...

the matrix resurrections

| kino

facebook twitter əjdaha lazımdı   googllalink


    1. Mənə görə matrix trilogy bugünə qədər çəkilmiş ən yaxşı sci fi filmdir. Davamının çəkilməsinin isə həm yaxşı, həm də pis tərəfləri var. Bildiyimiz kimi, Holivudda istehsal olunan filmlərin əksəriyyəti box office'i partlatmaq məqsədi güdür. Güman edirəm ki, Matrix'in 4-cü filmi bu məqsədlə çəkilməz, yoxsa çiçək kimi ssenarinin içinə pox qoyarlar.
    Təbii ki, filmi görməmiş pis bir iş ərsəyə gələcəyini demək ədalətli olmaz. Çünki, Blade Runner 2049 çıxanda da bu cür fikirləşirdim, amma film çox keyfiyyətli idi.

    Yaxşı tərəflərinə gəldikdə isə, ilk öncə onu qeyd etmək istəyirəm ki, watchowski qardaş-bacıları underrated rejissorlardandı. Ümumiyyətlə, matrix filmində saysız-hesabsız simvollar və işarələr vardır, bununla yanaşı filmdə olan əsas fəlsəfəni anlayan çox az adam var. insanlar daha çox filmdə olan aksiyon səhnələrini izləməyi sevirdilər, buna görə də film tam olaraq başa düşülməyib, və hal-hazırda da filmlə bağlı çoxlu teoriyalar var. Elə buna görə də, matrix izləyicilərə təqdim edildikdən sonra, watchovski'lər matrix'in əsl hekayəsinin insanlar tərəfindən aydın başa düşülmədiyini görüb, 9 fərqli hekayədən ibarət The Animatrix animasiyasını yayımladılar. The animatrix bir növ matrix'i başa düşmək üçün təlimat kitabçası idi. Belə ki, animasiyadakı hekayələrdən biri olan "a detective story"də ölən, qeybə çəkilən və dəli olan detektivlər matrix'i izləyən 3 cür izləyicini təsvir edir. Ölən detektiv matrix'i başa düşməyənləri, dəli olan detektiv matrix'i yarımçıq başa düşənləri və qeybə çəkilən detektiv isə matrix'i tam başa düşənləri təmsil edir. Lakin animasiya kütlə arasında çox yayılmadı. Sözümün canı odur ki, the matrix 4 belə əfsanəvi filmin kütlə arasında daha çox tanınmasına səbəb ola bilər.
    Yeri gəlmişkən onu da qeyd etmək lazımdır ki, watchovskilər matrix'in davam filminin çəkilməsini yaxşı qarşılamayıblar. Ümumiyyətlə, filmin nədən bəhs edəcəyi sual altındadır. Yəni üçləmədə hekayə tam bitmişdi. Neo və trinity obrazlarını davam filminə necə urcah edəcəkləri mənə də maraqlıdı.

    7 əjdaha!

    18.02.2020 20:40, juzou_9
    2. Son dövrlərdə çəkilmiş davam filmlərinin əvvəlkilər üçün darıxdırdığını nəzərə alsaq böyük bir həvəslə gözləyə bilmədiyim film.

    1 əjdaha!

    18.02.2020 23:32, marco
    3. 6 ay sonra, 22 dekabr 2021 tarixində izləyə biləcəyimiz 4-cü matrix filmi.

    i) matrixin məndəki yeri
    ii) matrix 4-dən gözlədiklərim
    iii) lana wachowski üzərinə
    iv) matrix dünyasına giriş üçün izləmə sırası.

