abituriyentlərə məsləhətlər

1. ixtisas az saytına girib ixtisaslar barəsində ətraflı məlumat ala bilərsiniz

2. @1 , təşəkkür edirəm. amma sırf bu ixtisasda çalışan birindən məlumat almaq istəyirəm.

3. 3-cü ixtisas qrupunu seçən biri üçün riyaziyyatın zəif olması problemli deyil,bu qrupu seçənləri birləşdirən ortaq dəyər elə budu.Özümdə bu ixtisas qrupunda hazırlaşmışam və indi tələbəyəm.Hüquq düşünürsənsə əgər tövsiyəm Gömrük Akademiyasını və ya Polis akademiyasını seçməyindi.BDU da hüquq seçib özünü korlama və hüquq olmazsa imkan(maddi vəsait) və həvəs varsa şərqsünaslıq seçə bilərsən universitetlərdə müəllim,və ya tərcümə işləri apara bilərsən turizmdə də iş imkanı olan sahədir.Filologiya barədə tək onu deyim ki ömrün boyunca bezmədən oxuyacaqsansa get.Tək bir semestrdə 7 dastan öyrənməyin tələb oluna bilər.Tərcüməçilik ixtisası seçərkən isə azərbaycanda təlabatın olduğu lakin az adamın başı çıxan dillərə yönəl,yada bir başa elə xarici dilə fokuslanki gedib o ölkədə yaşaya biləsən.Uğurlar əziz dostum,hörmətlə

4. @3 , təşəkkür edirəm, müəllim!

5. Salam.
Mənim riyaziyyatım 10-cu sinifdə və 11-ci sinfin başlarında yaxşı deyiləcək qədər olsa da, karantin müddətində çox zəiflədim, hətta deyə bilərəm ki, buraxılışda da bərbad yazdım.

Riyaziyyatdan zəif yazacağımdan adım kimi əmin idim, lakin ümidsizliyə qapılıb özümü ruhdan salmadım. Digər fənlər üzərində çox dayandım, yüksək balı da onlardan yığdım. Yəni, belə düşünmək az da olsa, kömək edə bilər.

Amma sən də mənim kimi riyaziyyatın gözünü vurub kor etmə, imkanın varkən üzərində çox çalış.

@diplomat'ın da dediyi kimi, hüquq seçəcəksənsə, bdu seçmə. Aviasiya akademiyası zənnimcə, daha prestijlidir.

6. minnətdaram!

8. 2ci qrup dediyiniz şeyə 6 il əvvəl hazırlaşdım 552 balla daxil oldum bitirdim.bu qrupda hər şey iqtisadiyyata bağlı ixtisaslardır yəni hansı fakultəni oxusan axrı menecer,mühasib və ya maliyyə sahəsində işləyə biləcəksən.dövlət işi istəyirsənsə də yenə bu sahədə imkanlar pis deyil amma tərcüməçilik mənim istədiyim ixtisas idi 3də amma ədəbiyyat və azərbaycan dili fənninə görə o qrupu seçmədim.kaş seçəydim indi fransız dili və ya alman dili üzrə mütəxəssis olsaydım həm yaxşı pul qazanardım həm də özümə xoş olardı

9. Məndə 3-cü qrupa hazırlaşıram bro, bizləri birləşdirən ortaq cəhət riyaziyyatı zəif bilməyimizdi. bu arada mənə şəxsiyə yaz məsləhətləşək

10. Qardaşım, riyaziyyatı hiss eləməlisən, elə bil qanunauyğunluqdur, təbiətdir, məntiqdir, dərs mənə kayf verir

12. orta məktəb riyaziyyatını o qədər də problem etmə və gözündə böyütmə. çalışıb həll olunacaq şeydi, hər ortalama zəkada biri üstəsindən gələr sadəcə çalışmaq lazımdı

uğurlar)

