axtardığım bir neçə film

deməli uşaq vaxtlarımda (90-ci illər) televizorda ordan burdan bəzi səhnələrini gördüyüm və yadımda qalan filmlər var, amma tapa bilmirəm adı filan nə idi. chatgpt, gemini-dən də soruşdum istədiklərim çıxmadı.

1. bunu bəlkə də əvvəllər başqa başlıqda yazmışam, təkrar olarsa üzrlü sayın. terminator ya da universal əsgər tipli bir adam var idi. filmin başında uzaqdan şəhər mənzərəsi kimi bir səhnə çıxır. uzaqlaşdıqca bunun əslində metal bir insan qolu olduğunu görürük. sonra bunun üstünə xüsusi bir maye, ya da duru xəmir kimi bir şey tökür və quruyub dəri formasını alır. əsgər kimi bir adamdır, bununla dost olan və ona kömək edən 14-15 yaşlarında bir oğlan da var idi. filmin sonunda bu oğlanın əməliyyatı vaxtı şəhərin işıqları hansısa səbəbdən kəsilir. həmin bu yarı metal adam gedib qırılmış elektrik xəttini əlləri tutub birləşdirir və oğlanın əməliyyatı davam edir. bu bu qədər.

2. digər film isə çin istehsalı idi deyəsən. başında konus formasında, çinlilərin o məşhur papağı olan bir oğlanın dağdan tullana-tullana aşağıya düşdüyü bir səhnə yadımdadır əsas. dağı əvvəl uzaqdan göstərirlər. yaxınlaşdıqca həmin oğlanın aşağı düşdüyü görünür. daha sonra da meşəlik kimi bir yerdə bir dəstə adamla dalaşır. səsləri meşədə əks-səda verə-verə slow-motion şəklində çəkilib bu səhnə. ceki çan və ya brus li ola bilər, olmaya da bilər