+12 əjdaha
1. sevinc və kədər quşları.1896cı ildə rəssam Viktor Vasnetsov tərəfindən çəkilmiş əsər.vasnetsovun bu əsərində mifik ilahələr - quşlar bir-birinə bənzəyir, eyni zamanda tamamilə fərqlidirlər.Sirin - qaradır, kədərin elçisidir, itirilmiş cənnət üçün həsrətin rəmzidir. Alkonost - işıqlıdır, xoşbəxtlik və həzzlərin müjdəçisidir.
Slavyan inanclarına görə, hər iki quş "Alma bayramı" (Я́блочный Спа́с) vaxtı - 6 (19) avqust, payız girəndə, bağa gəlir. Sirin artıq bitən yayın yasını tutur, Alkonost isə payızın məhsullarına bərəkət və müalicəvi xüsusiyyət verir.Vasnetsov mifik cənnət quşlarını heyrətamiz şəkildə parlaq və əlvan təsvir edib. Sirin'də qara lələklər, solğun sima, yaşla dolu altı qaralmış gözlər, bağlanan qanadlar varsa, Alkonost'da, əksinə, bəyaz lələklər, al yanaqlar, açılmış qanadlar, gülər üz diqqət çəkir.
Sirin köhnəliyi, Alkonost yeniliyi təcəssüm etdirir. Quşların oturduğu budaqlar bir gövdədən eyni səviyyədə, ancaq əks istiqamətlərə uzanıb. Sol tərəf, bu, slavyanlarda həmişə "mənfi" tərəf hesab olunub, lakin ürəklə əlaqədar olduğundan kədər və həsrətin daşıyıcısıdır. Sağ tərəfdənsə, ümid, həzz, xoşbəxtlik enerjisi ötürülür.Rəsmin fonu sübh çağının narıncı rəngini əks etdirir. Bəyaz quşun üzərinə günəş işıq salır, tünd tərəf isə, əksinə, sübhün ilk şəfəqlərindən gizlənməyə çalışır. Sirin tamamilə keçmişə bürünüb, Alkonost isə gələcəyə doğru qucaq açıb.
Hər iki quş ayrılmazdır - həyat boyunca hər bir insanın sevinc və kədərini tarazlıqda saxlayan yoldaşdır. Həyat harmoniyasının mücəssəmələridir.
link
