+26 əjdaha
11. ölüm məni çox üzmür. sən gedəndə də çox üzülmədim. 2 dəfə ağladım. hərəsi 2-3 dəyqə. əksinə sevindim ki əzab çəkməyərək getdin. içimə su sərpildi sanki. ama, evdə ən çox danışdığım və anlaşdığım idin. səndən sonra çox stress çəkdim. çox içimə qapandım. dəstəksiz qaldım. özümə də baxmadım. sonra sağlamlığ problemləri başladı. bax o zaman həqiqətən əksikliyini hiss etdim. sən bu dəyqə yoxsan məncə. inanclıyam. lakin o biri dünya haqqında fərqli fikirdəyəm. ona görə də sənə heçnə demək istəmirəm. çünki yoxsan, ana.vəfat edən yaxınlarımıza demək istədiklərimiz
əjdaha lazımdı
izlə
dostlar
mən
googlla
yagasha
başlıqdakı ən bəyənilən yazılar:
+25 əjdaha
15. əmimin əvvəl başqa evliliyinin də olduğunu 6-7 ildir öyrənmişəm. bizdə var axı, əlaqəni kəsməli olduğun dostunu düşmənə çevirmək, yolunu ayırdığın biri haqqında heç kimə danışmamaq, yeri gələndə pisləmək və s. qaldı ki boşandığın adam. elə vedrə bağlayacaqlar ki, insanların ucuzluq göstəricilərinin həqiqən bu qədər çox olduğunu düşünüb, üzvü olduğun bulanıq cəmiyyətə bir daha məəttəl qalıb, bir daha təəssüf edirsən.həmin evlilikdən 2 uşağı var imiş, 1 qız, 1 oğlan. boşandıqdan sonra əmim onlarla əlaqəni minimuma endirib, nə qədər minimum olduğu 1-ci abzasdan bəllidir. başı qarışır yeni ailəsinə, köhnələr bir qıraqda.
gün gəlir, 1-ci yoldaşının qardaşı vərəmə yoluxur, bacısı bunu uşaqlarının yanında-evdə müalicə etdirir. bəli, evdə. yəqin edirəm ki, gigiyenaya max. önəm vermir və bu səbəbdən ki, uşaqların iksi də vərəmə yoluxur.
oğlanda problem ciddi deyil, qızda məsələ başqa yerdədi. həssas yanaşmalı, müalicə olunmalıdır.
xəstəliyini qəbul etmir və belə-belə vaxt keçir, gəlir çatır 21 yaşa. xəstəlik ağır formasını alıb, vəziyyət çətinləşib. türkiyədən-almaniyaya, almaniyadan-amerikaya, dünyanın dörd bir yanını gəziblər, ancaq heç bir həkim xəstəni öz üzərinə götürmür. sadəcə dərman yazır, vəssalam. qız inadından dönmür, xəstəliyini yenə qəbullanmır..
vəziyyət bu qədər ciddiliyə minəndə, əmim köhnə ailəsinin, qızının yanında olmağa çalışır. bizi onlarla tanış edir. bacımla onlara gedirik, yolda bir oğlan görürəm, yanımda bibim deyir əmimoğlu olduğunu. evə girirəm, çox, lap çooxx arıq bir qız, rəngi qaralmış, bənizi solmuş, beli bükülmüş şəkildə dayanıb, üzü gülür, amma gözləri fəryad dolu.. bir-birimizə yaxınlaşır və görüşürük. mən şokdayam, nə hiss etdiyim haqqında 1 qram fikrim yoxdu və tək gördüyüm ikinci mənin qarşımda oturduğudu. mən heyrət içindəyəm.
ağzını açır danışmaq üçün, ciyərdən bir dərin öskürək gəlir ki, qız artıq danışmağa cəhd də edə bilmir, boğulur. deyə bildiyi 1-2 söz o qədər xırıltılı səslə çıxır ki.. axx, xəstəlik...
bir az keçir, tibb bacısı gəlir sistem vurmaq üçün. qızın səbri çatmır, artıq dava-dərmandan bezib, qışqırıb sistemi tullayır bir qırağa. mən dolmuşam. bütün bunların nə demək olduğunu anlamağa çalışıram və dərin bataqlıqla itib-batıram sanki..
gün gəlir, qızın ürəyi tort istəyir və anasını yollayır tort almağa. o tortu yeyə bilmir, çünki anası evə gəlməmiş qızı bu dünyadan köçür.
