ielts
| təhsil95,309 | 92 | 812
əjdahalar googlla
keçən ayın ən bəyənilənləri - ielts vs toefl - xaricdə təhsil üçün təqaüd proqramları - grbs - ən yaxşı ingilis dili kursları - universitetə qəbul olanlara məsləhətlər - sözaltı etiraf - keçən ilin ən bəyənilən entryləri - xaricdə təhsil
Yalnız deyilsən!
Bu duyğuların müvəqqəti olduğunu və kömək mövcud olduğunu bilmək vacibdir. Dostlarınıza, ailənizə, profesionallara müraciət etməyiniz vacibdir. Sizi dinləmək və lazım olan dəstəyi təmin etmək istəyən insanlar var.
Sözlük yazarları olaraq səni hər zaman dinləyə bilərik.
Əgər yalnız hiss edirsənsə, qaynar xəttə zəng et:
☎ 860Bugün cavabları əldə etdiyim imtahan.
Nəticə:
Overall - 7.5
L-8.5
R-8.5
Wr-7
S-6.5
Gordon 7 versə idi 8 olurdu overall, amma bu da zordu.
edit: Ümumi hazırlıq müddətim 7 ay çəkdi. ielts hazırlığından da əvvəl ingiliscə speakingim yaxsi olmasa da, reading listening yaxşı idi deyə, hazırlıq müddətində bu sectionlar problem olmadı.
l - bu section ancaq practice ilə güclənən bir şeydi, əvvəlcə sual tipləri ilə tanış olursan (multiple choice, boşluq doldurma və s.) sonra ya allah practice. Practice qulaq aşinalığını artırır, və hər cürə accent eşitdiyin üçün imtahanda daha rahat olur. Kitab da internetdə doludu, heç istəmədiyin qədər. Bundan əlavə, şəxsən mənə kinolara altyazı ilə baxmaq çox kömək edirdi (həm yeni söz öyrənmək baxımından, həm listening) amma bu çox şəxsi bir şeydi, sizə köməyi olmaya bilər. Artıq youtube da ingcə videolar falan baxın demək klişe olur. youtube videolarından əlavə ingcə podcastlar da əladı. istədiyiniz mövzü üzrə hər cürə podcast var. Yəni deməyim odu ki, ingilis dilini öyrənməyə çalışın, ielts imtahanına hazırlaşmayın.
R - reading də elə listeningin bir tayıdı, yenə sual tiplərini öyrəndikdən sonra practice lazımdı. Burda sizə güclü söz bazası lazım olacaq. Ona görə çalışdığınız qədər söz öyrənin, bunun üçündə ən yaxşı mənbə vocab kitablarından əlavə, elə readinglərin özüdü, ordan bilmədiyiniz sözləri çıxarsaz (təbii ki hamısını yox , 5-10 qədər) həm gələn dəfə o sözü görəndə çaşmassız, həm də writingdə işlədərsiz. Bundan başqa, ingiliscə netdə çoxlu müxtəlif məqalələr, xəbərlər (bbc.com dan) oxuya bilərsiz.
Və ya kitab, manga oxumağa başlamaq olar. Amma məncə reading əslində elə də çətin deyil, yəni əsas burda skimming deyə bir şey var, onu çox cəld etmək lazımdı, readingdə heç passagenin hamısını oxumağa ehtiyac olmur bəzən.
W- writing bizim ölkədə çox böyük bir dərddir. Bunu hələ heç kim tam aydınlaşdırmayıb, tips verməkdə çətindi. Burda sizə həqiqətən müəllim lazımdı ki, həm yoxlasin, həm də izah etsin. Mən həqiqətən imtahandan 1 ay əvvələ kimi pox gündə yazırdım, hətta bir dəfə müəllim dedi ki, 5.5den artıq gözləmə writingdən. Amma ondan sonra ancaq başladım band 9lıq sampleləri analiz eləməyə, academic söz və collocation öyrənməyə. Task 1 çox asandı, məncə, bildiyin hazır strukturlardı.
