+19 əjdaha
1. Bir cəmiyyətin ədalətli olması üçün ədalət məhkəməsi görməsi lazımdır.Bir cəmiyyətin düzgün olması üçün düzgün seçkilər görməsi lazımdır.
Ömründə bunları görməyən cəmiyyətdən ədalət, düzgünlük gözləmək olmur.
Bu cəmiyyətin gördüyü, ən düzgün olması tələb olunan müəllimlərin kütləvi saxtakarlıqların aparıcı elementi olmasıdır.
Bu camaatın ədalət görməli olduğu məhkəmələr məmləkətin ədalətsizlik ocaqlarıdır.
Yəni bu cəmiyyətdə ədalət də, düzgünlük də kəllə-mayallaqdır. Evdə bişməyib, qonuşdan gəlməyib. indi bu cəmiyyət necə düzgün və ədalətli olsun?
Bu cəmiyyət on illərdir uşağını hüquq fakültəsinə göndərmək istəyir. Niyə? Ədalət uğrunda fəaliyyət göstərmək üçünmü? Təbii ki yox. Ədalətsizlik edib, əvəzinə rüşvət filan alıb, dolanmaq üçün.
Bu cəmiyyət on illərdir rüşvət almağa, dövlətdən tutmuş, işlədiyi müəssisəyə kimi hər yerdən əli çatanı oğurlamaqla yaşamağa öyrədilmiş cəmiyyətdir.
Bu cəmiyyətin fərdləri uzun illərdir bir-birinə atmaqla, kələk gəlməklə dolanırlar. Yüzillərdir, dədə-babadan belə sistem görüblər, buna öyrəşiblər.
Bundan hansı ədalət gözləmək olar?
Bax, demokratiya, azad seçki, qanunun aliliyi ilk növbədə bu cəmiyyətin ədalət, düzgünlük dəyərlərinin formalaşması üçün lazımdır. Bu fundamental məsələdir. Ədalət və düzgünlük olmadıqca bu cəmiyyətdə rifah olmayacaq və imkanı olan bu ölkədən qaçacaq.
(bax: Altay Göyüşov)
(bax: Azərbaycan)
(bax: Cəmiyyət)