+6 əjdaha
1. fəzada iki kosmik gəminin yaxınlaşması, böyük ehtimal sonradan birləşməsi * docking üçün həyata keçirilən manevrdir. bu manevrdə gəmilərdən biri passiv olur və sabit bir orbitdə qalır. digər gəmi isə orbitinə dəyişikliklər edərək passiv gəmiyə yaxınlaşmağa çalışır. əgər passiv gəmi ondan qabaqdadırsa, aktiv gəmi yer kürəsinə daha yaxın orbitə keçir nəticədə passiv cisimdən daha sürətlə yer ətrafında fırlanır. müəyyən vaxtdan sonra yenidən passiv cismin orbitinə qayıtmaq üçün düzəlişlər edilir. əgər passiv gəmi əksinə arxada qalıbsa, onda aktiv gəmi yerdən daha uzaq orbitə keçir, nəticədə yerin ətrafında daha yavaş fırlanır və passiv cisim gəlib ona çatır. burda da yenidən passiv cismin orbitinə qayıdılır. iki gəmi bir-birinə arzu olunan qədər yaxınlaşdıqdan sonra daha bir düzəliş edilərək hər ikisinin orbital sürəti bərabərləşdirilir. nəticədə gəmiləri xırda manevrlərlə bir-birinə birləşdirmək üçün şərait yaranır. biraz da manevrin tarixi haqqda:1962-cı il 12 avqustda vostok 3 ilə vostok 4 gəmiləri bu manevri ilk dəfə həyata keçirirlər və bir-birilərinə 6.5 km-ə qədər yaxınlaşırlar. amma bu manevr gəmilərin fəzada idarə edilməsi ilə deyil də, hələ startdan əvvəl aparılan dəqiq hesablamalar nəticəsində həyata keçirilmişdi.
1965-ci il 15 dekabrda ilk dəfə iki insanlı gəmi artıq fəzada olarkən idarə olunaraq bu manevri həyata keçirib yaxınlaşdılar. bunlar gemini 6 və gemini 7 gəmiləri idi. gəmilər bir birinə 30 cm-ə qədər yaxınlaşmışdılar. (bax: gemini proqramı)
1969-cı il 16 yanvarda soyuz 4 və soyuz 5 gəmiləri birləşirlər və ilk dəfə olaraq astronaftlar bir gəmidən çıxıb digərinə keçə bilirlər.
1975-ci il 17 iyulda ilk dəfə fəzada amerikan və sovet gəmiləri birləşir. apollo-soyuz test proyekti çərçivəsində.
p.s. başqa tarixi hadisələr də var idi, amma ibnəlik eliyib sadəcə özümə maraqlı olanları yazdım.