öləndən sonra bir topa dərman tapılır. evdəkilərin yanında ağzına atıb, fürsət düşən kimi çıxarırmış. xəstəliyinə qəbullanmaq göstəricisi idi bu, ya qəbullanmamaq? qəbullanıbsa, deməli, artıq dərmana ümidi yoxdu və bunu boş akt olduğunu, özünü nəyin gözlədiyini bilir. ağır olmalıdı..
indi, sənə nə deyə xitab edim, nə deyim bilmirəm. atan 2 qat olub, ananı arada görürəm, duruşu, əndamı yerindədi, amma gözləri hayqırır, baxmağa cəsarət gərək. bəzən tort yeyəndə sən yadıma düşürsən və davam edə bilmirəm. kaşla başlayan cümlələr qururam öz-özümə.
kaş hər şey tamam fərqli olardı. başqa ailələrdə doğulardıq məsələn, daha xoşbəxt, daha mehriban, daha isti. heç olmasa,... ən azından səni daha öncədən tanıya bilərdim. elə ürəkdən istəyərdim ki, bunu. o qədər doğma gəlmişdin ki, mənə. o qədər ürəyimə yatmışdın ki..
var olduğuna ilk başlarda inanmadığım kimi, indi də artıq 4 ildir ki, ölümünə inana bilmirəm. məzarını da ziyarət etməmişəm heç. olmadığını qəbullanıram, ancaq səni o cür görməyə cəsarətim çatmır..
bir şeirdə deyilir ki,
bunda olmadı, neylək,
tək ömür bu deyil ki.
bu deyil, hə, ilahi?
indi mən də bu misralara sığınaraq soruşuram ki, varsa, başqa dünyada mütləq görüşəcəyik, hə?
+13 əjdaha
7. fizik, kimyaçı babam var idi, hər yay kəndə gedəndə mənə çox çətin suallar verirdi, bilməyib özümü çox savadsız hiss edirdim. axrıncı il dedim bəsdi e day gələn yay mükəmməl fizika və kimyayla gedəcəm kəndə, nə sual verir versin, hazır olacam. mən hazırlaşıb getdim, gedib cansız bədəniylə görüşdüm, çox təəssüf. elə ondan sonra qərar verdim ki, gedəcəm kimyanın üstünə, indi də olmaq istədiyim yerdəyəm. babama, məni oxumağa, araşdırmağa, öyrənməyə sövq etdiyi üçün təşəkkür etmək və sayəsində, sual verməsin deyə gizlənən nəvəsinin artıq suallardan qorxmadığını, bir də darıxdığımı demək istəyirəm.yenə çox emosionallaşdım, lənət olsun
+10 əjdaha
9. Kaş Batumiyə getməmişdən qabaq səni axrıncı dəfə qucaqlaya bilərdim nənə, arada çox darıxıram sənin bişirdiyin yeməklər üçün,əsasəndə şəkərburaların üçün,kaş dünyadakı bütün nənələr sənin kimi olardı.+9 əjdaha
14. Hər şey o qədər qəfil oldu ki...Bir gün zəng edib yuxudan oyatdılar. Dedilər artıq yoxsan. Həm də bu addımı özün atmısan.
Kaş ki mənlə nələrisə bölüşərdin. Bəlkə, bir yol tapardıq.
Bu qədər vaxtsız, səbəbi haqqında bir kəlmə belə deməyib etdiyin intiharın məni çox ağrıdır.
Səni dünyadan da artıq sevirəm.
