kitab

3. tam olaraq necə kitab istədiyini anlamasamda (məsələndə yazdıqlarının heç birini oxumamışam) amma yeniyetməlik vaxtında yaxşıki oxumuşam yada oxusam yaxşı olardı dediyim kitablardan bir-ikisini yazacam.(mötərizədə niyəsini yazacam)
1.yeniyetmə vaxtında oxuduğum: Səfillər(bu kitabda çox şey var (xristianlıq dini,yaxşılıq,pislik,kasıblıq,zənginlik,vətənpərvərlik,siyasət,inqilab,sistemin tənqidi,sevgi və s.) bir sözlə bütün bunlara əhəmiyyətli dərəcədə yer verə bilən nadir kitablardandır.)Cəlil Məmmədquluzadənin sovetlərə qədərki əsərləri (keçmişdəki sadə xalqın vəziyyətini bilmək bu gün olanları anlamağa kömək edər)
2 həmin dövrdən sonra oxuduqlarım sokratın müdafiəsi(sonuna qədər düzgün bildiyini müdafiə etməyin nümunəsi və əslində nə qədər az bildiyimizin üzümüzə vurulması)ey ata ey ana biz günahkarıq (bəzi yerləri qəliz bəzi yerləri sadədir amma bu kitabı oxumaq məsələyə birtərəfli yanaşmamağı hər hansı tərəfin mütləq düz digərinin mütləq səhv olmasına kor-korənə inanmağı və cəmiyyətdəki hər iki tərəfin səhvlərini və doğrularını görməyə imkan verən kitab)
3 hec oxumadığım amma yararlı ola biləcəyini düşündüyüm: Renee & Jean Simonet - Not Alma Teknikleri (əgər doğurdan düz əməlli kitabdırsa yazarkən həm robot kimi yazmağın həm heç yazmamağın qarşısını alacağını düşündüyüm kitab)
Əgər sənə və digər kəslərə bu kitablardan birinin xeyri dəysə məqsədimə çatmış olacam.

11. Dəyməz) ağır dediyim markez , sartr, molier, dastayevski, stendal kimi yazıçıların əsərləridi. Yəni bəzən əsərlərində elə fikirlər işlədirlər ki, dəfələrlə oxuyub bir nəticəyə gəlmək olmur. Məsələn siz indi onları oxusaz və birdə 5-7ildən sonra oxusaz çox böyük fərqlərlə qarşılaşacaqsız. Fikrləriniz qarışacaq. Birdə çalışın bu yazıçıları rus və ya orginal dilindən oxuyun. Çünki azcaya tərcümələrdə bir çox fikirlər səhv tərcümə olunur) özünüz bilən məsləhətdi amma hər yaşın öz kitabı var. İndi mən çox istərdim ki, yenidən o illərdəki kimi o əsərləri oxuya bilim. Amma təəssüf ki, yaş dəyişdikcə maraqlar da dəyişir.

14. yoldaşların da dediyi kimi, elə özünün də dediyin kimi, ağır kitablardan uzaq dur məncə də. təbii ki, hələlik. qaçhaqaç deyil ki, oxuyarsan zamanla. hər yaşda olduğu kimi, yeniyetməlik yaşında da kitab oxumaq çox gözəldir, çox işinə yarayar. ona görə əvvəla bu meylinin çox yerində olduğunu deyim.
kitab deyəndə yanızca romanları, ədəbiyyatı nəzərdə tutma. ədəbiyyat sənə hisslərini aşkara çıxarmaqda, emosional mənada inkişaf eləməyə kömək edə bilər. bu çox vacibdir. amma elə bu cəhətdən də yenə ağır psixoloji-fəlsəfi romanlar oxuma. yeraltından qeydlər yazmısan, məncə o da sonraya saxlanılası romanlardandır. səfillər yazılıb, oxumamışam amma onun dostoyevskiyə nəzərən daha uyğun olacağını zənn edirəm. ümumiyyətlə dostoyevski də sonranın yazıçılarındandı məncə, sonra oxuyarsan-* camus zad yazılıb, boş ver kamyunu, onu da saxla sonraya. don kixot zad oxu. qısaca nə demək istədiyimi belə deyim, həyatdan soyudan yox, mümkün qədər həyata isidən şeylər oxumağa çalış. soyumağa vaxt çox olacaq zatən.

bundan əlavə macəra, dedektiv, elmi fantastika zad oxu məncə. mən uşaq vaxtı heç nə oxumamışam, yeniyetməlik vaxtı da çox az oxumuşam. yuxarıdakı yolaşın dediyi kimi, bu əsərləri sonra oxumağa heç həvəs olmur, ona görə bu tip şeyləri indi oxu, digərlərini də saxla, öz yaşı gələndə oxuyarsan. çox təkrar eləyirəm bu zadı, çünki yaralı yerimdi. nəsimi, füzuli zad oxuma məsələn, anlamağın çətin olar, ümumiyyətlə soyuyarsan. sözlükdə də biri yazmışdı belə bir entry, mən də dost-tanışla bu yaxında bu haqda ciddi mübahisə eləmişdim. ondansa harry potter zad oxu, asimov oxu, fantaziyan inkişaf eləsin. gedib prousta zada girişmə indidən.

ədəbiyyat xaricində isə fəlsəfə, sosiologiya, tarix, popular science janrındakı əsərlərə də maraq yarat özündə. ən az ədəbiyyat qədər vacibdi bunlar da. yenə bu sahədə də çox ağır yükün altına girmə. alain de botton var məsələn, fəlsəfənin təsəllisi adlı bir kitabı var onun. sadə və maraqlı bir kitabdı. bu tip kitablara üstünlük ver ki, fəlsəfəyə marağın artsın, ürəyin bulanmasın. gedib kanta zada girişmə durduq yerə. gündüz vassafın cehenneme övgü əsəri var, sosioloji cəhətdən başlanğıc üçün gözəl kitabdır məncə. yuxarıda ey ata ey ana biz müttəhimik yazılıb, ümumiyyətlə əli şəriətinin kitablarını oxuya bilərsən, mən yeniyetməlik vaxtı tanımırdım onu, sən eşitdin indi, mütləq oxu. jared diamondun tüfəng mikrob və çəlik əsəri var məsələn. popular science tərzinə də marağın olub-olmadığını kəşf elə. ən məşhurlarından biri carl sagandı, onun əsərlərindən birini oxuya bilərsən.

necə ki ədəbiyyat hisslərinə toxunaraq səni emosional cəhətdən inkişaf etdirər, bu tip kitablar da həyata yanaşımını dəyişdirər, düündürər, sorğuladar. dünyaya, cəmiyyətə, insana dair fikirlərini inkişaf etdirər.

çox uzatdım, qısaca dediyim odur ki, romanlardan əlavə mütləq digər kitablara da nəzər sal və -yazan hamının da dediyi kimi- qətiyyən acgözlük edib çətin, qarmaşıq əsərlərə girişmə. tələsmə, çox oxumağa yox, oxuduğunu yaxşıca həzm etməyə əhəmiyyət ver.