+5 əjdaha
1. efiopiya və eritreya sərhədində yerləşən və hal-hazırda sönmüş vulkan püskürmələri nəticəsində yaranmış göllərdən ibarət olan danakil çökəkliyindəki qeyri-adi görünüşə sahib təbii möcüzədir. vulkan barəsində burada məskunlaşan yerli afar xalqının rəvayəti var. rəvayətə görə, qədim zamanlarda bu bölgədə yaşayan insanlar çox varlı olmuş və bununla da acgöz davranmağa başlamışdılar. tanrı onun əmrlərinə itaət etmədikləri üçün xalqın bütün qızıllarını duza çevirmiş və beləcə, bu göllər sarı rəngə boyanmışdı. bu gün burada yaşayan afar xalqı acgözlülükdən əl çəkib tanrıya itaət edəndə yenidən qızılların gələcəyinə inanırlar.vulkanın yerləşdiyi danakil çökəkliyi "cəhənnəmə açılan qapı" kimi adlandırılır. buna səbəb vulkan kraterlərindəki suyun tempraturunun 50 dərəcədən yüksək olmasıdır. buraya gələn fotoqraf və tədqiqatçılar da diqqətlə hərəkət edirlər, əks təqdirdə bu "cəhənnəm qapısı"na düşə və həyatlarını itirə bilərlər.
bu möcüzəni ilk dəfə 2000-ci ildə fotoqraf Olivier Grundewald kəşf etmişdi. onun fikrincə, daha əvvəl bu bölgədə davam edən efiopiya-eritreya münaqişəsinə görə heç kim buraya gəlməyib, nəticədə də çox az adamın buradan xəbəri olub. ümumillikdə fotoqraf bura 6 dəfə gəlmişdi. o ilk səyahətini belə açıqlayır:
"2000-ci ildə bura gəlmək çətin deyil, imkansız idi. bura gəldiyiniz təqdirdə də klassik fotokameralarla görüntü almaq çətin olurdu, çünki həddən artıq istinin təsirindən kameranın lentləri əriyir və xarab olurdu. amma artıq oraya yol çəkilib və müasir digital kameralar görüntü əldə etməyə imkan verir. yenə də bura gələndə təhlükəsizlik üçün hərbi bələdçiyə müraciət etməlisiniz."
son olaraq fotoqraf əlavə edir: "bu günə qədər çox hidrotermik bölgədə olmuşam, amma heç biri dallol qədər rəngli və cəzbedici deyildi. bura etdiyim hər növbəti ziyarətimdə fərqli rənglərlə və relyef formaları ilə qarşılaşıram."
bununla yanaşı bölgədən bir neçə foto da paylaşmaq istəyirəm:
