əsəb sakitləşdirici tövsiyələri
#sağlamlıqSalam. Mən artıq aylardır kaktus kimi gəzirəm. Normalda da çox sakit biri deyiləm amma son vaxtlar lap ağ eləmişəm. Ətrafdakı hər şey və hamı məni əsəbləşdirir. Hamını kobudlamaq, incitmək istəyirəm. Daha pisi özüm də kobudluq etdiyim an bunu bilirəm və bilə-bilə edirəm. Öz əsəbiliyimə də əsəbləşirəm və ikiqat əsəbiləşmiş oluram. Psixoloqa, psixiatra getmək xaricində tövsiyyələrinizi, favori əsəb sakitləşdirici dərman, metodlarınızı gözləyirəm.
1. şəxsən əsəbi olanda idman etmək məni sakitləşdirir. ya sakitləşdirici meditasiya tərzində ya da hər hansı bir döyüş idmanı ilə məşğul olmaq mənə çox kömək edir. gedirsən avtobusda/işdə dava elədiyin adamı, sənə yol verməyən maşının sürücüsünü, atanı filan fikirləşib qum torbasını döyəcləyirsən. nə bir sinir, nə də stress qalır, gül kimi qayıdırsan evə, özüdə fiziki yorğunluqdan sonra əsəbləşmək adamın yadına da düşmür.
birdə artıq xahiş eliyirəm, hər xırda şeyə görə dərman adı çəkməyin, kimliyindən asılı olmayaraq hamısı bədəni məhv eliyir.
3. keçən ili elə keçirmişəm mən də. boşdan olmur, hərhalda nəsə problemin var. detallara girmək nə qədər çox əsəb pozsa da eləmək lazımdı. biraz qurdalayanda görə bilirsən ki, artıq qozuna olmadığını düşündüyün məsələdən imiş. yorucudu amma otur fikirləş, nəyə əsəbisən? necə kökünə düşə bilərsən o məsələnin? nəyi öyrənsən artıq sualın qalmaz.
ya da başını burax 6-7 aya özü düzəlir.
postun sahibi
6. @4 səbəbini dəqiq bilmirəm. Amma istədiyim yerdəyəm hal hazırda.
Bu halın başlamasından öncə çox dəyər verdiyim birini itirmişdim. Və uzun depressiyadan sonra düşünməmək qərarı alıb unutdum saymışdım olanları. Deyəsən o məsələnin üstünə gedib özümlə üzləşməliyəm. Yazdıqca üstü açılır beynimdə.
7. yazdığımın heç bir xeyri olmayacağını bilə-bilə yazıram.
sən dediyin hal eynilə məndə 1-2 həftə əvvəl aylar sürəcək şəkildə davam etdi. ailəmlə dalaşdım, bir-birimizi incidəcək çox sözlər dedik, hətta mən əsəbdən o dərəcə çatlayırdım ki özümə bəddua etmişdim. kaş etməzdim deyirəm amma olmuşa çarə yoxdur. eynən sənin kimi əsəbi olduğumun fərqində idim və bunu bilə-bilə edirdim sırf içimdə qalmasın deyə. amma bir müddət sonra tamamilə susdum. bəli, sus. lazım olsa, içinə at, öt və keç.
kiməsə əsəbiləşmisən, sənin əşyalarına toxunulub, sakit və sözlərin ağır olacaq şəkildə danla məsələn. inan, o hərəkət bir də edilməyəcək sənə qarşı.
əsəbiləşdin, içində böyük bir alov əmələ gəlir və onu püskürmək istəyirsən. dərin nəfəs al, burax. öz-özünə fikirləş ki, əsəbim bununla da getdi, heç bir problem yoxdur.
bir də, həmin o əsəbi olduğun, qışqırdığın anda 3-cü şəxs olub qıraqdan özünə baxmağa çalış. həmin o əsəbi sifətini və nə qədər çirkin, hörmətsiz -bəli, hörmətsiz- olduğunu təsəvvür edib özünü əsəbdən iyrəndir, çəkindir və əsəbi özünə düşmən et.
bunların hamısı psixoloji cəhətdən özünü düzəltməkdir. psixologiyan düzəlməyəcəksə nə qədər stressini bir müddətlik vurub-qırıb uzaqlaşdırmağa çalışacaqsansa, o qədər tez gəlib tapacaq səni.
8. Əsəbi olduğun, kobudluq etmək istədiyin şəxslərə demək istədiklərini kağıza yaz ya da öz-özünə onlara deyirmiş kimi eləyə də bilərsən.
Hirsini, emosiyalarını boşaltdıqdan sonra obyektiv şəkildə nə deyib nə etməməli olduöunu görərsən beləcə.
16.09.2020 mesaj izlə Googlla