Maddi vəziyyət oğlanlar üçün problemdir mi

Salam. Qərarsız qaldığım məsələ ilə bağlı məsləhət almaq istəyirəm (əsasən oğlanlardan). Aylıq ortalama gəliri olan bir ailədənəm. Maddi vəziyyətimiz əla sayılmaz. Bir neçə aydır kursa gedirəm. Kursda bir oğlan var, onunla tanış olduq (sonradan gəlmişdi). Dost, tanış kimi bir neçə dəfə görüşmüşük, səmimi biridir. Belə bir vəziyyət var ki, münasibət tanışlıqdan da növbəti mərhələyə gedir artıq (özüm hiss edirəm və ya o yöndə danışır bəzən). Özü ilə söhbətim çox yaxşı tutur. Xarakteri də uyğundur. Amma problem etdiyim hissə maddi vəziyyətlə bağlıdır. Maddi vəziyyəti təsəvvür edin məndəkinin 2-3 qatıdır. İmkanlı ailənin övladıdır. Mən bunları bilmirdim, çünki söhbət açılmayıb, maddi vəziyyətlərdən danışmamışıq və ya mən soruşmamışam. İndi də özü deməyib, təsadüfən öyrəndim. Ağlımda bəzi suallar var. Düşünürəm ki, aşağı durumda olan birisi ilə bəlkə münasibət qurmaq istəməz, olar mı ki, irəlidə bu vəziyyəti üzümə vursun? İndi yanında əvvəlki qədər rahat ola bilmirəm, nədənsə çəkinirəm. Qarşı tərəfə nəsə aldıran tip deyiləm, gedək bura dediyi məkanlar da məni aşır. Ailə, maddi söhbətlər etməmişik. Sizcə uzaqlaşmalıyam mı? Bir tərəfdən də həqiqətən insan olaraq xoşuma gəlir

#digər gizli 18.05.2024 izlə Google

1. Bir çox qızdan fərqli olaraq, bir çox oğlan əks cinsin maddi məhdudiyyətini önəmli bir faktor olaraq qərarvermə mexanizminə daxil etmir canım. Raat ol..

gizli @92935

2. insan olarağ xoşuna gəlirsə maddi vəziyyəti çoxda önəmsəmə ,əgər bir münasibətiniz olacağsa məncə bu mövzuları bir-birinizlə müəyyənləşdirməlisiniz

s7r4x @92936

3. ona süpriz olmaması üçün, həm də ayaqlaşmaq baxımından məncə bəlli edə bilərsən.

biz adamın xasiyətinə bələd deyilik, ola bilər ki sənin dediyin kimi biri olsun, ya olmasın

ancaq bildirib, müşahidə etmək olar

ares @92960

4. Maddi vəziyyətini sənin üzünə vurub-vurmayacağını yalnızca özün bilə bilərsən. Ətrafdakı daha az gəlirli insanlara necə davrandığına bax. Pulu ilə öyünürmü? Necə davranır aşağı təbəqədən insanlarla olanda?

Qaldı ki, maddiyyat fərqinə, bu şey sənin keysində mahiyyət daşımır. Çünki təbiətimiz gərəyi, kişilər təmin etmək (provide) meylində olur. Yəni hər oğlan sevgilisinə, hər kişi yoldaşına hər şeyi təmin edə bilmək istəyir və bu gücdə olmasından xoşbəxtlik duyur. Yəni sənin maddi gücünün ondan aşağı olması oğlan üçün heç bir problem deyil, önəmli olan onun özünün hisslərinin olması və xoşbəxtlik hiss etməsidir. Əgər tərsinə olsaydı, hə onda müəyyən problemlər yaşanır. çünki oğlan yanındakı qızın ondan daha yüksək gəlirdə və statusda olmasından özgüvənsizlik duya bilir.

Hə, əgər sən özün bundan xoşlanmırsansa, bunu o qaqaşla danış. Əgər çoxlu hədiyyə alsa, çox bahalı yerlərə getsəniz, hər dəfə hesabı ödəsə, o zaman ona bildir. Bildir ki, çox şey istəmirsən, hesab veriləndə təkid elə ki, bu dəfə sən verəcəksən və s.

Düşünürəm ki, uzaqlaşmağa ehtiyac yoxdur. Əgər hisslərin varsa, axıra kimi get. Dil ünsiyyət üçündür. hər şeyi onun özüylə danışaraq yoluna qoymağa çalış. Başqalarının fikirlərini al, Amma dediyim kimi, mütləq şəkildə(!) bütün bu mövzuları və qəlbindən keçənləri onun özüylə açıqca danışmamış uzaqlaşma. Həm özünə, ən əsası da, o oğlana pislik etmiş olarsan.

Uğurlar, ümid edirəm xoşbəxt olarsınız.

Bertrand Zobrist @92962

sən də yaz