soyqırımı


    1. "Soyqırım cinayətinin qarşısının alınması və cəzalandırılması haqqında Konvensiya"da aşağıdakı kimi tərifi verilən hadisə:

    --spoiler--

    Bu Konvensiyaya müvafiq olaraq soyqırım hər hansı milli, etnik, irqi və ya dini
    qrupun qismən və ya bütövlükdə məhv edilməsi məqsədilə törədilən aşağıdakı
    hərəkətlərdən biridir:
    a) bu cür qrup üzvlərinin öldürülməsi;
    b) bu cür qrup üzvlərinə ağır bədən xəsarətlərinin və yaxud əqli qabiliyyətinə ciddi
    zərər yetirilməsi;
    c) qəsdən hər hansı bir qrupun tam və ya qismən fiziki məhvini nəzərdə tutan həyat
    şəraiti yaradılması;
    d) bu cür qrup daxilində doğumun qarşısını almağa yönəlmiş tədbirlərin həyata
    keçirilməsi;
    e) bir insan qrupuna mənsub olan uşaqların zorla başqa qrupa verilməsi.

    --spoiler--
    Təxmin edirəm ki, bu maddədə "məqsəd" sözü çox iş görür. Bunun kimi bir təşəbbüsün məqsədinin nə olduğunu necə təyin edə bilərik? Hadisənin birbaşa səbəbkarından soruşaraqmı? Hitlerdən soruşsalardı, əminəm, çəkinmədən məqsədinin yəhudi xalqını tamamilə yoxa çıxarmaq olduğunu deyərdi. Amma çox halda bu kafi deyil. Hansısa cinayətin məqsədini birbaşa cinayətkarın öz dili ilə təsdiq etmək bəs etmir, çünki həqiqətə yox, öz marağına uyğun cavab vermə meyilliliyi yüksəkdir. Soyqırımı məsələsində də məqsədin nə olduğunu təyin etmək çətin ola bilir.

    Hər şeyin sonunda bu konvensiya da, soyqırımı termini də hüquqi kontruksiyalardır, özü-özlərində məna daşımırlar. Sadəcə cəmiyyətlər ortaq bir qurma mənada bir fikir birliyinə gələrək bunları mənalı, real edirlər. Zatən reallıq biz dünyaya gələn anda verilmir, qurulur. Məqsədi təyin etmək üçünsə, bəyanatdan əlavə prosesə baxmaq lazım gəlir.

    Konvensiya:
    http://www.supremecourt.gov.az/uploads/files/konvensiya/soyqirim_cinayetlerinin_qarshisinin_alinmasi_ve_cezalandirilmasi_haqqinda_konvensiya.pdf
    Qeyd: Lüğətdə gördüyüm qədərilə sözün düzgün yazılış forması "soyqırımı"dır.


hamısını göstər

sən də yaz!