndə gördüyün malışın altına? Bax burası bir az ağır olacaq. Fahişədən fərq nə olur burada? Orasını tutmuram mən. ikiniz də tanımadığınız adamın altına yatırsınız. Heç olmasa o durub qeyrətdən, namusdan bas-bas bağırmır. Mən şəxsən bəkarətin buna görə qorunmasındansa qorunmaması tərəfdarıyam. Tanımadığınız şəxslərin altına yatmayın, gənclər. Yox yatırsız, heç olmasa pul alın.
Bu yazı kimlərəsə xoş gəlməyə bilər. Fəqət qoy içimdə qalmasın

16 əjdaha! 17.04.2020 01:44, ExlaqsızExlaqlı

#293895 şikayət

azərbaycan

+14 əjdaha

Ölkə gündəmini zəbt edən psixi pozğun şəxslə bağlı yetəri qədər yazıb, deyib yazarlarımız. Hər birinizin alnından öpürəm.
Bir-iki şeyi məhz bu başlıq altında yazmaq istədim. düşüncə sahibi olmağa başladığım yaşdan bəri bu ölkədən qaçmaq istəmişəm. Təbii ki, lap kiçik yaşlarımda buna səbəb nə idi, dəqiq deyə bilmərəm. Yeniyetmə yaşlarımda sadəcə tüpürüb çıxmaq istəyirdim buradan. Özümə söz vermişdim ki, yaxın beş ildə çıxdın-çıxdın. Çıxmadın güllələ özüvü. Burada həyat yoxdur.
Fəqət indi qarşımda o imkan dayanıb. Qürbətə yola düşməyimə çox az qalıb. içimdən bir səs mənə bağırır: “qal savaş! Gənclik üçün savaş, özün üçün savaş, həmağılların üçün, işıqlı gələcək və məhz buradakı mənəvi azadlıq üçün!”
Bəli, bəlkə də qürbətdə əxlaqsız əxlaqlı heç nəyə qatqıda buluna bilməz. Orada nəylərisə dəyişə bilməz, yenilikçi mövqedən çıxış edə bilməz, mənəvi azadlıq üçün mənəvi azad bir cəmiyyətdə niyə savaşsın ki? Ədəbiyyat müəllimimin dilindən düşməyən şeir varıydı: “sizin güldüyünüz çoban torpağı nizamilər, füzulilər yetirmiş.” Yox e, əziz hocam. Çoban torpağım deyəsən təcavüzçülər, pedofillər yetişdirir axı. illərdir bu ölkədə qadına qoyulan qiymət doğuş maşınından artıq olmayıb. Ölkəmiz qaqa-baycan olub. Bəli, bu faktdır. Necə ki, oğraşın biri yazmışdı bu gün, “elə ki sovet gəldi, azərbaycan qadınının başı açıldı, onlara azadlığın nə olduğunu göstərdilər.” Bəli. Axı məsələ budur. Gücü əlində əsrlərdir saxlayan daşşaqlılar indi özlərini təhdid altında hesab edirlər. Qorxurlar. Taxtdan düşməməkçün hər kəsi “qəhi” adlandırırlar. Hələ o biri oğraş da qayıdır ki, “başıaçıq və şalvarlı hər qadına təcavüz edək!”
Deməli, riyaziyyatım məni aldatmırsa... bu bizim qadınların 98%-idir.
Serb milliyətçisi yazır: “islam alaq otu kimidir. Düşdüyü yerdə özünə kök salar, yayılar və özündən əvvəl orada olmuş bütün yaxşı şeyləri (o cümlədən sivilizasiyanı) məhv edib gedər.”
Düz deyir. Ölkəmizin bu qədər qıcqırıb oturmasına səbəb elə bu deyilmi? Sən götünü ört ki, mənim sikim qalxmasın! Budur din? Əvvəl bütün bəlaların səbəbini islamda görən mən, indi elə də əmin deyiləm. Deyəsən islam sadəcə bəhanədir axı. Təcavüzəmeyillilik, görməmişlik və acgözlük artıq qaqa-uzlarda qana işləyib. Yazıq islam. Nə düz yola gətirə bildi, nə də adamağıllı vərdiş verdi.
Savaşmağın mənası varmı, gənclər? Yoxsa hamımız tərk edək bu pox çuxurunu və geriyə qalanların bir-birini sikib çevirməsini gözləyək. Bəlkə onda doyarlar. Çünki qorxuram. Qadınlarımızın “götünə şapalaq vuran” olsa arxalarında duranın olmayacağından qorxuram. Və iyrənirəm. Və yolun sonunda işıq görmürəm. Qadının adam sayılmasının “qəhi” deyə qiymətləndirildiyi bir cəmiyyətdə sabahımız yoxdur.
Ps: qaqauz xalqına səslənirəm, olar adınızı bizlə dəyişəsiniz?

