+4 əjdaha
1. türkiyənin özündə sosial şəbəkələrdə serialların çoxu tənqid edilir, "eyni sujet xəttinə malikdir deyə izlənilmir"- deyilir. amma reytinqdə həmin seriallar at oynadır. bizdə də girin hansısa səhifənin türk serialları ilə bağlı tənqidi paylaşımına, altına yazılan şərhlərin 80% onları pisləyəcək, izləmədiyini deyəcək. yenə də səhəri gün azərbaycanın trendində həmin seriallar olacaq.demək istədiyim odur ki, hər şey göründüyü kimi deyil. istər türkiyədə olsun, istərsə də bizdə. bu serialların auditoriyasının çoxluğunu evdar qadınlar, yaşlı insanlar təşkil edir. onlar üçün sujet xəttinin eyni olması, bir seriyanın 2-3 saat olması maraqlı deyil. iki əsas rolda oynayan şəxs və onların ətrafında baş verən intriqalar, olaylar vacibdir onlar üçün. nəticə etibarı ilə, türk ssenaristlər üçün ilk yerdə türkiyəli izləyicilərdir xaricilərə nəzərən. deməli, tələb-təklif məsələsi kimi işləyir sistem, onlar öz keflərindən eyni ssenariləri fərqli adlarla izləyiciyə təqdim etmirlər.
bizim serial və film mədəniyyətimiz müstəqilliklə və 2000-ci illərin sonu etibarilə məhv oldu. sovet dönəminin filmlərində aktyorlar, aktrisalar çox təbii oynayırlar, onların emosiyaları izləyiciyə çatır. amma indi elə aktyor-aktrisalar tək-tükdür, çoxu da teatrlarda işləməyi üstün tutur. efirlərdə olanlar isə pul gücünə olanlardır, hələ-hələ yeni yetişənlər (istisnalar cüzi də olsa, var). onların da səhnə qabiliyyətləri, istedadları sərhədlidir, açıq-saçıq səhnəyə çəkilərək özlərini professional sayırlar.
hələ bundan uzun illər sonra da bu tendensiya davam edəcək: eyni ssenarilər, eyni simalar, eyni izləyicilər. mövzusu məntiq dolu, başağrıdan izlənilməli seriallar isə kütlə tərəfindən rəğbət görməyəcəyi üçün çox az çəkiləcək, bəlkə də heç olmayacaq.