    i) Xatırlaya bildiyim qədərilə 13 yaşımda izləmişdim matrixi və geriyə doğru baxdığım zaman o 13 yaşlı uşağın nə qədər həyəcanlandığını və o filmlərin onun həyatında nə qədər böyük rol oynadığını görə bilirəm. Hazırda sahib olduğum maraq dairəsinin yaranmasında, indiki fikirlərimdə matrixin oynadığı rol çox böyükdür. Əlbəttə ilk izlədiyimdə heyranlıq duyduğum şeylər sadəcə musiqilər, matrixin atmosferi və o məşhur aksiyon səhnələri idi. Sonrakı izləmələrdə isə heyranlığım matrix içindəki böyük suallara, onun fəlsəfəsinə yönəlmişdi. O zamana qədər izlədiyim filmlər dərin olmayan, gənclik filmləri idi. Matrixlə isə filmlərdə də böyük sualların verilə biləcəyini və əgər bu suallar gözəl bir şəkildə filmə daxil edilibsə nə qədər üst səviyyəli işlərin ortaya çıxa biləcəyini görmüşdüm.
    Matrixə indiki baxışım isə keçmişdəki gözəl və böyük bir təsir yaratmış xatirə olması ilə birlikdə həm də yəni filmlə bərabər böyük bir həyəcanı da özündə ehtiva edir.

    ii) matrixin ilk 3 filmi məncə çox gözəl bir paketdir. başlanğıcı, davamı və sonu ilə dəfələrlə izlədiyim və izləyəcəyim bir trilogiyadır. Bu səbəbdən mən 4-cü filmlə bağlı az da olsa neytral qalmağı seçirəm. Keanu reeves ve carrie anne moss vasitəsilə yenidən trinityneo-nu görəcəyim üçün və yeni qatılan aktyorların daha öncə çox uğurlu olmaları səbəbindən böyük həyəcan yaşayıram.
    Matrix 4-ün nələrdən bəhs edəcəyi isə mənim üçün qaranlıq qalan və təxminlərimin böyük ölçüdə yanlış çıxacağını düşündüyüm bir hissədir. Həmçinin filmin rejissorunun lana olması və Keanu reeves-in hekayədən çox təsirləndiyini söyləməsi ağlıma "birinci matrix filmi səviyyəsində bir şey ortaya çıxarmı?" sualını gətirir.

    iii) Lana filmin həm yazarlığını həm də rejissorluğunu edəcək. Wachowskilərin matrix xaricindəki işləri çox da uğurlu olmadı və düzü mən də cloud atlas-ı da, jupiter ascending-i də və hətta çox sevəcəyimi düşündüyüm sense8-i izləyərkən belə həzz almamışdım. Amma yenə də lananın mövzu matrix olduğu zaman nə qədər həvəsli, həyəcanlı ve ən önəmlisi mükəmməliyətçi olduğunu görmüşük, ki bu da mənə böyük ümid verir. Mən sadəcə lananın sahib olduğu politik görüşlərin, əyilimlərin filmin əsas mövzusunun önünə keçməsindən narahatlıq duya bilərəm amma onun hardaysa 25 il öncə yaratdığı matrix dünyasını genişləndirməsini izləməkdən böyük həzz alacağıma da əminəm.

    iv) matrix dünyasının genişliyi demişkən, matrix izləməyə başlayanlar buranın böyüklüyü altında əzilib qala bilir. Bu səbəbdən bu dünyaya giriş edəcək olanlara ilk film olan the matrix-i izlədikdən sonra belə bir izləmə sırası məsləhət görə bilərəm:

    1) Animatrix: Second Renaissance
    2) Animatrix: A Detective Story
    3) The Matrix
    4) Animatrix: Kids Story
    5) Animatrix: Final Flight of Osiris
    6) The Matrix Reloaded
    7) The Matrix Revolutions
    8) Animatrix: Beyond
    9) Animatrix : World Record
    10) Animatrix: Matriculated
    11) Animatrix: Program

    ümid edirəm ki, il sonunda filmi izlədikdən sonra məmnun qalıb pozitiv bir ruh halıyla yeni bir entry yazaram.

    7 əjdaha!

    22.06.2021 13:48, torres
    4. ilk treyleri gəlmişdir.
    (youtube: )

    5 əjdaha!