10 əjdaha! 12.07.2021 21:43, ExlaqsızExlaqlı

#331995 şikayət

müdafiə nazirliyinin atəş adlı metal musiqi klipi

+15 əjdaha

Ölümə şadlanıb orqazm olmağı təbliğ edən iyrənclik. Müharibə indi zəruriyyətdir, əyləncə deyil ki ona mahnı qoşulub oynansın. Belə şeyi mən heç vaxt anlamayacam. Hələ o atdanıb düşən qadın!
Ya Rəbb!
Müharibə bizim qanunən öz torpaqlarımız üstündə gedir və məcburiyyətdən edilir. Buna inanmaq istəyirəm. Belə şeyləri yox edin abi

13 əjdaha! 03.10.2020 23:16, ExlaqsızExlaqlı

#305557 şikayət

eurovision 2021

+13 əjdaha

Ümidvaram gecikməmişəm.
Haydı başladıq.
Avroviziya nədir? Gəlin bu suala adam balası kimi aydınlıq gətirək. Erməninin biri girib Əfəndinin şəklinin altına yazır ki, “Sənin mahnın da yallın da bizimkidi. Özünüzə müsəlman deyirsiniz, amma incə tumanla səhnəyə çıxıb götünü yellədirsən.”
indi bunu erməni yazıb, ya özümüzkü, bu məni o qədər də maraqlandırmır. Birincisi, müsəlman sənsən, sənin dədəndir. Mənə müsəlmandan böyük söyüş yoxdur e. Cin atına minirəm bu sözü eşidəndə. Bir neçə dindən və millətdən olan insanın ölkəmizdə yaşaması qalsın qırağa, o paltarı geyinib səhnəyə çıxan kim müsəlman ola bilər axı? Qurtaraq da bu müsəlman söhbətini. Hər şeydən geri qalmağımıza səbəb bu “müsəlman” deyil ki?
Qayıdıram yuxarıda verdiyim suala. Avroviziya dünyanın bəlkə də ən “gey” yarışmasıdı. Bizimkinin biri də götürüb yazır ki “trans italiya”.
Ə dümsük! Bu yarışmanın aparıcısı trans, bu ilki qalibi biseksual, keçən ilki qalibi biseksual, ondan əvvəlki Drag queen, saqqallı qadın. Sən nə transından danışırsan axı?
Bu yarışma müsəlman yarışması deyil, ay qadan alım. Qalib gədənin səhnədə həmcinsi ilə öpüşməsini görmədin mi? Axı homofobik islamçı təmsilçinin orada nə işi olsun?
Nəzər salaq keçən ilki mahnımıza. Deyir “straight, gay, anything in between.” Bu yandan da cənab prezidentimiz deyir, “hansı avropa, kişi ilə kişinin evləndiyi avropa?”
Ölkədə yığsan toplasan on-on beş tolerant adam var. Avroviziya mənə də bu on-on beş nəfər kimi həzz verir. Amma hazır deyiliksə, qatılmayaq da qardaşımsan. Bura axı özünü ifadənin, qəribəliyin, azadlığın yarışmasıdır. Vallah muslimvision deyil verilişin adı. Belə şeyləri görəndə deyirəm biz də türkiyə kimi çəkilib qıraqda oturaq. Axı kimi aldadırıq. Kimdi bizdə tolerant? Müsəlmanlar? Yoxsa homofoblar?

11 əjdaha! 23.05.2021 23:58, ExlaqsızExlaqlı

#328064 şikayət

əfqanıstan

+12 əjdaha

Abş vətəndaşı yazır:
“Talibanın idarəni ələ keçirməsinə icazə vermək hər nə qədər dəlilik olsa da, bir yanım Əfqanıstan xalqına qışqırmaq istəyir ki, özünüzə gəlin, tanrım, 21 -ci əsrdir, hazırda Marsda araşdırmalar aparan texnikalarımız var, amma sizdə uşaqlar çılpaq ayaqlarla qaçırlar, suyunuz da düzəməlli yoxdur, dünya ölkələri hələ nə qədər sizin əlinizdən tutmalıdı? Hansı dinə, fəlsəfəyə və ya həyat tərzinə riayət edirsinizsə, bəlkə də yeni bir yanaşma tərzi tapmağın vaxtıdır, çünki sizin tutduğunuz yol işləmir...”
Dediyi hər kəlmənin altına imzamı ataram. Vəziyyəti, yaxşı və ya pis “təbliğ olunan” islamı və onun təsirilə 13 əsr geriyə qayıdan pox yuvasını ancaq bu cür təsvir etmək olardı.