+9 əjdaha
3. Səninlə birlikdə bütün uşaqlığımız tarixin tozlu səhifələrinə gömüldü nənə. Bu dünyada, indiyə kimi itkisi məni hədsiz dərəcədə sarsıdan insan sən oldun nənə. Hər ağlıma gəldikcə sənlə danışıram, səni gözümün önündə canlandırıram, heç getməmisən kimi, hələ də artıq "dayı" belə deməkdən iyrendiyim insanın ailəsiylə yaşadığını düşünürəm. Səndən sonra o evə ayaq basmamışam nənə, bilirsən? Heç oğlunu ve onun azgöz, qurd arvadını belə görməmişəm, heç bundan sonra görmək də istəmirəm.O evin mənası bizə görə sen idin nənə, hamı sənin işığına o eve yığılırdı. Hər Bakıya getdiyimdə, dünyanın harasından gəlirəmsə gəlim, zeng eliyib məni soruşan ilk sen idin nene. Teyyarem enənə kimi, dəfələrlə bize zeng eliyen, Bakiya çantana kimi gece yatmayan sen idin. Her getdiyimdə həsrətin bağrımı daha bir şiddətli acı ilə yandırır. Yenə uzaqda olanda adam elə bilir ki, sen oralardasan. Tez tez senin dediyin sözleri xatırlayıram, sitat gətirirəm, son nəvənin toyunu da görüb bu dünyadan köçdüyün üçün sənin adına çox sevinirəm nənə. amma içimdə bir peşmanlıq duyğusu var. Kaş o qış səninlə daha çox vaxt keçireydim. Ölümündən 2-3 gün öncə kaş səninlə daha çox danişaydim. Yaxşıyam dediyinə inanmayıb daha tez tez zeng vursaydim. Heç kəsə əziyyət verməyən, həyatı əziyyət içində keçən, zəhmətkeş, qayğıkeş, müdrik nənəm mənim. Heç bir qohumumuzdan görmədiyimiz yaxınlığın eksikliyini bize hissettirmeyen nenem. Hər kişmiş görəndə, her xurma ilə çay içəndə, her diabet mehsulu görəndə seni xatirlayacam her halda. Yayliqlarindan birini mənə de çatdırdılar vəfatından sonra. Bir paketin içində saxlayıram qoxusu dağılmasın deyə. Ara ara açıb qoxlayiram, bəlkə senin qoxunu mənə hissettire. 30 il sonra burnumun sənə oxşadığının fərqinə varmişdim o qış, şəkil de çəkdirmişdik. ve artiq burnum mene çirkin gəlmirdi. Qaynağını bilirdim çünki. Uşaq vaxtı burnumu ələ salırdı bir iki nəfər ama böyüdükcə elə də çirkin burnum olmadığını öyrəndim. Sənlə benzerliyini görəndə isə əksinə mənə gözəl belə gəlməyə başladı. Ümid edirəm orda xoşbəxt və rahatsan nənə və ümid edirəm ki, yenə görüşəcəyik. Yenə sənin atamla danışdığın söhbətlərinə qulaq asacam və orda sadece kişmişle, xurma ilə deyil başqa şirniyyatlarla da çay içeceyik, sənə bir ziyanı olmayacağından əminlik duyaraq.
Nənə imkanın olanda həyatın boyu başının üstündə saxladığın, her sehfini ört basdır elədiyin, qıya bilmədiyin dayımın yuxusuna da gir (sen bu yuxu işlərində çox həssas idin) ve ona denen ki, heç olmasa 40-ımın çıxmağını gözləseydin...
