...

sürücülük vəsiqəsi imtahanını özü verәn yazarların mәslәhәtlәri



facebook twitter əjdaha lazımdı   googllalink


    4 əjdaha!

    09.08.2016 15:31, çük
    2. çox çətindi çox adam bacarmaz.

    4 əjdaha!

    09.08.2016 17:07, jerfi

    0 əjdaha!

    05.09.2020 21:41, hechliyin_menasi
    4. Mövzudan bağımsız Azərbaycan reallığını açıqlayan başlıqlardandır.

    ipucu: "imtahanı özü verən"

    2 əjdaha!

    05.09.2020 21:45, cornelius fudge
    5. Çalışın hər ikisini özünüz verin. Problem ondadır ki, sürücülük məktəbləri normalda tələbəni tam hazırlamalıdır imtahana həm nəzəri, həm də praktiki olaraq, amma etmirlər. Çox vaxt yalandan adını qeyd edirlər, vəsəllam. Bir də imtahana az qalmış deyirlər ki, bəs hazırlaş gedib verəcəksən. Nəzəriyyədə də əksər vaxt, kitabda olmayan suallar düşür. Çox dəxlisiz. Pul tələsi. Praktiki hissə (yezda) ondan da pis. Mən o vaxtı ekologiyanın yanındakı balaca meydançada vermişdim. Nəzəri hissəni özüm keçdim, 3-cü cəhddə. Ekrana yaşıl işıq yandı ki, bəs filankəsov sizi meydançada gözləyirlər. Getdik, köhnə bir dənə vaz 2106 idi. Burda əsas məsələ, maşına minəndə kəməri taxmaq (bunu həmişə edin, imtahandan sonra belə, həyat qurtarır), birə atırsan, dönmə işığını yandırmaq lazımdı, bunu da həmişə edin. Hərəkətə başlayan maşın həmişə hara döndüyünü digər nəqliyyat vasitələrinə mütləq bildirməlidir. At birə, yavaş-yavaş sür. Təzə başlayanların ən böyük problemi maşını tez sondurməkləridir. Muftanı tez buraxırlar -*)) etməyin. hər maşında, muftanı buraxarkən motorun səsinə qulaq asın, elə ki, motorun səsi qalınlaşmağa başladı, deməli sürətlər qutusu artıq tam hazırdı hərəkət eləməyə. Hətta muftanı o vəziyyətdə saxlayıb, qaza basmasaz belə çox vaxt maşın öz-özünə hərəkət etməyə başlayacaq. Bu sizə harda lazım olur? Park edərkən, çünki mağazaların park edilən yerlərində əslində addım sürəti ilə hərəkətə etmək lazımdı, çünki hər an sıradan biri maşının qabağına çıxa bilər. Yəni motor yatmır, amma dəhşət sürətli də getmir, xəfif insan addımına bərabər (5-10 km/h). Bu trik sizi həm də yoxuslari qalxan zaman isiqforlarda motorun yatmasının qarşısını alır. işıqfor qırmızı göstərəndə yenə eyni ayaq hərəkəti ilə bir ayağınız tormozda bir ayağınız muftada olur, muftanı yavaş-yavaş buraxırsınız, və hiss edəcəksiniz ki, motorun səsi dəyişməyə başladı, tam o zaman muftanı saxlayırsınız, elə ki, işıqfor yaşıl göstərdi, ayağınızı sadəcə tormozdan çəkib qaza basirsiniz, bitdi. Bu gedişlə maşın heç zaman yolda yatmaz. Mexaniki sürənlərə yenə bir trik, heç vaxt maşını uzun müddət birinci sürətdə sürməyin. O sadəcə yerindən götürülmək üçün var. 5 metr getdin, qaz ver, at ikiyə, atam -*) yolda stop işarəsi, " dayan, yol ver" (bizim dildə dəqiq tərcüməsini bilmirəm, üçbucaq aşağı qırmızı işarə) görsəniz, durun!!! At, birə, dayan. 3 saniyə. Sağa sola bax. Gələn yoxdusa, yola davam edə bilərsən. Yo varsa, yol ver, keçsin. əgər heç bir yol işarəsi yoxdursa, və siz 4 yolda və yaxud yaşayış massivindəsinizsə (normalda 30 max. Sürət olur. Bakıda dəqiq bilmirem, bəlkə də azdı), o zaman sağdan gələn nəqliyyat vasitələri üstünlük əldə edirlər. Misal üçün 30-la gəlirsən, 2-ci sürətdə, sağdan yol kəsişir və heç bir işarə yoxdu, yavaşla, at birə, sağa bax, gələn yoxdusa davam elə. O qədər yavaşla ki, zamanında dayana biləsən. istər sağa, istər sola dönəndə, ilk növbədə içəri güzgüdən arxaya, sonra hərəkət istiqamətində olan çöl güzgüyə, daha sonra sağ və ya sol tərəfə çiyini döndərib yan tərəfə baxmaq lazımdı, ola bilər ki, bizi ötməyə çalışan nəqliyyat vasitəsi çöl güzgüdə görsənmir, amma artıq yanınızdadır, fikir vermədən dönsək qəza ola bilər. Müvafiq istiqamətə dönəndə də həmişə piyada keçidinə diqqət edin!! Onlara yol vermek lazımdır!! "Əəə, maşınım var, zor edirəm, o gözləsin" deyil! Sola dönən nəqliyyat vasitəsi həmişə qarşıdan gələn maşına yol verməlidir, əgər baş yolda deyilsinizsə və ya xüsusi işarə ilə üstünlük sizdə deyilsə.
    Hələlik bu qədər. çalışın mexanika ilə imtahan verin. Avtomat onsuz da oyuncaqdı. Mexanikada motoru hiss edirsən, sürüşün dadını çıxarırsan.