12 əjdaha! 15.08.2021 15:49, ExlaqsızExlaqlı

#334233 şikayət

rus dillilərin bakını elitləşdirməsi

+14 əjdaha

Rus dilini bilirəm, amma evdə ana dilimiz heç zaman bu dil olmayıb. Fəqət bu başlıqda bir həqiqət, türklər demiş, yox deyil. Gəlin bir misalla izah edim.
Həftənin bir neçə günü Tarqovının tən ortasına yolum düşür və o tanış melodiyanı eşitdikdə ayaq saxlayıram. Təbii, bu, dünyanın düz vaxtının söhbətidi. Axşamlar orada bir qrup, bir “band” mahnı oxuyur. Biri çalır, o biri oxuyur, amma necə içdən oxuyurlar. Onların rusca və ya ingiliscə sevib seçdikləri, əsasən, rock janrında olan mahnılar mənim ürəyimdə artıq yer edib özünə. Həmişə də izləyiciləri olur orada. Rusdilli təbəqə. Hər mahnıya eşlik edən, durmadan, atmosferi pozmadan oxuyan, başını, ayağını ritmə uyğun sallayan, üzündən gülücüklər saçılan rusdilli təbəqə. Gəlib pul atmağı da unutmurlar heç vaxt. Bu qrupun özünün də rusca dediyi kimi, sanki bu qrup peyda olandan küçələr gözəlləşib.
Elə bu an küçədən iki qaqa tipli, makasinli və butalı gədə keçir. Məlum olur ki, nə mahnıdan anlayırlar, nə xarici dildən, nə də sənətdən. Tez ora-bura baxıb şoka düşürlər. Bu oxuyan qaqa nə edir ala? Özünü niyə səhnədə yerə-göyə çırpır? Niyə elə bağırır?
“Bu neynir ala? Ala bunun vidinə bax! Gijdi ki bu! Ala AUE! AUUUE! Jizn vor.”
Bir müddət belə davam edir. Mən demirəm ki, biz rusdilli təbəqədən aşağıyıq. Mən deyirəm ki, küçədə ağzına gələni qışqırıb, məxluqobraznı səslər çıxardıqdan sonra, bu gədələrin başlarını aşağı salıb oranı tərk etmələrinə səbəb olan rusdilli təbəqə idi.

10 əjdaha! 24.03.2020 14:37, ExlaqsızExlaqlı

#293196 şikayət

qənirə paşayeva

+12 əjdaha

Siyasi fəaliyyəti ilə bağlı nə deyilirsə deyilsin, amma kiminsə şəxsi həyatıyla məzələnmək də nə bilim.. yəqin mənim heç vaxt çata bilməyəcəyim “uca zirvə”dir.
işini tutkuyla yerinə yetirdiyini düşündüyüm insan. Nə etsə də.

