"Həyatımla bağlı pozitiv bir şey etməli və göydəki bir ulduza çevrilməli idim, bunun əvəzinə yerdə sıxılıb qaldım və yavaş-yavaş solub gedirəm. Həyatım mənasız hala gəlib və son zamanlarda sadəcə boş epizodlardan, anlardan ibarətdir. Ətrafımdakılar bunun fərqində olmaya bilər, amma mən bilirəm ki, fundamental bir problemim var. Əgər burda yazdıqlarımdan heç nə anlamırsansa, bunun üçün sevin."
wittgenstein-a (2023):
Həyatımla bağlı nəsə etməli və daha orijinal bir zehnə sahib olmalı idim. Bunun əvəzinə isə təkrarlanan fikirlərimin içində sıxılıb qaldım. günlərim anlamlı keçmədiyindən, zehnimin etdiyi tək şey anlamlı olanları ‘recall’ etməkdən ibarətdir.
Səni ilk tanıdığımda sənin kimi düşünmək, yaratdığın tərzdə fəlsəfi bir struktur yaratmaq istərdim. sənin üçün tolstoy-un gospel-i nə idisə, mənim üçün də sənin tractatus-un o idi. hədəfimiz sadə idi; məntiqi struktur üzərinə qurulmuş bir fəlsəfə yaratmaq, azad iradə, tanrı, varlıq üzərinə fikirlərimizi oturtmaq və sonra da hər şey yaxşı olacaqdı, elə deyil mi? sənin də bildiyin kimi, deyil. indi ən böyük qorxularımdan biridir; sən olmaq, sənin kimi duyğusal bir hala gəlmək, sənin kimi kainat içində “lost” hiss etmək.
“Fəlsəfənin hədəfi nədir?” sualına “dibdə qalmış milçəyə butulkadan çıxmaq üçün yol göstərməkdir” demişdin. ola bilər. fəqət fəlsəfə ilə yaxından uzaqdan maraqlanan hər kəs diqqət etməlidir ki, fəlsəfi konsepsiyaların üzərinə düşünərkən, yeni zehni strukturlar/konsepsiyalar yaradarkən; yəni milçəyə yol göstərərkən, fərd özü o “bottle”-ın dibində sıxışıb qalmamalıdır. emosional yetərsizliyi, təkrarlanan düşüncələri ilə ı'm thinking of ending things-in jake-inə çevrilməməlidir. əks təqdirdə quantum tunnelling-i, type theory-ni tamamilə anlayan, fəqət özünü anlamayan birinə çevrilirik və miserable bir hala gəlirik.
mənə elə gəlir ki, kainat hinduistlərin “lila” dediyi şeydən başqa bir şey deyil. və bu lila/yuxu/oyun çox qısa olmasına baxmayaraq, bütün cahilliyimizlə onu yenə də başqalarından və özümüzdən nifrət edərək keçirməyi bacarırıq. bu sürüşkənlik içərisində sabit bir şeylər axtarırıq və onlara tutunmağa çalışırıq. spotify playlistlərimizə, instagram profillərimizə, illərdir yaratdığımız mənliklərimizə tutunmağa çalışırıq. jung-dan oxuduğum bir şey idi; həyatın ilk yarısını sağlam bir ego inşa etməyə, sonrakı hissəsini isə o egodan qurtulmağa sərf edirik.
inan ki, daha yaxşı bir insan olmaq və daha yaxşı bir zehnə sahib olmaq üçün çalışıram. və bunların bir yerdə ortaq bir kəsişmə nöqtəsinə sahib olacağını ümid edirəm. və ümid edirəm, səninlə barışa bilərik və zamanla daha yaxşı, sağlam bir münasibətimiz olar.
(youtube:
)
![](https://cdn1.iconfinder.com/data/icons/silk2/control_play.png)