irəli getmək istəyirəm, amma hansı yolla?
Hazırda 3 ildir mühasib kimi işləyirəm. Maliyyə üzrə ali təhsil almışam, UNEC maliyyə bakalavrı (qırmızı diplom). Yaşım 24-dür, aylıq 800 AZN maaş alıram. Təcrübəm var, amma hiss edirəm ki, bu hələ dərin və keyfiyyətli səviyyə deyil.
Əsas məqsədim karyera baxımından düzgün yol seçməkdir. Hazırda bir neçə variant arasında qalmışam:
1. ACCA yolu
İllik ödəniş edib yenidən Financial Accounting (F3) imtahanı vermək, sonra digər fənləri ardıcıl almaq. Gələcəkdə Big4 şirkətlərində işləmək, daha sonra isə xaricdə karyera qurmaq istəyirəm.
İngilis dilim yaxşıdır, demək olar ki, hər gün üzərində işləyirəm. Ancaq ACCA kifayət qədər bahalıdır, üstəlik F3-də ciddi xərcim çıxdı. F1 və F2-dən isə exemption almışam.
2. Xaricdə magistr təhsili
IELTS və təqaüd proqramlarına müraciət edib xaricdə oxumaq və işləmək variantı. Amma burada məni düşündürən əsas məsələ ailə vəziyyətidir — maddi və mənəvi baxımdan ailədən uzaq qalmaq risklidir.
3. Milli sertifikatlar (PMS, MHBS)
Bu istiqamətə də baxıram. Bacım da mühasibat və menecment üzrə oxuyur və bu sertifikatlara hazırlaşmaq istəyir. Mənim tərəddüdüm odur ki, bu sertifikatlar əsasən yalnız Azərbaycanda tanınır.
4. Tam fərqli sahə – IT / backend
Qardaşımla birlikdə backend sahəsinə yönəlmək variantı var. O, IT üzrə təhsil alır. Amma sıfırdan başlamaq və qısa müddətdə gəlir əldə edə bilməmək riski var.
5. Alternativ təkliflər
Bəlkə də düşünmədiyim, amma daha məntiqli bir yol var.
Əlavə olaraq qeyd edim ki, ailənin böyük övladıyam. Atam vəfat edib. Hal-hazırda anamla birlikdə ailəni dolandırıram. Təəssüf ki, anamın da sağlamlıq problemləri var və bu məsuliyyət mənim üzərimdədir.
Özümə qarşı da bəzən tənqidi yanaşıram:
ertələmə problemi, diqqət dağınıqlığı (ADHD ola biləcəyi fikri), gec qavrama, məntiqdə zəiflik kimi düşüncələr olur. Bəzən bunların bəhanə olduğunu da düşünürəm, amma fakt odur ki, öyrənmə prosesində çətinliklər yaşayıram.
Bu vəziyyətdə olan biri üçün daha rasional, real və uzunmüddətli baxımdan doğru karyera yolu hansı ola bilər? Təcrübəsi olanların fikirləri mənim üçün çox dəyərlidir.
2. Yazdıqların çox realdır, bu mərhələdən keçən adam az deyil. F3-dən kəsilmək uğursuzluqdur, amma 48% o deməkdir ki, mövzuya tam yad deyilsən. ACCA-nı tam buraxmaq yox, yavaş tempdə (ildə 1 fənn) davam etdirmək daha məntiqlidir. Xaricdə magistr hazırkı ailə məsuliyyətləri ilə risklidir, onu sonraya saxlamaq olar. Milli sertifikatlar (PMS/MHBS) isə qısa müddətdə praktikanı və maaşı artırmaq üçün yaxşı pillədir. IT sahəsi isə bu şərtlərdə çox risklidir. Məncə ən rasional yol: indiki sahəni gücləndirmək, stabil gəliri qorumaq və paralel olaraq ACCA-nı tələsmədən davam etdirməkdir.
isaac newton @97097
postun sahibi
4. PMS sertifikatı üzrə MHBS üzrə kursu baxdım. Normalni qiymət dedilər. Baş mühasib də deyir ki, o çətindir, yenidən F3 və F7 hazırlaş. Amma illik və imtahan pul o deyil dr. Burada görmüşdüm, heç bir f olmayib imtahan da keçib. Big 4 işləyənlər var. Bu yöndə nə kimi məsləhətlər görürsünüz.