13. Huquqi isteirsense amma artiq asagi bal olan ixtisaslari da arashdirirsansa senin kitabin baglandi mence. Huquqa muveffeqiyetle qebul olanlarin hamisi basqa gozu hecne gormeyen gicler olub hemise men belerini gormusem :d cox cetindi ora qebul olmag ona gore ora isteirsense basqa secim dusunmursen ancaq o. Menim gorduyum insanlar bele olub elbette sende basqa cur de ola biler. Heves qirmaq kimi basa dusme. Sirf girmek rahatdi deye menasiz yerlerde oxumayin. Dogrudan hec deymez. Umumiyyetle men huquqa da menasiz baxiram. Bu qeder huquqshunasi hara soxacaq bu azerbaycan. Adi var sadece. Qorxuya geldikde inan mene imtahana girdin uzagi 10 dqe panika ola bilersen derin nefes al suyunnan ic. Sonra birden deyir adam ozune pox bele ishe uje geri donus yoxdu. Ne oldu oldu. Oturursan yazirsan. Cunki artiq ordasan basqa caren yoxdu. Ele bunu basha dusende hersey yaxsi olur. Sadece ozune icaze ver de ki sehv edeceyemse edim hec vecime de deyil. Ozune qadagalar qoysan 100 faiz bashina gelecek. Yadda saxla panic dies calm lives

14. bdunun filologiyasından xeyir gəlməyəcəyinə əmin ola bilərsən. gözümün qabağında oranı bitirən onlarla məzun var. iş tapmağına tapırlar. kurslarda-filan müəllim işləyə bilirlər. bir az çalışqanları lap yaxşı yerlərə də düzələ bilir, yaxud evində uşaq hazırlaşdırır-filan. amma bir qəpiklik dərs keçmirlər. ancaq neçə yüz səhifəlik əsərlər, ancaq əzbərçilik, ancaq tələbəni oxuduğu ixtisasdan necə soyudabilərikçilik. sonra magistr oxuyanlar da eyni keyfiyyətsiz dərslərlə başlarını hərləyirlər. özünü heyif etməyən və nəyə layiq olduğunu bilən insanlar üçün cəhənnəmdi, bir sözlə. amma moskva dövlət universitetinin bakı filialı bombadır filologiya üzrə. dərs yükü çox olsa da, bilirsən ki, elm öyrənməyə gəlirsən və bunun bəhrəsini görəcəksən. rus sektor olmayanlar ora daxil ola bilirmi, bilmirəm.

3-cü qrup üçün tərcüməçilik də əladı, dillərdə filan orta hesab edilə biləcək dərəcədə keçirlər. amma sənə məsləhətim dil öyrənmə qabiliyyətin yaxşıdırsa, ispan, fransız, yaxud koreya dilinə yönəlməyindi (tərcüməçilik, yaxud filologiya). heç birindən anlayışın yoxdursa, ilk vaxtlar çətin ola bilər, amma əlavə dil öyrənib onu təkmilləşdirirsən də 4 il ərzində.

3-cü qrupa hazırlaşmış biri olaraq məsləhətlərim bunlar ola bilər. hüquq üçün bduya gəlmə, pulsuzuna da düşsən, onsuz, illik ödənişin yarısını konspektlərə, kitablara, sərbəst işi pulla yazmağa çalışan müəllimlərə verəcəksən.

ürəyini sıxma, universitet söhbətləri stress olub indidən mental stabilliyini pozmağa dəyəcək bir söhbət deyil. hələ azərbaycanda təhsil heç dəyməz ha. ona görə rahat ol, ağlında müəyyən fikir yoxdursa belə gör nə qədər vaxtın var hələ. yaxşı və ağlına yatan bir yer tapacaqsan da, qəbul da olacaqsan, sağ-salamat da oxuyub bitirəcəksən. bir də yöndəmsiz diplomdu da düşmüşük onun zibilinə. uğurlar!

15. Riyaziyyat gözünü qorxutmasın, men de berbat riyaziyyatla 2. Qrupa hazırlaşıb babat bal yığmışdım, her şey riyaziyyatla bitmir, o biri derslere fokuslan. Bütün effordunu riyaziyyata töküb digerlerini yarım yamalaq öyrenme.

16. dostum, az dilindən 35 bal yazan biri kimi deyim ki, mən də az dilin anlamırdım :d. mən az dilindən 35 bal yazdım, çünki oxumurdum. çətin idi? əlbəttə, yox. graviton demiş: "orta məktəb riyaziyyatı asandır". az dilindən 35 bal yazan riyaziyyatdan 95 bal yazıbsa, deməli, sənə də ümid var. bu da məndən sənə 100 bal taktikası.

deməli, qoyursan testi bir res yazırsan. 100 dənə sualdı çıxdı 15 səhvin düzdür? ay sağ ol işarələyirsən imenni o səhvləri. ilin axırına kimi toplunu ən azından bir dəfə bitirəcəksiz hə nə edirsən? ikinci dəfə başlayanda bax o işarələdiyin səhvləri yaz. bizə deyirdilər ki, ən az mən yazacam zırt-pırt belə baxanda pis yazmamışdım. 500+ taktikası budur mənim üçün hər fənnə də keçir.


bir də nə olsun? məndə də öləcəyim qorxusu var, amma yaşayırıq da)). kef elə, ürəyini sıxma.