Task 2 isə ciddi olsaq, doğurdanda müəyyən dünyagörüşü tələb edir. Məsələn məndə imtahanda essay topici belə idi “ some people say that parents should participate in special childcare courses before having a child, agree or disagree?” Bu mövzuda bir şey idi. Yəni indi sənin bu mövzuda müəyyən fikirin olmalıdı ki ora nəsə yazasan, mən də sözlükdə bu barədə yazılmış bütün şeyləri üsluba uyğun olaraq soxuşdurdum ora. Ona görədə ingiliscə article falan oxumaq, bayaq dediyim kimi həm readinge həm də writingde idea tapmağa yardımçı olur
S- bura mənim ən zəif yerimdi, ona görə də əslində çox şey deyə bilməyəcəm. Amma bir app var, adı “ielts speaking assistant” gedir. Onu mütləq yükləyin, çünki azərbaycanda speaking topiclər burdan düşür.
Birdə ümumi çalışın comp-based verin imtahanı.
3 çox məsləhətli sayt:
1. https://starkcamp.com/
2. https://ieltsonlinetests.com/
3. https://mini-ielts.com/
internetdə practice ede biləcəyiniz saytlardır bunlar, higly-recommended
kiçik bir sirr verim
suallarin təkrar düşmə ehtimallari çoxdu ona görə əvvəlki illərin testlərini də edin
Overall: 8.0 (L: 9.0, R: 7.5, w: 6.5, s: 8.0)
Öncədən deyim ki, Hazırlığa upper-intermediate olaraq başlamışam. Və Vaxtında Ən çox nədən narahat olub üzərinə düşdümsə onlardan yüksək score almışam (listening və speaking).
Listening üçün cambridge testlərini işləsəniz bəsdir, məncə. Hər Testi bitirdikdən sonra analiz edin, əsasən hansı sectionda, nə tip suallarda səhviniz çıxırsa onların üstünə düşün. Misal üçün, hazırlığa təzə başlayanda spelling suallarında səhvlər edirdim, onların üzərinə düşdüm. Həmçinin, section 2 və 3-də mcq tipli testlərdə çox zaman itirdiyimə fikir verdim. Bunun üçün belə bir taktika "icad" elədim. sectionın sonunda sectionı yoxlamaq üçün verilən 30 saniyəni növbəti sectionun mcq suallarını oxumağa sərf edirdim, bu mcq sualları sectionun sonunda və ya əvvəlində gələ bilər, harda olmasından asılı olmayaraq həmin 30 saniyəni orda istifadə etmək məntiqlidi. Təbii ki, bu hamıya uyğun olmaya bilər, Əsas məsələ testi işləyərkən sizə rahat olan patternləri kəşf eləyə bilməkdi.
Təcili şəkildə imtahana hazırlaşmırsızsa, vaxtınız olduqca maraqlandığınız mövzularda youtube vs.-də ingilis dilindəki podcast, videoessaylərə baxmağı tövsiyə edirəm, native speaker-lərin danışığını anlamaqda çox kömək olacaq. Bu, həmçinin, speaking-də də köməyinizə çata bilər.
Reading-də, məncə, hər hansısa bir taktika yoxdu, oxuduğunuz mətni başa düşməlisiz, vəssalam. Və, təbii ki, vaxt limitini də nəzərə almaq lazımdır. 1 saatlıq taymer qoyub hər sectiona ortalama nə qədər vaxt sərf etdiyinizi analiz edin. Fikrimcə, ideal 15/20/25 dəqiqədir. Hə bir də burda əlavə vaxt verilmir cavabları kağıza köçürmək üçün, ona görə internetdən cavab kağızlarını tapıb çap edin, və hər section-un sonunda cavabları kağıza köçürməyə çalışın.
Writing haqqında özümün etmədiyi məsləhəti verə bilərəm, çoxlu inşa nümunələri oxuyun və yazın. Çox vaxt apardığı üçün edə bilmədiyim bir şeydi, amma boş vaxtınız varsa etməyiniz yaxşı olardı. Və bir də Band descriptorları oxuyun və araşdırın.
Speaking mənim üçün ən çətin görünən hissə idi, ən çox da part 2. Çünki 2 dəqiqə kiminsə qarşısında monoloq danışmaq qədər qorxuducu bir şey yoxdu lol.
