Pul yığılmalıdır mı xərclənməlidir mi
#digərSalam. Özümü necə açıqlayacağımı tam olaraq bilmirəm, amma ümid edirəm başa düşərsiniz. Sualı bura yazmaqda məqsədim sizin təcrübələrinizdən, həyat yolunuzdan faydalanmaqdır. Mən materialist insan idim hər zaman. Ev, maşın, mülk və s. üçün çalışardım, sözün əsl mənasında yeməkdən içməkdən qalar, qəpik-qəpik yığardım irəlisi üçün. Amma son zamanlarda özümlə ziddiyyət yaşayıram. Düşünürəm ki, 1 dəfə gəldiyim bu dünyada bu qədər maddi, material şeylər mənə nə qatacaq? Tamam, ola bilər ki, 40-50lərimdə çönüb həyatıma baxanda nə qədər mülküm olduğunu görəcəm, amma 3-5 parça şeyə görə sizcə əyləncədən, həyatı yaşamaqdan qalmaq olar mı? Hər şeyin başını buraxıb səyahətə çıxmaq, ölkə-ölkə, şəhər-şəhər gəzmək, heç bir şey yığmaq istəmirəm (maddi). Amma irəlidə peşman olmaqdan da qorxuram
1. Bu yazıda özümü gördüm. Məncə biz balansı saxlaya bilmirik. Daha çox pul yığıb əyləncədən də kənar qalmaq düzgün deyil, həmçinin daha çox əylənib kənara pul atmamaq da. Bu ikisi arasında düzgün bölgünü apara bilən insanların həyatı daha maraqlı və fərah keçir. Mən özüm də sizin kimi 10 il sonranı fikirləşib indiki günümü məhv edənlərdənəm. Çalışıram ki, bu xasiyyətimi dəyişim, amma hələ də alınmır. Fikrimcə, buna təsir edən faktorlardan biri də məsuliyyət hissinin yüksək olması və buna bağlı olaraq həyatı çox ciddiyə almağımızdır. Amma nə fayda, məsləhət vermək asandır, gəl ki əməl eləmək çətin.
Keçmiş keçmişdə qalıb, gələcək baş verməyib. Ancaq bu an var, ona görə çalışıb bu anın qədrini bilək.
12.07.2024 cins: kişi
mesaj izlə Googlla