...

albert aqarunov

| tarix

facebook twitter əjdaha lazımdı   googllalink
əmircan - graviton - azərbaycan - məşhur yəhudilər - keçən ilin ən bəyənilən entryləri - cırtdanpro - azərbaycanlıların yəhudi fetişi
/ 2 »


    1.
    (youtube: )

    1 əjdaha!

    19.01.2015 19:13, marduk
    2. yəhudi əsilli azərbaycanlı şəhid.
    3. burada albertle bağlı bir məqam var. milli qehrəmanımızdır amma şəhid deyildir. şəhidlik üçün ilk öncə müsəlman olmaq vardir. islamin bir hökmünü islamla əlaqəsi olmayanlar üçün istifadə etmək anlamlı olmaz. bununla belə vətən,millət uğrunda canından keçən qeyri-müsəlmanların dinlərinə uyğun adlandırılmalarını da ailələri,sevdiklərinə hörmət üçün öpər başımızın üstünə qoyarıq.

    0 əjdaha!

    04.04.2015 17:19, qasim
    4. indi atatürkə yəhudi deyən türklər var.sanki yəhudi olmaq bir utancdı.müharibə vaxtı müsəlman "qardaşımız" iran ermənilərə yardım edəndə yəhudi albert qarabağ uğrunda can verib.kim nə deyir desin mən yəhudilərin etdiklərinin üdtündən xətt çəkə bilmərəm.əziz albert sevirəm səni

    9 əjdaha!

    08.12.2017 14:43, qarabaşaq
    5. https://i.imgur.com/2sjOuK5.jpg
    Ermənistan Ordusunun döyüş zamanı qoyub qaçdığı tankları Azərbaycan Ordusu yenidən təmir edib, rəngləyib, yenidən döyüşə göndərir. Tankların bəzilərinn üstünə milli qəhrəman Albert Aqarunovun xatirəsinə sayğı olaraq "Albert" yazılıb.
    (bax: 533 nömrəli tank)

    20 əjdaha!

    27.10.2020 17:43, Diplomat
    6. 1992-ci il mayın 8-də şuşa şəhərinin işğal olunduğu gün snayper tüfəngi ilə vurularaq şəhid olmuş, yəhudi əsilli azərbaycan milli qəhrəmanı, Öldürülməsi üçün ermənilərin başına 5 milyon rubl pul qoyduğu, birinci qarabağ müharibəsində "yəhudi buterbrodu" taktikasının yaradıcısı.
    Hamının tank üstündə, ümidli, gülərüz xatırladığı kəsdir albert. Mirşahinlə müsahibəsini xatırlamayan olmaz, yəqin.
    (youtube: )

    Mirşahinin səsinə dözə bilməyənlər üçün müsahibədən bir hissə paylaşım:
    --Adın nədir sənin?
    – Albert.
    – Hansı millətin nümayəndəsisən?
    – Yəhudi.
    – Yəhudiləri Azərbaycan torpağını qorumağa nə məcbur edir?
    – ona görə mən bu torpaqda yaşayıram, doğulmuşam burada, yaşayıram da burada, ayrı heç nə məcbur eləmir.
    – Bir vətəndaş kimi öz borcunu nədə görürsən?
    – Gəlib torpağı qorumaqda.
    – Nə qədər vuruşmağı düşünürsən?
    – Müharibənin axırına kimi.

    Albert Bakıda yəhudi ailəsində doğulub, orta məktəbi bitirəndən sonra peşə məktəbində sürücü-mexanik təhsili almış, 1987-ci ildə gürcüstanda hərbi xidmətə getmiş, hərbi xidmətdə olduğu zamanlar tank komandiri olmuşdur. Birinci qarabağ müharibəsi başlayan günlərdə könüllü yazılaraq, cəbhəyə getmiş, tank komandiri təyin olunaraq xüsusi təyinatlı 777 nömrəli batalyonun tərkibində Vuruşmuşdur. Şuşa istiqamətində döyüşmüş, Cəmilli, xankəndi, daşaltı istiqamətində ermənilərin zirehli texnikasını, canlı qüvvəsini məhv etmiş, düşmənin iki tankı bir-birinə yaxınlaşanda bir mərmi ilə iki tank vuraraq, yanındakı əsgər yoldaşları tərəfindən "yəhudi buterbrodu" olaraq çağırılmışdır.
    Komandirinin sözlərinə əsasən, mayın 8-i 1992-ci ildə albert mövqeyini dəyişəndə şəhid olmuş yoldaşlarının üstündən keçmək istəməmiş, buna görə tankından çıxıb, yoldaşlarının ölü bədənlərini kənara çəkən zaman öldürülmüşdür.

    Azərbaycan respublikasının prezidentinin 1992-ci il 7 iyun tarixli, 833 saylı sərəncamı ilə "Azərbaycan milli qəhrəmanı" adına layiq görülmüşdür. Bakıda şəhidlər xiyabanında dəfn olunub.

    Bu gün Bütün küçəmiz albertin şəkilləri ilə doldu bir anda. Bir yəhudi qonşumuz var idi, şəhid gətirildi. anası fəryad edirdi ki, müharibə başlayan kimi "müharibə başladı, mən də bir albert olmağa gedirəm" Deyib, getdi tək oğlum.
    Nə deyəsən. Həmişə 23 yaşında qalacaq gözəl insanlar, ruhunuz şad olsun.
    müharibəyə gedəndən bəri qardaşımla danışdığımız hər zəngin sonunda atam ona "bax, özünü qoru ha, ora-bura atılma, ehtiyatlı ol, minalı ərazilər çox olur. Həyat qabaqdadır, gözümün nuru, həyat qabaqdadır" deyir. O "həyat qabaqdadır" sözü albert aqarunovu, səid rəşidzanəni, şaiq kəlbiyevi və tanıyıb-tanımadığım yüzlərlə, minlərlə gənci xatırladır mənə. Şəhid olduğu üçün Daima eyni yaşda qalacaq olanları. Çox kədərli deyil, sözlük?

    Albertin müsahibəsində "aə mən intervyu verə bilmirəm, a kişi" dediyi kimi, mən də entrynin sonunu hara bağlayıram bilmirəm, a kişi. Heç bir şey vallah. Kədərlidir. Nurlar içində yatsın hamısı.

    Edit. "Aə" yox, "Arə" imiş xitab forması. Maraqlıdır.
    mənbə link

    8 noyabr 2020 editi: şuşanı azad etdik, albert! Ruhun şad olsun!

    46 əjdaha!

    29.10.2020 15:57, reyn
    7. bakıda, əmircanda doğulan, əslən qubalı * olan milli qəhrəman. məlum intervyudakı şirin quba* ləhcəsini və arə* sözünü eşidəndə hər dəfə gülümsədiyim insan

    nur içində yatsın

    10 əjdaha!

    29.10.2020 16:49, sistem robotu

    2 əjdaha!

    29.10.2020 19:46, əski solçu

    0 əjdaha!

    29.10.2020 19:47, Dabanyaladan1
    10. çox az sayda şəkli olan qəhrəman. belə bir rəngləndirilmiş şəkli var. mənbə link

    12 əjdaha!

    30.10.2020 20:24, momoko
/ 2 »



üzv ol


...