    08.09.2021 15:39, momoko
    5. ilk tam treyleri gəlmişdir. mən nəsə the matrix havası ala bilmədim. bəlkə də belə yaxşıdı. daha sürprizli olar. güman eliyirəm sırf olsun deyə çəkilmiş 4-cü bir film deyil.
    (youtube: )

    çaşıb sözlüyün profilindən yazmışdım entry-ni -*

    3 əjdaha!

    09.09.2021 17:17, momoko
    6. heç bir gözləntim filan olmayan filmdir. sırf o havadan zövq almaq üçün həyəcanla gözləyirəm. the matrix bu, boru deyil.
    7. Ilk baxışdan sonra "daha yaxşısı ola bilərdi" deyə düşündüyüm 4-cü the matrix filmi. The Matrix deyəndə müəyyən gözləntilər olur, film elə bu gözləntilər və insanların matrix şərhləmələrinə də toxunur. Bəlkə "yaxşı, filan şeylər insanlar üçün the matrixin bir parçasıdı, amma eyni şeyləri təkrar etmək yox, biraz fərqli bir şey etmək istəyirik" demək istənilir. Elə Trailerlərdən də göründüyü kimi direkt şəkildə Özünə istinad var. Məncə marağlı, və kifayət qədər uğurlu ola biləcək bir seçimdi bu. Lakin Filmin özünü biraz daha ciddiyə almasını istəyərdim. Bəzi məqamlarda seçdikləri yumor və dialoq/davranış tərzi yersiz gəldi mənə. Filmdə qısaca matrix 4-ün yaradılma səbəbi haqqında da danışılır belə baxanda. Bilmirəm yarı-zarafat edirlər ya ciddidi -* Ümumiyyətlə köhnə, uğurlu, bitmiş filmlərə yenilərinin çəkilməsi, film industriyası üzərinə qısa şərh ola bilər kimi görünür.

    Filmin başlanğıcı çox maraqlı idi mənim üçün, "görəsən nə edəcəklər" və "bu super bir şey ola bilər" deyə düşünürdüm. Super olduğunu deyə bilmərəm amma. Filmin ortalarına doğru bəzi səhnələr lazım olandan biraz daha uzun çəkir kimi gəldi. Bunu reloaded-a baxanda da hiss etmişdim (ziondakı bəzi səhnələr üçün) Action da əvvəlki kimi deyil, heyif ki. Əsas isə hekayədi.

    "Bu film niyə var? (Pul qazanmaqdan, və ya lana wachowskinin bu filmə qayıtmağı istəməsindən başqa, özü-özlüyündə.) Nə demək istəyir?" qarışıq gələ biləcək bir filmdi, bir neçə dəfə baxılmalı olduğunu düşünürəm. Mən hələ hər şeyi birləşdirib, "okay hekayə tam olaraq budu və filan şey filan şeyə görə belə oldu" deyə bilmirəm. hələlik yuxarıda dediyim "meta" aspektlərdən başqa filmin insanın həyat/taleyinin yalnız onun özündən asılı olmadığı, başqaları ilə birlikdə nələr isə etdiyimiz, və sevgi üzərinə olduğunu düşünürəm. Bir də "red pill, blue pill" üzərinə insanların buna uyğun şərait olduqda, nələri isə itirməkdən qorxduğları üçün, əslində bir şeylərin doğru olmadığını hiss etdikləri halda belə özlərini status-quoya (və ya başqa bir şey, qısaca blue pill) inandırmağa, onu qəbul etməyə çalışması, amma eyni anda reallaşmayacaq kimi görünən şeylər arzusunda olması, xoşbəxt, fulfilled hiss etməsə belə buna, "rutinə" davam etməsi ola bilər bəlkə. Yəni başqa (daha vacib) şeylər də ola bilər, hələlik mənə çatan bu oldu. Ümumi olaraq the matrix(matrix özü nədir, və trilogiya üzərinə) bir neçə cür şərh oluna bilər məncə, amma o başqa entryə qalsın -*

    Sonda, ən azından baxılmalı film olduğunu düşünürəm. Amma gözləntiləri doğrultmaya bilər. Sırf Pis və ya yaxşı filmdir, demək çətindir mənim üçün amma əvvəldə dediyim kimi "daha yaxşısı ola bilərdi" deyə düşünürəm. Belə

    12 əjdaha!

