əjdaha lazımdı
izlə
dostlar
mən
googlla
loqoped
-
ismet topaloğlu
-
sosial fobiya
-
yazarların paylaşmaq istədikləri şeirlər
başlıqdakı ən bəyənilən yazılar:
+19 əjdaha
1. artikulyasiya aparatının qıcolması ilə nəticələnən pozulmadır.nitqin tempo-ritmik pozulmasıdır.yeganə nitq pozulmasıdır ki,loqonevroz adlanır.yaranma səbəbi iki yerə ayrılır.funksional və orqanik. funksional kəkələmə-mərkəzi və periferik sinir siteminin nitq mexanizmində hər hansı orqanik bir zədələnmə olmur.tez heyacanlanan və əsəbi uşaqlarda2-5 yaş aralığında meydana gəlir.yaranma səbəbi-sürətli danışmaq,kəkələyən digər adamı yamsılamaq(ən gec korreksiya olunan növüdür),ağır məişət şəraiti,stress,aqressiv münasibət,qorxular,yanlış tərbiyə üsulu,nitqin umumi inkişafdan qalması,nitq səslərinin yanlış tələffüzü.
orqanik-istənilən yaş düvründə yarana bilər,mərkəzi sinir sisteminin zədələnməsi ilə meydana gəlir.ağır beyin xəstəlikləri,travmalar,infeksion xəstəliklər səbəb ola bilər.
3 növü vardır
1)klonik kəkələmə-sa sa sa sa sa salam,mə mə mə mə mə nim a a a a a dım vvvvshah.
2)tonik. birinci səsi uzadır,sonra söz partlayış şəklində çıxır. s-----ən a-----maqsan.
3)qarışıq.klonik-tonik(m-m-m-mən ya---tıram)tonik-klonik(m------ən g-g-g-əlmirəm).
əlavə: oğlanlarda qızlara nisbətən 4 dəfə daha çox rast gəlinir.
+6 əjdaha
2. 2 yaşımda it hücumu nəticəsində yaranan və bu yaşıma qədər məni draznit edən nitq qüsuru. məktəbdə müəllim sıra ilə dərs soruşmağa başlayanda, jurnaldakı son uşaq belə olsan, ilk uşaq löhvəyə çıxan andan ürəyinin guppultusu və həyəcanın pik nöqtəyə çatdığını ancaq kəkələyən insanlar bilər. adətən tanımadığın çevrədə olarkən, səndə qaynayıb qarışmaq istəyirsən, lap o mövzuda sən ordakıların hamısından çox bilirsən amma danışanda hansısa söz ağzından "gülməli" çıxır. ətrafındakılar pis olmayasan deyə bunu büruzə vermirlər amma altdan-altdan gülümsəməkləridə sənin gözündən yayınmır. özüm bu yolu keçmişəm deyə hardasa məsələn hansısa tədbirdə və yaxud eventdə kəkələyən adam görəndə (əksər hallarda uşaqları görəndə) maksimum onunla özüm ünsiyyət qurmağa çalışıram ki sıxılmasın və s. dəfələrlədə olub ki kəkələnməyinə görə zorbalıq görən hansısa adamın müdafiəsinə qalxmışam.
nəfəs idmanları ilə və s. düzələcəyini deyirlər. boş şeydir, şəxsən mən inanmıram. ölənə qədər mənimlə gedəcək kəkələmə.
+3 əjdaha
3. psixi cəhətdən zəifsinizsə bərbad bir şeydir, yox, deyilənlərə, zarafatlara qoz qoyan deyilsizsə deməli zamanla özünüzü buna öyrəşdirmisiniz. kəkələməyin bəlkə də yeganə faydası budur.
+2 əjdaha
4. adətən bu insanların yaxşı söz ehtiyatı olur. bunun səbəblərindən biri həmin insanın demək istədiyi sözü əvvəlcədən analiz etməsidir. məsələn bu şəxs demək istədiyi sözü dinləyiciyə ötürə bilməyəcəyini öncədən dərk etdiyi üçün yaxınmənalı ifadələr axtarmağa başlayır. bununla da həmin şəxsin söz ehtiyatı (özünün bundan xəbəri olmasa belə) artmış olur. əlavə olaraq, bu insanlar ünsiyyət qurduqları şəxslərin (üz mimikalarına, jestlərinə, nə cür reaksiya verdiklərinə) diqqət edir. həmçinin emosional zəkaları (emotional intelligence) bir çoxlarına nisbətən daha yaxşı inkişaf edir. başqalarının emosional vəziyyətini anlaya və bunu nəzərə ala bilirlər. indi isə bu məsələyə başqa bucaqdan baxaq. adətən onların rahatca ünsiyyət qura bildikləri ailəsi və yaxın bildikləri 2-3 nəfər dostları olur. onların yanında səlis şəkildə danışsalar belə başqaları ilə ünsiyyət qurduqları an vəziyyət tamamilə fərqli olur*
bu vəziyyət insandan insana dəyişir, hamıda eyni cür təzahür etməyə bilər
məsəlüçün özümdən misal gətirim. taksiyə minməli olduğum zamanlar olur bəzən. hara kimi getdiyimi soruşduqları zaman deyə bilmədiyim üçün həmin əraziyə yaxın olan bir yerin adını çəkirəm. daha sonra həmin yerə piyada getmək məcburiyyətində qalıram. qısacası həmin an kilometrlərlə yol qət etməyi bir sözü kəkələyərək deməkdən üstün tuturam. ancaq bunun belə davam etməsi yaxşı bir hal deyil təbii ki. qorxularının üstəsindən gəlmək üçün gərək onların üstünə gedəsən. demək olar əvvəllərə nisbətən bu kimi hallarla daha az üzləşirəm.
hamısını göstər
