1. əgər mükəmməl bir film izləmək istəyirsinizsə, bu alman filmini mütləq izləyin. imdb top 250 siyahısında 8.5 balla 63 - cü və tam olaraq 91 mükafat qazanmış film bizim dilə "başqalarının həyatı" kimi tərcümə olunur.
sovet şərqi almaniyasının gizli polis təşkilatı - ştazi nin 100 min işçisi və əlavə olaraq 200 min müxbiri (xəbərçi) var. və bu təşkilat ölkə əhalisini güclü nəzarət altında saxlayır. təşkilatın məqsədi - "hər şeyi bilmək"dir - başqa sözlə bu onun sloqanıdır. təşkilatın ən yaxşı əməkdaşlarından gerd wiesler olduqca soyuqqanlı, hissiz, yalnız işi düşünən bir insan təsiri bağışlayır. əslində elə real fəaliyyəti də belədir, olduqca peşəkardır. və bir gün ştazi yazıçı dreymandan şübhələnir, məsələnin hərtərəfli araşdırılması və dreymanı həbs etmək üçün onun otağına gizli formada dinləmə cihazları qoyur və əməliyyata bu soyuqqanlı işçi rəhbərlik edir. dreymanı gecə - gündüz izləyir, fəaliyyəti barədə məruzələr yazır. hadisələr göstərir ki, ştazi dreymandan şübhələnməkdə haqlı idi və dreyman dinc durmur. amma ... elə filmdə bundan sonra olacaqları görəndə filmə elə qapılırsız ki, sadəcə izləmək və duymaq lazımdır.
film o dövr almaniyasının sosialist ideolagiyası şəraitində fəaliyyəti, gizli təşkilat ştazinin işləmə üsulları və sənətin nələrə qadir olduğu barədə olduqca həqiqi və gerçəkçi məlumatlar verir, təsəvvür yaradır. baş rollardan birində gedən ulrich mühe (həmin o soyuqqanlı ştazi işçisi) mükəmməl oynayır. son zamanlarda izlədiyim ən gözəl film oldu. hətta gözəl dediyim bir çox filmləri də ötüb keçdi. mütləq izləyin.
2. bu filmə baxıb nəsə hiss etməmək, güclü duyğulara qapılmamaq mümkün deyil. ama bəs burdan nə nəticə çıxarmalıyıq? insanlıq ölməyib, hamının içində bir yaxşılıq gizlidir və ya sadəcə dövrün təsviri?
spoiler
agentin bu davranışı onun özüyləmi bağlıydı, yoxsa o yazıçı və sevgilisinin həyatına şahidlik edən hər bir insan eyni addımı atardımı? kinonun əvvəlində agentin dərsindən olan epizod bizə onun iş və dövlət mövzusunda necə soyuqqanlı olduğunu deyir. ilk ağlımıza gələn, bu öhdəlik üçün ən məsuliyyətli adam olmağıdır. onu partiyanın digər üzvlərindən fərqləndirən isə, elədiklərini həqiqətən doğruluğuna inandığı üçün etməsidir. iş yoldaşları ilə dialoqlarında digərlərinin vəzifə artımıyla maraqlandığı halda, onun sırf dövlətin maraqlarını düşündüyünü görürük. insanlara təzyiqlər edir, siyasi baxışlarına görə onları mühakimə edir- bunları şəxsi mənfəətləri üçün yox, inandığı ideallar üçün edir. bu səbəbə görə o öz mənliyini və insani duyğularını itirməyib, işiylə bağlı büründüyü soyuq maskaya baxmayaraq. bu səbəbə görə o düzlə səhvi ayırma qabiliyyətini, vicdanla qərar verə bilmək və cəsarətli olmaq kimi keyfiyyətlərdən məhrum qalmayıb. yaxşı insan budur. kiminin ideaologiyası fərqli olar, inancları bizə zidd olar, ya elə özümüzün, ama inancımız barədə hamıdan əvvəl özümüzə səmini olmalıyıq. doğruluğuna inandığım üçünmü bunu edirəm, yoxsa öz mənfəətlərim üçünmü? cavab 1ci olduğu müddətcə insan yaxşı insandır
)