+6 əjdaha
1. tanım: əsgərlərin komandirə dəstək verməsi çağırışıdır.izah: məlum videoya baxanda ordu quruculuğu və peşəkarlığının hansı səviyyədə olmasını az çox göstərir
tarixi qeyd, iqtibas * alıntı ;
dostlar, ordu quruculuğu, ordunun peşəkarlığının artırılması, daha müasir silahlarla təchiz edilməsi özüm iqtidarda təmsil olunanda da mənim üçün prioritet olub. bilirsiniz ki, əbülfəz elçibəyin prezident olduğu o bir ildə mən də cəmi 2 ay dövlət katibi (o zaman prezident administrasiyasının başçısı belə adlanırdı) işlədim. 3-cü ay artıq 4 iyun qiyamı başlandı. həmin 2 ayda bir neçə ciddi işə başlamışdım. müharibə aparan ölkədə ordu quruculuğu mənim üçün yeni vəzifədə əsas prioritet idi. ordumuz döyüşə-döyüşə qurulurdu. əksər hərbi hissələr könüllü döyüşçülərdən ibarət idi. həm sıfırdan ordu qurmaq, onu silahlandırmaq, təlim vermək, həm də hər gün döyüşmək əlbəttə ki, çətin idi. ona görə də hərbi hissələrdə döyüş hazırlığı, silahlarla təchizat və peşəkarlıq heç də hər zaman arzuladığımız səviyyədə olmurdu.
həmin vaxt prezidentin dəvətilə ordumuza təlim vermək üçün türkiyədən 130-140 nəfərlik xüsusi təyinatlı zabit heyəti də gəlmişdi. indi burada yazmaq istəmədiyim səbəblərdən bakıda otellərin birində aylarla işsiz qalmış həmin zabitlərin orduda təlimlərə başlamasına imkan verilməmişdi. dövlət katibi təyin olunan kimi dərhal işə başladım. zabitlərin rəhbər heyətini dəvət etdim. onlardan soruşdum ki, bakıya gəlmiş türkiyə zabit heyəti eyni vaxtda nə qədər əsgərimizin “komando” (xüsusi təyinatlı) təlimi almasını təmin edə bilər? dedilər ki, şərait olsa, eyni vaxtda 14 tabora (batalyon) təlim keçə bilərlər. şərait isə o zaman üçün yox dərəcəsində idi. rusiya ordusu azərbaycanı tərk edərkən hətta təlim mərkəzlərini də dağıdıb getmişdi. üstəlik, 7 min nəfərlik “komando” yetişdirmək üçün zabitlər onlara azı 21 min nəfər əsgər təqdim etməyimizi istədilər. şərtləri belə idi ki, yaxşı halda hər 3 əsgərdən biri bu təlimlər üçün yararlı ola bilər (türkiyədə tətbiq edilən “komando” təlimləri haqda videonu şərh bölümünə əlavə edirəm, mütləq baxın). 21 min əsgəri döyüşən ordudan götürə bilməzdik, yeni çağırışçılar səfərbər etməli idik. həm də onların qısa müddətdə təchizatını təmin etməli idik.
işə başladıq. 14 taborun təlim keçməsi üçün zəruri olan təlim mərkəzlərini ən qısa müddətdə təmir edib, yararlı vəziyyətə gətirmək üçün inşaatçıların 3 növbə olmaqla, sutkada 24 saat işini təşkil etdik. silahlanma və təchizat işləri də sürətlə həll edildi. cəmi 2-3 həftədən sonra 21 min nəfərin içindən seçilmiş 7 min nəfərlə “komando” təlimləri başlandı. bu proses bütövlükdə prezident əbülfəz elçibəyin himayə və nəzarətində idi, cari rəhbərliyi isə mən həyata keçirirdim. təlimlər sentyabr ayında başa çatacaqdı. və ondan sonra yüksək təlim görmüş “komando” birliklərinin qarşısında ermənistanın başıpozuq ordusunun dayana biləcəyindən söhbət belə gedə bilməzdi. torpaqlarımızın işğaldan azad edilməsinə sayılı aylar qalırdı. lakin olmadı. düşmənlər də yatmamışdı...
elçibəy hakimiyyətinə qarşı onsuz da hazırlanan dövlət çevrilişi sürətləndirildi. əbülfəz elçibəy hakimiyyətdən devrildi. heydər əliyev hakimiyyəti ələ aldı. dərhal onun sərəncamı ilə ön cəbhədə olan 33 döyüşən tabor “cəbhə batalyonu” adı ilə buraxıldı. 14 “komando” taborunun təlimləri dayandırıldı. türkiyədən təlim üçün gəlmiş zabitlərə dedilər ki, daha sizə ehtiyac yoxdur. bir-birinin ardınca azərbaycanın 6 rayonu işğal edildi. yeni hakimiyyət azərbaycanı mdb-yə üzv etdi. qalanını da özünüz bilirsiniz. (c) əli kərimli
mövzu olub. çörək tapacaq olan uşaq belə olar. siz də gedin sürrealizmin toplumda özünə yer etməsi və sevilməsində dövlət dəstəyinin müasir dünyada qloballaşan ölkəmizdə əvəzsiz rolunu araşdırın. 
)