11 əjdaha! 15.10.2020 12:46, ExlaqsızExlaqlı

#306449 şikayət

tarixdə gay hökmdarlar

+11 əjdaha

imperator Adrian (Hadrian, Roma). Antinous adlı yunanlı həmcinsi ilə eşq yaşayıb. Onun ölümündən sonra Adrian oğlanı ilahiləşdirib, ona ibadət üçün bir növ yeni din yaradıb.
“Adrian oğlanı səfərlərində özüylə aparar, mənəvi, etik və fiziki inkişafı zamanı yanında gəzdirərdi. Oğlanın ölümündən sonra Adrian onun şəkilləri ilə əhatə edirdi özünü, bu da oğlanı mistik-dini ehtiyaclarla necə istədiyinə bariz nümunə idi”—Royston Lambert, 1984.
Yuli Sezar— Onun əsgərləri mahnılarında oxuyurdular ki, Sezar Qalları işğal etmiş olsa da, Nikomedes Sezarın özünü işğal etmişdi. Nikomedes özü də kral idi və Sezarı onun kraliçası adlandırırdılar. Octavian Augustusun Sezar tərəfdən övladlığa götürülüb sonradan imperatorluğa yüksəlməsi də ikisi arasında cinsi əlaqənin nəticəsi idi. Avqust cinsi yolla borcunu ödəmişdi, belə deyək.
Edward II (ingiltərə kralı)-Piers Gaveston adlı həmcinsi ilə əlaqədə idi, 1300-cü ildə onların sevgisi başlamış, axırı fəlakətə gətirmişdi. Edwardın sevimlisi olduğu üçün Gavestonun artan gücü boynuyoğunları narahat etmiş, onun sürgün olunmasını tələb etmişdilər.
Və mənim sevimlilərim!
Mahmud Qəznəvi və onun Məlik Ayaza olan sevgisi Leyli Məcnunla müqayisə edilərmiş. Müsəlman bir hökmdardan gözlənilməyən, müsəlman tarixçilərin bu haqda məlumat verməkdən qaçındığı sevgi mənə ümid verir. Şairlər bu münasibəti sevginin gücünü təsvir etmək üçün istifadə edir, Mahmud Qəznəvi üçün “quluna qul olan” deyirdilər. Məlik Ayaz isə sufizmin saf eşqinə bariz nümunə idi.
Şah Abbas-Bəli, düz oxudunuz! Hələ şəkli də var, gədənin birini qucaqlayıb oturub. Deyir Abbas həm şərabı xoşduyurdu, həm də şərab gətirən oğlanları (öz aramızdır, ağzının dadını bilirmiş).
Fatih Sultan Mehmet-səni də unutmadıq! Radu Osmanlı sarayında sultanın bəyəndiyi xidmətçilərdən idi. O, servisə başlayandan sonra sultanın sevimlisi kimi ad qazanmışdı. Radunun qardaşını (Romaniyada hökmdar) məğlub edən Fatih, Radunu vassal kimi onun yerinə otuzdurur. Deyir ki, türklər özlərini bilməməzliyə vurur bu mövzuda.

7 əjdaha! 01.04.2020 16:30, ExlaqsızExlaqlı

#293390 şikayət

kefi pozan xırda şeylər

+10 əjdaha

Yaşımız keçdikcə ailəmizin etdiyi hər xırda şeyə əsəbləşib mız qoymağı tərgidirik. Ən azından mən tərgidirəm. Onların bizim üçün bəzən həyatlarını fəda etdiyini görüb dərk edirik. Dəyməz əslində, amma bu başqa zamanın söhbətidir.
Amma bir məsələ var ki, doğma xalqımda özünü yaman göstərir. Neqativi yığıb, yığıb üstümüzə boşaltmaq.
Əziz ailəm. Hər şeyə görə sizə minnətdaram. Pis və yaxşı, mənəvi iztirablarımın qurtaracağı günə çatacağıma inanaraqdan sizlərlə yaşayıram. Amma beynimdə bu dediyim iztirabsız dünyaya qovuşmağın yollarını ararkən bəzən it-bat oluram, kədərlənirəm, bunu da bacardığım qədər özümdə saxlayıram. Sonra siz də gəlib heç bir qlobal əhəmiyyət daşımayan iztirablarınızı üstümə qusub gedirsiniz. Eşitmişdim ki, Yaponiyada kiminsə yanında dərindən ah çəkmək mədəniyyətsizlik sayılır. Ah nə gözəl! Sanki bu millətin ah-naləsi bitmir axı. Bəs bizim dərdimiz yoxdur? Sizcə sizdən azdır? Niyə gəlib neqativinizi bizlərə yüklüyüb hələ bir reaksiya da gözləyirsiniz?!
Ölkəmiz dramadan bəslənir elə bil. Bəlkə də özlərinin diliylə desək “beş para etməz” türk dramaları buna görə ölkəmizdə belə məşhurdur? Nədir bu yersiz neqativin, dramanın kökü?
Niyə hamı əxlaqdan danışıb Bihtər öləndə ağlıyır? Yoxsa... bu xalqın ürəyindən bihtərlik eləmək keçir də, abır edib neqativ yığırlar?
Nə isə, mövzudan uzaqlaşdıq. Bir ev daxilində sənin draman sənə yetir və artır, fəqət bəzən məcburiyyətdən və azərilikdən doğan şərtlər bizi məcbur edir ki, bir bədəndə 4 nəfərin neqativini daşıyaq. Bəlkə ona görə biz xoşbəxt deyilik?

