+3 əjdaha
1. tarixdə islamı ilk dəfə rəsmi dövlət dini olaraq qəbul edən qaraxanilərin də məzhəbi hənəfi olmuşdur. qaraxani hökmdarı satuq buğra islamı qəbul edərək özünə əbdürrəhman adını seçmişdir.ümumilikdə, türk xalqlarının hənəfi məzhəbinə olan marağı imam əbu hənifənin ehtimal olunan türk mənşəyi ilə əlaqələndirilir bəzən.
hənəfilik sünni fiqh məzhəbləri arasında ən liberal və rasional məzhəb kimi qiymətləndirilir. məzhəbin əsas qurucusu imam əzəm əbu hənifə (əsl adı numan ibn sabit) sayılsa da, məzhəbin formalaşmasında, əsas üsullarının tərtib olunmasında tələbələri imam əbu yusif və imam məhəmməd ibn əbu şeybənin də böyük rolu olmuşdur. xüsusilə də imam əbu yusif abbasi xəlifəsinin vəziri olduqdan sonra məzhəb daha da çox yayılmağa başlamışdır. hal-hazırda sünnilərin təxminən 70 %-i hənəfidir. türkiyədə, bosniyada, albaniyada əfqanıstanda, pakistanda, rusiyada, özbəkistan, tacikistandakı müsəlmanlar arasında hənəfi məzhəbi üstünlük təşkil edir. 2007-ci ildən tacikistanın rəsmi məzhəbidir.
hənəfilik öz fiqh üsuluna görə ictihada (alimin ağlı vasitəsilə çıxardığı hökmlər) daha çox önəm verməsi ilə seçilir ki, bu amilə görə də islam aləmində uzun müddət hənəfilərə rəy əhli deyirdilər. hətta imam əbu hənifə ağılla hökm verməkdə o qədər mahir idi ki, imam malik ibn ənəs (4 sünni fiqh məzhəblərindən biri olan malikiyin qurucusu) deyirdi ki, əgər imam əbu hənifə ağacın qızıldan olduğunu desəydi, onu da məntiqi ilə sübut edə bilərdi.