+23 əjdaha
1. (bax: emin sabitoğlu)Çox underrated olmasına baxmayaraq bu dahinin bəstələri olmadan azərbaycan musiqisi nə halda olardı təsəvvür belə etmək olmur. "Neyləyim", "şirin dil", "incə bellim", "təkcə ümid qalsın" kimi yüzlərlə əsər yaradıb. Bunlarla yanaşı filmlər üçün bəstələdiyi musiqilərin şöhrəti filmləri belə kölgədə qoymuşdur (məs. "Bizim cəbiş müəllim").
(bax: tofiq quliyev)
"Qızlar mahnısı", "qəmgin mahnı", "arzular" kimi əsərlərin bəstəkarıdır. Şövkət ələkbərovanın repertuarında çox önəmli yeri olmuşdur. Həmçinin "qaynana", "ögey ana", "görüş " filmləri başda olmaqla bir çox film üçün musiqi bəstələmişdir.
(bax: şəfiqə axundova)
Azərbaycan musiqisində ən dərin iz qoymuş qadın bəstəkarlardan biri. "Həsrətindən", "Bu ayrılıq nədən oldu", "yenə sənsiz bu axşam" kimi möhtəşəm əsərlərin bəstəkarıdır.
(bax: fikrət əmirov)
"Reyhan", "kor ərəbin mahnısı", "mən səni araram" kimi klassikləşmiş əsərlərin müəllifidir.
(bax: elza ibrahimova)
Şəfiqə axundova ilə birlikdə azərbaycan musiqisinin ən önəmli qadın bəstəkarlarından biri. Akif islamzadənin ifasında eşitdiyimiz "qurban verərdim", hüseynağa hadıyevin məşhur "gecələr bulaq başı", elmira rəhimovanın "sən yadıma düşəndə" mahnıları başda olmaqla bir çox klassikin müəllifidir.
(bax: cahangir cahangirov)
Bir dinləyici olaraq cahangirovu heç tanımadan təkcə "füzuli kantatasını" dinləsəydim belə bu bəstəkarı dahilər sırasına daxil edərdim.