6 əjdaha! 31.08.2020 21:15, ExlaqsızExlaqlı

#303698 şikayət

sözlükdən soyuma səbəbləri

+11 əjdaha

Bəlkə ancaq mənə aid ola bilsə də, “dəyişək, inkişaf edək” devizinin həyatıma özümdən asılı olmadan giriş etməsi deyərdim mən. Düzü, 9-cu nəsil bir yazar olan mən aylar öncə yazdığım entrylərə baxıb şok keçirdirəm. ilahi, bunu mən yazmışam? Fəqət düşünəndə görürsən ki, bu təbiidir. Mən aylar öncəki mən deyiləm. illər öncəki “toy” mən heç deyiləm. Düşünürəm ki, bir zamanlar bura yazmaq üçün alışıb-yandığımız mövzular artıq bizə bayağı və maraqsız gələ bilir. Ona görə də soyuyuruq bu ana yuvamızdan. Adi bir misal, nikimin əxlaqsız əxlaqlı olması mənim aylar öncə içimdə gedən burulğanın və mənəvi böhranın yansıması idi. Əxlaqla məzələndiyim entrylərim göz qabağındadır. indi isə mən özümü yəqin ki karantindən dolayı qurumuş taxta kimi hiss edirəm. Yəni heç bir əxlaqa zidd hərəkətə meyllilik duymuram və bu da məni sözlükdən uzaqlaşmağa vadar edir. Fəqət qorxulu bir şey yoxdur. Əli güclə söz tutan bəzi yeni yazarlarımız da mənim kimi bişib çıxacaq və sözlük yenidən çiçəklənəcək. Mən də öz növbəmdə içimdə alışıb-yanan başqa bir burulğan tapacaq və o haqda münaqişə doğuracaq fikirlərimi sözlüklə bölüşəcəyəm. Hər saniyə dəyişib “evolve” etməyimiz məni valeh edir! Deyəsən çox poetik ruha büründüm axı mən... tezliklə “gəlin niyə qırmızı lent taxmalıdır” mövzusunda şit entrylər yazmağa həvəsimin yaranması diləyi ilə!

9 əjdaha! 08.08.2020 01:17, ExlaqsızExlaqlı

#302486 şikayət

vaqif dramı

+7 əjdaha

Səməd Vurğunun yazıb-yaratdığı dram. 1937-ci ildə heca vəznində yazılmışdır. Bir neçə məsələyə aydınlıq gətirək.
Vaqifin şorgöz olması ilə bağlı fikirlər əsassız deyildir, fəqət dramda öz əksini tapmamışdır. ibrahimxəlil burada mənfi, tarixdə isə, əsasən, müsbət obraz olmuşdur. ibrahimxəlilin-Qarabağ xanının Mircəfər Bağırov ilə müqayisəsi yersiz deyildir, lakin Səməd bəy özünün Mircəfərlə əlaqəsinə bu yolla haqq qazandırmaq istəmişdir. Xanın əsəbləşib özündən çıxdığı zamanlarda Vaqifin onu vəzir olaraq sakitləşdirdiyini təsvir edərək göstərir ki, guya Səməd də Mircəfərin yanında duraraq onu sakitləşdirir. Səmədlə bağlı fikirlər birmənalı deyil, ona inanıb-inanmamaq oxuyuculara qalır.
Əsərdə Vaqifin oğlu Əli bəy, Vaqifin arvadı, Şah Qacar və Təlxək kimi arada gəlib dəxilsiz cümlələr qurub qaçan obrazlar mövcuddur. Vaqifin oğlunun toyunda Vaqifin yeni gəlninə “aç üzünü, o örpəyi çıxar” kimi fikirlər səsləndirməsi, bəlkə də, vaqifin qadınlarımızı azad görmək istəməsindən irəli gəlir. Əsər boyu görürük ki, Vaqifin könlü kəndlilərin, adi çoban babaların yanındadır, fəqət vəzir olduğu üçün heç cür bu yerlərə tam qayıda bilmir. ibrahimxəlil isə əksinə, çoban və onunla eyni maddi çətinlikləri yaşayan insanların vəzirin oğlunun toyunda nə işi var, anlamır, əsəbləşir, tələsik qərarlar verir.
Vaqifin arvadı Xuraman əsərin ortasında şan-şöhrət, pul istəyərək ibrahimxəlillə əlaqəyə girir. Sonra deyəsən peşman olur və atır özünü pəncərədən aşağı. Məhz bu hissədə bir çox oxuyucu Vaqif üçün “əkdiyini biçdi” tərzində ifadələr səsləndirir, çünki Vaqifin gözünün gəzdiyi sirr deyildi və hər gördüyü gözələ şeir yazardı. Təbii, təqdir oxuyucuların.
Gəldik qana susamış Qacara. Bədbəxt qacara. “Qatır cinsisiniz, doğub-törəməz,” deyərək onsuz da ürəyi nakam Qacarı bir az da qəzəbləndirib Qacarın işğala keçməsinə şərait yaradırlar. Qacar da bir cür bədbəxtdi, həyatdan nə istədiyini axtararkən özünü qorumağa çalışan bədbəxt.
Əsərdə möhtəşəm dialoqlar gedir. Səməd bəyin qələmi burada oxuyucuları heyran qoyur.
“Şair, hökmdarın hüzurundasan!”
“Bunu sizsiz belə düşünürəm mən.”
Hökmdarın hüzurunda niyə əyilmədiyini izah edən Vaqif:
“Əyilməz vicdanın böyük heykəli!”
“Vicdan dedikləri bir həqiqətdir- beşiyi, məzarı əbədiyyətdir.”
“Görünür günəşə iştahan vardır?”
“Günəşdən gizlənən yarasalardır.”
Qacar Vaqifdən fars dilində yazmasını tələb edir. Hələ durub “ayağı çarıqlı kiçik bir ölkə Firdovsilər yaratdı bəlkə?” Deyə səslənir.
“Sizin güldüyünüz çoban torpağı Nizamilər, Füzulilər yetirmiş!”
Sonda qacarın planı yerinə yetə bilmir və hər kəs xoşbəxt olur. Təkcə deyişmə-dialoqlara görə oxunulması lazım olan sənət əsəridir.

