bugün məsləhət təsadüfi
sözaltı sözlük
postlar Yoxlama mesaj

...

yalnızlığın ən çox anlaşıldığı anlar

| anket
161,695 | 308 | 1534

əjdahalar  googlla
sözaltı günlük - sözaltı etiraf - sözaltı sözlük - ataya demək istənilənlər - həyatın nə qədər cındır olduğunun anlaşıldığı anlar - yazarların hazırda düşündükləri - düşün ki o bunu oxuyur - öyrənildiyində təəccübləndirən məlumatlar - türklərin sevilməyən cəhətləri - acı uşaqlıq xatirələri
« / 23 »


    💛

    Yalnız deyilsən!

    Bu duyğuların müvəqqəti olduğunu və kömək mövcud olduğunu bilmək vacibdir. Dostlarınıza, ailənizə, profesionallara müraciət etməyiniz vacibdir. Sizi dinləmək və lazım olan dəstəyi təmin etmək istəyən insanlar var.

    Sözlük yazarları olaraq səni hər zaman dinləyə bilərik.

    Əgər yalnız hiss edirsənsə, qaynar xəttə zəng et:

    ☎ 860
    201. can sıxıntısından biraz rahatlaşmaq üçün isti duş alanda suyun dərini yandıracaq qədər qaynar, amma daxili istilik verə bilməyəcək və sinəndəki "boşluğu" doldura bilməyəcək qədər soyuq olduğunu hiss etdiyin andır.

    4 əjdaha!

    05.01.2024 01:18, Nellie Crain
    202. Dost məclisində oturub biraz içəndən sonra hamının öz sevgilisi ilə danışmaq üçün bir tərəfə çəkiləndə özüvü telefonda saata baxarkən ya da ofisiantdan pətənə qızartmavız necədi deyə soruşanda tapdığım vəziyyətdir. Ailə cəhətdən heç vaxt yalnız olmamışam amma münasibət cəhətdən öz səhvlərimə görə çox olur bu. Bir insanı sevib dəyər verirsizsə yadda saxlayın ki, tərk ediləcəksiz. Çünki qadınlar onlara bağlanan,duyğu bəsləyən oğlanları sevmir. Onları ən sərt sikəni sevir. istisnalar var amma günümüz sosial media münasibətləri bunu təşkil edir.çalışın sevgilinizlə sosial şəbəkədən çox real həyatda vaxt keçirin.

    3 əjdaha!

    05.01.2024 09:59, New life
    203. Qorxuna görə hər dəfə evə girən böcəkləri başqalarına öldürtdüyün halda, tək qaldıqda artıq çarəsizlikdən əsərək özünün öldürdüyün və sonra da qorxunun üstünə getdiyinə görə oturub ağladığın andır.

    5 əjdaha!

    19.01.2024 04:35, citizenerased
    204. Çönüb arxana baxanda elədiyin ən yaxşı şeylərində də ən pis təcrübələrinində yanında olanın davamlı sən olduğunu görəndə anlaşılır əslində.. həyatımda nə elədimsə tək elədim. Tək də bacardım. Nəyi bacarmadımsa yanımda illa ki dılğır 2-3 nəfər olub.

    4 əjdaha!

    21.01.2024 04:56, Longinus
    205. dəhşət yalnızam. 24 saatın 8-10 saatın yatsam, 6-7 saat iş (həftə içi) o da hər gün olmur, geriyə qalan o qədər boş vaxtda, insan səsi eşitmirəm. ancaq işdə. deyəcəksiniz, sosiallaş. olmur. nə qədər gym-ə getmək olar və ya dəlilər kimi oxumaq? bir şey ki evdən çıxanda sevinirəm ki, harasa gedirəm. yəni qaçıram. amma, əslində özümdən. bar, kafe, belə şeylər mənlik deyil. nəinki yaşadığım şəhərdə, yaşadığım əyalətdə azərbaycanlı tanımıram. tanıdıqlarım da, berlin filan. onlar da zəng eləyə, ya da yaza nə vaxtsa. it ilində. qürbətdə yaşam da belə bir şeydi. ona görə sevincini də kədərini kimləsə bölüşə bilmirsən ki. son 4 ad günümü tək keçirmişəm. bakını nə qədər sevməsəm də, yaşayış var, a kişi. çevrə çox önəmlidir. adam orda darıxmaz. sosial çevrəsiz insan heçnəyə yaramır. bəzən fikirləşirsəne, heç dəyməsin, girim otağa gecə-gündüz oxuyum. de, gələ. corona vaxtı, bir də ondan sonrakı dönəmdə, dolayısı ilə indi də o vəziyyətdə idim və ya eləyəm. Stipendiyam gəlirdi, evdən çıxmırdım, bütün günü kitablar, kitablar. axırı noldu? sikdirdim. depressiya, intihar fikirləri, öz dəyər itirmə və s. və ilaxır. indi normal danışa bilmirəm, eyni sözlər və eyni mövzular xaric. ancaq yazmaq, başqa heçnə gəlmir əlimdən. kommunikasiyam itib. biri ilə canlı ünsiyyət quranda tez bitirməyə çalışıram. işdə belə işimi inanılmaz tezləşdirirəm ki, tez bitsin gedim evə. sakitlik, səssizlik istəyirəm elə. bu da yalnızlıq.