Sualları "ielts speaking assistant" applikasiyasında tapa bilərsiz. Mən hər hansısa mətni əzbərləmək yerinə hər mövzunun sualına özümə uyğun cavab hazırlamaq yolunu seçdim. Yetərincə yorucu prossesdi nə qədər tez başlasanız o qədər yaxşıdı. Danışığınızın təbii alınması üçün phrase, idiom filan öyrənməyiniz məsləhətdi, amma çalışın kənarda küncdə qalmış, sonuncu dəfə 1950-də işlənənlər yerinə native speakerlərin də gündəlik istifadə etdiyi idiomları və s. istifadə edin. bu kanal
speaking üçün çox yardımçı ola bilər.Və son olaraq, hazırlığa getmək yaxşı olar deyə düşünürəm əgər imtahanı ilk dəfə verəcəksizsə və disiplinli hazırlaşmaqda çətinlik çəkirsizsə. imtahanla bağlı peşman olduğum iki şey var. Birincisi, mock imtahana getməməyimdi. çalışın ən azından bir dəfə gedib özünüzü imtahanın şəraitinə alışdırın və vaxtı necə idarə etdiyinizi test edin. Digəri isə writing üçün yetərincə yaxşı hazırlaşmamaqdı, mən olmayan writing skillərimlə 6.5 almışamsa, çox adam bir az daha ciddi hazırlaşmaqla 7.0 və s. Ala bilər, yəqin ki.
deməli,
listening- 7.5
reading- 8.5
writing- 7
speaking- 7
overall 7.5 oldu.
indi gələk təəssüratlarla. açığı imtahana iyun ayında başlamışdım və ingilis dili səviyyəm b2 idi. ölçdürməmişdim amma demək olar bütün kontentlərdəki sözlərdən heç biri yad gəlmirdi deyə belə qənaətə gəlmişdim. ən önəmlisi də budur məncə: əgər paragrafları, xüsusilə readingdə ,anlamırsınızsa, birbaşa ielts hazırlığına başlamayın. ümumi ingiliscənizi inkişaf elətdirmək çox kömək olacaq. mən ilk başlayanda 6.5 yığırdım sınaq imtahanlarından, hansı ki bu da mənə " rahat 7 yığaram 3 aya" düşüncəsi verdi və çox arxayın saldı. sentyabr ayında isə universitetin tələblərində hər section üzrə minimal balın 6.5 olmalı olduğunu görəndə canıma qorxu düşdü -*
listening və reading barədə yeganə məsləhətim bu olar ki, cambridge kitablarına arxalanmayın. minimum 8.5 yığırdım o kitablarda, imtahansa 7.5 oldu. onun yerinə ieltsonlinetests.com
istifadə edə bilərsiniz. listeninglər və readinglər imtahandan biraz çətin olur , məsləhətlidir.
gələk əsas 2 məsələyə: writing və speaking.
writing: writing balım 6dan yuxarı çıxmadığından dəhşət stressli idim bu barədə. YouTube-da ielts simonun writing task 2 videoları var idi. strukturu və bəzi topic-specific vocabularyni ordan işləyirdim. simonun task 1 üçün də videoları var, onlara baxmasam da inanıram ki baxmağa dəyər. əsas məsələ practice idi. mən computer delivered verirdim deyə gemini ilə məşq edirdim. esseni yazırdım(qeyd, timerlə işləyin), gemini təhlil edib bal verirdi. chatgpt məsləhət deyil, çox şişirdir.
speaking: speakingi bəzi kurslarda və barratsonun(imtahanı da burda vermişəm) sınaq imtahanında verdikdə 6.5 yığırdım. ümumi olaraq əsas məsələ məncə qrammatik range və vocabularynin üstünə düşməkdir. bunları etmək üçün də biraz shadowing, sonraysa gemini ilə məşq edirdim. belə ki, live funksiyası ilə o mənə part 1 2 və 3 üzrə suallar verir, mən də cavab verirdim. belə etməklə 1 həftəyə çox inkişaf etdiyimi hiss edirdim.
