uni məsələsi

Salam dostlar. İzah edəcəyim vəziyyətim başqalarınkından biraz fərqlənir. Hər şeydən əvvəl onunla başlayım ki, orta məktəb vaxtlarımda çox oxuyan olmamışam, jurnalda qiymətlərim sırayla düzülmüş muncuqlar kimi 2 və 3 deyildi, adətən 4 və 5 idi amma inadkarlıqla oxumadığım dərslər var idi: riyaziyyat, az dili və s. bununla yanaşı olaraq çox həvəslə olmasa da oxuduğum dərslər də olub. Məsələn güclü əzbərçi idim deyə ədəbiyyat dərslərində şeirləri əzbərləyirdim, hətta uzun şeirləri sırf sinifdə cool olum deyə başından sonuna qədər əzbərləyib 5 alırdım. Ən əlaçı uşağımız belə mənim kimi əzbərləyə bilmirdi. Bundan fərqli olaraq ədəbiyyatın içindəki ixtisarlı romanları məni qorxutduqları üçün ya heç ya da pis, bəzən isə babat öyrənib danışırdım. Bunun səbəbi o idi ki, bu romanları öyrənməyin məntiqini qavramamışdım, elə bilirdim ki, bütün cümlələri əzbərləyib danışmalıyam, halbuki 5-10 dəfə oxuyub, kilid nöqtələri yadda saxlayıb danışmaq kifayət idi. Hər nəysə, ədəbiyyatdan başqa ən həvəslə oxuduğum yeganə dərs ingilis dili idi. O da ki, qrammatikanı öyrənərək yox, söz əzbərləyərək, mətin tərcümə edərək və s. 5 alırdım, günün sonunda isə öyrəndiklərimi unudurdum və bu templə davam edirdim. Bir sözlə ingilis dili dərslərindən 5-dən və yeni sözlərdən başqa heç nə qazanmadım. 7-ci sinifdə bir anda marağım söndü bu dilə (2 il əvvəl müstəqil şəkildə ingilis dilini öyrənməyə başlayıb orta səviyyəyə gəldim). 9-cu sinifə gəldikdə isə fırtına qopdu, yalan olmasın bir kəlmə də oxumadım, müəllimlər 3 və 4 ilə yola verdi. 10-cu sinifdə artıq dərs keçilmirdi, çünki hər kəs uni hazırlığına fokuslanmışdı. Mən həmin anda heç nə eləmirdim, onsuz da ailəmin də məni hazırlaşdıracaq maddi imkanı yox idi, tək başıma da edə bilməzdim, çünki məktəbdə oxumamışdım və bazam yox idi. Həmin vaxtlarda uniyə getmək hədəfim yox idi, həyatda da hədəfsiz idim, bir yandan da genetik xəstəliyim məni depressivləşdirirdi və həyat eşqimi əmirdi. 10-cu sinifdən əvvəl aydınlanma yaşadım və dərsdən kənar kitablar oxumağa başladım (o gün mənim üçün müqəddəs gündür), o andan etibarən oxumağa həvəsim yarandı, lakin uni həvəsim 2 il əvvəl oyandı. Artıq orta məktəb bitmişdi. İndi sözümün canına gəlirəm. Məktəb boyu uni hazırlığı üçün heç bir baza yaratmadım, buna görə də uni oxuyacağamsa mütləq hər şeyə sıfırdan başlamalıyam. İngilis dili biliyim 6 aylıq kurs oxusam uni imtahanından rahatlıqla keçə biləcəyim səviyyədədir, buraxılış imtahanında bəzi sualları çırtlamışdım (yekunda cavablarımın 60%-i doğru çıxdı, gözlədiyim performans deyildi, amma 1 ildir ki, tək başıma öyrənən biri olaraq pis də deyildi). Tək boşluğum az dili, tarix, riyaziyyat və ədəbiyyatdadır. Bunlardan məni ancaq riyaziyyat qorxudur, ona görə yox ki, beynimə girmədiyini düşünürəm, ona görə ki, ümumiyyətlə ədədlərlə aram yoxdur, amma yaxşı bir müəllimim olsa götürə biləcəyimə əminəm, sadəcə kompüter kimi işləyən bir riyaziyyat beyninə sahib olmayacam - buna heç ehtiyac yoxdur. Sizcə mən, məsələn 1 illik bir vaxt götürsəm bu müddət ərzində 5-ci sinifdən etibarən bütün mövzular üzrə hazırlaşıb imtahandan keçə bilərəm? Dediyim kimi xamlamışam, bazam yoxdur, əlavə olaraq orta məktəbi çoxdan bitirmişəm amma hələ də uni yaşındayam. Yeri gəlmişkən istədiyim ixtisas azərbaycan dili ingilis dili tərcüməçiliyidir, yanılmıramsa bu ixtisasın aid olduğu qrupda riyaziyyat ən əhəmiyyətli sualları təşkil etmir.