+7 əjdaha
4. Heç yaşaya bilmədin bu həyatı. Sənə dəfələrcə "3 günlük dünyadı kef elə" dedim.. "Bir daha bu yaşda olmayacıq pul yığmaq yerinə xatirə yığ"dedim. Mən bunu çoxdan bilirdim. Ölümündən 2 il əvvəl idi o yuxunu görəndə.. Məzarlar.. ən gözəl günümdən bir gün öncə və o məkanda. Oyandım, anladım. Bu bir işarət idi. Hər dəfə yaşadığım kimi yenə kəhanət öz sözünü demişdi. Özümü sakitləşdirdim. belə bir şey yoxdu, rahat ol dedim yuxudu da.. Ama elə bir ki hər şey buna işarət idi. Elə bil nəsə səhv bir şey var idi hər şeydə. Planlar dağılırdı.. O günün axşamı yenə ailənə görə dava ettik və həyatdan bütün əlaqəmi kəsəcək qədər böyük bir hüzünlə bağıra bağıra ağladım.. Yadımdadı.. Bəlkə də ona görə artıq ölümünü eşitdiyim andan etibarən ağlaya bilmədim.. Bugünə qədər də.. içimdəki o böyük hüzünü ata bilmədim. Səndən sonra o qədər şey oldu ki.. Çox bilmək istirəm, həyatda olsaydın bunlara necə bir reaksiya verərdin? Yox yox, bilirəm.. "Siktir et şunları ne kafaya takıyosun " deyərdin.. Sən məni çox böyük bir boşluğun içinə buraxıb getdin.. Xəstəxanada sənə dedim sənə bir şey olsa, olan ancaq mənə olacaq. Heç vaxt dediyim heç nəyə inanmadın. Yaxşılığını istədim həmişə sənin.. Sən ora gedəndə sanki bunu da hissetmiş kimi getmə dedim.. Yenə qulaq asmadın. O qədər şey var ki içimdə sənə demək istədiyim.. Əgər o biri dünya varsa və sən səndən sonra olanları görürsənsə, mənə nə qədər haqsızlıq etdiyini bilirsən artıq.. Və yenə görürsənsə deyirsən sən haqlıydın.. Haqlı olmaq istəmirəm daha.. Səni çoooooox sevirdim.. Səni hər şeydən qoruyacaq qədər.. Qoruya bilmədim.. Qoymadın.. Bir daha heç bir göz sənin kimi baxmayacaq.. O gözlər qədər gözəl göz heç vaxt olayacaq.. Baxmağa doyamadığım, heç kəs də yerini tutmayacaq.. tuttuğunu sanacaq sadəcə..Və bir də heçvaxt məndən adam olmayacaq..+7 əjdaha
2. Bir mahnıda da deyildiyi kimi:yolun düşsə bu dünyaya bir də gəl
+6 əjdaha
13. Bilirəm, yaşasan da bir şey dəyişməyəcəkdi, amma hər yerdən əlim üzüləndə, deyirəm kaş həyatda olaydın.Bu arada, itirdiyim ilk yaxınımsan axı. Ölümün nə olduğunu bilsəm, yaxşı davranardım sənə. Bağışla.
+4 əjdaha
12. (bax: səni çox sevirəm)Atam üçün. Şiddətlə xahiş olunur, mənim etdiyim qələti edib gecikməyin.
+6 əjdaha
1. kaş vidalaşmağa vaxtımız olardı.+3 əjdaha
16. baba, xəstə yatanda mənə zəng edib dedilər ki, ağır xəstəsən və demisən ki, onu görmək istəyirəm. Bir dəfə xalam da dedi ki kişi səni görmək istəyir. elə hey səni soruşur. amma men 15 yaşındayam və sənin ürəyinə öləcəyinin damdığını bilə-bilə məni yanına çağırıb görüşmək istəyini heç anlamamışdım.+3 əjdaha
10. dayılarım, nənəm və babam, bağışlayın, o gün çata bilmədim yanınıza. son dəfə əlinizdən tutmaq istərdim, nəyisə dəyişməsə belə vəda etmiş olardıq. sizin üçün darıxıram məni yanınıza almanız ümidi ilə, görüşənədək.+1 əjdaha
19. heçnə.+2 əjdaha
6.(youtube: 
)
)+1 əjdaha
18. (bax: sü)hamısını göstər