examiner susan idi. part 1də bakıdan, bakının problemləri və potensial həll yollarından, daha sonraysa sosial şəbəkələrdən danışdıq. part 2də verdiyim bir speech barədə danışmağımı istədi. necə oldu, harda oldu, niyə oldu və s. bu barədə çox rahat danışdım. part 3də də biraz speechdəki məqamlara toxunduqdan sonra part 1dəki sualların daha detaylısını verirdi. 20 gün keçdiyindən çox xatırlamasam da, bir sualda reddit istifadə edən iki biznesmen barədə çox yaxşı danışdığımı xatırlayıram. ən azından susanın üz ifadəsi belə deyirdi -*
ümumən çalışın speakingdə özünüzü itirməyin, mən girəndə çox gərgin olsam da susanın təbii rəftarı məni ürəkləndirdi. 3 partda da normal biriylə danışırammış kimi hiss edirdim. çox informal olmayın, amma qətiyyən özünüzü sıxmayın. sözləri xatırlamadıqda mövzunu dəyişirdim, amma çalışırdım bu çox gözəçarpan olmasın, dediyim kimi, gündəlik söhbətə bənzər şəkildə.
ümumən belə. ümidvaram nəsə köməyim olar imtahan verəcəklərə. ielts pul və stress deməkdir. amma nəticələri əldə etdikdən sonraki eyforiya tərifsizdir. hamınıza uğurlar, öpürəm.
ilk olaraq, b1 səviyyəsi ilə başlayırsınızsa çox çətin, b2 səviyyəsi üçün isə nisbətən rahat gələcək. academic imtahan üzrə danışırıqsa, əsasən, elmi məqalələr üzrə olduğundan, söz bazanızı "advanced" sözlərlə zənginləşdirməlisiniz. bunun üçün google'da yazırsınız: academic word list. bu sözləri öyrənin; həm reading, həm də writing sectionlarda köməyinizə çatacaq.
listening: bu section sadəcə olaraq, güclü diqqət istəyir (bax: adhd) ona görə də, listening işləyən zaman iki metod yoxlamağı məsləhət görürəm. birincisi, tamamilə sakit, heç kəsin sizi narahat etməyəcəyi yerlərdə praktika edin. çalışın, recordingə imtahandakı kimi bir dəfə qulaq asın, geriyə qaytarıb özünüzü aldatmayın. ümumiyyətlə, özünüzə qarşı dürüst olub zəifliklərinizin fərqində olun ki, imtahanda ağlamayasınız. sırf listening işləyəndə diqqətim o qədər dağılırdı ki, 40 sualdan 20 neçəsə düz yazdığım olurdu, yenə də ruhdan düşməməyə çalışırdım. nəticədə, ən yüksək balım da məhz bu sectiondan gəldi. ikinci olaraq isə bu dəfə daha səs-küylü yerlərdə listening işləyin. beyninizi iki vəziyyətə də alışdırın, çünki imtahan zamanı kənardan gələn səslər sizi narahat etsə də, fikriniz dağılmamalıdır. bu arada, bəzən tam sakitlik də fikri yayındıra bilir, insandan insana dəyişən bir şeydir. yaxşı olar ki, hər iki vəziyyətə adaptasiya olmağa çalışıb uyğunlaşasınız. praktika üçün cambridge işləmək kifayət eləmir, gərək öz listening skilləriniz də yaxşı olsun. ən çox kinoya baxmağın xeyrini gördüyümü deyə bilərəm, çünki kinolarda həm dialoq, həm monoloq, hər cür aksent, bir sözlə listening sectionunda mövcud olan bütün tələbatlar ödənir. listening sectionları readingdə olduğu kimi asandan çətinə doğru gedir. hamının gözünü açıq tipli suallar olduğu üçün 4-cü hissə qorxudur, amma mənə görə 3-cü daha çətin idi. Dörddəki sözlər asan olur və mühazirəni dinlədikcə tappatap yazırsınız, üçdə isə variantdakı bütün sözlər səsləndirir deyə çaş-baş qalırsan ki, indi hansını götürüm mən. qısacası, diqqətli olun.
