+25 əjdaha
4. öyrənməyə qərar verdiyiniz an hansısa dil kursuna yazılmağa tələsməyin. tutaq ki, x dilini öyrənmək istəyirsiniz və haradan başlamalı olduğunuzu bilmirsiniz. əvvəlcə netdə most common words in x language yazıb axtarın və öyrənməyə başlayın. söz əzbərləməkdə çətinlik çəkirsinizsə memrise kimi programlardan yararlanın. çalışın kursa yazılana qədər hər nitq hissəsinə aid azı 100 ən çox istifadə olunan sözləri öyrənəsiniz.işləyirsinizsə, fiziki kursların yerinə online ingilis dili kurslarını dəyərləndirin, beləliklə yola xərclədiyiniz vaxtı praktikaya xərcləyə bilərsiniz. sonrakı mərhələ basic grammar dediyimiz şeydir. grammatikanı öyrənərkən çox da dərinə getməyin, bu yeni dil öyrənməyə başlayan əksər insanların elədiyi ən böyük səhvdi. çalışın ən əsas qaydaları öyrənəsiniz, əks halda istisnalar sizi bezdirəcək, olan qalan həvəsinizi də öldürəcək. növbəti və ən əsas mərhələ isə mütaliədir. asan mətnlərlə başlayıb paralel olaraq söz bazasını artırmaqla bədii kitab oxuyacaq səviyyəyə gəlib çıxa bilərsiniz. bunları edərkən öyrənəcəyiniz dildə öz zövqünüzə uyğun musiqilər tapıb playlistinizə əlavə edin. bir az qulaq vərdişi qazandıqdan sonra altyazılı seriallarla davam edin.xarici dil öyrənənlərə məsləhətlər
əjdaha lazımdı
izlə
dostlar
mən
googlla
başlıqdakı ən bəyənilən yazılar:
+9 əjdaha
11. -ən məqsədəuyğun başlıq bu oldu-bu deyəcəyim metod daha çox başqa dillər də bilən, üstünə də birini artıranlar üçün olub, həm yenisini öyrənmək, həm də əvvəl bildiyi dillərdən birini (hamısını da olar, sizin potensialınızdan asılıdır, amma biri seçilsə, daha düzgün olar) təkrar etmək/daha da yaxşı bilmək məqsədilə istifadə edilə bilər:
yeni dil üçün tutduğunuz lüğətdə həmin yeni dildə olan sözün qarşılığını təkrar etmək istədiyiniz dildə yazın.
misal:
almanca: naturwissenschaft- ingiliscə: natural science
almanca: ausgezeichnet- rusca: превосходно
rusca: корректирование- türkcə: düzeltme
əlbəttə ki yeni dil öyrənmək istəyirsinizsə, lüğəti tez-tez təkrar etməli, lüğətdəki sözlərdən cümlə qurmalı, cümlələr də yavaş-yavaş mətnlərə çevrilməlidir, əks təqdirdə bu metodu buraxın, başqa cür də neyləsəniz, alınmayacaq. yazmasanız da gərək özünüzü o dilə məruz qoyasınız. bəli, məruz. daim təsiri altında olasınız ki sürətlə dili öyrənəsiniz.
+10 əjdaha
12. Şəxsi təcrübəmdən deyə bilərəm ki, xarici dildə danışmağın ən effektiv yolu mütəmadi o dildə nəsə izləməkdir. Açın altyazılı serialları günə 5 seriya güpləyin getsin. (bax: Friends ) Qısa müddət ərzində danışmağa çalışanda necə axıcı şəkildə sözlərin və cümlələrin qurulduğunu özünüz hiss edəcəksiniz. Təbii ki, burada önəmli məqam izlədikcə bilmədiyiniz sözləri qeyd eləməkdən keçir. Amma öz təcrübəmə dayanaraq deyə bilərəm ki, qeyd eləməsəniz belə kömək olur. Çünki dinləmə ilə öyrənmək, qulağı o dilə öyrəşdirmək ən önəmlisidir. ilk başlarda 1 söz belə başa düşmədiyiniz halda, qısa müddət ərzində altyazısız belə artıq demək olar ki, bütün dialoqu tuta biləcəksiniz.+7 əjdaha
1. 1. öyrəndiyiniz dil üçün vaxt ayırın və çalışın ki, həmin dil ilə keçirmədiyniz 1 gün belə olmasın.2. sizə xoş olan öyrənmə üsulunu seçin. məs. danışmaq mı? oxumaq mı? videolara baxmaq mı? yoxsa hamısı birdən?.
3. öyrəndiyiniz dilə diqqət edin yəni. strukturu,xüsusiyyyətləri,istifadə arealı və s.
4. grammatikanı boş verin bacardığınız qədər çox söz öyrənməyə çalışın.
