+3 əjdaha
1. italyan bəstəkar lucio dalla tərəfindən 1986 cı ildə yazılmış mahnıdır. italyan tenoru olan enrico carusoya həsr edilmişdir.lucio dalla 4 mart 1943 cü ildə boloniya şəhərində dünyaya gəlib. ailəsi musiqi ilə məşğul olmurdu ancaq özü musiqini uşaq yaşlarından sevməyə başlamışdı. atasının ölümü, problemli məktəb həyatı və oxuduğu məktəbdən qovulmasının ardınca ən çox sevdiyi şeyin arxasınca getməyə qərar verdi. musiqinin. atasının ölümündən sonra anası ikinci dəfə fantuzzi adlı bir italyanla ailə qurur. lucio 10 yaşında olduğu vaxt fantuzzi ona klarnet hədiyyə verir və balaca lucionun musiqiyə həvəsini daha da artırır. ardınca amerikalı caz ustası chat baker bu yeniyetmənin musiqi istedadını kəşf edir və onu dəfələrlə caz festivallarına dəvət edir. artıq 16 yaşına çatan lucio öz yaşadığı şəhərə səfər edən new orleans jazz qrupunun üzvlərinin diqqətini şəkir. 17 yaşında ona səs yazma studiyasında ilk musiqisini ifa etmə imkanı tanınır. bir neçə il sonra romaya köçür və burda məşhur musiqi qruplarının tərkibində klarnet ifaçısı və solist olaraq çıxış etməyə başlayır.
1963 cü ildə məşhur italyan musiqiçi olan gino paolinin tövsiyyəsi ilə bütün musiqi karyerası dəyişir və lucio təkcə ifaçı kimi yox eyni zamanda bəstəkar kimi də özünü sınayır. ancaq bu çox davam etmir. 1976 cı ilə qədər ancaq ifaçı olaraq sənət fəaliyyətinə davam edir.
ilk illərində çox uğur qazanmasa da 1966 cı ildə özünün qurduğu musiqi qrupu ilə bərabər iki albom buraxır və italiyanın ən böyük musiqi festivalı olan sanremoya qatılır. birlikdə çalışdığı musiqiçi luigi tenconun intihar etməsi ilə bərabər depressiyaya düşür, onun xatirəsinə bir neçə ifa səsləndirir və yaxın bir neçə ildə möhtəşəm uğurlar qazana bilmir.
1976 cı ilə qədər bir neçə bəstəkar ilə birlikdə işləyir ancaq hamsı ilə yolları ayrılır və dördüncü albomunu “com’è profondo il mare” buraxır. bu albomda ifa olunan bütün mahnıların sözlərini özü yazır və albom bir neçə həftədə italiiyada ən çox dinlənilənlər arasında birinci sırada olur.
1980 lərin italiya musiqisi lucionun albomları ilə dominasiya olur və ard-arda 1983, 1986 cı illərdə buraxdığı albomlar ilə həmişəlik italyan musiqi tarixinə adını yazdırır.
1986 cı ildə amerika turniri gerçəkləşdirir və bu turnir zamanı ən böyük əsəri hesab etdiyim və unudulmaz opera ifası olan carusonun söz və musiqisini bəstələyir. caruso dünyada milyonlarla nüsxə olaraq satılır, yüzlərlə məşhur opera ifaçıları tərəfindən səslənir və hətta rasim ocaqovun rejissorluğu ilə çəkilən təhminə filmində belə özünə yer tapır. ən məşhur caruso ifaçıları arasında əlbəttə ki, pavarotti, bocelli, iglesias, c. dion kimi müxtəlif adlar var. şəxsən mən ən çox pavarottinin ifasını bəyənirəm.
lucio 2012 ci il 1 mart 69 yaşında vəfat edir.
bu möhtəşəm mahnının sözləri sevdiyi qadının gözlərinə baxaraq ölmək üzərə olan adamın ağrısından bəhs edir və əslinə qalsa real hadisəyə əsaslanır.
az əvvəl yazdığım kimi bu mahnı italyan tenor ifaçısı olan enrico carusoya həsr olunub. enrico caruso ölüm döşəyində olan vaxt lucio onu ziyarət edir və caruso ona öz gənc qız tələbəsindən, ona olan sevgisindən danışır. lucio bundan təsirlənərək carusonu bəstələyir.
bu da pavarottinin ifasında caruso :
(youtube: 
)
)