reading: ən çox gözümü qorxudan, amma ən yaxşı nəticə aldığım section idi. ən çox cambridge kitablarını işlədim, amma işlədikcə ən çox səhvə yol verdiyim tapşırıq tiplərini araşdırıb onlara xüsusi diqqət göstərdim. həmçinin, oxuduğunuz məqalələrdəki (testlərdəki mətnlərin çoxu məqalələrdən götürülüb) sözləri mütləq qeyd edib öyrənin. xeyrini görəcəksiniz. test etməkdən sıxılanda özünüz də açıb məqalə oxuya bilərsiniz – hətta öz maraq dairənizə uyğun məqalələr tapsanız, həm öyrənmiş, həm də sıxılmamış olarsınız. test işləyən zaman qayıdıb cavablarınıza göz atın, başınızdan eləməyin. imtahanda təsadüfən "yes/no" tipli sualda "yes"lərin sayının anormal səviyyədə az olması diqqətimi çəkdi deyə bütün tapşırığı yenidən işləmişdim. nəticədə, həmin tapşırığın hesabına balım yüksəldi, yoxsa hamısı səhv ola bilərdi. instuisiyanıza güvənin, məndə həlledici anlarda gəlir o "gut feeling". (daha götürüb düz yazdığınızı da səhvə çevirməyin.) seçdiyiniz cavabla vəkil-hakim oyunu oynayın. "niyə məhz bu cavabı seçirsən? niyə səhvdir?", "çünki filan cümlədə, filan yerdə belə bir söz işlənib, cənab hakim!" hər sual tipinin öz qayda-qanunu var, araşdırsanız en qədər taktika tapmaq olar. sual tiplərini araşdırıb onlara uyğun taktikalar öyrənin.
speaking: çox təəssüf bildirərək deyə bilərəm ki, bu sectiona qısa müddətdə hazırlaşmaq çətindir. bu sizin dil bacarıqlanıza əsaslanır. bəziləri götürüb çətin, formal sözlər öyrənir ki, examiner'i "impress" eləsin. o an çoxu yadınıza düşməməklə bərabər, danışığınızı qəribələşdirəcək. qoyun, sözləriniz axsın. əsas fikir verməli olduğunuz bir neçə məqam var: qrammatikanın evini yıxmamaq, sözləri təkrarlamayıb müxtəlif sözlərdən istifadə etmək və dayanmamaq. pauza edəndə bunu təbii variantda etməyə çalışın, guya deyəcəyiniz sözü yox, sualın cavabını fikirləşirsiniz. ya da bir sözü unudanda dərhal başqa alternativ söz tapın, o cümləni bitirməyə dirəşməyin. mən hər şeydə olduğu kimi bu mövzuda da dirəşdiyim üçün əməlli balım getdi, mən elədim, siz eləməyin. praktika üçün güzgü qarşısında danışa bilərsiniz, amma mən dinləyicim olmayanda sıxılıram deyə tapdığım hamıyla danışırdım. chatgptnin nemətlərindən faydalanın, tez-tez sizə imtahan sualları versin, dediklərinizin transkriptini çıxarıb səhvlərinizi aşkarlasın. hansı sözü dəfələrlə təkrar edirsinizsə, onları aşkarlasın, qrammatik səhvlərinizi düzəldib izah eləsin, bir iki tapşırıqla da möhkəmləndirsin. bu barədə prompt yaza bilərsiniz (yazmış qədər oldum kopyalayın getsin).
writing: bölüm sonu canavarını sona saxladım. yazmağı nə qədər sevirəmsə, ingilis dilində yazmağa o qədər nifrət edirəm: üstəlik, akademik səviyyədə. bu dünyada mənə cəhənnəmi yaşayan section. hələ yenə kin qusardım, amma mətləbə keçirəm.
bildiyimiz kimi, buradakı taskımız iki hissəlidir. burada əsas verə biləcəyim tips odur ki, ikinci hissəni birinci yazın. niyə?
1. balınızın 60 faizini ikinci esse verir.
2. həcmi daha çox olmalıdır (minimum 250 söz)
3. ideyalar tapmağınız, struktur qurmağınız və s. beş-on dəqiqənizi ala bilər.
ikinci esseyə on beş-iyirmi dəqiqə ayırsanız kifayətdir. hətta bir çox halda, on beş bəs edir. birinciyə elə hazırlaşın ki, avtomatlaşmış rejimdə olasınız – qrafiki görən kimi əliniz işləsin. birinci hissə, demək olar, əzbərçilikdir, ona hazırlaşmaq daha asandır. əzbərçilik sevmədiyim üçün mənə asan olmadı, amma əzbərçi sistemdə yetişdiyimiz üçün bizimkilərin probleminin məhz ikinci essedə olduğunu düşünürəm.
ikinci essenin növlərini yaxşıca öyrənin, hərəsi bir şey tələb edir, hərəsinin özünəməxsus strukturu var. unutmayın ki, essedə sizin fikrinizi alsalar belə limitləriniz var, çərçivədən qətiyyən kənara çıxmayın, balınız düşə bilər. hər sectionda yoxlayanların əlində meyarlar olur və nə qədər şedevr fikirlərinizi ortaya qoysanız belə, tələbatlarını ödəməyən kimi balınızı fruit ninja kimi kəsə bilərlər.