adsızyazar @97104
6. belə bir tövsiyə verə bilərəm. Alman dili öyrənib, daha sonra ausbuilding ilə gedə bilərsinizmi? Həm oranın milli mühasibatlığı öyrənə bilərsiniz, həmdə alman dili ilə təhsil alıb. Orada qalıb işləyə bilərsiniz. Amma Almaniyada yaşayan şəxlər sözlükdə bu mövzuda məsləhət versə gözəl olar. Bilmirəm, almaniyada vəziyyət necədir.
gizli @97107
postun sahibi
8. İngilis dilinə indiyə, indi özündə çox zaman sərf etmişəm. Ölkə də qalmaq istəmirəm. Xarici yoxlamaq istəyirəm Amma qorxum var. Tək başına bacara biləcəmnmi?
adsızyazar @97110
postun sahibi
9. Hey, guys, sizin fikirlərinizi dəyərləndirirəm. Amma bir qorxum var ki belə getsə karyeramda düz əməlli olmayacaq. Gecə gündüz İngilis dilində videolar baxıram. Dinləyirəm, öyrənirəm. Bundan başqa ixtisasımla əlaqədar mütaliələr edirəm. Sonra elanlar və vakansiyalar baxıram. Tələblər və əmək haqqı arasında olan uçurumu görürəm. İstəyirəm ki, fərqli sahə keçim görürəm ki bu qədər şey heç edib, 25 yaşından sonra başqa sahəyə? Hansı sahə? IT getsəm, 0dan birisi üçün 2 il azı gedir. Bir yanda Ai inkişaf edib. Beynim qarışıqdır və özümü tənha hiss edirəm.
adsızyazar @97116
postun sahibi
10. Bilmirəm, niyə belə dir. Sanki Azərbaycan da qabağa gedə bilmirəm. Bu qədər işləyirəm, amma karyera yüksəlişi və həyat rifah bu ölkədə mənim kimi olanları mı çətindir.? Çünki keçəndəfə burada bir nəfər yazmışdı. Xaricdə işləyən birisi 0 dan olsa belə yüksələ bilir. (İnkişaf etmiş ölkələrdə). Nələrsə əldə edir.
adsızyazar @97117
11. sənin kimi azərbaycanda karyera yüksəlişi üçün çalışırdım 2020ci ildə, sığorta şirkətində sonra dövlət şirkətində işlədim, hərəsində ayrı faktorlar məni soyutdu vaxtı ikən həvəslə başladığım bu yoldan amma bir əsas səbəb var - dəyər yaratmama, hər gün işə gedib gəlib maaş vəzifə artsa da işə getməyə həvəsim get gefə azalırdı.. cfa oxuyub öyrəndiklərimin heç biri heç kimə maraqlı deyildi, amma niyəsə işə girəndə mənə oralardan sual cavab etdiklərini xatırlayıram, mən kənardan - linkedindən çox cool görünən insanların kabinetlərində olanda söhbətlərinə, işlərinə baxanda soyudum bəlkə də karyeradan, illuziya kimi gəlməyə başladı bütün bunlar, mən problemi olduğum yerdə gördüm, biraz haqqlıymışam, inkişaf etmiş ölkədə həm resurs çoxdu, həm imkanlar çoxdu, görülən işlər həm dəyər və “impact” yaradır ki bakıda gördüyüm işlərin kağızlardan kənara çıxdığını görməmişdim.. nəsə mən ölkədən çıxdım magistr sonra da qalıb işləmək yolu ilə, amma bakı üçün bəlkə də bakı üçün yox xatirələri üçün darıxırsan, bəlkə də hamı elə deyil amma riski nəzərə almaq lazımdır, xüsusən də depressiv (soyuq) avropa ölkəsinə köçürsənsə
gizli @97140
postun sahibi
12. @97140 Çox sağ olun. Yazdıqlarınız mənim yaşadıqlarımla xeyli üst-üstə düşür. Siz hətta CFA almısınız — bu, doğrudan da çox böyük uğurdur, təbrik edirəm.