5 əjdaha! 18.04.2020 11:49, ExlaqsızExlaqlı

#293968 şikayət

həzz verən şeylər

+8 əjdaha

Biri ilə tanış olub onu əldə edənə qədər dəridən-qabıqdan çıxmağın, whatsapp-dan saatlarca yazışmağın, o nəfərin laqeydliyinin birdən-birə marağa çevrilməsinin zaman içində şahidi olmağın. Və nəhayət onu ələ almağın. Bütün gün sənin profilində yatması, hər dəqiqə səni fikirləşməsi. Uzaq başı bir ay çəkən o həzz var a. McDonald’s əmi demişkən, Bax budur sevdiyim!

5 əjdaha! 23.03.2020 20:07, ExlaqsızExlaqlı

#293173 şikayət

heçözüdəbilmir

+6 əjdaha

Bilgini yazanda maraqlı hala gətirə bilən tək-tük yazardan biri. Sevilir bəyəfəndi(xanıməfəndi?)

4 əjdaha! 23.04.2020 23:50, ExlaqsızExlaqlı

#294337 şikayət

avataria

+7 əjdaha

Başıma gələn qorxunc hadisəni, nəhayət, paylaşmaq qərarına gəldim. Avataria facebook platformasında oynaya biləcəyimiz, fəqət anonimliyin qorunduğu bir oyundur. Bir avatar yaradırıq və real insanlarla ünsiyyətdə oluruq. Fəqət sən qarşındakının əsl yaşını, hətta cinsini belə bilmirsən. Mən bu oyun haqda eşitdiklərimi (türk mənbələri bar-bar bağırır) yoxlamaq üçün qız avatarı yaratdım. Qəşəng onu bəzədim. Apardım qızı kluba. Az sonra mənim oyundakı evimə sarışın, amerikansayağı bir gədə təşrif buyurdu. ingiliscə dediklərini tərcümə edirəm:
“Seks edək?”
“Burada etmək olur ki?”
“Hə. Tez soyun.”
Nə hikmətdisə avatarımı soyundurmaq oldu, bir də gördüm bu gədə lütlənib avatarın arxasına keçdi və... sonrası məlumdur. Düzü, gözlərimə inanmadım. Oyunda bunu necə məharətlə təsvir etməklərinə, gədənin işini görən zaman iyrənc şeylər yazıb göndərməsinə, hətta dərhal sonra oyundakı evindən məni qovduğuna dair bildirişin gəlməsinə mən inana bilmədim.
indi bir dəqiqə. Bu gədəyə razılıq verən mən idim və şükür edirəm ki, uşaq deyiləm. Dəhşətli bir təcrübə oldu mənim üçün. Uşaqların da bu oyunu oynadığını bilirəm və öz adıma, heç bir zaman uşaqların internetin çirkin tərəflərindən uzaq tutulub sonra real həyatda bu çirkinliklə daha çox əziyyət çəkməsinin tərəfdarı deyiləm. internetdi, o da görəcək, səhvi-düzü fərqləndirib böyüyəcək, bərkiyəcək. Fəqət bu başıma gələn qoy burada dursun. Oyunda belə şeyi nəinki uşağın, heç böyüklərin düzəməlli həzm edə biləcəyindən əmin deyiləm.