ümid edirəm, azdan-çoxdan bir təəssürat yarada bildim. bunlar ümumi tipslər idi, detallı sualınız olsa, soruşmaqdan çəkinməyin. uğurlar!
8.0 (Listening - 9, Reading - 8.5, Writing - 6.5, Speaking - 8.0)
azərilərin (içi mən qarışıq) məktəbdə yetərli təhsil görmədiyini göstərən daha bir faktor akademik ieltsdəki writing bölümüdür. bizdə təəssüf ki məktəbdə normal akademik yazı yazma bacarığı öyrədilmədiyinə görə əksəriyyət writing yazanda çətinlik çəkir və ortalama 6 bal alırlar. mən də ilk dəfə ieltsə hazırlaşanda akademik yazı nədir necə yazılır öyrənmişəm.
Tövsiyələr:
Listening: sizə suallara baxma imkanı verilən an başlayın sualları oxumağa (bu işin əsas tərəfi sualları oxuyub əvvəldən bələd olmaqdı). suallar onsuz ardıcıl gedir cavabı eşidən kimi yazın. gördüz ki part bitib onda tez növbəti partın suallarını oxuyun. qəti şəkildə yaza bilmədiyiniz sualın üstündə qalmayın, istəsəz sualları oxuduqca açar sözləri highlight edə bilərsiz amma mən etməyi sevmirdim vaxt aparır deyə, onun yerinə daha bir neçə sual oxuya bilərsiz. bir də hər sual üçün neçə sözlük cavab istədiyinə fikir verin (no more than 3 words)
Reading: vaxt bölgüsünü 17-20-23 dəqiqə edin partlar üzrə, yəni birinci part asan olur deyə ona 3-5 dəqiqə daha az vaxt ayırın və bu vaxtı üçüncü - çətin partı yazmaqla dəyərləndirin. readingdə əsas məqam odur ki, əvvəl mətnin birinci abzasını oxumalısız ki, söhbət nədən gedir biləsiz - sonra isə sualları oxuyub ala çula yadınızda saxlamalısız. Daha sonra hər abzası oxuduqca bir daha suallara baxmalı və həmin abzasda cavabı olan sualları yazmalısız və belə davam etməlisiz.
writing - bu sectionu özüm də yaxşı yazmamışam deyə heç nə deyə bilməyəcəm, amma işlənmə yerini bilmədiyiniz super akademik c2 səviyyə cümlə quruluşları və sözlər yerinə daha sadə yazsaz yəqin ki daha çox bal ala bilərsiz.
speaking - IELST speaking assistant deyə qızıl dəyərində bir proqram var, deməli bütün dünyada ielts speaking sualları seasonal olaraq yenilənir və hər yerdə eyni sual bankından verilir, bu appdə isə başqa ölkələrdə verilən sualları öyrənib cavablarıyıa birgə paylaşırlar, nəticədə ieltsdə sizə düşə biləcək bütün suallar orda olur. mənim speakingim yaxşı idi deyə mən belə etmədim, amma sizin speakinginiz çox da yaxşı deyilsə hər bir sualı(hər part üzrə 50-60 ədəd), suallara uyğun lüğəti öyrənib sonra reak imtahandaymış kimi vaxt qoyub danışa bilərsiz. Əlavə olaraq ən əsas şey confident olmağınızdır.
ümid edirəm ki ingilis dili ilə əlaqəli verdiyim son imtahan olar, çünki artıq bezmişəm. sat (1400), toefl (102) və ielts (8) imtahanlarından keçmişəm daha öncə və artıq fərqli dillərdə səlis oxuma və danışma bacarıqlarına yiyələnmək istəyirəm.
üzv ol