    22.12.2021 00:54, sistem robotu
    8. Bomboş filmdi. Çox heyif ki, Vaçovski Warner brothersin təkidinə yenik düşüb 4-cü seriyanı çəkməyə razılıq verib. imkan verməzlər ki, hansısa film, serial məntiqi sonluqla zirvədə bitsin. Yox e poxunu çıxardana qədər davamını çəkəcəklər. Mən bildiyim matrix elmi-fantastika, fəlsəfə, bir az da drama idi. indiki olub love story. Titanikin kiberpank versiyasıdı elə bil. Hələ o şit-şit zarafatlar zad... *facepalm*
    Nə isə. Başda da dediyim kimi bomboş filmdi.

    3 əjdaha!

    22.12.2021 02:43, freethinker
    9. filmin detayli analizi
    (youtube: )

    0 əjdaha!

    24.12.2021 22:10, 3-cü dalan ev17
    10. i) matrix film review.
    ii) yeni matrix və yeni fəlsəfə.

    i) matrix resurrections, nostaljik tərəfləri ilə məni qane etsə də, hekayəsi ilə gözlədiyimin çox-çox altında qaldı. yenidən neonun otağına gedmək, trinity ilə görüşmək, merovingianı görmək; uzun müddətdir görmədiyin dostlarınla yenidən bir araya gəlmək kimi idi və bu çox böyük bir həzz yaşatdı.

    lana hekayənin içərisinə yeni qavramları uğurlu bir şəkildə əlavə edə bilib. sosyal medya və vr texnologiyaları, robotların “insanvari” davranışlar içərisinə girmələri, robotların insanlaşarkən, insanların robotlaşması və s. lakin bütün bunlara rəğmən filmin hekayəsi çox zəif idi. hekayənin zəif olmasının yanında lananın istifadə etdiyi anlatım şəkli də yetərsiz idi: daim ilk 3 filmdən səhnələri araya sıxışdırmaq, musiqilərin ilk 3 filmə görə çox-çox aşağıda qalması, hekayənin sonunun bir şəkildə “hər şeyin içinde aşk vardır”-a bağlanması və daha bir çox problemləri var idi filmin.

    filmin ən yaxşı tərəflərindən biri kimi isə bugs obrazını göstərmək olar. fikrimcə bugs obrazı lananın bu vaxta qədər yaratdığı ən orijinal obrazlardan biridir və mini də olsa bir serialı çəkilsə böyük maraqla izlənəcək bir serial olar. jonathan groof isə, son zamanlarda gördüyüm ən üst səviyyəli performanslardan birini göstərdi. ümid edirəm ki, daha çox film və serialda jonathanı izləmə şansı əldə edərik.

    ii) köhnə dostlarla tanış olmanın həzzindən bəhs etdim amma bu dostların, aradan uzun müddət keçməsi səbəbi ilə düşüncələri çox dəyişib. 30lu yaşlarında matrixi yazan lana wachowski ilə 50li yaşlarında matrixi yazan lana arasında böyük fərq var. lananın fikirlərinin evrimi ilə bağlı diqqətimi çəkən şeyləri “metamatrix” adlı bir videoda ifadə etməyə çalışdım:
    (youtube: )


    video bir movie review olmayıb, lananın fikirlərinin evrimindən bəhs edir.
    video uzunluğu 6 dq.
    altbaşlıqlar: lananın və matrixin dəyişimi.
    metafəlsəfə - matrixə və fəlsəfəyə üstdən baxmaq.
    matrix fanları.

    7 əjdaha!

    26.12.2021 09:47, torres


üzv ol


...