17. Başlamadan deyim, şərqşünaslıq ikinci ixtisas qrupundadır, bütün regionşünaslıqlar kimi. Üçüncü qrupa hazırlaşan sinif yoldaşlarım, yaxınlarım hamısı riyaziyyatdan dad eliyirdi, belə pis çıxmasın, buraxılışda da 30-40 arası topladılar. Mənə görə riyaziyyat insandan asılıdır, hazırlıqda birinci, ikinci qrupa hazırlaşıb bu fəndən heç nə anlamayan uşaqlar vardı. Riyaziyyat elə fəndir ki, başına girmirsə, özünü öldürməklə 60-70 yiga bilərsən, amma mən bunu deməzdim. Bayaq dediyim 30 yığan digər fənlərdən yaxşı yazib 525 bal toplamışdı. Yəni sırf riyaziyyata görə qorxma, o biri fənlərdən özünə əmin olduqdan sonra problem qalmayacaq.

18. 3-cü qrupa hazırlaşırsansa, nə edirsən et, amma hüquqa qəbul olmağa bax. Boş-boş "hüquq nədie, hüquqda iş yoxdu" deyənlərə də qəti qulaq asma. Bugün sən əlindəki hüquqşünas diplomu ilə vəkil də ola bilərsən, ədliyyədə də, məhkəmə də, prokurorluqda da, gömrükdə də, özəl şirkətlərdə də işləyə bilərsən, heç birini edə bilmirsənsə, balaca bir ofis götürüb hüquq məsləhəti verməyə başlayarsan, oradan yüksələrsən, o da olmadı xaricə çıxarsan. Hüquqda onlarla ayrı sahə var, mülkisi, cinayəti, ailəsi, kommersiyası, beynəlxalqı vəs. - sırf bunlardan birində belə akademik kariyeranı davam etdirsən oradan çörək qazanarsan. Hə, yox əgər saydıqlarımdan heç birini edə bilmirsənsə türklər demiş "kusura bakma" ancaq bu hüququn günahı deyil, sənin səriştəsizliyindi. Təbii ki, hər şeyi də verilən təhsildən gözləməmək lazımdı.

Əgər bakı dövləti bəyənmirsənsə, gömrük akademiyasına və ya aviasiyaya qəbul olmaq üçün də çalışa bilərsən, ki bu yerlərdə verilən hüquq təhsili də olduqca keyfiyyətlidi (yəni azərbaycan standartlarında). Aviasiyanı deyə bilmərəm ancaq gömrüyün akademiyasında pul keçmir, 4 ildi burdayam, 1 nəfər belə pulla qiymət yazdıra bilməyib, oxumasan kəsilirsən qurtardı getdi. Təbii ki, hər bir universitetin də özünün mənfi cəhətləri var, ancaq burada mənim çatdırmaq istədiyim odur ki, sən çalışsan, oxusan, onun nəticəsini də görəcəksən.

Əlbəttə hüququn da mənfi cəhətləri yox deyil. Ödəniş yüksəkdi, oxuduğun müddətdə də gərək babat xərc çəkəsən - kitaba, konspektə, ona, buna. Rəqabət yüksəkdi, gərək özünü göstərə biləsən, çox çalışasan. Gərək Dərsləri əzbərləməyəsən, yoxsa başın xarab olar, əsas məsələni anlayıb tətbiq etməyi bacarmalısan. Birinci kursda təkərə düşmə ehtimalın yüksəkdi- "mən haradayam, nə edirəm?" Deyə özünə suallar verəcəksən.

Nəticə olaraq: il boyu çalış və zəif olduğun yerləri düzəlt, onsuz da orada sənə riyaziyyat lazım olmayacaq, sadəcə körpünü keçənə qədər. Deyirsən digər fənnlərdən əla səviyyədəyəm, demək ki, potensialın var. Ümid edirəm, bunu yüksək səviyyədə dəyərləndirərsən.

19. hamınızı öpürəm əmilər , xalalar, dayılar,bibilər. var olasınız!