    bəzən nə arzuladığınıza və istədiyinizə fikir verin, çünki mütləq, amma mütləq istədiyinizlə sınanacaqsınız.

    7 əjdaha!

    22.01.2024 00:16, 3-cü dalan ev17
    206. Gecə gələndə evi səhər qoyub getdiyin kimi tapmaq...
    Hə, bir də bu link var idi. Artıq 1 yastıqla və divanda yatıram, daha az incidir. Amma indiki hal bir az çətin gəlir. Əslində, elə şairin dediyi kimidi hər şey:

    ...Heç bilirsənmi səhər qoyduğum kimi
    axşam tapmaq evi nə qədər çətindi?
    Öz başına rəqs edir pərdə - Ağ donlu gəlin
    və ana da yoxdu ki, Saçlarından mələk iyi gələ
    Toxunub düşəsən cənnətə.
    Bir az, lap azca da kefim olsaydı,
    Durub ayağa bir də yıxılardım bu uçurumdan.

    24 əjdaha!

    17.04.2024 01:01, Bertrand Zobrist
    207. Telefonu uçuş rejiminə qoyuram. Hansısa işimə mane olmasın deyə. Sonra çıxardıram uçuş rejimindən. Tək gələn mesajın duolingodan olduğunu görəndə azca emosional çöküş yaşayıram. Sonra çıxıram. Çünki onsuz da bir mesaja ən tez cavab vermə müddətim 20 saatı çəkir. O qədər gec cavab yazan adama məndə yazmıram onsuz.

    4 əjdaha!

    18.04.2024 22:36, Queens
    208. yəqin ki, bu birini itirdiyin andır.
    9 aprel- bu gün, babam ədəbiyyətə qovuşdu. Biz daim onu mərd, sevgi dolu və zəmanənin ötəsində düşünən biri kimi tanımış, sevmişik. Hər bir zaman təhsil, mərdlik, yoldaşlıq və bir çox mövzuda məsləhətlərini dinləmişik. Bu gün və daim başındakı səkkizkünclü papağı, dik duruşu və sevgisi ilə yaddaşımızda qalacaq.
    Günümüz üçün və soyunun davamçıları üçün o və onun həyatı daim kişilik nümunəsi olaraq qalacaq.
    Ruhun şad olsun, babam.

    Bax, bu xəbəri aldığım gündən bəri çox adamı həyatımdan, kontaktlardan sosial mediadan və s çıxardım. Xətrini çox istədiyim bir dostumun bu cümləsi əsas motivasiyam idi : Əgər ad günümü təbrik etmir, xoş günümü, pis günümü bilib bir şey yazmır, demirsə o zaman niyə onu sosial mediada, həyatımda saxlamalıyam?

    5 əjdaha!

    20.04.2024 21:25, Diplomat
    209. Mahnıya yüksək səs verib qışqıra-qışqıra oxumaq.
    Ağlayanda göz yaşını siləcək,sabahın xeyir deyəcək,hal-əhvalını soruşacaq birinin olmaması.

    3 əjdaha!

    20.04.2024 23:15, ηæякюȥ
    210. (bax: Ahmet kaya)
    demişkən : yanlızlıq çəkdiyin siqaretin cızırtısını eşitməkdir.

    2 əjdaha!

    22.04.2024 00:52, Longinus
« / 23 »



üzv ol
Modalı bağla





...