Məndə isə əsas çətinlik əmək haqqı ilə bağlıdır. Gəlirim yüksək deyil və onun da təxminən yarısı kreditlərə gedir. Xaricə getmək və magistr təhsili məsələsində bir neçə ciddi maneə var. Ən önəmlisi, anam icazə vermir — evdə əsasən tək qalır. Qardaşım rayonda universitetdə oxuyur, bacım isə ailə qurmaq üzrədir. Anamın səhhəti də çox yaxşı deyil. Digər böyük məsələ isə maddiyyatdır.
Bütün bunlara baxmayaraq, əlimdən gələni etməyə çalışıram. İngilis dilində listening, reading və söz ehtiyatı üzərində işləyirəm, hələlik speaking zəifdir, amma onu da zamanla yoluna qoymaq niyyətindəyəm. Paralel olaraq Office proqramları, SAP, ERP və oxşar mövzularla bağlı videolar izləyir, praktik məşğul oluram. Financial Accounting sahəsində mütaliə edirəm, eyni zamanda öz ixtisasımla bağlı Azərbaycan dilində də oxumalar aparıram.Magistr təhsili ilə bağlı hələlik detallı araşdırma aparmamışam. Prosedurlar, maddi tələblər və bu yolun insandan tələb etdiyi mənəvi hazırlıq barədə ümumi təsəvvürüm var, amma bunların hamısı ilə bağlı sistemli və dərin bir plan qurmağa fürsət olmuyub. Magistr təhsili ilə bağlı hələlik detallı araşdırma aparmamışam. İki sualim olacaq:
1.Magistr təhsilinə başlamazdan əvvəl ilk olaraq hansı mərhələləri araşdırmaq daha düzgün olar?
2. Maddi imkanlar məhdud olanda karyerada “düzgün addımı” necə seçmək lazımdır?
13. üzrlu say biraz gec oldu cavabım, bu sualın cavabı biraz sənin özündədir qalanına mən təcrübəmi bölüşə bilərəm, misalçün əgər sən sakit ancaq orta sinif həyat arzu edirsənsə magistr təhsilini edirsən almaniyada, isveç, danimarka və ya belçikada sonra ordakı şirkətlərdəən birinə girib orda həyatını qura bilərsən, yox əgər sənin arzun dinamik - inkişaf ancaq günü güzəranı olmayan çevik həyat tərzidirsə amerika olmalıdır, ingiltərə bu ikisinin ortasıdır və elə problem də ordadır - qalıb iş tapmaq çox az hallarda mümkündür. buna cavab tapandan sonra artıq magistrdan əvvəl nə etmək lazımdır sualına cavab tapacaqsan - misal amerika üçün gmat/gre vacibdir ielts ya toefl ikisindən biri ola bilər, üstəgəl iş təcrübəsi çox vacibdir. almaniya üçün iş təcrubəsi olmasa da olar gre isə ehtiyac ola bilər - asılıdır hansı universitet və hansı proqram, ielts isə böyük ehtimal burda da lazım olacaq.
ikinci suala gəldikdə isə maddi imkanlar səni limitləyə bilməz əgər sən ağlına və ürəyinə güvənirsənsə - amma həqiqətən güvənirsənsə! dövlət proqramı var 2022-28 hər şeyi qarşılayır və sənə qalır bitirib iş tapmaq və o ölkədə qalmaq. vaxtı düzgün istifadə et - əgər maliyyəçisənsə ingilis dilin inkişaf etdir - financial times, vvall street journal, bloomberg oxu gör dünya iqtisadiyyatında nə baş verir, başa düşmədiyin maliyyə jarqonları chatgpt-də araşdır, düşüncə tərzini açacaq kitablar tap oxu (adları bir google uzaqlığındadır)
mən macarıstan və polşa variantlarını yazmıram artıq çünki hazırkı vəziyyətdə bakıda işləyib yüksəlmək daha ağlabatandır nəinki bu ölkələrdə - maaş da aşağı yuxarı eynidir.
postun sahibi
14. @97153 çox sağ olun informasiya verdiyiniz üçün. Dəyərli fikirləriniz bəs edir.
adsızyazar @97154
postun sahibi
15. @97153 dövlət proqramı ağlabatan gəldi, amma eşitmişəm ki, gərək geri qayıdıb, o pulu ödəyəsən, amma yenədə araşdırma edəcəm.
adsızyazar @97155
1. +
gizli @97096