4 əjdaha! 01.05.2020 10:52, ExlaqsızExlaqlı

#294805 şikayət

olmaz

+6 əjdaha

Uşaqlıqdan bəri eşitdiyimiz söz. Analiz edək. Həqiqətənmi olmaz? Ya olmaz deyib oldurmaya bilmirlər?
Əsasən, uca valideynlərimiz deyir bizə bu kəlməni. Son zamanlar fərqinə vardım ki, heç də doğru bir yanaşma deyil. Sənin olmaz dediyin hər şeyi mən onsuz da edəcəm, gözəl anam. O gün evdə məndən qeyri övladın pivə istəməsinə anamın olmaz deməsi məni ayıltdı elə bil. Ay qadın, nəyi kimdən gizlədirsən? indi uşaqdır gizlədirsən, bəs əli pula çatanda necə? Anam olmaz demişdi deyib uzaq duracaq? Valideynlər buna inanacaq qədər safdırlar? Safdırlarsa niyə hər şeyi bilirmiş kimi davranırlar? Babam böyle pasta yapmayı nereden öğrendi? Ah, deyəsən mövzudan yayındım axı...
Olmaz anlayışını öyrətmək mütləqdir. Başqalarını narahat edən və incidən hər şeyin “olmaz” olduğunu uşağa başa sala bilərsən, bunu uşaq da dərk edəcək. Fəqət valideynlər yerlərini bilməli və uşaqları üzərindəki qüdrətin sonsuz olmadığının fərqində olmalıdırlar. Öpüşmək olmaz. Əlbəttə olmaz, əziz valideynlər! Ups, qızınız dünən kolluğun dibində min oyundan çıxmış ola bilər. Siqaret ziyandır, olmaz. Əlbəttə olmaz, amma oğlunuz çəkir, hələ bir üstündən ətir də vurur ki, qoxusu çəkilər bəlkə.
Xülasə, valideynlər olaraq yerimizi bilməliyik. Olmaz deyəcəyimiz hər şeyin cazibəsinin on dəfə artacağını dərk etməliyik. Araq ziyandır, oğlum, qızım, amma iç bax yenə də, desək dünya dağılmaz və o cazibə qüvvəsi birdən-birə sıfıra enər. Onsuz da böyük ehtimal yoxluyub maraqlarını öldürdükdən sonra növbəti macəranın axtarışına çıxacaqlar.

5 əjdaha! 17.04.2020 01:07, ExlaqsızExlaqlı

#293893 şikayət

yuxuda çoxdandı görmədiyin əzizini görmək

+7 əjdaha

Ancaq mənmi yaşıyıram deyə düşündürən şey. Artıq bir neçə ildir ki, davamlı olaraq məni narahat edir. illər öncə uşaqlığımı bir yerdə keçirdiyim şəxs xaricə köçdü. Onu o gündən bəri də görmürəm. Mənim üçün o şəxsin dəyəri çox böyükdür, çünki bir: əzizimdir, iki: mənə yaşatdığı hislər əvəzolunmazdır. Amma indi onu görməməyimin üstündən illər keçib və gün ərzində heç yadıma düşmür.

Bəs niyə hər gecə yuxuma girir? Niyə məni rahat yatmağa qoymur? Onu bir daha görüb-görməyəcəyimdən belə əmin deyilkən niyə yuxularımda mənə bu hisləri yaşadır? Apardığım araşdırmaya görə mən ondan sarı narahatam. Axı deyiləm. indi necə birinə dönüb, onu da bilmirəm heç. Görəsən sən də məni düşünürsən? Məndən sarı narahatsan? ikimiz də yuxularımızda uşaqlığımıza, dəli macəralarımıza geri dönürük?
Səni yuxularımdan necə silim? Səni bir daha görə bilməyəcəyim, görsəm də dönüşdüyün şəxsiyyəti tanıya bilməyəcəyim fikri bu yuxularımı mənə zəhər edir. Tərk et məni. Çıx fikrimdən.

