+4 əjdaha
1. izləməkdən böyük zövq aldığım bir kurt wimmer filmi. baş rolda christian bale yer alır. filmlərdə döyüş səhnələrinə o qədər də maraqlı olmayan biri olaraq buradakı döyüş səhnəsi xüsusi diqqətimi çəkdi və the matrix-lə müqayisə etdim. heç də ondan geri qalmır məncə.filmin mövzusuna gəlincə. müharibələrdən gəlinən bir nətəcəyə görə bütün müharibələrin təməlində insan duyğuları dayanır. işi kökündən həll etmək məqsədilə də prozium adlanan xüsusi maddə ilə insanların duyğuları keyləşdirilir və bununla da müharibəyə son qoyulur. lakin vəziyyət heç də göründüyü kimi ideal deyil. kin, qısqanclıq, əsəb, tamah kimi mənfi hisslərlə yanaşı sevgi, kədər, həyəcan kimi başqa hisslər də ölmüş olur. insan bir növ zombiyə çevrilir. lakin bir qrup insan bu metodla razı olmadığı üçün düşmən kimi məhv edilməyə çalışılır. proziumun vaxtlı vaxtında qəbul edilməsi də vacibdir. əks halda gizli duyğular üzə çıxacaq. bu bilindikdə həmin şəxs də öldürülür. insan duyğularına və hisslərinə xitab edən sənət əsərləri də yox edilir. insanların şəxsi üslubu ilə tikdiyi evlərin üstü örtülür və hər yer standart rəngə boyanır və standart formalarda tikilir.
bütün bu yeknəsəqliyin ortasında bir nəfər şəxs proziumu qəbul etməkdən gizlicə imtina edir və yeraltı qruplaşmayla əlaqə keçir. əlbir olub bu quruluşu dağıdırlar.
izləməmiş olanlara izləməyi məsləhət görərdim.