    9 əjdaha!

    05.09.2020 22:47, 3-cü dalan ev17
    6. Sürücülük vəsiqəsi imtahanı iki mərhələdən ibarətdir birinci mərhələ nəzəri ikinci mərəhələ isə ptaktiki hissə.
    Nəzəri imtahandan keçmək üçün siz mütləq və mütləq Yol Hərəkəti Qanunun mükəmməl bilməlisiniz. Qanun səhv etmirəmsə, 85 maddədən ibarətdir
    Siz 1 ci maddə və 36-85 arası bütün maddələri yaxşı yaxşı oxuyub həzm etməlisiz. Çünki imtahana düşən suallar yalnız və yalnız qanunun tələblərini əhatə edir və qanun bilmədən 10000 test etsəz də gedib kəsiləcəksiz. Bəzən bir sual qanunun müxtəlif maddələrini özündə birləşdirə bilir.
    Mən oxumaq və test etmək üçün talıbovun kitabını məsləhət görürəm. Ondan əlavə azpdd Facebookdakı qruplarda talibov.az saytında testlər etməyi şiddətlə tövsiyə edirəm. Çünki ən azından fikir formalaşır.
    Öz imtahan hekayəmdən danışası olsam, 1 ay ərzində kursa getmədən fərdi hazırlaşaraq ikinci cəhddə imtahanı keçmişəm. Birinci imtahan çox asan olsa da təcrübəsizlikdən vaxtı görüb təkərə düşərək kəsilmişəm. Ona görə imtahan vaxtı 15 dəqiqəlik vsxt limitinə fikir verməmək lazımdır. Və hardasa 7000 fərqli mənbələrdən test işləmişdim. Qanunu biləndən sonra və özünə inam olandan sonra imtahanı keçmək çətin deyil və hszırlaşmaq üçün 1 aydan çox zaman tələb etmir.
    Qaldı ki yezdaya. Bu hansı şəhərdə imtahan verməyiniz çox vacibdir. Məsələn Ağsuda yezda imtahanı çox rahatdır, çünki meydançada çətin heçnə yoxdur avtomobillər də təzə. Sumqayıt isə ən müasir və ən çətin yerdi təcrübi içtahan üçün.
    7. ilk olaraq bir şeyə aydınlıq gətirək;
    imtahan 2 mərhələli- nəzəri və praktiki olmaqla yanaşı mexaniki və avtomat sürətlər qutusuna görə də fərqlilik göstərir, yəni praktiki(sürmə) imtahanını avtomat maşınla versəz, mexanika maşın sürə bilməyəcəksiniz. Nəzəridən keçsəz, praktikidən kəsilsəz, yenə də praktikiyə girə bilərsiz(üstündən 1 il keçsə belə) və imtahana giriş limiti yoxdur.