5. səbrli olun. moskva 1 gündə tikilmir. unutmayın ki, siz başqa dil öyrənirsiniz qavrama qabiliyyətinizdən asılı olaraq sizə müəyyən vaxt lazımdır.
6. vasitələrdən istifadə edin. məs. bacardığınız qədər audio/video podcast endirin internetdən, uşaqlar üçün belə olsa kitablar əldə edin həmin dildə və s.
7. əgər kursa gedirsinizsə unutmayınkı dil öyrənmək dörd divar arasına sığmaz. skype kimi möhtəşəm imkanınız var. ana dili öyrədinyiniz dil olan çoxlu dostlar tapın və onlarla bacaqdığınız qədər praktika edin.
+5 əjdaha
9. Çox qısaca olaraq deyim ki, gün boyu dilə məruz qalın, balaca uşaqlar kimi. Telefonun və ya komputerin dilini dəyişmək həqiqətən də çox effektiv olur, əvvəl bunu eşidəndə "pəh birdə kimdi telefonu xarici dilə keçirən?" Deyirdim, amma yox, həqiqətən çox faydalıdı. birdə gün boyu dinlədiyiniz, oxuduğunuz, gördüyünüz şeylər əgər mümkündürsə həmin o xarici dildə olsun. Amma ən effektivi danışmaqdır, şəxsən mən heç kimi tapa bilmədiyim üçün aynanın qabağına keçib dəli kimi özüm sual verib, özüm də cavablayırdım.+6 əjdaha
10. Dil öyrənmək üçün yeni bir metodu yoxlayıram, o da öyrənmək istədiyim dildə manga oxumaqdı. Kitaba nisbətən dili daha sadədi, üstəlik şəkillərlə dəstəklənir. bir tərəfdə oxumaq istədiyin manganın ingilis dilində olan versiyasını(çünki istisnasız bütün məşhur mangaların ingilis dili versiyası pulsuz olaraq paylaşılır), digər səhifədə də hədəf dildə olan versiyanı açırsan, başlayırsan bala-bala oxumağa, bir tərəfdən də özün üçün notlar alırsan. Əsas da o dildəki ifadələri öyrənmək üçün çox yaxşıdı.Mənfi tərəfi isə odur ki, bəzi dillərdə manga tapmaq çox çətindi (məsələn alman dilində), tapılanlar isə taxta-tuxta şeylərdi, bəzi dillərdə isə tapmaq demək olar ki, mümkünsüzdü. Belə olan halda gərək pulunu verib alasan, ya da alternativ olaraq, comic oxuyasan. Üstəlik oxuduğundan azda olsa nəsə anlamalısan, ona görə də həmin dildən gərək biraz məlumatın olsun.
Ancaq bu metod hələ prototipdi, əgər yaxşı nəticə ala bilsəm, ancaq ondan sonra könül rahatlığı ilə tövsiyyə edə bilərəm. Hələlik berserklə başlamışam, görək axırı necə olur.
+3 əjdaha
5. istəyin amma istəməklə heç nə bitmir. iradəli olun, dirənin, çabalayın, marağınızı öldürməyin.+3 əjdaha
14. dil öyrənmək uzunmüddətli proses olduğu üçün məncə bu periodda müxtəlif metodlardan istifadə həvəsi canlı saxlaya bilir.yəni bu dildə serial/kino da izləyin, söz də əzbərləyin, kitab da oxuyun, musiqiyə də qulaq asın, çalışmalar da işləyin, applərdən də istifadə edin, conversationlara da qoşulun.təkcə hansılarısa eləmək uzun müddətdə davam etdirməsi çətin bir yol olur.bir də ki, yaxşı olar ki bacardığıvız qədər "bugün dil üçün 1 saatımı ayıracam" tipli yanaşmalarla bunu gözüvüzdə bir iş halına gətirmək yerinə onsuz da baxdığınız kinoları, onsuz da baxdığınız tipdə olan youtube videolarını elə-belə, gündəlik bir aktivite kimi izləyin.bu baxış bucağını mənimsədikdə gün ərzində dilə ayırdığınız vaxt rahat şəkildə artacaq
+3 əjdaha
7. fallout,the elder scrolls, stalker və sairə bu cür rpg oyunlar oynayın.avtomatik öyrənəcəksiniz+2 əjdaha
6. https://vk.com/feed?w=wall-36147615_447525vkontakteni kesf edin. orada sadece rus qizlar yox ejdaha materiallar var hemide bedava.
+1 əjdaha
13. Həmin dildə bir şeylər izləmək, dinləmək, oxumaq və ən effektivi həmin dili ana dili olan biri ilə danışaraq praktika keçməkdi. Bunun üçün sosial şəbəkələrdə, müəyyən sayt və applərdə qruplar, bölmələr var. Hansı ki üzv olub kriteriyaları yazaraq özünüzə uyğun danışacaq şəxsi tapırsız.hamısını göstər