5 əjdaha! 30.03.2020 14:00, ExlaqsızExlaqlı

#293336 şikayət

kindle unlimited

+5 əjdaha

Mənim kimi vəhşicəsinə kitab oxuyub orqazm olanlar üçün cənnət.
Ayda sadəcə 10 dollara dediyim platformanın bazasında olan bütün kitabları oxuya bilərsiniz. Birinci ay pulsuzdur. Platforma amazona məxsusdur.
Düzü ingiliscə kitabların pirat versiyasını oxumaq məni içdən-içə yeyirdi. Nə məndən pul çıxırdı, nə yazıçıya pul gedirdi. Fəqət indi bu problem həllini tapır. Ayda 10 dollara onlarla dildən kitab! Bu ki əladır!
Kitabları kindle tətbiqi və ya kindle cihazı vasitəsilə oxumaq mümkündür.
Onu da qeyd etməliyəm ki, kindle unlimited hal-hazırda ölkəmizdə fəaliyyət göstərmir. Əgər istifadə etmək istəyiriksə vpn vasitəsilə abş-a qoşuluruq, amerikalı profili yaradırıq, daha sonra normal kredit kartımızı daxil edə bilirik.
Kitabların netflixi! Yaşa! Çox yaşa

3 əjdaha! 10.01.2021 10:59, ExlaqsızExlaqlı

#316605 şikayət

bal

+7 əjdaha

Hamımızın möcüzəvi qida bildiyimiz bal elə də möcüzəvi deyilmiş. Oh bu necə olur?
Bir gün internetdə titulu adından böyük bir şəxsin yazısını gördüm: “bal elə şəkərdir dəə...” Axı yox, bu necə ola bilərdi? Bəs bizə öyrədilənlər? Onun içindəki min bir dərdə dərman minerallar? Həə... uzun araşdırmadan sonra aydın oldu ki, bal da, maple syrup dediyimiz ağcaqayın siropu da, ağ və qəhvəyi şəkər də “eyni bezin qırağı” imiş. Bal da şəkərdir, onu təsnif edərkən “added sugar” yəni əlavə edilmiş şəkər kimi götürürlər. Məcbur olub onu da qidamdan kəsdim. Hər gün ha onu yemiş, ha şəkəri, çox da fərqi yoxdur. Bəzi insanlar onun faydalarını misal çəkə bilər, fəqət çox deyildir. Hətta təkcə şəkər olaraq kateqorizə ediləcək qədərdirsə özünüz düşünün. Bunu da deyim ki, arılar özləri arıçılar tərəfindən şəkərlə bəsləndirilir. Bu da belə. Bal da getdi.
Axırda da sizə quote gətirirəm.
“At the end of the day, honey is simply a "less bad" sweetener than sugar and high-fructose corn syrup.” Healthline.

4 əjdaha! 06.08.2020 11:59, ExlaqsızExlaqlı

#302387 şikayət

savi

+6 əjdaha

Sözlükdə mənəvi kamilliyə doğru addım atdığını görüb sevindiyim bir yazar. Yaşının nisbətən az olmasına baxmayaraq, öz dilimlə desək, sözlükdə bişib çıxdı. Belə də olmalıydı. Həyatında ona uğurlar arzu edirəm. Nə isə, bura bir-birini saatlarla tərifləyənlərin toplaşdığı Zaurun verilişinə dönmədən uzaqlaşım.
Hörmətlə,
Səni, mənəvi kamilliyini və onları yansıdan entrylərini maraqla gözləyən və oxuyan mən.

5 əjdaha! 31.08.2020 11:08, ExlaqsızExlaqlı

#303671 şikayət

sözlük yazarlarının qorxuları

+4 əjdaha

Hördüyüm divarları yıxan birinin gəlib çıxması və sonra o divarları yıxdığıma məni peşman etməsi. Məndən soyuması. Məndən soyuması. Məndən soyuması. Mənim evləndikdən illər sonra sevdiyim kəsdən soyumağım. Elə bax bu məsələlərə görə uzunmüddətli ilişgi adamı olduğumu düşünmürəm. Bəzən də deyirəm ki, onsuz da qırılmış ürəyim bir dəfə də qırılsa buna rahat dözə biləcək qədər acı yaşamışam.

3 əjdaha! 25.03.2020 14:50, ExlaqsızExlaqlı

#293223 şikayət

bbc azərbaycanca

+5 əjdaha

Bu gün instagrama bbc yazanda təsadüfən gördüm ki, yerli səhifənin adı “bbc azəri” gedir.
istədim qayıdam ki, “azəri yox, qodux, azərbaycanlı türkü!” (Lol)

5 əjdaha! 23.09.2021 20:51, ExlaqsızExlaqlı

#337062 şikayət

Notice: Undefined variable: user_id in /var/www/soz6/sds-themes/vengeful-light/profile.php on line 1336

blok - başlıqlarını gizlət
Notice: Undefined variable: user_id in /var/www/soz6/sds-themes/vengeful-light/profile.php on line 1343

ExlaqsızExlaqlı

son bəyənilənlər:

oxuyucuların bəyəndikləri: