mətbəx — ən bəyənilən yazılar

+3 əjdaha

1. Qış aylarında oturub semiçka çırtlamaqm üçün ideal yer

+1 əjdaha

2. 2012-ci ildən bəri yayımlanan rus serialıymış. Komediyadı, sitkom (*situation comedy*). 20-25 dəqiqəlik seriyalardı. hələ ki, rus sitkomları içərisində ən bahalısıdı. seriya başına maya dəyəri 200.000 usd.
Serialın aktyorları ilə "*Mətbəx Parisdə*", "*Mətbəx Şanxayda*" filmləri çəkilib. Ayrıca serial haqqında "*'Mətbəx'in Mətbəxi*" adlı sənədli film çəkilmişdir.

hər sezon 20 bölümdən ibarətdi. hələ ki, 5 sezon tamaşaçılara təqdim olunub. 6-cı sezonun çəkilişləri 2015 iyun ayında başlıyıb, 2016-cı ilin yazında tamaşaçıları təqdim olması gözlənilir.

bu bilgiləri vikipediadan tərcümə etdim. əslində bu serialın tamaşaçısı üçün yuxarıda yazılan məlumatların elə də əhəmiyyəti yoxdu. yazdım ki, sənəd məhiyyəti olsun entry-nin. içində obyektiv bilgi barınsın.

mənbə: https://goo.gl/GBFt2p

indi keçək öz fikirlərimə. serialı mənə rusiyada uzun illər yaşamış və zövqünə güvəndiyim bir dost tövsiyə etdi. açığı həvəssiz də olsa izlədim. fena sardı. 2-ci sezonu bitirirəm -*

hadisələr moskvadakı bir fransız restoranında cərəyan edir. ssenari özündə "Claude Monet" adlı restoranın sahibi, sahibəsi, art direktoru, baş aşpazı, "su-şef" deyilən baş aşpazın köməkçisi, aşpazlar, konditer, barmen, ofisiantlar, müştərilər arasında yaşanan gülməli hadisələri cəmləşdirib.

Kino diliynən desək "narrator" bir qaqaş var. Maks Lavrov. Maks Voronejdən gəlib, xəyallarının restoranında işə başlayıb. Hadisələrin böyük bir qismi onun dilindən "rəvayət olunur".

Çox spoiler verə bilmiycəm. Zatən versəm də nəsə dəyişən deyil. Çünki kinoları nağıllaşdırıb danışa bilmirəm. Bu qədərini deyim ki, mən güləndə özümnən başqa hər kəsi narahat edirəm. Ama çoxdandı məni belə güldürən nəyəsə rast gəlməmişdim. Alt və üst qonşulardan uyarı alacaq qədər səsli güldürə bilib.
bir də ki qaqa, rusdu da. nələri də olmasa mədəniyyətləri var. türk sitkomlarının çox üstündə səviyyəyə sahibdi. ən azından bu serial üçün bunu deyə bilərəm.

tövsiyə olunur. bölümlər 20-25 dəqiqə olduğu üçün "probsnimat" eləməyə dəyər. uzağı 20 dəqiqə itirmiş olacaqsız.

cansınız.