    Sürücülük vəsiqəsi üçün gərəkli sənəd və proseslərin sıralaması:
    1. Əgər 2 dəfəyə ala biləcəyinə inanırsızsa, yalnız B kateqoriyası üzrə öncədən BDYPi-ə gedib ərizə yazmaqla 2 dəfə imtahanda iştirak edə bilərsiz. (ilk imtahan rüsumu 21 manat, ikinci isə 11 manat)
    2. 1-ci bənddəkinin əksi olduqda(2 dəfədən çox B və ya BC kateqoriyası üzrə imtahan verəcəksənsə) isə, hansısa sürücülük məktəbinə gedərək istədiyiniz müvafiq kateqoriya üzrə sürücülük haqqında şəhadətnaməyə yazılıb 30-40 gün gözləyib şəhadətnaməni almalı. (Ortalama olaraq B kateqoriyası üçün 40-50 manat, BC üçün 60 manat).
    3. Qeydiyyatda olduğunuz yerə tabe olan polikilinikadan sürücülük vəsiqəsi üçün sağlamlıq haqqında arayış.(Sağlamlıq haqqında arayışı almağa gedəndə hansı kateqoriya üçün almağınızı deyin, əgər soruşmasalar). Bir çox polikilinika təbib-ə keçdiyinə görə 30 manat rüsum istəsələr, normaldı, amma keçməyiblərsə, bütün analizlərdən(təqribi 10 həkimdən) pulsuz keçə bilərsiz.
    4. Gəldik əsas məsələ olan YHQ-nu öyrənməyə, bunun üçün Əziz Talıbovun sürücülük vəsiqəsinə hazırlaşanlar üçün olan nəzəri kitabı və bu kitabdakı mövzulara uyğun test kitabları lazım olacaq. 2021-2022-ci il, yəni, ən son nəşrinin olması mütləqdir.( nəzəri mövzular olan kitab 5 manat, test isə 10m olur bir çox kitab mağazalarında)
    5. Kitabda oxunmaması gərəkilən mövzular var ki, məsələn Bakıda imtahan verənlər üçün tibb, cərimələr, vergilərə aid suallar düşmədiyinə görə bu mövzular düşmür. Qalan bütün mövzuların imtahanda düşmə ehtimalı 100%-dir.
    6. 1-ci bənd üzrə imtahana getmək istəsəz, öncədən gedib meroda(imtahan olan yer) ərizə yazıb şənbə və ya bazar günü imtahana getməlisiz. Yox 2-ci bənddəki kimi imtahana daxil olacaqsızsa, şəhadətnaməni aldığınız yerdən sizin üçün olan imtahan günlərini soruşub həmən gün saat 9-13:00 aralığında imtahana getməlisiz. imtahan ayda 2 dəfə girə bilərsiz. Bakıda imtahan verənlər üçün qeyd olaraq deyə bilərəm ki, şəhadətnamənizi nümayəndə özü aparır imtahan yerinə.
    7. imtahanlar qeydiyyatda olduğunuz şəhər, rayon üzrə tabe olan regional imtahan-qeydiyyat idarəsində keçirilir. Bakı üzrə qeydiyyatda olanlar imtahanı Xırdalanda yerləşən BDYPi-də verirlər. Digər rayonlarda isə ortaq tabe olan imtahan-qeydiyyat idarələri olur.
    8. ilk imtahana giriş rüsumu 21 manat, sonra təkrar imtahan rüsumu isə 11 manat təşkil edir. Çekin şəkilini çəkin. Onlar orda itirə bilir və sizə yenidən ödəniş etdirə bilərlər boşuna.
    9. imtahanda sizə 15 dəqiqə vaxt və 10 sual təqdim olunur, yalnız, 1 suala səhv cavab vermə şansınız var, ikinci səhv sualda ekran qırmızı olacaq və aparat imtahanı dayandıracaq.
    10. Nəzəri imtahandan keçdikdən sonra praktiki imtahan(sürmə) üçün gedin imtahan meydançası ilə tanış olun, gəzin, nişan və nişanlanma xəttlərinə baxın, heçnə demirlər. Polis sənədinizi gətirəcək və mexanika/avtomat sürətlər qutusu olmasına görə seçiminizi edib sizdən imtahan götürəcək, bu imtahanı da keçsəz, gedib sürücülük vəsiqəsini götürəcəksiz. Sizdən 50 manat istəsə verməyin, çünki, qanuni şəkildə 2 imtahanın ikisini də keçdikdən sonra həmən gün ərzində sürücülük vəsiqəsinin rüsumu yerindəcə 25 manatdı, amma 50 manat vermək istəmirsizsə, sizə 1 həftə sonra gəl götürərsən deyəcəklər.

    indi isə öz tövsiyyələrim:
    Qəti şəkildə Əziz Talıbovun vəsaitlərindən başqa hər hansısa proqramdan və s istifadə etməyin, çünki, imtahanda da görəcəksiz ki, ancaq Talıbovun test kitabından düşür 70% suallar.
    ilk imtahan sınaq məqsədli olacaq deyə kəsilən kimi həvəsdən düşməyin, birinci dəfə gedəndə 9-cu imtahançün gələn birini görmüşdüm, yəni əsas olan səbr, əzm və məsuliyyətdir, bunlar olandan sonra nəticə alacaqsınız.
    Nəzəriyyəni nə qədər oxuyursuzsa, onun 5 qatı test işləyin, çünki, əsas maddələri bilmək və ya əzbərləmək deyil, qaydaları məntiqlə anlayıb, başa düşüb testdə və ya real həyatda tətbiqini paralel şəkildə dərk etməkdir.
    Nəzəriyyəni bitirənə yaxın, əgər, imkanınız varsa, təlim maşını tapıb parkingi və sürüş qabiliyyətini artırın, nəzəridən sonra praktikidəki imtahan götürən polis nəzəriyyəylə yanaşı sürmə bacarığınıza çox diqqət verir və güzəştə getmir. Son olaraq da, əgər, mexanika sürməyəcəksizsə marağa gedib başınızı xarab etməyin, avtomat seçib rahat imtahan verin, praktikidən də keçmə şansınız yarı-yarıya artacaq beləcə.
    Ümid edirəm bu məlumatlar hər kəsin işinə yarayacaq. Uğurlar!

    Qeyd: entrydəki sadalanan rüsumlar 2022-ci ildə 2 qat artacaq.


üzv ol


...